麥當勞 (利東商場二期)

營業中

休息中

利東間麥當勞上星期裝修完工。比起商場既裝修進度，佢算好快了。地方比起以前細咗，好似無咁好坐。我估我都無乜意欲堂食了。今日放早，落車後忽然想食個蘋果批，就入去買外賣。職員哥仔好快手咁篤篤篤幫我係點餐機落單。由於利東已算老人邨，相信要上咗年纪既街坊用熟部點餐機要多d時間囉，期間就辛苦d職員了。

話說7月6日放工回家都已經晚上11時，回家已經無東西又不想煮東西食，出面了麥當勞之外，不是已到關門時間或者因為商場翻新而沒有東西選擇。咗早兩三日前因為我家翻新廁所而要去附近酒店暫住，一樣差不多時間鴨脷洲的麥當勞又關了門，被迫去利東邨麥當勞買外賣走（疫苗氣泡問題，只有外賣），因為買了巨無霸餐，本身又不便宜都算。今次去買孖芝餐，本身是26元，唔知點解又加了價到37，想反起搵食真係很辛苦，用完小小錢又不知道那裏找返錢出來話說我有做app外賣員，太約4點多接到張單，去這間麥當勞，做都未做，包外賣又未包，比人吵才比立即做張單俾我走先

新一年，就食個新年黃金滿屋系列，黃金脆薯雞堡、扭扭薯條、可樂 $34。包夾住塊早餐先有既薯餅，確實好古怪，但雞扒有黑椒味，又幾好味。扭扭薯條好耐無食過，惹味，脆口得黎唔會太乾身。另外點了個特惠餐，雙層芝士孖堡、粟米、可樂 $25。雙層芝士孖堡走左酸青瓜，唔洗我自己整開個包拎出黎，好味。粟米就焗到出水，一般。McDonald 食過好多間，今日就食屋企附近的。呢個McDonald 特別之處，係牆壁有幅麥當勞叔叔同佢班朋友既畫，另一邊係海洋風，仲有張好似調色盤既枱。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

九點半放工，泊好車喺黃竹坑，南朗山道熟食中心都開始關門，冇嘢好食，唯有坐地鐵返屋企食老麥。呢一餐喺呢間麥記開咗咁耐最好食嘅一餐。收銀妹妹是新手，有啲手忙腳亂。叫咗個蘑菇安格斯漢堡餐，正常餐，冇加大，本人習慣性先食薯條後食包。點解要寫呢一篇食評？因為打開咗個盒之後，個漢堡包係非常完整嘅，係完整到不得了嗰隻，食任何一間麥當勞都未見過打開個盒之後有一個咁完整嘅漢堡包出現係你眼前，講真，＄37個餐唔好期望太高，唔好期望有任何服務，唔好期望阿姐講嘢冇鄉音，但係呢一餐真係不得了，重複講多次:個漢堡包係好完整嘅。

忙碌的一天，放工時總係想獎勵自己，食個甜品/雪糕，正所謂苦中一點甜。作為中環人，你可以去Lady M, Godiva, 但咁樣洗錢，可能仲苦上加苦。反而食杯M 記雪糕，雖然cheap cheap 地，但喺lee 個動蕩不安嘅社會環境或許已經好幸福。食M 記雪糕，識食一定係用肥仔卡，買一杯送多一杯，可以同寶寶開心share。屋企附近lee 間M 記嘅雪糕水準一向唔錯，雪糕同花生嘅份量一定唔會少過幅圖，double 鴛鴦新地仲可以任你揀上下層嘅味道（試過唔係間間肯）。

岩岩買左個MC FLURRY..我:唔該唔該...唔該左好多聲都冇人應...(原因::有大約十個人係到吹水..得十幾歲-20到)之後有條女行埋黎我:唔該要一個MC FLURRY 多COOKIES 拎走...咁就換左另一個人就整個杯MC FLURRY之後整完就放左係到...而幫我落ORDER 條加就係到吹水..我又唔該左好多聲...之後佢先應我幫我整...整都未整好即刻傾計..個膠袋係入左一半咋...我真係好嬲...咩事呀.....非法集會咁...唔洗做咩...番到家..一心諗住食啦....一睇....XYZ@#$你...D COOKIES小就已經唔洗講...仲要整個MC FLURRY入面D雪糕一>>>>>"""""""點""""""""""COOKIES都搵唔到/...小姐你9竟有冇攪過個MC FLURRY 黎= ="咁點解我唔叫新地?!

