9
6
0
港鐵香港站 C 出口, 步行約3分鐘 繼續閱讀
電話號碼
28080380
營業時間
今日營業
11:00 - 21:00
星期一至六
11:00 - 21:00
星期日
全日休息
付款方式
現金
座位數目
60
其他資料
外賣服務 詳細介紹
加一服務費
食評 (17)
等級4 2018-04-25
412 瀏覽
最近經朋友介紹,黎試中環一間新潮麵店。門面寫上一大個「麵」字,原來就係店名啦!環境唔算大,但坐得舒服。主打無味精製作,用上新鮮食材同天然材料烹調。店員態度非常友善,慢慢為我哋介紹佢地既 menu 🙂首先推介「Build Your Own Meen」,即係自己揀鍾意既配搭,咁就比較容易滿足自己既味蕾,哈哈!湯底同醬汁選擇各有四款,有辣有唔辣;然後有蛋麵、烏冬、油麵、金邊粉、米粉;不同既肉類,海鮮同蔬菜等等。因為我同媽咪口味都比較清淡,所以媽咪揀咗素食精選既「蕃茄湯底」。蕃茄味清甜,而且係滿滿既鮮番茄茸喔!配上金邊粉、溫泉蛋、豬肉丸、菜心、木耳;慢煮日式叉燒半肥半瘦剛剛好,入口軟嫩,值得一試。當日冇乜胃口,所以我就更加清淡,選清湯底一種既「招牌香滑雞湯」。配米粉、鮮蝦同兩款嫩菜。個人特別推介「特色檸檬雞」,經過慢煮肉質唔會乾,反而偏瘦仲好嫩添!另外點咗小食「沙爹串燒」。牛肉燒得過火,豬肉較為入味,附上既醬偏酸,有口感,但個人覺得可以落少啲青檸汁。噢!Menu 上仲有幾款飲品架!分別係泰式奶茶、鹹檸七、泰式龍眼特飲,仲有豆漿、可樂、檸茶、檸水等等。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-20
2080 瀏覽
lunch時段好怕喺中環食,所以今日早啲,12點前就走過嚟快快手食個麵先。環境坐得舒適,呢度麵嘅選擇都幾多,本身好想食牛肋骨,不過店員話個湯係辣㗎喎,於是改食叉燒8小時慢煮秘製叉燒炒烏冬 ($88)包前菜及飲品,前菜有沙律,粟米及豆。不過粟米及豆就普通咗啲,就咁罐頭粟米咯。等咗一陣就上菜了,老實說賣相真係好普通,我甚至會用唔靚去形容,以呢度嘅裝潢嚟講,理論上食物嘅賣相唔應該係咁,唔襯!先食一塊叉燒,佢嘅軟稔程度簡直誇張,喺我未真正嘗到佢嘅味道之前,一咬落去已經咬開咗,無牙嘅老人家食都完全冇難度!份量其實都足夠嘅,不過肥瘦唔適中,除咗咬第一塊係偏瘦之外,其餘咁多塊都係偏肥,大概每一塊都係90%肥膏+10%瘦肉,非常可惜,最後食剩好多肥膏。慢煮8個鐘嘅關係所以超級入味,直頭入味過龍添;至於烏冬,雖然都係肥烏冬,不過炒得好乾身,唔係炒到好爛咁樣,仲有啲咬口感,好味!如果啲叉燒唔係咁肥嘅話,咁就完美喇!其實好想好想俾負評,不過見服務真係好好,向佢哋提出咗叉燒好肥之後,店員話會親自向大廚跟進,希望下次再嚟食會有機會食到肥瘦適中嘅靚叉燒啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-05-05
64 瀏覽
今日行過見到有車仔麵食,我覺得食物就有心機但味道清淡啱OL. 但係出咗兩個問題(1個小事上錯麵,一個就大鑊) 就係如OP題, 鐵碗生鏽。 生銹位俾湯浸過,仲要滲出紅色的水。員工仲要話唔係第一次,問題出事有幾個月但係無處理 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-28
99 瀏覽
午餐試新野已經成為work week最開心的事主打東南亞麵食 以車仔麵形式自選麵底配料質素價錢屬中等 但勝在有得自由配搭都算是不錯的午飯之選🍝自選炒麵 | $751️⃣先選湯麵或炒麵主張健康的我係好應該選湯麵但見到炒麵有日式炒麵醬 就二話不說選了🤣2️⃣選麵底本身想揀金邊粉 但見到蛋麵又被吸引去了見到「蛋」這個字就瘋了🤪3️⃣選一款蛋白質類選了手撕雞 再加錢來多個溫泉蛋太喜歡加入蛋漿4️⃣選2款蔬菜都算幾多選擇 最後選了雞髀菇同炒椰菜·賣相就是普通炒麵一碟醬汁就是大板燒的味 非常惹味 味道較濃郁重口味朋友應該會喜歡麵炒得卻不太理想部分麵仍黏在一起變一個麵團 會較硬身並不是炒到條條分明 有待進步配料都算多 每啖都會食到雞肉 但不夠嫩滑 繼續閱讀
(以上食評乃用戶個人意見 , 並不代表OpenRice之觀點。)
中環開左唔係好奈既麵店,麵的配搭可以自選,而最大的賣點就是NO MSG無味精!很健康的喔~除左本來店家default的款式之外,仲可以自選不同配搭,湯底有點似泰式船麵,但店家表示沒有加內臟去煮,但都做到個濃稠感,算是不錯。炒麵偏向乾身,放一陣就成餅野,炒烏冬用港式粗烏冬食落好粉,無咩口感,建議轉用湯烏冬用既日式烏冬較好。非常欣賞佢所有的慢煮肉類,叉燒半肥瘦而且很軟稔很入味~可再encore。之不過,無味精就是無味的先驅,其實所有材料都好食同好足,份量更是大到兩人份,但就係唔啱我呢啲重口味人士。 繼續閱讀
(以上食評乃用戶個人意見 , 並不代表OpenRice之觀點。)