附加資料
收費以四捨五入計算
營業時間
今日營業
11:00 - 21:30
星期一至四
11:30 - 21:30
星期五至日
11:00 - 21:30
公眾假期
11:00 - 21:30
*截單時間: 21:00
以上資料只供參考, 請與餐廳確認詳情
〰️期間限定！夏日激辛挑戰牛舌拉麵〰️麵屋武藏最近出咗新款拉麵，激辛牛舌拉麵/沾麵，寫明夏日爆辛挑戰咁，我就去挑戰下🤣🔸激辛牛舌拉麵（爆激1辛）💲108跟餐💲138有特飲同小食辛味豚耳一份，不過太多野食又對特飲冇興趣，我淨係單點咗拉麵辣度佢分咗爆激1辛、2辛、3辛，3辛係最辣，我呢啲廢J當然係叫1辛試吓咩料先😂嚟到第一啖飲湯，果然真係好辣🤣之後食成碗我都冇飲過湯喇，淨係飲咗幾杯凍水🔥但個辣味係幾好食嘅，又香又麻好過癮，牛舌係厚切唔係薄片，比我想像中煮得好冧，幾好食👍🏻🔸赤武骨豚角煮拉麵 💲80男友零新意揀返Menu本身有嘅赤武骨拉麵，肉揀咗豚角煮。赤武骨湯底唔係好辣，鐘意食辣嘅可以另外再加餐廳有嘅辣椒油，肉都係煮得好冧唔難咬，肥瘦分布平均唔會膩🔸武藏煎餃子💲38非常熱，咬開有肉汁值得讚但係皮煎得唔脆，仲癡住隔離嗰隻一夾就扯爛哂啲皮🥲🔸武藏炸雞💲42皮脆但係唔熱，炸雞嚟講唔熱都冇咩好再講落去服務質素: 🌕🌕🌕🌑🌑回頭率: 🌕🌕🌕🌑🌑
繼續閱讀
康城入邊唯一一間拉麵舖，見唔算太多人，咁就同啲同事入咗去試吓。呢間拉麵鋪，啲款式唔算太多，但係組合嚟講都叫豐富嘅，有黑/赤/白武骨湯底選擇，而我就比較鍾意食沾麵多啲。（以上係佢個Menu）最咪試咗佢個黑武骨沾麵，味道都算唔錯，可惜淡咗少少，另外加咗一份叉燒，同埋一個替玉，一份炸雞同一杯蘋果汁，整體唔差，都值得一試嘅。
繼續閱讀
拉麵選擇都算多，亦有沾麪、飯及不少的小食。我食辣湯拉麵，沒有香辣的味道，反而有一點點油的感覺。叉燒的味道偏鹹， 10分入味小食都有啲油，無乜新鮮炸出嚟嘅感覺。整體一般。
繼續閱讀
白武骨沾汁麵湯底濃味仲有肉粒增加口感但可以處理得更掛汁～小編鐘意食沾麵可以再濃厚d就正😍麵質剛好唔會太淋岩哂小編我😝叉燒肉香味道剛好🙂九條蔥豚肉串味道有陣輕輕類似麻醬味～豚肉入口香口唔算好油膩👍比目魚柚奄燒柚味濃～出奇地又幾夾～勁厚魚肉咬落滿滿口感😋😋盛惠💰$19x好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:下次要過黎再試下其他湯底先😍😍
繼續閱讀
💁♀️💁♂️16/1/2023(Mon), Dinner🍽為食妙妙🙋♀️同A先生🙋♂️呢晚去咗日出康城搵朋友，我地都係第一次去到康城既商場，入面都有唔少既餐廳🍴，各式既選擇都有，今晚佢地就揀咗食拉麵🍜。而今晚我地order左：🔆 猿侍ラーメン🍜（$138）x2呢個猿侍ラーメン拉麵套餐包括有一碗猿侍ラーメン拉麵🍜、武藏餃子🥟/武藏炸雞🐔同埋一杯特飲-曙光。呢碗同猿人crossover既拉麵🍜有佢專用既餐具🍴，包括碗、筷子🥢同埋匙羹🥄，仲有專用既餐枱紙。麵既湯底係豚‧雞‧魚介湯底再配上自家煉製蝦油🦐，湯色清澈，但入口味道都好濃郁，飲到有蝦油既香味、再配合豚‧雞‧魚介既清甜味道，令人一啖一啖唔停口咁飲。麵條比較沾麵既特製麵條幼身，入口彈牙。拉麵既配料有慢煮伊比利亞豬肉🐷同埋紅酒漬溏心蛋🍷，慢煮既豬肉嫩滑；溏心蛋🥚係全隻既，都好入味好食。套餐可以選武藏餃子🥟/武藏炸雞🐔，咁我地叫咗兩個餐，所以餃子🥟同炸雞🐔我地各要一份。餃子🥟煎得外皮香脆，入面係豬肉加菜，味道清清地咁，又有肉汁都唔錯。炸雞🐔炸得皮脆肉嫩，咬落有香脆既雞皮而雞肉仍有肉汁，面頭再有少少沙律醬調味，減輕咗熱氣既感覺。醬油果凍柑橘啫喱特飲-曙光🍊，味道酸酸甜甜，嗒真啲又有少少醬油既鹹香味道，都幾特別。🔆 叉燒沾汁麵配黑武骨🍜（$80）呢碗沾麵包括有特製沾麵專用既麵條、兩片叉燒、半隻溏心蛋🥚、筍、蔥花同沾麵汁。黑武骨即係豬骨湯底再加入黑蒜油🧄，沾麵汁十分濃厚😍，加上黑蒜油既香味，配合麵條一齊食味道剛好🍜👍。上枱時沾麵汁熱焫焫，黑蒜油豬骨湯既香氣撲鼻，真係好吸引。沾麵用既特製麵條上面有坑紋，會比較掛湯，而麵身亦比較粗。今晚呢碗略嫌煮得淋咗少少，麵身可以再硬返少少就更合A先生既口味。夾起麵條放入沾麵汁內，讓麵條既坑紋掛滿黑武士沾麵汁，入口係先食到黑蒜油既香味，再感受到濃厚既豬骨湯底既味道。半隻溏心蛋🥚都好入味，叉燒肉質嫩滑，入口無渣，整體配料既質素都唔錯，只係個沾麵汁真係幾好味，就咁沾麵食已經好好食，呢啲配料就輪為大配角。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：❤❤❤❤❤(5/5)❤🙆♀️(為食妙妙)整體食評：❤❤❤❤❤(5/5)👉環境坐位都舒服～上餐唔會話等太耐～環境服務都ok👍👍🔆🔆🔆🔆🔆🔆🔆🔆🔆🔆🔆🔆🔆
繼續閱讀