麵館 (已結業)

7月23號，下午約一點零五分。購買了兩份車仔麵加一份燒賣 外賣，回去之後發現兩對外賣筷子全部發霉！仲有發霉產生既小蟲！現在我們完全沒有餐具可以進食。希望商家以後會檢查清楚。

喺荔枝角返工，諗住避開中午食飯時間11:30去買個車仔麵外賣。之前試過3-4點去買碗仔翅食都0k係‘杰’左d，今次試下車仔麵。入到去冇客，睇左一陣想叫野食，有個講緊電話，有個行左入面洗野，等左陣，問我要咩，我話要牛腩牛肚韮菜餃河粉，之後亞姐語氣勁衰，話‘嗌左麵底先！嗌左麵底先！’咁咪嗌囉，嗌完問我要咩餸，我話牛腩牛肚韮菜餃，佢先話冇韮菜餃喎，真係好有衝動想唔要，不過見d粉已經整好哂求其叫魷魚諗住有d汁，點知見佢攞生嗰d烚幾秒整完冇汁冇醬，心諗中伏好後悔咁就成為$43！食物非常普通，份量少，唯一好既係河粉滑囉，牛腩好鞋、牛肚唔入味、魷魚冇味，我平時都唔浪費食物，但係真係食唔落，冇下次😢如果滿晒客人好多人等緊，態度差我都理解，得我一個客駛唔駛咁呀，喺呢區都係做街坊熟客生意，咁既語氣態度唔要得

最後媽多人介紹而間野~因為係明星開既關係，好多人都會專登過嚟試一試！首先，我哋叫咗個涼面，呢個好好味，有小小青瓜， 肉條同芝麻 熱辣辣嘅天氣佢真係勁正！ 個人即時涼爽翻哂了！之後我哋叫咗明太子串， 呢個同我想像中好大出入，本身我以為明太子係喺入邊嘅，點知原來係有少少明太子醬放喺出邊！ 整體食落麻麻，可以試吓！最後， 食埋五色餃子，呢個好特別每一粒都係唔同味道，餃子皮嘅顏色代表唔同味， 有原果，菠菜味，芝士味。。。

得悉這間店是藝人所開，其招牌菜是我的最愛 — 麵·餃子，於是特地過來大膽試試。 位於深水埔B2 出口再步行2分鐘的 「麵館」地方光明，座位剛好一人座落車準上菜快 招牌五色水餃 HKD 48 白色 餡 - 原味豬肉 橙色 - 紅菜頭 餡 蝦肉芝士 黑色 -墨魚汁 餡 黑松露黃色 - 蛋 餡 冬菇絲、木耳絲、筍絲 綠色 - 菠菜汁 餡 （素菜、小棠菜、冬菇粒）顏色精美但皮較為厚了一點點。豬肉餡的肉跟脂肪比例均勻；蝦肉混合了芝士很彈牙又香燶芝士味；黑松露味道不是太吃到；黃色餃子內的餡很健康又有冬菇帶出味道；綠色也同樣健康且全是素菜火焰吉列豬扒芝士 HKD 50 把平常只有豬扒較為有心思，豬扒上加上一塊似卡夫芝士再燒一燒，把味道提升。 如改用軟身芝士，把芝士溶入豬扒內又做到拉絲效果更為吸引。就當新開張仍需時間改善吧。

今朝一早有點肚餓，路經一間叫麵館食車麵的小店。雖然舖位大，大慨只有十多個位。門外也有豬腸粉及燒賣售賣。我本人最愛食車仔麵。點咗個油麵再加再兩餸配沙嗲湯底。油麵好滑，沙嗲湯好入味。兩餸分別點咗個冬菇及牛肚。冬菇非常好味，約有4件。牛肚亦都好好味道。約有5件，還有少許生菜。再配凍奶茶，簡單是絕配。可惜奶茶較淡味，個人建議下次最好叫凍奶茶多奶。價錢也算合理。兩餸加凍飲，32元。我個人認為價錢公度。味道好食，值得再光顧或推介給朋友。尤其是早餐可以食較豐富的人士。

又忍唔住要讚下住喺四小龍嘅好處,今日兩公婆懶人相信你又唔願梳洗,我又唔願換衫，經一輪商議後還是決定叫外賣......荔枝角茶餐廳眾多，但係車仔麵就只得呢一間， 呢間嘢好處就係可以外賣送上屋企, 但係負責聽電話嘅阿姐例牌都係態度唔好，不過可能係佢性格，雖然語氣唔好，但係還是會小心落單同埋提我哋今日有啲咩靚餸。今日我哋叫咗兩個麵餐再加一碗碗仔翅， 餸菜分別有魚蛋牛筋和魷魚油麵， 魚蛋大大粒但唔夠彈牙， 牛筋係呢間麵店最容易賣光的食物，今日叫到註定有運行， 魷魚呢度係白灼加獨有嘅咖哩汁, 所以辣度可以自己調較。另一碗麵係紫菜、魷魚和大腸， 大腸唔腥都幾好食。最後碗仔翅我哋叫咗兩溝，有魚肉， 肉絲、冬菇、木耳和蛋絲樣樣齊, 足料碗仔翅梗係好食啦!

