麵屋黑岩

營業中

休息中

難得放假，梗係要出去搵食啦！就去近近地嘅深水埗搵下啦！最後搵到呢間都算多好評既拉麵店「麵屋黑岩」！我地分別叫左「海老拉麵」同埋「鰹魚拉麵」，仲叫多隻溏心蛋試下！先講下兩碗拉麵，麵條一般，真係好普通果種，無咩特別好食定係唔好食！海老其實即係櫻花蝦，份量都算多，湯底都好夠味，呢方面反而唔錯！而鰹魚只係純粹湯底換左做鰹魚湯，不過呢個湯底味道一般，相比之下，海老會比較出色！另外我想講下塊叉燒，落單果陣佢有兩款比你選擇，厚切同火炙，我地各叫左一款黎試，一致認為厚切較好食！可能火炙太薄了，食左好似無食咁.最後不得不提就係隻溏心蛋！呢隻蛋，掂！呢餐整體都算ok既！大家有興趣可以去一試！

限聚令終於放寬可以晚市堂食，我同朋友嚟到深水埗高質日式拉麵小店。🍜海老拉麵 $82配厚切叉燒、蔥、軟麵🍜鰹魚拉麵 $82配火灼叉燒、椰菜、硬麵🫓厚切叉燒🍤日式炸蝦餅拉麵可以選擇硬、普通或軟度，我哋叫咗個軟同硬嚟比較一下，發覺兩個冇分別😅😂。兩個拉麵都配有叉燒，兩隻我都鍾意，厚切叉燒咬落去啖啖肉好滿足，火灼叉燒食到火燒出嚟燶燶哋嘅香味，感覺唔錯。海老拉麵有好多櫻花蝦喺個面，湯底幾好，鰹魚拉麵個湯底食耐咗嘅話就稍為鹹咗少少🤏。本來想叫餃子不過冇晒，個炸蝦餅外脆內軟幾好味，店內環境坐得舒服，人唔係好多。📍麵屋黑岩 - 深水埗長沙灣道219號地下

終於唔使日煮夜煮啦！晚餐可以出街食啦！今晚去咗食我哋最鍾意食嘅拉麵！呢間拉麵店喺屋企附近，唔使去到銅鑼灣咁遠都食到好好味嘅拉麵！我同隊友最鍾意食黑蒜叉燒拉麵 🍜一個鍾意食厚切叉燒，一個鍾意食火炙叉燒，兩個風味唔同口味！呢度電腦點單，慢慢揀揀到啱！這裏的拉麵還可以自選配菜，連麵的遠硬度都可以揀，還可以追加我最喜愛的溏心蛋，如果揀黑蒜湯底強烈建議一定要配埋木耳！呢度個黑蒜油湯底非常濃郁，而且除咗蒜蓉仲有啲肉碎提味，拉麵夾雜了爽口感的木耳，一齊食特別好食！最值得一題是這裏的叉燒，超級厚切，入口溶化有如A5和牛質感，油香四溢滋味無窮！仲要有兩塊大大塊，食得勁過癮！食拉麵點可以唔配埋日式炸餃子🥟㗎！呢度啲餃子外脆爆汁，每一啖都肉味香濃，好味！

今天答應陪同男朋友一同購買電腦零件，我們當然揀選來到選擇眾多的深水埗區，順道亦在此光顧午餐，最終決定了方便快捷的拉麵便食，並且挑選了好評眾多的麵屋黑岩。未到達餐廳之時便已先被門外的紅色大燈籠所吸引眼球，從店鋪牌匾、門口以至內裏的餐桌座椅等均可見一致使用木系設計，座位則分開吧枱和普通位置，可滿足不同顧客喜好。餐廳是採用 QR CODE 手機落單的，入內後職員便會提供一張單予客人自己點餐，此設計可讓整個點選過程更方便流暢，而且客人亦可根據自己喜好隨時增添菜式。黑蒜拉麵黑蒜拉麵是男朋友點選的。他選擇了普通硬度的麵底，配料方面有厚切叉燒，另外加入蔥花粒和乾蒜粒調味，湯底飲用時黏度適中，散發着濃郁惹味的蒜味香氣，而厚身的叉燒入口富有口感，細膩香嫩，這款是朋友食用的拉麵，其餘我沒有品嘗就不作說明了。海老拉麵拉麵加入大量櫻花蝦、蔥花粒製作調味，因而湯底飲用時鮮甜不膩，蝦味濃烈。麵底方面我選擇了硬麵，咀嚼時柔韌彈牙，幼細順滑，掛湯力高。配料的肉類是兩塊灸燒叉燒，經過燒製後更可逼出油分，使口感嫩滑甘香，肉味濃郁，軟腍即化。日式炸蝦餅蝦餅一碟三件，色澤可見炸至呈金黃色，其製作時間恰到好處，外層脆香爽酥，鹹

