麵尊

營業中

休息中

車仔麵嚟講，呢一間嘅湯底真係好入味，又不是太鹹。放工同屋企人去食車仔麵，揀咗呢一間，見到點餐紙有個叫大尊$42元，真係好抵食，入面嘅豬皮同埋魚蛋都好入味，而且蘿蔔都好大件，炆得好淋，我揀咗幼麵，湯底咖喱汁，都唔錯wo，魚蛋真係好好食，好彈牙又有咖喱味，少少辣辣地。另外一碗叫咗米粉，炸魚皮/豬頸肉/咖哩魚蛋，真係有啲驚喜，魚皮非常香脆，雖然冇幫我分上，但係冇淋到，依然都好香口，豬頸肉就很普通，冇乜特別。

最近食多咗，要減肥，朋友推薦食少d澱粉質，話瘦得好快試下囉。車仔麵原來叫淨餸唔要麵已經做到，咁都唔難啫，就算返工要出街食lunch都唔會影響要瘦就要多食菜，呢碗生菜好大份啊，大大塊菜，少少油，望落令㕸㕸淨餸揀咗腩汁，唔想咁清淡。但原來d餸每款都好好味，味道上獨當一面，唔洗靠湯腩汁少少偏咸d餸雖然全部都係$10/份，但份量都唔同的豬紅 有好幾舊，係邊爐必備。豬皮 有好幾塊，幾夾脆，平時好少機會食到蘿蔔，有3大舊，好淋，勁入味！超正！濃汁香菇貢丸 係見佢加咗濃汁兩隻字先有興趣，咬落超彈牙，咬開見到d肉一層層千絲萬縷咁，超juicy!!!咖喱魚蛋 唔係幾食到咖喱味，可能因為外層炸過，唔吸汁。平時好少食魚蛋，都係食燒賣多，因為怕有骨。呢款真係完全無骨又無陳皮，正。炸過勁香口大腸有好幾塊，以前掃街必食炸大腸，而家唔掃街都好少會食到豬雜了兩粒魚皮餃，雖然入面係滿滿嘅豬肉，但得兩粒，點都覺得唔抵炸魚皮用膠袋綁好，另上，鐘意就咁食或都逐塊浸湯食都得咖喱牛柏葉都幾辣，尤其佢好多摺痕表面面積大，沾到好多咖喱汁。食之前喺湯度涮幾下沖走部份汁食會好d五香牛腩最抵食！好多舊！好淋好入味！自己整都唔易，$10肯定

登龍街越來越多新良心店進駐 俾我哋越來越多選擇 麵尊就係其中一間過咗繁忙嘅午飯時間等咗兩個位就有得食 年紀大咗一個人食飯一啲都唔尷尬 仲覺得好自在 唔知大家係咪都係咁🥳今次我就貪心啲直接嗌左個大尊 再加咖喱魷魚一個餸 #大尊 ($42)豬紅 蘿蔔 咖喱魚蛋紅腸豬皮 生菜#咖喱魷魚 ($10)六個餸加埋麵底都係$42 喺銅鑼灣真係買少見少 湯底我加左腩汁同葱蘿蔔雖然唔太入味但係清甜 另加既咖喱魷魚好食 爽口同埋浸到入晒味 豬紅就略嫌有少少腥味 豬皮紅腸咖喱魚蛋正常發揮我覺得整體都幾好食 同埋喺登龍街呢個地段 價錢已經叫好唔錯😆好食仲要有良心仲使乜揀🥰

車仔麵又名「嗱喳麵」！以前喺街邊擺車仔檔，餸菜款式亦沒有現在那麼多。客人普遍喜歡食豬紅，豬腸，豬皮，魚蛋，蘿蔔，菜（最緊要係個腩汁湯底）今次我點咗豬腸，魚蛋，魷魚鬚米粉！配返罐凍飲！爽呀😍😋！值得推介食得辣就order麻辣醬！超正豬腸煮得好入味，蘿蔔又甜！讚讚讚！👅講完食物質素，等我形容吓環境先！這裡地方很寬敞，燈光足夠，如果一個人嚟食既話，可以選擇坐bar枱（望住街景），在人來人往的銅鑼灣，靜靜的坐下來食碗車仔麵，價錢又唔貴。

不經不覺又到了一星期一次的難能可貴的「星期日」，「星期日」晚餐時間對我來說，就是可以選擇不一定要食白飯，可以改食中式粉麵、港式車仔麵、西式意大利麵，又或者是日本拉麵食品。而且「星期日」晚餐時間對我來說，是比較少有可以主動去光顧享用例如日本拉麵，這些主要食材材料跟「豬肉」有關，我平日比較少食的食品。至於今次「星期日」，我選擇了光顧位於「銅鑼灣」鬧市裡面，著名食街「登龍街」裡面的新開港式車仔麵食店，車仔麵食店的名稱叫做「麵尊」。「麵尊」的自助點餐紙裡面，沒有什麼稀有新穎的麵底供食客選擇，也沒有什麼名貴的高級食材給食客嘗試，更加沒有什麼極端酸味或者辣味湯底增加味道。我發現實際上的「麵尊」車仔麵食品裡面最值得注意的，就只有價錢被「麵尊」自助點餐紙統一收費的「車仔麵」麵底跟餸菜食品，「麵尊」每款麵底或者餸菜食品價錢恰巧都是港幣十元。結果我在「麵尊」考慮了一會兒之後，終於都決定了，享用我平日享用「車仔麵」指定「餸菜陣容」，大部分食品包括「五香牛腩」、「雞中翼」以及「蘿蔔」。「蘿蔔」口感被煮得軟腍，而且「蘿蔔」完全無筋，很易咬。「麵尊」把「五香牛腩」裡面的「牛腩」材料，以類似切片的方式處理，所以「牛