這間「麵館」店專營車仔麵，午餐三餸一麵只是$38 ，置於茘枝角這地方算合理，舖面於地鐡站附近，十分方便，這是家庭主婦經營模式，感乾淨衞生之餘，添加媽媽家庭的溫暖。車仔麵的餸分別是生菜、大腸、魚皮餃、豬紅、魚蛋、牛柏葉等等。我聽店員推介，叫了菲菜蛟、蘿蔔、木耳。木耳沾了麻辣味添其惹味，爽口，吃起來似脆片的感覺; 蘿蔔分別有二兩件，味不太甜，勝在煮得軟嫩，韮菜蛟有兩隻，皮薄韮菜味厚，肉汁味濃，韮菜豐盛，好像是調了味般，滋味無窮。

同朋友係中午繁忙既荔枝角食飯，一定要搵間快..既餐廳，因為實在太多人啦。呢間車仔麵舖就係turnover快，所以吸引到我地入去舖頭既名大大隻字，好易搵，入面都幾大，尚算乾淨。想食咩餸除左出去睇實物，仲可以睇大大隻字貼係牆上面既餐牌，3餸麵只係hk38。除左車仔麵，仲有好多特式小食，三文治，碗仔翅，魚肉等，款式非常多，另我起出望外（第時見完客餓餓地可以食碗翅先返公司）冬菇 菜肉餃 蘿蔔 油麵 hk38餸既數量唔算多，但蘿蔔，冬菇都幾大舊，油麵大概佔半碗到，份量可以。湯既味道幾甜，蘿蔔滲入湯既味道好香好好味，值得一讚。4舊冬菇煮得好淋，好入味。菜肉餃既皮夠薄，菜肉多，咬落無渣，雖然無咬落爆汁既口感，但味道夠香，唔錯油麵既麵條唔會痴埋一舊舊，但湯既油份比較多，食落有啲膩口總括黎講，份量足夠，特別係餸既份量，而且味道幾好，如果湯既油份可以減少會更好。另外舖頭入面其他小食既種類都算多。環境唔錯亦算乾淨。會再黎試其他食物

港式車仔麵走進茶餐廳和食堂，成為餐牌上的菜色，也有小型專售車仔麵的店舖。車仔麵的配料也愈來愈豐富，麵條和湯汁亦有多種選擇。今次推介地道的港式車仔麵「麵館」，家庭式經營，就是我公司附近，自開店以來便常光顧。 三餸一麵$38 ，位於茘枝角地段，價錢屬合理。配料分別是豬紅、魚蛋、牛柏葉等等。今次點了木耳，菲菜蛟和蘿蔔麵。木耳爽口彈牙，麻辣味添惹味; 蘿蔔大大件，亦煮得很軟，味道不算甜但可以接受，每次必點;誠意推介是韮菜蛟總共有兩隻，皮薄韮菜味濃，肉汁味厚，絕對令人食指大動。 此店特別推介自家製的辣醬汁，辣味沒有一下子進激味雷，只是細水長流慢慢浮出辣度，味道豐富而有層次，與麵線絕配!

$32 (三餸) + 飲品叫左鮮牛肉 +  芝士腸 + 水餃 d餸味道一般般  唔會話好好味 又唔會話難食 , 反而個湯底有d特別既味 , 好似有當歸味 , 但唔知係5係,  好幾好飲既~但個麵既份量比較少, 如果係男仔食應該唔係好夠喇~店內堂食既位並不多, 十個位都冇 , 主要都係for外賣買個時條排得好長下，又多人又迫　有ｄ亂　Ｄ姐姐態度仲有Ｄ差

沒有跟大伙兒去茶餐廳，獨自走了去新開的麵館，始終嚐新東西也是我的興趣。這間麵館，其實即是普通的車仔麵檔。舉目四看那些車仔餸，揀好了牛腩、豬腸同埋魚皮餃。麵條是油麵，算是爽滑，沒什麼問題。但牛腩全是瘦，質感很韌，需花盡牙力去咬呀咬。魚皮餃也欠缺煙韌的口感，豬腸叫做正常，起碼沒有異味。把可樂喝光，又要回到辦公室，週六的下午在會議中渡過。