今次發現到深水埔有兩間拉麵店，其中見到長沙灣道有間門面裝修得幾靚既店，所以就決定黎哩間試拉麵。到達門口個陣，係外面望入店內好黑，我仲以為店員落緊埸，但上網睇過係直落店黎，只好入去問下，原來係有開店，只係店內既燈開得好少😶入到店內，店員就比左張單我，原來係用手機 QRcode自己落單，我好鐘意哩種方式落單😃我點左個醬油豚骨拉麵，拉麵原本既配菜有叉燒，京蔥，椰菜，紫菜碎，比之前食過既店少啲。😗湯底味道比較清淡少少，適合喜歡豚骨湯討厭太濃味既人士👍👍麵使用中細麵，雖然食落冇鹼水味，不過麵質就差啲，食落唔夠彈口，一咬就散唒😐叉燒既肥瘦比例8：2偏瘦，食落唔會油膩同乾爭爭，而且係厚切有0.8毫米，手掌大細😍😍糖心蛋要另外加錢，流心程度好大，一夾開蛋黃就流唒出黎👍👍另外配菜既椰菜煮得啱啱好，唔會太林而爽口。拉麵入面放既京蔥，份量都比較多，我鐘意蔥浸係湯度夾黎食😋紫菜係用散紫菜，同其他店唔同，雖然唔會影響食用，不過我就覺得麻麻地鍾意啦😗枱上冇其他調味料，只有筷子桶同埋牙籤桶，店內枱櫈都係使用深色系木材制成，我坐既個張櫈有啲搖🤨音樂播放近年jpop，音量適中，燈光方面比較暗，氣氛睇上去好昏暗🤔成碗拉麵

We were hungry and almost hangry when we got here and just desperately craving soup noodles 😂😂 we ordered the classic and crab meat ramen with eggs and shrimp cakes. The soup was good but I couldn’t really tell the difference between the normal and crab meat ramen soup base 🤷🏻‍♀️ but the roast meat tho! Soo good! They torched it and so the meat had that smoky taste and fat that just melted 🤩🤩 The eggs were too well done for my taste as I like my ramen eggs runny 🏃‍♀️ Overall not bad!

深水埗拉麵幾間巨頭，隱家沾麵好食就不在話下，麵屋黑岩呢就係另外一間王者呀。佢係勝在近近哋，最近地鐵站，行兩步就到，個招牌大大個有台形。個重點就當然係食物啦，今次我就食咗期間限定嘅龍蝦拉麵，龍蝦唔係半隻，係成隻咁上之餘，其他配料都畀足，可以話係爆滿成個版面。龍蝦呢就唔算超級新鮮㗎喇，但係呢一啲都唔會梅，食落加埋個湯底 真係味覺嘅刺激😋😋😋麵質好多人都著重呀，咁見屋黑岩呢啲面呢，就算係中等偏幼啦，都似一蘭嗰種，鍾意食依款嘅朋友就啱你啦。不過湯底呀就唔係勁濃，甘水質比較重呢同杰塔塔都各有優點，睇你鍾意邊款喇。

