麵屋黑岩

營業中

休息中

依家個時勢，食餐飯都要揀過度過，遇到高質又同聲同氣嘅小店，真係要幚手寫篇食評贊下佢😆整體來講，環境乾淨企理，性價比好高，出品亦都好味，小店值得支持！豚骨龍蝦拉麵（限定）超正！原隻龍蝦，一百都唔使，係超抵食了！而且蝦肉爽口鮮甜，好新鮮！無論係賣相、味道同性價比，都係好高啖啖肉，廚師預先幚手打爛咗殻，都好容易起龍蝦肉出來海老拉麵好多蝦乾，配埋拉麵一齊食係好香。日本叉燒係有輕輕燒過表面，更加香了。湯比龍蝦拉麵嘅湯要咸d，好惹味

之前經過見到門口有張牌寫住請學生免費食拉麵，只要出示學生證就可以，咁我就唔知鋪頭嘅立場係咩啦，上網都搵唔到咩資料，就自己去fc下。厚着面皮咁行入去🥴都真係幾尷尬原味拉麵 ($72)因為是免費的關係所以叉燒只有一片，配菜固定為蔥，正常是兩片叉燒，配菜可以選擇蔥或椰菜。看到湯頭表面有油分但喝下去不油膩，也不算鹹，是可以喝得順口的湯頭。麵是細麵，彈牙不過軟煮得剛好。叉燒肥瘦均勻，經過輕炙帶出油香。喜歡木耳絲和蔥花給得夠多，口感清爽。有好多人都覺得呢間拉麵平，但我個人覺得咁樣先係拉麵嘅正常價錢，係日本，拉麵🍜係一種平民食物，價錢應該係貼地。但香港好多時候拉麵都過百，真係比較貴。

之前去日本無食到拉麵一直耿耿於懷，放工落車見返呢家拉麵就二話不說衝左入去門口仲見到話學生免費😉雖然唔關我事🤣拉麵都有幾款你揀有辣有唔辣，仲有黑蒜，海老，鰹魚口味😹真係會有選擇困難最後都係揀左黑蒜，印象好似上次食過，唔緊要！再食！配料揀左蔥，火灸叉燒，普通質感既拉麵好快就有得食！麵條係幼身既！軟硬適中！黑蒜味都濃濃的！湯又濃濃的！真的想把湯都喝了！叉燒很肥美，火灸過香香的！但我嫌舊叉燒太肥了，不喜肥肉的要注意了

期間限定，原隻龍蝦拉面，濃味豬骨湯，味道唔錯，而且只需要$88,見已經係店內最貴的拉面款式。其他小食見到都是十幾二十，十分低食，門口見到支持學生，即刻去嘗試一下，店員都是年輕人.支持

實在非常肚餓一落巴士喺正呢間拉麵門口見到好似幾吸引無諗咁多就入左去我點左鰹魚拉麵味道算夠嘅但未到好濃配菜係木耳同椰菜麵係幼身嘅唔係自己舖頭打係外面買返黎面嘅質感可以選擇 我揀左硬都幾掛麵 ok啦我鍾意粗身麵多d落單時我想加一隻蛋但舖頭話賣哂3點幾就賣哂🙈🙈海老拉麵就屬於普通水平叉燒比較鞋 唔多吸引呢個價錢配以呢個質素我覺得可以接受但呢間舖嘅員工唔係幾和諧我坐近bar枱一路聽住佢地好晦氣嘅對話覺得有d唔舒服

尋日返半日工忽然好想食拉麵， 最近一係去豚王或麵屋黑岩，最後因為要買野，所以去左深水埗麵屋黑岩之前食過幾次黑蒜，幾ok! 今次決定試下海老(80蚊)海老拉麵的湯底好濃蝦味上面有一堆櫻花蝦! 另有一堆肉碎! 配埋蝦味湯好好味! 配菜可以選蔥或椰菜。吾知點解d麵同我2。3個月前食不同，現變左幼身拉麵，幼度好似梘水麵果d甘，我喜歡食較硬身有咬口的麵，所以幾喜歡呢種麵呀！叉燒有2片，我選左火灸叉燒，少少肥不太厚，個湯都heavy所以吾會飲哂囉! 我本身真係大食的所以食完真心未飽!忍吾住又叫多個小食!唐揚魷魚(22蚊)望落幾炸，食落吾算，幾香口!!埋單102蚊! 餐廳沒趕人，我食完坐左半小時睇小說沒人理。麵屋黑岩星期一至五有拉麵tea更抵，50零蚊碗麵細d，女仔吾似我甘大胃應剛剛好