前排見到某YouTuber推介麵尊，即刻俾佢嘅麻辣醬吸引咗，今日約咗閏蜜出銅鑼灣，即刻要佢陪我去食，原來佢之前已經食過，仲話連佢老公都讚不絕口😋😋豬大腸、酸齋、炸魚皮、雞中翼米線（麻辣+腩汁）：豬大腸洗得好乾淨，味道帶有少少甘甜！酸齋酸酸甜甜，酸度温和入口軟綿綿！炸魚皮薄薄一層炸到好香脆，浸住湯都唔會變淋！秘制麻辣醬真係好香，會令人愈食愈想食，鍾意食麻辣嘅真係值得過嚟試下！豬大腸、蘿蔔、魷魚、五香牛腩米粉（咖哩辣+腩汁）：蘿蔔清甜無渣，牛腩超腍真係好似入口即溶咁！飲咗2啖湯覺得咖哩辣都唔錯！淨豬頸肉：滷水味香濃入味，肉質軟腍香滑又有油脂香味！豆漿：豆味好濃郁，用嚟解辣一流！配料同麵底嘅份量都足料，豬骨湯底清甜而且餐廳好貼心咁可以俾人客免費加湯，值得一讚！

行緊寵物展既時候已經諗緊食麵尊車仔麵，佢既麻辣真係會令人好掛住呀行完寵物展已經8:30pm，即刻衝去為左要10點食完！點知咁夜原來仲要排隊實在太犀利！好彩等既時間都好快由於我哋咁夜先黎，好多款餸都無所以下次要早啲黎先得！麻辣粗麵+紫菜+酸齋+鴨腎+豬紅酸齋真係必食浸左湯都仍然好夠酸甜味味道完全無減退！如果可以嘅話，下次我想要2份酸齋可能最近經常食鴨血，所以突然食豬紅就有啲唔慣，豬紅質感比較淋，同埋味道比較淡！咖哩淨餸+紅腸+酸齋+蠔油冬菇+豬大腸蠔油冬菇炆得好入味口感夠淋豬大腸好肥美同埋重點係洗得好乾淨，滷水味夠入味

Early dinner5點幾去到、直入唔洗等（lunch hour 同夜晚係要等位架）沒有不幫襯的理由：一）知佢地係咩色、明嘅就明二）一間話可以加湯嘅車仔麵可以加湯嘅餐廳，我係食過一間食肉骨茶嘅畀你無限添飲，點解？因為間餐廳出名同專食肉骨茶，俾你任加都算合理連車仔麵個湯都係任加，即係話俾你知，啲人係會飲晒啲湯！咁點解會飲得晒啲湯？因為味道真心正、而且真係冇味精，飲完唔會口渴，如果唔係叫人點樣添飲。如上圖，我真係冇食過一間車仔麵係會飲晒啲湯，雖則我冇再加湯（因為已經好飽），但係我聽到有兩個客都話要加湯。入返正題，四餸一麵 $50蘿蔔、牛腩、甜酸齋、魷魚配米線麻辣醬，多蔥蘿蔔好淋，好入味好甜牛腩係比較碎，好腍甜酸齋夠入味魷魚超爽麻辣醬不是太辣，但係夠香麻再睇返我張圖，連湯都飲埋，就知道真係好高質

🔎：《 #麵尊 》⁣⁣⁣⁣⁣⁣💬：⁣⁣⁣⁣ 黎到銅鑼灣依啲食個飯都要一舊水埋單既地方 其實都有平民價啲既店！⁣今次黎到麵尊車仔麵店 ⁣基本上每款餸都係十蚊 最低消費$38 ⁣係銅鑼灣依個價錢算係甘⁣整體來講味道都係正常水準 ⁣特別推介係「濃汁香菇貢肉」👍🏻⁣好彈肉同多肉汁 ⁣其他餸味道普通無乜特別 ⁣但係豬紅有啲腥唔太推介⁣

