麥記廚房

麥記開業一年都未夠 但係客流量都叫幾穩定 原因唔係佢賣既菜式特別係因為碟頭飯大碟夾抵食佢既大碟唔係用飯或者汁沖大頭鬼係佢餸真心多大家睇下d元蹄幾多話說琴晚去完disney, 9點半到hh食飯 好肚餓既時候一上圖中既飯 係幾滿足架🤪首先元蹄皮既表面冇毛 處理得好乾淨有d都會偏肥 但因為本身量多 所以唔會毛得冇肉食加錢轉糯米飯滋味更高平時佢既西班牙豬頸肉飯我都常叫 但今次太肚餓唔記得影對面碟飯比大家睇都係大大塊 瑋定夠你送飯既量…查看更多

上次約咗朋友嚟紅磡食飯 朋友話帶我食麥記 我心諗唔係呀嘛 特登出嚟食飯 我唔想食漢堡包喎😥 點知原來佢講緊嘅係呢間麥記廚房 上次食過覺得好正 今日自己一個喺紅磡呢頭放咗工就行咗嚟呢間再食多次😺今日早咗放工 啱啱好可以叫到佢個下午茶 佢個下午茶由兩點做到六點嘅 而下午茶都比正價平幾多吓㗎😆我叫嘅係蜂蜜豬頸肉芝士牛油撈出前一丁😗 豬頸肉並唔係平時食開一條條嗰種 而係一大塊 成塊扒咁🙊 上面𠝹咗啲格仔 咁就易熟啲 同埋啲蜜汁可以滲到入塊肉度 咁樣食豬頸肉係得呢度搵到 一大塊咁食個感覺好爽 佢仲燒得好香 好有嚼勁 芝士撈丁唔會好膩 有芝士味之餘 仲有淡淡嘅牛油味 好好食😻真係好推介大家試呢度嘅豬頸肉 包你對豬頸肉有另一種睇法😉 記住嚟試吓呀…查看更多

行過紅磡見肚餓，於是去食個茶餐蜂蜜豬頸肉炒河$36$36就食到平時午餐份量嘅炒河真係好扺玩，不過豬頸肉嘅份量就有啲小啦。鹽煎雞扒河$36大塊過碗河粉嘅雞排我都係第一次見，而且剪得好香好入味，亦都係好抵食，正！…查看更多

覺得老闆好有禮貌，笑容可鞠，連pass碟俾自己員工都微笑點頭，當下即刻印象幾好。午餐時間店鋪好多人，排我們後面的就要等了。菜單上有些趣味的搭配：蜜糖豬頸肉，芒果豬肉飯⋯⋯我點的是蜜糖豬頸肉，原來以為會是一塊塊的，一上菜的時候我們都呆了⋯⋯45蚊包嘢飲⋯⋯居然⋯⋯咁Q大塊😂😂😂係超大塊嘅一整塊豬頸肉呀！其他人點的牛扒也是很厚很大塊，連當中的肌肉男也驚訝了一番😂 豬頸肉飯也是不錯，伴上醃製的青瓜都稍微解膩，如果有多些或者伴菜就好啦！！（不介意肉小塊些）…查看更多

路過紅磡港式餐廳，望落幾吸引見過餐牌都好多款式，但略嫌有少少貴。XO醬香茅豬扒撈出前一丁($42)雖然個豬排咸左少少，但個薑同塊扒食落好夾麵都炒得乾身，幾好食！…查看更多

Walked pass this restaurant many times but there were usually many people so never get to try it.Came here the other day on a Thursday evening around 19:30, and got table right away. The restaurant has a lot of lunch and dinner sets to choose from, and each set comes with a free hot drinks. Price is super reasonable as the sets are range from $40-$70My wife and I ordered 2 sets, one chicken and one Malaysian curry pork shop set.Overall, I’ll rate this restaurant 4/5, and definitely will come again as price is very reasonable. …查看更多