下午茶時間寫明2:30-5:30，我5:15左右去到。店內唔多人，一入去有個哥仔招呼我，餐牌我都唔洗睇，一早已揀好食黑蒜拉麵 ($48)下午茶就最抵，即刻order。不過有個綠頭髮的女人，大大聲話下午茶完左，佢話5點就完左喎！我唯有反問佢餐牌唔係寫住5點半咩？哥仔拿拿聲出黎補獲，叫我等一陣，然後話做翻俾我。食食下，都未夠5點半，有另一對情侶入黎，今次綠頭髮女人就即刻同佢地講下午茶已經做完。情侶無多講，嗌左regular 晚餐size($80)。下午茶同正常晚餐就應該係麵既份量，同多左塊叉燒，紫菜，係咁。我碗下午茶都幾好食，麵質彈牙，黑蒜味重，但湯底好咸，叉燒就普通叉燒，唔令我印象深刻。份量就幾啖食哂，食完勁勁勁口渴！有水飲但係唔係冰水。好失望啊！無下次啦！除左麵夠彈牙，絕對無日本既質素。

難得平日嚟到深水埗，就專登搵咗一間評價唔錯嘅拉麵店試下。平日當然就係冇乜人，好快就坐低咗。 裏面嘅裝修都ok，睇得出有擺心思落去。咁當然我唔係呢式裝修而係食拉麵啦。我就嗌咗海老拉麵，要咗普通麵同椰菜，叉燒揀咗火炙。佢跟餐有個小食同飲品，我就揀咗炸雞同coke zero。 拉麵賣相唔錯，佢中間圓形就係一舊肉碎波。湯就略為鹹咗少少，飲唔到啲咩豬骨味。櫻花蝦亦都冇乜 蝦味，所以湯就麻麻地喇。麵質都ok，唔會太淋唔會太硬，都叫彈牙嘅。叉燒就完全食唔到火炙嘅味道。炸雞都叫炸得ok啦，都係有肉汁嘅，但係有少少碎骨，同日本食嘅炸雞唔同。總括嚟講係一間相對普通嘅拉麵，值唔值80蚊就見人見智喇。

香港好食既拉面店非常多但通常店面都相對較細想坐多陣都唔好意思今次長沙灣呢間剛好地理位置以方便拉麵好食又坐得舒服坐多陣傾計亦可幾中意呢個餐牌設計除左環保過紙仔外有哂圖 更能令人增加食慾^_^呢度嘅拉麵棉質彈牙軟硬適中叉燒嘅肥瘦厚薄程度剛剛好黑蒜湯底當然係必選之一超香濃黑蒜味湯底濃郁得黎唔會感覺到係味精推砌出黎海老湯底本身純粹抱住好奇心一試喜出望外！好鮮好入味推介可以試下畢竟唔係好多鋪頭食到追加左隻溏心蛋同朋友一人一半^_^($12)豚肉炸薯餅($20)呢到小食質素唔錯幾抵食剛炸起 口感幾特別 支持下小店 記住帶現金喔^_^

今日行開深水埗買嘢，通常都會喺附近食埋嘢。本來打算去返黃金嗰邊食，點知行出長沙灣道見到有間拉麵店！鍾意食拉麵嘅我諗都唔諗就入去試下！睇睇menu,最後仲喺點咗海老拉麵同日式炸蝦餅。拉麵好快就送到，海老拉麵湯底唔算濃但好香，配上櫻花蝦味道更加出，叉燒味道唔算太重，但配上湯底味道返晒嚟，麵身亦都夠彈牙，整個配搭各有特色，食完之後印象深刻。炸蝦餅上菜嗰陣喺好靚既金黃色，口感彈牙，蝦味突出，有小小驚喜，值得一試。餐廳位置都好方便，下次行開呢頭會再嚟幫襯。

深水埗越開越多拉麵店🍜，在大馬路就看到這家，兩時光顧場內客人不多，地方寬闊👍🏻，亦設有拉麵吧枱位，可以看到開放式廚房🥢🥄🍴。午市套餐有六款，叉燒也有兩款選擇，更送小食和飲料，很抵食！另有小食menu，晚市六時半後提供龍蝦🦞拉麵，看起來很吸引🙇🏻‍♀️～小食的唐揚炸雞不算熱，也不太脆，可能是預先炸好再翻炸😖，也沒有沙津醬配上，味道普通😕。章魚小丸子（$18）比平常小二分一，和平常口感不一樣，不煙靱，也不脆，像是有章魚粒🐙的炸薯波，味道正常，有木魚碎和沙津醬，有紫菜更好🙇🏻‍♀️～我叫了海老拉麵套餐（$80），配火炙叉燒。灑上的櫻花蝦🦐巨多，有點肉碎，很香口，但湯的蝦味不算濃，很多油和略咸😣。雖然叫了硬麵，但麵質偏淋，扣分🤭。叉燒就不錯，很淋，火炙後油香滿溢，足足有兩大片～☺️加了的溏心蛋（$8）流心效果不錯☺️☺️，屬偏甜類型，但不算入味。男友叫的鰹魚拉麵套餐（$78）配上厚切叉燒，魚味不香濃，反而偏淡。厚切叉燒像煲湯肉，不太有味🤨，很普通，不試也可😖。炸蓮藕片倒是很可口😝😝這倒是像連鎖拉麵店的質素，不太驚喜👉🏻👈🏻，可能拉麵店還是專心做一兩種麵較好吧～價錢倒是挺便宜的😣

