2
招聘中
薪金面議
6天前
薪金面議
22天前
4
4
1
港鐵康城站 A 出口, 步行約3分鐘 繼續閱讀
所有分店 (6)
電話號碼
63338365
營業時間
今日營業
11:00 - 22:00
星期一至日
11:00 - 22:00
付款方式
Visa Master AlipayHK 現金 八達通 微信支付 OpenRice Pay
以上資料只供參考, 請與餐廳確認詳情
食評 (12)
好味指數: 👅👅👅👅回頭指數: ⭐️⭐️⭐️⭐️⭐️抵食指數: 💰💰💰💰買左戲票黎到日出康城睇電影,第一次黎呢個商場原來都唔細,但得開場前半小時食飯,揀咗麵屋武藏👍🏻好幾年前都食過東港城分店, 印象唔錯, 記得佢最signature 係個黑蒜油湯,不過今次我就試白湯👅其實佢連鎖店黎講,keep 到水準,價錢合理,唔洗加錢 包埋有玉子有紫菜算很唔錯!☺️白武骨 豚角煮 $80 😋麵質中等 粗幼適中 有咬口😋湯底味濃 但唔覺太咸😋舊豬肉 肥瘦平衡 有豬肉味 肥的唔覺膩 瘦的唔覺鞋😋唔洗加錢有玉子 有紫菜 😋玉子半流心 正😋上面綠色一條條果啲唔係蔥,係菜黎(似西洋菜) 都幾配😵‍💫唯獨係枱面有啲濕(佢壺凍水嘅倒汗水)清潔有待改善👍🏻整體上各項重點都中規中矩,算好唔錯,一路食一路讚😂不過!食完之後 口渴左半日🥲佢落左幾多味精就不得而知了🥶🥶🥶整體覺得,臨時黎到康城,想食餐快飯,食吓湯麵,唔洗排隊 係唔錯嘅選擇☺️應該有下次的! 繼續閱讀
(以上食評乃用戶個人意見 , 並不代表OpenRice之觀點。)
等級1 2022-09-17
41 瀏覽
請大家話我知係我見識少,裡間餐廳竟然只得credit card支付???🤷🏽 定係個服務員有問題?今日晚上六點幾去食,兩個人各點左份面。個湯汁可以稱之為「濃郁」,濃到啲油非常之厚重,鹹味非常之重口…… 個味就係見仁見智啦。但埋單嘅時候,先俾左張八達通,個服務生就話「唔用得」,口氣非常之不禮貌。然後我就話cash得唔得,佢話唔可以,只得credit card…..好彩朋友帶左,唔係嘅話唔通我們走唔甩???😷請食過哩家嘅朋友告知吓,係不嬲都係咁嘅咩? 繼續閱讀
(以上食評乃用戶個人意見 , 並不代表OpenRice之觀點。)
等級2 2022-08-21
126 瀏覽
同朋友睇完戲揾野食見間間都排長龍,唯獨呢間唔洗排諗住是但食一餐,叫左3個拉麵,有黑骨湯,豚骨湯但3碗都係麻麻地,湯底好淡,加埋枱上既辣油,落6, 7 羹都係冇咩味…肉好硬,麵有鹼水味隻蛋反而做得唔錯, 繼續閱讀
(以上食評乃用戶個人意見 , 並不代表OpenRice之觀點。)
等級3 2022-07-26
243 瀏覽
日本情意結發作,找找拉麵吃,懷念一下。見到呢間拉麵餐廳裝修,門面都很有日本風味,便試試看。進了餐廳,其實選擇不多,只有白,赤,黑武骨湯底,但有湯麵及沾麵,還有咖喱飯,小食等等。我的焦點都在拉麵上, 最後選了沾麵,黑武骨😋沾麵,黑武骨湯底 $80黑武骨湯底特別之處有黑蒜油,所以被它吸引,上菜時湯底整碗都是黑色,像墨魚汁😂,但散發著令人唾涎的香味,沾麵亦很特別,麵中間特別有坑紋,令麵可以掛到湯汁,很貼心,入口很香油味,像是有豬油香,蒜香,蔥香,麵條爽口彈牙,軟硬適中,叉燒肥瘦剛好,還有最重要的糖心蛋。好味得整碗湯都可以喝下😋😋 好滿足呢,感覺很像去了一回日本🥰 繼續閱讀
(以上食評乃用戶個人意見 , 並不代表OpenRice之觀點。)
等級2 2022-07-24
144 瀏覽
難得星期日懶得喺屋企煮飯,天氣又太熱唔想去咁遠,決定喺商場樓下搵嘢食。康城商場比較細,食店比較少,間間都排晒隊,唯獨呢間拉麵唔使排,冒着中伏嘅危險,決定試吓。有驚喜!👍叫咗一個碗無骨沾麵$80 ,白武骨拉麵$80 ,武藏煎餃子$38。少有沾面有坑紋,掛住近多汁,湯底香濃,帶出更多黑蒜味,出奇地好食。白武骨拉麵湯底香濃,有掛口,食落口黏黏地,應該如佢所講用九個鐘頭時間出嚟嘅效果👍👍餃子就不過不失啦服務員態度熱情,食品質素都不錯,下次可以再試其他口味 繼續閱讀
(以上食評乃用戶個人意見 , 並不代表OpenRice之觀點。)