麥當勞 (士美菲路)

營業中

休息中

最近新出左抹茶芭菲，$17.5一個就趁吓呢個熱潮。呢杯芭菲嘅材料都幾豐富，除咗有抹茶雪糕，仲有一支抹茶kit Kat，紅豆蓉同埋麻糬仔，賣相都唔錯，同張相個樣差唔多。個雪糕有成3圈半，食落都有少少甘甘地嘅抹茶味，啲紅豆蓉都幾甜，麻薯都幾煙韌，不過都係算係甜，kitkat就係拆咗個包裝插落個雪糕度，所以都冇咩特別。全部一齊食個口感都幾豐富，但係就真係甜多過綠茶味。如果淨係想食抹茶雪糕，可以買$9.5嗰款，慳返啲錢可以食多個><

員工態度差，出餐速度勁慢，有時候要等30分鐘以上。食物質素不用說就知。 經常 漏食物同經理態度非常差冇諗個食客感受而且經常跳號碼例如我11:30p.m買等到12:30先有得食而且衛生問題 好差

雙重芒果新地 $9麥當勞出左雙重芒果新地，芒果軟雪糕味道有d假，面頭加上少少有芒果肉既芒果醬，味道麻麻，退步了。呢一間分店都好大，有兩層，星期六旁晚都好滿座。不過清潔阿叔好惡同其他職員講野，完全唔理有客人望住......

麥當勞MCafe新出產品椰奶拿鐵，只要透過Apps落單就可以用$9.9優惠價購買👍椰奶味道唔夠濃，俾拿鐵蓋住，飲到最後先有椰奶味。如果椰奶味香濃會比較好，因為比較鐘意重椰奶🤗

今次去麥當勞試最後嗰款麥樂雞系列，終於食到麥樂酥條啦！一講起麥樂酥條，我就諗起啲香脆嘅麥香雞配埋嗰陣陣BBQ醬嘅香味，簡直係咁回味🍗！啲麥樂雞酥脆得嚟唔油膩，一啖咬落去，外皮嘅酥香同肉質嘅鮮嫩完美融合，真係肉食控嘅至愛！🤤而且今次嘅酥脆薯條鹽香咁回味，同麥樂雞一齊食，就算係簡單嘅組合都令人滿足。 再講下佢哋嘅shake shake薯條，真係撈得嚟香又撈得嚟趣，每粒薯條都包裹住滿滿嘅調味粉，勁正！🍟至於鮮橙汁就酸酸甜甜，解渴開胃，幾啱喺炎炎夏日飲嘅。 一講到服務，員工嘅手勢快捷，仲有笑容迎人，環境仲算整潔舒坦。雖然麥當勞唔算係乜特別high-end西餐廳，但係佢哋嘅食物質素同埋味道始終保持到一個好穩定嘅水平，所以啦，我會一直嚟食呢啲番口味哋，樸實無華但又好吃嘅麥樂雞餐！👍

麥當勞今日已經喺醫院第18日，食醫院飯餸已經去到極限，終於忍唔住叫咗個m記外賣，試下食新出嘅包同朱古力批，個包難食到嘔，kitkat朱古力批真心好味！1.三重芝士安格斯+粒粒粟米杯+芬達汽水 $51（6/10）由堅尼地城士美菲路m記送去瑪麗醫院搞到個包凍哂，安格斯牛肉乾哂，有少少硬，又話三重芝士，無芝士味，唔好話拉到絲，極難食，勸大家好買！粟米好似無咗牛油，健康咗，無之前咁好味！芬達汽水正常！2.KitKat酥皮朱古力批$10（10/10）雖然凍咗，無咁脆，無咁酥皮，但真係好似食緊KitKat朱古力，一大舊KitKat朱古力食落肚，只係少少甜，好邪惡！1人總共價錢$61個人口味總評分：8/10@mcdonaldshk地址：西環堅尼地城士美非路12F-G號文光閣地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#麥當勞 #mcdonaldshk #堅尼地城 #堅尼地城好去處 #三重芝士安格斯 #KitKat酥皮朱古力批 #盧瀚霆 #ansonlo #香港美食 #h

今日返工比較悠閒，可以食返個早餐先開工，決定去麥當勞買返個早餐。早晨全餐見到早晨全餐有魚柳配，決定買返份，魚柳真係好大份，非常香脆，肉質結實，配上嫩滑炒蛋，香脆薯餅，煙靭麵包，非常豐富。

omg mc donald真係好支持環保，愈黎愈多膠嘅野被換做可分解材料，例如粟米嘅膠匙被木匙取代，又將杯蓋改良可以做到免飲管設計。 今日職員問我會唔會想轉用玻璃杯，直接連紙杯都慳返💯💯💯堂食嘅人大部分都選擇唔用紙杯，本來我都想用玻璃杯，但我坐低食完無時間慢慢飲所以都係用返紙杯食完方面take away😳個法包好好食，多料多汁又濃味，雖然夠脆但唔太熱，岩晒好似我呢啲趕時間嘅人狼吞虎嚥嘅人唔怕辣親咀✔️

The doraemon meal is really good with well match delicious spice and drink. I really like it and the design of the package is awesome. They made this ssummer set so enjoyable to share with frds

