麥當勞 (機場一號客運大樓)

## 食評：麥當勞美食體驗最近我去咗麥當勞，點咗個板燒雞腿包，味道依舊不錯。新的機肉堡雞肉外脆內嫩，不過包有點薄，感覺份量稍微少咗啲。而且醬汁太多，且味道偏鹹，可能對某些人來說有點重口味。不過，Shake Shake薯條加上牛油蜜糖粉，真係好味到爆！口感香脆，甜中帶鹹，絕對為整個餐點加分。飲品方面，咖啡加椰子奶一如既往地好，濃郁又順口，搭配餐點非常合適。整體來講，呢次用餐體驗唔錯，雖然有啲小缺點，但仍然值得再來！…查看更多

等咗咁耐終於到我可以飛啦🙈，臨入去之前就搵吓有咩早餐食，不過原來都冇乜好嘅選擇，所以最後我同朋友都係決定咗喺麥當勞食個快嘅早餐跟住就入去🙈 叫咗板燒雞腿扭扭粉餐，清雞湯！整體上佢嘅通心粉都係熱嘅，唔會話係擺咗好耐，雞扒就同平時普通麥當勞都係差唔多，都幾大件下🙈🙈 而且非常厚身，呢個位做得唔錯！另外點少得我最鍾意食嘅薯餅，薯餅都係熱辣辣，今日加少少茄汁食，係我最鍾意嘅味道🙈🙈 不過唯一機場麥當勞嘅價錢比出邊貴，都差唔多貴$20🙈…查看更多

個個都追捧的Pancake - 22由日本引入香港嘅楓糖豬柳蛋漢堡終於嚟到啦，第一日沖咗出機場去試，check-in嗰陣一早就喺個app度撳定，不過前後都用左30分鐘先拎得，因為實在太多人買嘢食，差啲唔夠時間上飛機。楓糖豬柳蛋漢堡甜甜地又咸咸哋，所以味道好特別，自己就好鍾意。相比起豬柳蛋漢堡， pancake比起muffin濕滑啲。🫵🏻 麥當勞 - 大嶼山 Sky Plaza Rd, 香港國際機場一號客運大樓5T150…查看更多

如果冇貴賓室入嘅～可以選擇機場麥當勞，因為好多人都喺嗰度Hea ~空間好大又有得叉電～又有送餐服務門口又可以擺行李可以整五十零蚊喺嗰度寫返兩個鐘睇返飛機嘅時間啱啱好～一個唔錯嘅選擇…查看更多

食物講求色香味食物講求色香味，喺現今既網絡年代色變得更加重要，相機食唔到，就完全失"色"，換句話黎講如果嗰食物嘅presentation ok，基本上就已經可以叫做好食。 又到上飛機時間，食麥當勞當然係幾好嘅選擇，但係就因為係機場最新嘅選址，麥當勞變成左好味之選。 將熱香餅放係飛機旁邊，就好比變成頭等艙嘅食物。加入飛機頭既熱檸檬茶，又會變成 long island iced tea. 單單影呢啲相，上機前都變成特別好心情！ 註：呢篇其實想寫禁區內麥當勞…查看更多

-麥當勞唔賣咖啡？大家都晴天霹靂，原來啲咖啡交晒俾McCafe，轉埋咖啡豆，作為咖啡愛好者嘅我都係一個好嘅消息！Mc cafe Latte通常我會加錢轉燕麥奶真心唔差，一入口即刻覺得非常之甜，奶泡當然冇出面咖啡店打得咁好，但係咖啡機咖啡豆嘅質素都唔錯，值得一試！如果嗰日好匆忙，想臨上機前飲番杯，let's go Mc Cafe!…查看更多

【機場快餐評論】🍔☕️今日去機場試咗兩個快餐，分享下啦！💬第一個就係熱香餅精選套餐，價錢$37.5💰。佢嘅套餐包括熱香餅同薯餅，最近仲出咗新嘅coffee，好心動！🥯☕️熱香餅就係好香，一口咬落去，充滿咗熱騰騰嘅牛油味，好適合早上食啊！薯餅都炸得香口，脆脆嘅質地好好食！而個新出嘅coffee，香濃而且濃度啱啱好，一啖就夠精神！對於咖啡控嚟講真係正！☕️😋而另一個就揀咗炒雙蛋火腿飽套餐，價錢$35💰，都有薯餅。加埋一杯熱朱古力，仲可以喺早上享受啲甜蜜！🍳🍞🍫同樣地薯餅口感鬆脆，同包包一齊食更加開胃！最後，一杯熱朱古力就係完美嘅結尾！朱古力濃郁香甜，暖暖地好適合開始新一天！🍳🍞🍫😍另外佢地有送餐服務，好好服務！希望大家會喜歡我篇食評！祝你食得開心！Bon appétit！🍽️😄…查看更多