話說之前儲過既八達通積分，咁都要用一次既。其實上一次用已經係大快活既時候，仲可以將1分當1.5分用。可惜，而家只係得M記先可以換野食，無法啦，咁就食佢啦。麥樂雞餐講真，麥樂雞真係無乜特別。只係一舊好細舊既炸雞，不過如果配芥茉醬點麥樂雞就好食啦。整體上都ok啦，薯條就真係無乜特別，但新鮮炸起就無乜所謂。仲有個蜜糖粉，味道都唔差架，同個薯條都幾夾。青蘋果新地樂唔算太甜既，青蘋果糖水加上雪碧。點會難飲呢？而且仲有新地食，過關啦。免費唔一定要好多好多，有時候一個餐都好夠架啦。最緊要就係知足，咁就會快樂啦。

星期日既早餐本想開開心心的吃一個麥當勞餐去到老麥見到佢講+$5 轉意大利泡沫咖啡...好啦...咁再睇下食咩..輪到我個陣...前面果3個買完等拿餐個d 客既單亂左...個59 號的trainer 開始慌張咁攪...睇下另一個counter...個客人拿起個外賣飲品時就自己打斜左...個面賣野個姨姨叫佢自己行一面自己攪...呢d野唔係你地做既咩...等左5mins 阿59號...終於開始買野...我而面黑黑...叫左個魚柳包餐轉意大利泡沫咖啡阿59號就講咩話...我自問都講野幾大聲....咪再講魚柳包餐轉意大利泡沫咖啡阿59號冷言講"我地冇意大利泡沫咖啡..."咁我就問"冇你地又插個板出來..."之後...算了...魚柳包餐 熱咖啡...咁拿張麥樂會張卡出來..佢問都冇問就答 魚柳包餐 熱咖啡 細可樂, 我心想好似你冇問要咩...以上只係打呢篇前既感想....係再之前都有好多野冇出聲...另外...香港老麥係冇e-mail 俾人投訴....只有fax 同電話去查詢...

轉24小時, 真係嚇一跳!因為不用愀晚上去邊到食野!M記食物我諗大家都食過, 呢間同出面D 大鋪差唔多!不過呢間好多時都不用等位個下好!!呢間分店最忙既時段我諗係午市多, 之後都唔係太多人係到睇書等人HEI時間絕對係一個好地方!而且對開就係巴士站, 等車入去買D野食住等, 又有冷氣, GOOD 啦!如果要介紹食物, M 記既脆辣雞腿包的確係我首選NO.1!香脆可口, 少少辣仲好開胃! 未試過未試下另外就係新出左一排既即磨咖啡比想像中苦, 而且帶熱焦味唔知係唔係即磨咖啡態有的味道...見人見志...

老麥野食之中, 將軍漢堡都可算係上上之選, 可惜唔係成日有得食今次將軍回歸, 仲同埋玉子一齊返黎, 梗係要去試下啦個蛋好滑, 好厚, 加埋檸檬沙律醬, 真係好 fresh咁o岩, 個shake shake 薯條係日式咖哩, 真係成個日式便當咁ar, hohoho

食過咁多間McDonald’s，這是最清淨及服務很好的一間，如果要求不高的話，在這兒吃東西，看看書，很有舒服的感覺，不似在鬧市中，吃完McDonald’s好似打左一場仗咁。

今個夏天出左兩隻口味，一隻芒果一隻紅豆。芒果比紅豆好食，甜左少少，但都幾香芒果味紅豆就感覺清淡d，好似紅豆雪條既味，粒粒紅豆幾有口感，可惜佢既味不足掩蓋雪糕陣奶味，我本身唔係咁buy麥當勞又靜雞雞加左價喇，新地加左5毫子

自從5蚊之後, 一直也很喜歡買來當飯後甜品.但係自己本身又很怕奶味重既食物, 所以每一次買咩味都好都會要求多d醬.近幾次都覺得雪糕愈來愈唔好食, d醬得個甜字, 以前食士多啤梨味久唔久食到粒士多啤梨肉好開心.有次試過食杯都係肉但冇醬而d肉又冇味.幾年前試過菠羅新地, 好香菠羅味好驚喜, 後來唔知自己誤會左定真係停左冇賣.直到前排朋友話原來又返番黎, 今晚買左黎食.點知同其他味道一樣, 好甜, 完全冇菠羅味, 好失望.不過呢可能因為佢地用好多奶所以雪糕好滑.另外想講下呢到食物既質數呢住響呢到其實食野既選擇唔多, 除非落大街.到左夜晚大家樂又閂埋街邊檔又冇開既話, 想即買即食麥當勞都應該係唯一既選擇.但係呢因為呢到人流唔多, 所以好多野食可能整左好耐,又或者佢地會整定d野食擺響到冇就refill(點解我知呢因為我響到做過), 所以夜晚野食多數都唔新鮮就算係晏晝都要撞下彩數, 我試過買盒麥樂魚柳相信炸左好耐好耐, 淋左都已經好喇, 佢係硬左要扯先食到.所以呢間既評分都會好參差.今次的評分只係俾雪糕新地。