麵全食

乾淨企理自選車仔麵嘅感覺要兩個餸起跳 價錢唔算平但份量唔少🙌🏻叫咗滷水豬耳同必食墨魚丸粗 送 鮮魚湯加埋佢有少少XO醬蝦所有嘢撈埋一齊味道唔錯但豬耳有少少腍 唔夠爽😢仲有墨魚丸蘿蔔鮮魚湯米線味道不錯…查看更多

下晝兩點半過咗嚟金鐘，諗住睇下有咩食， 見到呢間主打食麵嘅餐廳就入去試下，食完之後覺得係物非所值。下晝兩點半係下午茶時間，我叫咗呢兜麻醬手撕雞三色撈米線，我suppose呢碗嘢係凍嘅，點知佢上到枱兜米線竟然係熱辣辣，真係第一次試，同埋佢啲麻醬都非常多，撈埋個米線一齊食呢其實有啲漏，所以我都只係食咗三分二就食唔落，同埋個餐有杯嘢飲送，我就叫咗一杯桂花蜜，係有桂花嘅香味 但有少少酸，整體嚟講一般般，以金鐘嚟講食一個下午茶62蚊，應該唔會再有第二次。…查看更多

因為去APA睇show,所以就喺金鐘附近搵食。冇乜idea金鐘有咩食，求其行上金鐘廊睇，無意中見到呢間，又唔使等位所以就入去食。佢哋竟然有唔同湯或買揀，最驚喜係有個白胡椒湯底，仲有薯粉揀，唔使加錢。我揀咗腩肉、白蘿蔔、魚腐同埋墨魚春卷。碗粉一嚟到先飲啖湯，胡椒味超好味，同薯粉好襯，淨係個湯已經好鍾意。估唔到誤打誤撞入去食都有驚喜。價錢我覺得佢唔係算平，但金鐘呢個位嚟講佢又唔算好貴，至少我覺得抵食同好味過譚X。仲有，值得一讚呢度嘅服務員都好好，又有禮貌！…查看更多

在這家餐廳品嚐了他們的酸辣湯，整體體驗頗具特色。湯底呈現誘人的橙紅色，散發出的香氣讓人期待。每一口湯都能感受到死辣的感覺，搭配豐富的配料，如肉丸和花生，讓人驚喜。肉丸的彈性十足，花生的香脆更添層次感，讓這碗湯變得更加豐富。不過，這道湯的價格相對較高，對於預算有限的食客來說，可能會有所考量。儘管味道不錯，但是否真的值得這個價位，仍然是一個問題。總體而言，這碗酸辣湯在味道上相當一般，而且高昂的價格可能讓一些食客卻步。如果你願意為伏味而付出，這道湯絕對不會讓你失望。建議來訪時，可以與朋友分享，這樣不僅能品嚐多樣的風味，還能分攤花費，享受更圓滿的用餐體驗。…查看更多

【中西區】【麵全食】喺金鐘搵嘢食，我嘅習慣係行去灣仔嗰邊搵，之前都同大家探討過好幾間嗰邊嘅餐廳。不過今次就想喺返金鐘度食，始終呢邊都有唔少上班族嘅需求，我都要同大家一齊經歷。入去坐低就叫咗 $76 嘅「魚片頭切腩蔥頭拌粗麵」，標榜係用自家製全蛋麵嘅。食落都幾一般，樣樣嘢都冇特別，反而配嗰碗白湯嘅湯頭幾好。下午茶可以加 $3 飲「凍豆漿」，就加啦，都明知唔會有咩特別，不過點都有杯嘢飲飲吓咁解。加 $13 叫本月推介小食「脆炸魚皮」，反而呢碟可以，脆口得嚟魚味都濃，浸湯食都係幾好嘅。由於我覺得佢哋個湯先係成間餐廳最出色嘅嘢，所以特登叫埋 $26 嘅「清湯蘿蔔」考驗吓佢。結果都冇令我失望，煮得幾腍幾發揮到蘿蔔嘅甜味，成餐飯得呢碟比較有驚喜。個麵唔係話唔得，不過真係好平庸囉，話晒原價 $118 都要八八折先埋單 $103 喎。。。（地址：金鐘金鐘道93號Lab Concept金鐘廊1樓E07-E08號舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #金鐘 #麵全食 #魚片頭切腩蔥頭拌粗麵 #自家製全蛋麵 #凍豆漿 #本月推介小食 #脆炸魚皮 #清湯蘿蔔 #1am1609 #1ambackup…查看更多