去完旅行，成班人浩浩蕩蕩囉完行李，自不然就係覺得肚餓。要醫五臟廟，開關之後周圍都係人。去麥當奴反而容易搵位。 🍖 用左手機app,同餐桌上面自動送餐QR Code, 野食自己送上門，感覺上雖然俾出面貴，但係都總算有啲privilege. 食物都無需多講，以今次咁岩麥樂雞，推出左18件雞，同四種特別嘅醬汁，我地就梗係一齊試下，一人兩件，咁就唔會熱氣啦。但係我最後都係覺得傳統嘅甜酸醬最好味。 🍺✨️每次喺機場離開，就會好期待係一次嘅來臨。下次如果時間充裕，起飛前一定要試下入閘之後嘅靚景麥當奴。…查看更多

有啲事要做所以要入機場，機場因為疫情關係，好多食肆都冇開門。Terminal 1禁區外其中一間仲做生意嘅就係McDonald。咁為咗食嘢，頹啲都要食㗎。叫咗個double芝士安格斯嘅餐，飲大橙汁（+$1.5），叫多咗個香芋批。香芋批係我覺得M記最好食嘅批沒有之一。不得不說，佢個薯條係仲有微溫，但係淋嘅，已經唔多脆。唉double芝士安格斯都熱嘅，入面個樣都okay，唔會好似係亂咁砌出嚟咁。入面啖啖肉，味道都正常。…查看更多

今天跟媽媽搭凌晨機去首爾，出發前當然要去機場搵食啦。由於機場食野比較昂貴，所以我們選了最超值的麥當勞，跟我上次來機場的時間，麥當勞位置已經不同了，證明我很久沒有去旅行，見到朋友推薦必試的麥炸雞，當然要一試，此雞跟平日的炸雞很不同，相當滑，但一定要連皮吃，不然會吃到雪味。…查看更多

最近多事之秋，最好當然是出外旅遊散散心:(當晚預早了時間來到香港國際機場，看到四周人流疏落，這是我所熟悉的機場嗎？希望快點解封可以有正常的人流沒心情於是便到處找東西食，最終選了最實惠的麥當勞還在此初嘗最近推出的麥炸雞套餐，味道的確令人驚喜，既不油膩肉汁又鮮嫩個人覺得比另外兩家炸雞連鎖店有過之而無不及，唯一扣分就是價格偏高同時本人加點了脆香雞翼，雖細小但味道真的很不錯結帳要港幣58元，以機場來說算是十分便宜，可以飽著肚去坐飛機起行:)…查看更多

今次堅係好失望。平時得閒都會食下麥記，諗住夠快又飽肚啦！今次係機場到有啲趕時間，就諗住求其食個麥記餐醫飽個肚就算。點知嗌個餐番嚟啲野食好麻麻地。首先先包砌到離行離迾都算，食麥記係預咗自己都要學砌包。而最大問題係個包塊肉係凍架！個保溫箱係咪唔記得開！之後啲薯條又係淋淋地，外賣番屋企淋咗都話，堂食都係咁就真係麻麻地。汽水唔記得影，一打開就少咗1/6，雖然我都未必會飲哂，但如果其他人嗌杯汽水想飲哂嘅都會唔順氣啦！希望麥記你地會改善下啦，快得嚟，啲野都可以執得整齊同企理一啲。…查看更多

臨飛之前要食飽左先，麥當勞算係最抵食。見安格斯同市區價差唔多，叫左牛仔安格斯試🤗選左多醬，個包入面落多左醬之外仲俾多左盒燒烤醬。薯條走鹽所以係即炸熱辣辣，但包入面塊洋蔥圈淋左，一咬開就同炸皮分開晒😅同埋個包好似打風咁，歪晒😂😂…查看更多

期待已久嘅出前一丁麻油味shake shake 粉終於喺3月21日登場!今次除咗食麻油味shake shake 薯條之外仲試咗期間限定嘅黑咖喱吉列豬扒漢堡同埋富士蘋果特飲呢！全部都喺3月21日推出㗎麥當勞首度聯乘出前一丁推出嘅shake shake粉仲有黑蒜油豬骨湯味㗎 兩隻味道我比較喜歡麻油味多啲 一打開包調味粉嗰陣麻油香味好攻鼻 好似煮緊麵嘅時候落緊麻油咁😂 薯條x麻油味調味粉呢個配搭唔錯 味道比黑蒜豬骨湯味粉更好味呢！…查看更多

早左到機場，要搵個地方hea，見到有老麥就唔諗啦，老麥一定係最經濟實惠嘅。以前係地下個間好迫好少位，而加搬左上二樓，地方大左企理左，有自助機又有人手排隊，方便各方面客人。個人覺得McCafe前面太吉，可以諗諗加啲立食位？哈哈，不竟零晨十二點依然一位難求其實啲餐機場價同市區價都唔算差好多，不過就無左特價野，咁就求奇叫個signature系列啦，芝士安格斯漢堡餐，餐飲要熱奶茶，加大（$46.5），要鋒味的燒味味粉，不過最後都係得海草味，店員話無哂喎…個包啲芝士熱瀜左流出黎幾正，塊漢堡肉又幾全牛味，確實比一般老麥包好食。自助機㩒黎㩒去都搵唔到無唔加大揀，原來要拉到最落先可以睇到第二版:(唉～蝕左，因為本身食薯條只係過下口引，根本唔需要咁多，而且加大餐杯奶茶無得加大嘅。不過加大左嘅薯條份量真係好多，係市區中薯條三倍薯條控可以考慮。…查看更多