原本都冇諗住寫，但食食下真係覺得好貨不對版，所以我都忍唔住影返d 相黎寫今日路過紅磡見到哩間舖頭都幾骨子，望個樣都乾乾淨淨，餐牌上面有胡椒豬肚雞，都幾吸引，所以就食哩間叫左胡椒豬肚雞同芒果豬扒飯，連埋凍飲每樣$52胡椒豬肚雞個湯勁淡，完全冇胡椒味，得少少雞湯既味d 雞好似斬淨d 雞頭雞尾拎落黎煲湯咁，d 雞骨多過肉，仲勁多碎骨芒果豬扒飯出到黎成個樣都睇唔出邊忽係有芒果我地問個伙計哩碟係咪鹽煎豬扒飯，佢話係我地話我地係叫芒果豬扒飯，佢又話哩碟係芒果豬扒飯之後個老細過黎話d 豬扒係用芒果醃嘩，你估我金舌頭咩，食得出你d 豬扒係用芒果醃，仲有塊豬扒落左咁多鹽同豉油，食落咁鹹，你落10 個芒果去醃都冇用啦，咩味都蓋過晒你衰極都放兩片芒果喺旁邊扮下野啦隔離枱都係叫胡椒豬肚雞，要同個侍應拎樽胡椒粉落，證明唔係我地問題啦走既時候我同老細講d 野食唔係好得其實我係想講好難食囉…查看更多

之前係紅磡住，基本上大部份餐廳都食過，每次黎呢間餐廳都只會嗌一個飯，真係食極唔嫌嫁😆😆冇係紅磡住之後就好耐冇食過嚕，今日放學突登黎食番！無錯，其實佢餐牌有好蛋選擇，好多都幾吸引嫁但我永遠都只會嗌呢個飯！就係《蜂蜜豬頸肉飯》$46你睇我對面都嗌呢個飯就知有幾好食啦😆第一次食呢個飯真係嚇親，心諗我係叫叉燒唔係豬扒喎大塊到食晒啲飯都未食完塊叉燒😂蜜汁勁甜好好送飯😋叉燒肥瘦均勻，唔會太肥又唔會太瘦好似柴皮咁仲有隻太陽蛋俾你撈飯，不過啲飯就偏硬小小…查看更多

剛開業時，試過鹽燒雞飯，味道咸香。朋友點了藥膳豬手，藥材不是我杯茶，聞到陣陣藥材味。前兩天再去光顧下午茶，叫了豬扒炒公仔麵和香茅豬扒河。公仔麵黐住一舊舊，豬扒切絲幼到一半尾指咁粗，有D仲連住肥膏，公仔麵同豬扒煎到有點燶。感覺好像用剩啲頭頭尾尾炒出來一樣，加杯飲品$32。香茅豬扒，份量正常一塊剪開數件，但醃不夠時間，味道太淡，醃不夠時間，中間沒有味道$36。同區其他茶餐廳，越南餐廳價錢相約，味道和質素不及其他。和開業時比較差很遠。不會再來。…查看更多

主要是台式料理，午餐有套餐$43，包飲料。飲熱檸蜜也不用加錢。每天的午餐都有些不同，你亦可叫餐牌的食物，但飲品就要加錢才有。 試過胡椒豬肚雞飯，無乜胡椒味，很清淡。 蜜椒豬扒飯 ，豬扒即叫即煎，有蜜味，啲肉幾juice。加上配星加坡葱油一起吃，好惹味。 鹿兒島豬軟骨飯 ，好大件豬軟骨，啲軟骨唔夠冧，少啲牙力都咬唔開。 清湯牛腩飯 $48，牛腩冧唔肥膩。…查看更多

紅磡多野食就係人都知嫁啦，所以住hall嘅人都好幸福，一落街就有好多選擇，今次呢一間真係好多人都會揀嘅家常便飯，門面好似好簡陋，個名都好似好簡單，但佢塊絕對唔簡單。一般來講嘅頹食就係碟頭飯，但係佢一啲都唔頹，今次嗌咗西班牙豬頸肉飯，亦即係我哋香港嘅蔥油燒豬頸肉，豬頸肉嘅面積絕對大過塊我哋手掌，啲飯都好似高過成座山咁，即使冇醬汁，但係都好juicy ,因為啲蔥油絕對係可以cover到成塊扒，唔會覺得好齋，同返形成咗一個完美嘅配合。…查看更多