今晚去深水埗買平野，行這條街掃貨時，看到有個大紅燈籠，還有張诲布印有隻大龍虾，望真是日式拉麵店。門口望店舖細細，入座都好寬闊，而座位都唔少，還有日式風格，看到廚師煮麵。海老厚叉燒拉麵，湯底好濃郁，好香蝦味，不會太油好好飲。厚叉燒半肥瘦，肉質滑又有肉味，拉麵軟硬適中，彈牙好味。配菜加了半熟溏心蛋，溏心蛋是全隻的，分開一半，蛋黃色較橙又粘身，食第一口已經好回味，有陣陣的酒香味，味道好特別，真係好好味。小食薯片雞亦，雞亦炸都漲卜卜，外型好吸引，味道都香口。

日本，係我最鍾意去旅遊嘅地方，當然每次去到日本我都一定會食佢地嘅拉麵，但我發覺一樣野，近年香港人開嘅日本拉麵鋪頭嘅水準，同日本越來越接近，幾乎追平👏以下呢一間係我覺得做得幾出色嘅在香港的日本拉麵店《黑蒜拉麵》銅幣味道濃郁而不油膩，飲得出唔係靠調味料製造出嚟嘅湯底，黑蒜味道唔苦略帶少少甜味，仲有用炭火燒制嘅叉燒，比冇燒過嘅好食好多👍《鰹魚拉麵》呢個拉麵嘅湯底冇黑蒜拉麵咁濃，味道比較清甜，飲得出用咗好多鮮魚去熬製就好似屋企煲嘅湯一樣，適合唔鍾意食太過重味嘅朋友😁整體來講，呢間拉麵幾有水準，價錢唔算貴，值得一試同埋可以順便感受下香港現時製作日本拉麵嘅水平去到邊度

深水埗很多食肆，拉麵店好似比較少，經過見到這一間門面很吸引就入去試一試入面已經坐滿很多人我我們二人坐在吧枱位置，可以近距離看到師傅煮麵猶豫不知order 邊款拉麵時，師傅提議我點黑蒜和鰹魚拉麵是最受歡迎，那就order 這兩款啦黑蒜叉燒拉麵， 好香濃味黑蒜，惹味鰹魚叉燒拉麵，比黑蒜不太濃，但夠鰹魚湯味，啱我值得一讚，叉燒燒香面層，釋放香濃油脂，好正唐揚魷魚，十分香口除了師傅態度親切外，服務員態度有待改善，可能食客太多，未能妥善招呼，但都可以接受

快要到台灣旅遊，出深水埗買電話卡之餘， 當然要做定功課看看有什麼好食。唔少雜誌都介紹過麵屋黑岩，一於試試。紅色大燈籠，非常有日式拉麵店的風格。我們到達時未到7點還可選擇坐枱櫈或吧枱位，到我們用餐後已經要排隊入座了，非常受歡迎。點餐方式是直接劃在餐牌上喔火炙叉燒醬油拉麵  $78朋友選了硬身麵質，評價是非常喜歡這爽身的麵底。醬油味咸香很濃郁，豬骨淆製的湯底顏色偏白，質感濃厚，重口味的朋友最愛。火炙叉燒鰹魚拉麵  $78鰹魚拉麵配上兩件炸蓮藕片，不只是好看的裝飾，蓮藕片切成薯片般的薄片，而且真的如薯片一樣脆，非常有心機鮮炸的配料！我選的是軟身麵質，煮得剛好的軟。鰹魚湯底是我吃過最濃郁的，沒有之一，鰹魚味徹頭徹尾的深深鎖在湯底內，不只是靠麵面的鰹魚就稱為鰹魚拉麵！我們倆均點了火炙叉燒，火炙過的油份相對較少，但有獨特的香氣，而且份量也很足夠。加配 厚切叉燒  $16大家都點了火炙叉燒而又想試試厚切的，就加配來試試。厚切叉燒比較淋，醬油香味較出，整個肉質都不一樣，肉中肥瘦相間，個人較喜歡厚切叉燒，肉中的油脂實在太吸引。薯片雞翼  $28太犯規了！薯片已經邪惡，仲要用來炸雞翼🤣近看是實在有薯片的！