年初二中午去堅尼地城外賣自取，取的時已發現漏了一個麥芝飽，掛住追個麥芝飽，就忘記了查飲品，結果如來係3個餐得1杯飲品。返到去掛住傾計，食完先發現係冇了2杯飲品，死無對証，都唔知返去點同店員講，隨時俾人說騙飲品，就無去攞返。叫了3個套餐+1個飽，俾客人時，漏2杯飲品一個飽，唔知佢地點查及放入外賣袋。上次早餐叫3個餐俾錯2個餐，又係返到家先至知。勁差的麥當勞，外賣外賣千萬不要去此間麥當勞，一係你就全部攞去來一件一件打開去核實。

由於今晚一個人食飯, 所以諗住簡簡單單買個 外賣返屋企慢慢歎。 行過麥當勞見到三重芝士安格斯漢堡張 poster 真係好吸引呀😍, 作為芝士迷嘅我, 梗係諗都唔諗就即刻嗌咗里個套餐喇。點知... 我中伏了😭返到屋企一打開個盒真係超失望囉😓 漢堡裏面最頂層嗰兩舊炸芝士完全唔煙韌唔流心, 同埋個形狀係長條型, 完全同 poster 張相不同, 我覺得違反咗商品說明條例囉。至於味道方面, 普普通通啦, 完全唔值48蚊囉, 如果有得再揀, 就一定唔會揀。

喺呢一間十字路口嘅麥當勞真係經典呀24小時營業之外仲有兩層喺十字路口 真係人來人往呀 樓下載唔多樓上就多啲 近幾年做埋24小時仲有出面有甜品賣添即係有雪糕食啦 24小時營業真係西環街坊嘅福利呀 我就最愛錫佢嘅麥樂雞啦 因為呢度人流多嘅關係嘢食都係立即做主好嘅 成日都會見到啲街坊呀咁樣睇一個坐低打牙骹嘅好地方 如果想慢慢才用下wi-fi就可以選擇喺樓上比較多座位又下落地玻璃 可以看盡士美菲路嘅風景我有陣時凌晨失眠都會過嚟食下嘢坐到三四點咁同朋友傾計 人都有呀傾保險嘅做功課嘅 人都有見盡人生百態

星期一係我減肥日子裡既cheat day. 成個星期好似無食野 星期一早餐要有糖 要豐富K town唯一一間就腳既老麥 其實相對之下係難食 (我唔明點解Chain既都可以感大對比...)但過到癮頂到肚都唔緊要喇 又唔係日日食佢廚房永遠都好多staff 行行企企 大聲傾計玩不過算喇 番工開心都緊要不！！過！！執餐得一兩個 早餐番工時份都係My Pace慢慢泥有無人食M記早餐最重視係個薯餅 係精粹 就感一個包+飲品其他麵包店好食過佢係部機俾左錢 行去等望住著粉紅色衫個個人慢條斯理放啲野上枱 已經趕到我就感攞左就走番到公司一打開我！！！塊！！！薯！！！餅！！呢？？？？？？？？？？？？？有薯餅個餐31蚊 無薯餅19蚊俾番12蚊我😭😭😭減肥已經燥底 仲要俾人skip左我塊精粹PS 呢間奶茶難得地入到口

McCafe近期又有新搞作今期推出左100%台灣百花蜜系列總共有三款產品, 包括蜜糖玫瑰鮮奶咖啡、蜜糖玫瑰朱古力同蜜糖桂花蛋糕買早餐只要加五蚊, 就有得轉配蜜糖玫瑰鮮奶咖啡, 又抵又可以試到新產品<豬柳蛋漢堡餐(轉配熱蜜糖玫瑰鮮奶咖啡)>大食妹趁住星期日朝早, 他他條條去麥當勞食個豬柳蛋漢堡餐, 同試吓佢呢個新出嘅熱蜜糖玫瑰鮮奶咖啡套餐包括一個豬柳蛋漢堡、薯餅同熱蜜糖玫瑰鮮奶咖啡, 非常飽肚豬柳蛋漢堡乜嘢味大家都已經好熟悉, 大食妹就唔多作介紹啦<熱蜜糖玫瑰鮮奶咖啡>反而係呢個熱蜜糖玫瑰鮮奶咖啡, 大食妹覺得好出色, 需要特別推介呢隻台灣百花蜜味道天然甜甜地, 飲落有種沙沙嘅口感放喺鮮奶咖啡裏面, 完全冇需要加額外嘅糖上面仲放咗玫瑰花瓣, 令成杯嘢飲又香又甜朝早飲番杯, 成日幸福感滿滿

最正嘅一間麥記呀真係留下不少腳毛呀因為住呢區嘅關係成日都會嚟嘅最鍾意佢有兩層上層唔係太多人可以慢慢坐仲有wi-fi㖭呀佢啲卡位都係好大嘅仲可以有個大玻璃睇風景呀上層仲有洗手間不過我通常都係嗌外賣嘅樓下我買因為同姐姐比較熟佢都會整啲好新鮮嘅畀我呀例如潮啦我就一定要食啲嘅成日先順路嘅嘢呢我都要買㗎又嚟冬天啦就嚟 好快就會有新出嘅嘢食啦佢最近好似裝修咗添 買咗個魚柳包食最近仲用埋佢上面啲coupon疫情之下真係成日嚟買外賣呀