今晚難得同roommate夾到時間一齊食飯，我地一落到樓就好掛住麥記既豬頸肉🐽於是二話不說就決定左食麥記。一坐低就叫左蜂蜜豬頸肉飯同芝士撈丁，另外友人想試下新野，所以就叫左鹽煎豬扒飯。蜂蜜豬頸肉飯 $46鎮店之寶❣️豬頸肉飯果然不負眾望，保持一貫既水準😄豬頸肉夠爽口又唔會太硬，蜂蜜味道十分突出，唔會太甜，送飯一流，配埋煎溏心蛋簡直係絕配🍳蜂蜜豬頸肉芝士撈丁 $50芝士汁唔夠濃味，而且公仔麵份量略少，建議大家唔好抱太大期望😖😖😖鹽煎豬扒飯 $46第一次食鹽煎系列，幾特別，豬扒煎得幾脆，而且容易入口，雪味唔大。配埋薑蓉係唔錯既選擇😊不過整體黎講，味道略淡，唔中意重口味既朋友可以試下。我地每人叫左一杯野飲（$7)，poly學生仲有9折優惠，埋單$145，好抵食，住hall飯堂之一。👅好味指數: 7/10 💸抵食指數: 8/10 🍽餐廳環境: 7.5/10 👨🏻‍🍳服務質素: 8/10 ❤️呃like指數: 5.5/10 💃🏻回頭率: 70%…查看更多

門面好靚，又見到好多人食，吸引左我入來。服務真係差到無人有，個阿叔已經態度差，問佢乜都叫你等，當然等完無左件事。好不容易等到個長髮阿姐落單，叫左芒果豬扒飯同鹿兒島豬軟骨河！個湯河來，問阿叔有無醋，阿叔又叫你等！再問四眼短髮阿姐，無播，我：叔叔話有架！阿姐：咁你自己問返佢拎 ?!真係唔知咩態度講返野食，碗湯渣咁既排骨叫鹿兒島豬軟骨？d河粉鞋圾圾！個芒果豬扒飯仲衰，塊豬扒似豬肉乾，無芒果肉芒果汁，得豉油汁。檸檬茶無味同過期檸檬！原來Openrice 已經有人講左，下次要早d睇食評。100蚊2個餐。係呢區中午算貴。真係試都唔洗試!…查看更多

同事推介黎食，店鋪位置有d難搵。13:07坐低，叫咗野食。13:30，黎咗我同事果份，過多5分鐘，隔離比我地遲黎既學生都部分上咗餐(叫同我一樣既野)追咗幾次後等到13:50都未有，跟住樓面問可唔可以轉其他，咁唯有轉啦。見過多5分鐘仲未有，唔對路唯有埋單走人...走時都幾圍檯食客因未上野食吵緊。其實廚房做唔咁多人，樓面做咩要招呼咁多人最後講下食物，同事有分一d野食卑我，出名的芝士豬扒撈丁...味道未去到非試不可，普通茶餐水平...比較少寫食評，呢次真係太extreme啦，上野次序亂黎又慢。…查看更多

因為要等半個鐘煎餅，所以去附近食個面先,。經過見到有紅薯粉食，雖然唔係我最鍾意的寛粉，係普通的幼條螺紋薯粉，但係好過冇情況下就入去食叫左雞絲雲吞中辣麻辣紅薯粉，黎時見到好大碗，太多湯，沖淡左麻辣味，淨係食到咸，辣，但就冇“麻”。本身紅薯粉已經包左花生，芫茜，蔥，同豬肉碎，所以雖然淨係叫左兩個餸都已經好有睇頭。雞絲都幾滑，雲吞得2夠，但size係正常雲吞尺寸，唔係迷你尺寸，以6蚊一個餸黎講算好抵食。…查看更多