呢日去銅鑼灣睇牙，諗住睇之前食個快嘅午餐，而之前又有喺youtube睇過其他人介紹麵尊，所以就吸引左平時唔食車仔麵嘅我入左去試下。舖面唔算好大，都等左10分鐘位。佢有得自己揀餸揀麵底揀醬，又有set好左餸嘅大尊細尊揀，啱哂啲選擇困難症嘅人揀，唔洗煩。 但我今次就揀左豬頸肉加酸齋加豬大腸米線，醬方面就揀左咖喱醬。佢上餐嘅速度十分驚人，我查完搓手液，再包好個口罩之後就已經有碗麵喺我面前。我第一次食酸齋，酸酸甜甜嘅味可以去到豬大腸嘅油膩，絕配呀！不過個豬頸肉冇我想像中嘅爽口彈牙，反正有啲”鞋”。至於湯底方面，佢個咖喱醬好出色，好香，難怪佢仲有推出製成品，可以一瓶瓶咁買翻屋企，下次試埋佢個麻辣醬先～

之前見網上有人介紹就慕名而來黎左麵尊試食😋餸菜選擇都ok多，店內環境亦都好新凈🤣每一次黎都會叫油麵+咖哩辣😋佢最好味真係個湯底，有腩汁嘅甜味之餘又有啲辣味，真係好正😍😍佢另外有個湯底係麻辣，都幾好味可以試下，不過個人比較鍾意咖哩辣😆😆油麵都幾好食幾彈牙！已經黎過好幾次！值得推介！

銅鑼灣有新淨裝修嘅車仔麵，樓頂好高，好似打卡cafe咁整到靚一靚😃 地方都幾大，座位同餐具都幾有車仔麵特色😆 環境幾乾淨，用即棄餐具，乾淨衛生。餸同麵類嘅選擇幾多，仲有個配搭好嘅車仔麵，啱晒選擇困難症嘅人😆 每樣都係加$10 咋，好抵食😆淨雞翼尖 $20叫兩碟小食食吓先～ 雞翼尖滷水入味，炆到軟淋淋，好容易食🤤白菜 $20滿滿一碗白菜，清甜又清爽。我揀咗紫菜，香茹貢丸，咖喱牛柏葉，咖喱魷魚，蠔油冬菇伊麵 $62 (伊麵加$2)，加咖喱辣。紫菜量好多，好開心🥳 貢丸好香彈牙又多汁，冬菇好入味，咖喱牛柏葉同魷魚好夾，爽滑好味，配上咖喱辣好正😆，辣度正常，辣得黎幾香。第一次食車仔麵配伊麵，冇諗過又幾夾。伊麵都幾掛湯，粗身麵條口感唔錯。如果有時想食美味扺食又衛生嘅車仔麵，呢間係唔錯嘅選擇。

🍴米粉｜咖喱魷魚｜咖喱牛栢葉 $30魷魚牛栢葉都一樣爽口彈牙 咖喱味唔重 但個湯底真心好正 腩汁配麻辣醬再加蔥呢個配搭夠晒香濃惹味！！辣度對我黎講岩岩好又有小小小麻 正到我直頭想買樽麻辣醬返去🍴粗麵｜五香牛腩｜豬頸肉 $30男友都讚好食 牛腩細細舊易入口 食材幾新鮮而且份量都夠價錢真係好平而且配料都幾多選擇🙈加上個辣醬好掂 下次要試埋咖喱辣汁先得

-{黃店💛銅鑼灣車仔麵🍜}幫襯多啲平啲嘅外食可以幫補下自己銀包🥺揀左依間又係同螞蟻人食~😂🤤四餸車仔麵🤤($50)我嗌左四款餸 嗌左油麵配腩汁~麵質幾彈！又係順序排最推薦嘅餸😛牛腩: 好淋😍好似唔洗咬咁牛肉味都好夠😍份量仲要好多😋蘿蔔: 冇筋 口感啱啱好 索曬啲腩汁又係超正😙豬皮: 好耐冇食😍塊塊塊幾大 但相較之下份量依個係少好小好小！豬大腸: 小小異味但可以質感唔錯 同埋每嚿都幾大😌👖褲評: 8/10近黎食過算高質嘅車仔麵🥰銅鑼灣想食平民美食就黎依度喇！每個餸都勁大份量😎但係又用膠🥄 又係唔太環保😢性價比: 8.8/10服務: 7.8/10環境: 8/10🔔小tips: 依度最低消費38蚊！！🚩麵尊🚩地址: 上環蘇杭街22-24號1號舖銅鑼灣登龍街18號V Point地下5號舖

車仔麵永遠是「唔知食乜」同「是旦啦」時的不二之選，經過遠處已見到長龍的麵尊，幾乎每個月都至少光顧一次，店員會先派點餐紙，等入座時可以慢慢揀，選了三餸一麵，配料比一般車仔麵選擇更多，真係花多眼亂。我就揀咗豬紅、大腸及咖喱魷魚配米粉，麵底同配料份量都很足，湯底選了腩汁，味道唔會過鹹亦唔會太淡，豬紅經處理過味道完全唔腥，質感非常軟滑！同桌點嘅豆卜、魚皮餃及鴨腎配伊麵，加了店家秘製麻辣，麻香令車仔麵的惹味程度昇華！伊麵唔是普通的乾燒伊麵底，麵質質感較煙韌。另點了一份蠔油白菜仔，份量足夠二人share👍👍👍整體味道、價錢同環境都冇得輸，甚少有咁乾淨舒服的車仔麵店，的確值得支持一下😀😀😀