麵麵店 (已結業)

麵麵店出名起初可能只因為係小儀開既。但試過幾次後,真心覺得他係物超所值。平時黎到多數都食車仔麵,平時4個餸任意選加埋麵底都係40左右,而且用料十足又好食,抵呀食得多車仔麵,今次就試下鯖魚肉燥飯。不得不讚既係他地出菜時間非常快,快得黎唔係出面整定哂個隻。鯖魚新鮮炸起真好好食,魚肉又香又脆 ,一點腥味都冇。肉燥多汁好味,送飯真係一流,而且份量一點都唔小家,包你食到飽飽。仲有一杯飲品包埋,除左一般檸菜,仲有自家制既夏枯菜呀,紫貝天葵(酸酸甜甜無好開胃又好飲)。正

今天星期日忙了一整天，有空吃午餐時已經下午两點半，雖然很多茶餐廳已經開始有抵食的下午茶餐，但係因為肚餓的關係，所以決定去食麵麵店的車仔面。因為星期六日沒有下午茶優惠，所以叫了4餸車仔麵加凍豆漿。我選了牛腩，雞翼，魚肉春卷及墨魚春卷同勁辣汁加粗麵. 粗麵的份量應該係平時雲吞麵铺的2倍 ! 牛腩有點硬，但份量多。雞翼鹵水汁入味，墨魚卷比魚肉卷好吃 !值得推薦係店裏面的辣菜甫，這個自家製的菜甫十分惹味，也颇辣的，但係令車仔麵的好味情度更上一層樓 !

用ubereat外送服務，好快就送到了，同事推介過呢間車仔麵，終於有機會食到，麵同湯係分開盛裝的好企理乾淨，食物叫左魚皮餃、豬大腸、魚肉春卷、滷水雞奕配油麵加沙爹，每樣配料都好好食推介豬大腸好入味炆得好淋又juicy,同埋雞奕滷水味濃都入晒味入嫩滑😋

平時成日做嘢做到好鬼夜收工呢間鋪頭都閂左門今日難得可以早收工就同老婆黎食好耐冇食嘅麵麵店我最鍾意係呢度嘅薑酒湯有薑味，有酒味，但係兩樣溝埋就好惹味今日叫咗牛腩，蛋同齋個蛋都好入味嘅啲齋索左啲湯嘅味之後就非常之好食不過牛腩係銀咗啲囉下次再試其他野先

真的非常失望。。。其實我不嬲都覺得佢貴，唔抵食，但之前去食過一次覺得個酸齋好好味，所以今次再去食。可惜。。。個菜肉餃超唔掂。。。是凍的(室溫)....我果碗麵仲遲過我朋友果碗落單，但我果碗超快來到，我差唔多食完，我朋友果碗仲未到。。。擺明我果碗是求其"六"兩野就比我，麵都唔熱。。。

有時有啲店可能係名人開，味道可能一般或者唔好食。工作經過呢間麵麵店，知道係小儀開，佢應該對自己嘅食物有要求嘅人，就食一食佢。店裝修風格幾特別，簡約嘅黑磚外牆，字用白色。入到鋪頭開揚，因為用左一排高檯，加上落地玻璃，光線打入黎好夠。望過另一邊已經係開揚廚房，一眼睇哂。望上去睇餐廳，完全被「限量供應」吸睛了(⁎⁍̴̛ᴗ⁍̴̛⁎)，就叫呢兩碗。（雖然之前有朋友講過麻辣系或咖哩系嘅餸係唔錯）豬潤湯麵，豬潤係多，好味！麵煮得剛好，湯好味，唔會油。醉雞撈面，初初以為雲吞撈啲friend，點知上菜係兩碗，一碗係醉雞，整得好好味（本人喜歡整醉雞，覺得佢堅唔錯）。另一碗係麵，撈得好味，正！可以再encore!!

一入店有種難聞氣味，地方感覺汚糟，筷子餐牌用具等笠笠地。車仔麵方面，清湯底無乜味好淡，另一碗有辣味感覺好D，其實麵餸都ok唔難食的，但湯頭陣味真係好難聞令人唔開胃，大家都吃剩大半碗頂唔順。原來想試下D小食，但還是算罷啦。之前睇廣告特登去試，去到佐敦店21:25，佢話閂門，咁你唔好寫22:00嘛。第日再去大角嘴店，點知差到食左冇20分鐘走人。我覺得餐廳本身裝修硬件係ok的，人手亦十分充裕，但疏於清潔維修保養，令人卻步。相信老闆一定好少巡鋪。另外湯頭改良一下，我想還是能夠做下去的。畢竟車仔麵店買少見少，都希望此店能維持下去。

佳佳以外車仔麵之選有麵麵店。呢度兼賣飯餐，嫌豬雞牛太普通，叫個咖喱魷魚飯應係夠晒閃耀。閒日供應的四餸餐連凍豆漿，可以揀餐單上唔同價錢的所有餸。四個餸揀晒貴價貨當然冇問題，但留意返，份量唔多架，每款大約兩件，咖喱魷魚為例，少過街邊小食店的一串裝。平價餸份量就多啲，滷水豆腐、牛膀同雞腎夠入味，酸齋都係佳佳勝出。每次嚟食雞腎的份量都唔同，雞腎原隻上，唔係切片裝，好特別。每張枱都有樽辣菜脯，好啱放湯食。最重要係試吓味先好落，佢都幾辣架。呢度食物味精度冇佳佳咁勁，工業風裝修似去咗 café。雖然喺坐硬圓櫈，但都坐得舒服，冷氣開大啲會更加好。