今日行過深水埗 行過見到呢間拉麵就試下，入去叫左個 蟹肉拉麵同豚肉薯餅 我咁啱唔係人流多嘅時間，所以上餐速度都快，個蟹肉拉麵就不過不失，個湯都有蟹味 而且麵上面嘅蟹肉份量都多，同埋都食得出有真蟹肉 塊叉燒就好高質，我揀左火炙叉燒，食落香口得黎 又有豬肉嘅油香我另外加左隻糖心蛋，佢地隻 溏心蛋係我食過咁多間拉麵最入味嘅 溏心蛋碗麵唯一敗筆係佢個麵底 佢地用啲好普通嘅拉麵 但整體都ok而個豚肉薯餅就係平時食開牛肉薯餅嘅 豬肉版 我就咁啱唔食牛肉 所以呢個薯餅啱晒我食

叫厚肉，夾硬黎碗薄叉燒，碗面黎之前同人講聲其實好簡單，都無講，黎到放上台先同人講然後一野行左去，我第一次去，但可以保證唔會再去，野食都係只不過係一般，我第一次食想，叫個木耳伴麵，碗麵食完先到，咁都得！

食左呢間2年由第一次食就開始推介比朋友必食每次都要食厚切同火炙叉燒仲每次必食松露燒叉燒自從上年3月開始，開始次次都冇燒叉燒 間吾中冇下小食見佢黃黃地就算啦繼續食到今次泥食 厚切叉燒又冇 松露叉燒又冇火炙未燒夠 小食又冇真係冇晒mood再食落去

上年食過一次期間限定，當時食落口感以及服務員態度都不錯， 咁啱經過深水埗見到佢冇乜人 ， 就入咗去坐低食， 一入去服務員態度奇差， 由量體溫開始到佢畀餐牌我哋睇 全程黑口黑面， 我同朋友點咗兩個常餐， 一個係海老麵一個係黑蒜油麵， 第一啖湯飲落去係死鹹， 個 麵質我哋嗌咗普通但食落口就硬到不得了， 最後強忍食完佢之後問佢攞兩張紙巾，個服務員張兩張紙巾劈係檯面，非常冇禮貌

Recommended by my colleague to try this ramen shop in sham shui po, I picked a weekend and visit the shop.Apart from the classic tonkotsu flavour, there were ebi soup, soy soup, etc. But the one I came for was the bonito flavoured soup.The soup base was quite intensely flavoured with bonito, the dry bonito flakes on top also added texture to it. The char siu was well charred and flavourful. The soft boiled egg was nicely done too.

Openrice上超多好評，滿心期待特登去食，但結果係普通ok啦，味道還不錯，但比較淡而不香濃，麵質都算軟滑但也是普通普通。其實都還好，只係太多好評自己想得太多🥺🥺。叫左蝦味同鰹魚味，味道是有的但又淡又稀，可能係我食慣重口味吧。配菜同餸都好少，regular拉麵得兩片薄薄的肉同幾條木耳絲，而加左錢加蛋同加厚叉燒後先好似合理啲，感覺不太抵🥺。另外都加左小食章魚燒，覺得都不錯的，不過都係好細粒。

朋友食過好味帶我黎呢度食拉麵, 叫左碗黑蒜叉燒拉麵. 叉燒有得揀火炙或者厚切,我揀左火炙. 見住個師傅用火槍燒d叉燒, 燒完之後d油脂味出左黎,食落更加香, 叉燒好入味, 半肥瘦啱啱好. 到左個主角黑蒜,  撈左落d麵度食之後, 蒜味夠香濃. 麵度適中, 湯底唔算油膩. 

中午同同事去食拉麵！叫咗鰹魚湯火炙豚肉拉麵，中午午餐可配小食，要左芥末薯蓉。鰹魚湯湯底不錯，濃郁但不會過咸，不過同事叫的海老就越食越鹹。我中意要佢嘅麵質，會掛到湯。火炙豚肉一般，食唔出火炙嘅風味，肉質偏乾。成碗拉麵，我最唔滿意就係嗰兩塊炸蓮藕，油益味，又凍，仲好硬，好難咬開，感覺就係整完之後放咗好耐。其實成碗麵比呢兩塊蓮藕拉低哂啲分，定其實佢哋係裝飾嚟㗎？小食係芥末薯蓉，幾特別。第一啖食落去好怪，但係慢慢食下食下又接受到。