因為個餐有鮮菓沙律並再確定才ORDER. 點知比左茄汁豆我, 我話唔想食,個女侍應話無, 只得茄汁豆其他人都食呢個, 無想過比其他野我換! 我想系咪違反銷售條例? 食食下影左兩張相想問下朋友人, 之後個女侍應不停暗串我, 又話而家D人上互聯網唔系分享系投訴...bla bla bla .... 原來食野貨不對辦, 都重要比個pat pat 插電話侍應單打,   自己唔想下點去處理, 重單打客人!!  多謝題點, 所以在此分享不悅體驗聽人講小儀系呢間野老闆- 希望小儀唔好浪費心機, 比呢D服務態度大大影響生意! 願多檢討 

難得搵到間鋪面清潔乾淨企理既車仔麵店中午黎親食，去大受附近商廈人士歡迎，一定要排排隊！！！ 好彩，上菜時間快， HKD 45 有大大碗4餸車仔面重要連杯冰豆漿，真抵食！

係度做野都有幾年，第一次約朋友黎傾計，特然想起麵麵店，不如就食佢啦，相信應該會不錯的。入到店感覺環境幾舒服，睇下個餐牌先，都幾好呀！有好多種餸菜給我選擇，我揀左韮菜餃，牛腩，金菇，米粉。送了一杯豆漿給我，好窩心!!謝謝你~麵到啦！我地都期待，食落都幾唔錯，牛腩經過一播心意製造的，吃得出來，韮菜餃都幾新鮮，讚，而我朋友就叫左碗仔翅，不過不失。我同朋友都傾得幾開心，埋單$38，價格合理，感謝~祝福生意興隆

中午時間, 今日唔想食飯, 黎呢到食下車仔麵, 呢到仲有好多選擇, 仲有肉燥飯同醉雞等......店舖座位寬敞, 坐得幾舒服。每台放有辣菜莆, 放左落麵更惹味!我叫左水魷魚, 鹵水雞翼, 司華力腸, 東菇. 選左湯底做辣汁, 油麵。 $44 有4個餸再加杯飲品, 真係好抵食。 魷魚好彈牙, 大大條, 雞翼好入味, 東菇夠大隻夠厚肉好入味, 司華力腸切片煎, 好香口! 4個餸都好食。個辣汁都幾辣, 可以叫職員特別分開上。同事叫左雞翼, 東菇, 豆卜, 龍蝦丸沙爹檬粉。同事唔係好食得辣, 話都幾辣下。D餸佢都話好食。紫貝天葵洛神花茶, 都幾好飲, 又解辣同夠醒胃。

喺呢頭返工，都知道呢間麻麻地，但依然又上左黎，但係今日嘅experience應該係最差嘅。首先本身嗌麻辣豬排撈麵，冇麻辣就咁攞d辣醬黎，仲要我地兩個人先比一碟仔辣醬，想要再問waiter要多一碟又個個都唔得閒，又唔應人。都算，本身嗌嘢食想順便嗌埋嘢飲，但係被waiter三番四次推左，到最後嗌左四次左右終於黎幫我地落嘢飲，我地有兩個唔想飲跟餐唔洗加錢嘅豆漿，想要加錢飲檸茶，但waiter嫌麻煩逼佢地飲跟餐飲料，仲話幫佢地慳左$6。我個麻辣撈麵食到後面仲有疑似包裝膠紙嘅嘢，唔免單都算話送兩隻雞翼比我就算，仲要講到我好似好好彩咁。都算，之後黎左兩隻雞翼，但卻冷冰冰，問waiter佢就話放喺d麵度米暖d囉。。。香港d服務態度出名差，但都唸唔到可以差成咁，以後都唔會去架啦。

在大角返工幾年，都吃到沒什麼好吃了，好在新的餐廳一家接一家不停的開，讓午餐選擇可以源源不絕。麵麵店都開了有年了吧，不過一直沒有去吃過。前幾日同事去吃完回來不停讚，所以我也決定去朝聖一下店內環境很不錯，座位一點都不擠，主要是吃車仔麵，感覺就是很有style的車仔麵店環境首先加分啦。我選了4餸麵，豆腐，魚肉春捲，酸齋，木耳配油麵，加一杯凍豆漿一上桌有嚇到！很大一碗！也太抵食了吧給料也一點都不小氣，很豪邁什麼都給一堆滿滿的料滿滿的麵鹵水豆腐不知道怎麼有點苦苦的，好像是八角下得有點多的feel。酸齋有炸過，咬的時候還有點脆，不是軟趴趴的口感。木耳是一朵朵的，不是切絲的，我覺得這種木耳比較好吃，軟硬比較適中。魚肉春捲不過不失，頗有口感總括而言，$44有一大碗加一杯飲品，CP值高

手撕雞拌麵$45 餐廳以重慶面為招牌，想不到已過午餐時間，人流也極多😱直至我吃完後走，也有不少人排隊😂以大量 青瓜絲和花生碎作配料的手撕雞麵，是餐廳的招牌之一。醬汁花生醬和麻香不算太特岀，有點過咸，但味道也不錯😌