麥當勞 (石蔭商場)

營業中

休息中

價識得加！份量就越來越少！買杯雪糕得半杯收$11.5！不止一次了！第一次我當可能忙無意！但我發覺現在是每一次到時得半杯！你哋班員工真係當啲客傻嘅！越來越過分！我起碼買了五次都是得半杯！咁大個集團完全冇監管！不如直接俾個杯算啦！垃圾以後不幫襯這間麥當勞！平時買個麥當勞餐薯條得三份二，我都已經無出聲！現在每次買雪糕都是得半杯！但唔見得你們收錢收一半！如果又不給我出差評我就放上網！放去啲群組！已經跟你們說過一次了，但完全冇改善！

最近我既麥當勞，只有依間石蔭商場既麥當勞。每次想食麥當勞都焗住要食佢，冇得揀。😫😫今次要左一個麥樂雞餐外賣攞走，一打開外賣袋。喂！喂！薯條凍冰冰又焦黑，仲要得1/3分量。麥樂雞就正常，仲熱味道ok。在薯條方面 我投訴咁多次都冇改變！唉😮‍💨！

今朝見好多人係m記買早餐，所以外賣返去食，舒舒服服係屋企坐，又唔洗等位。火腿扒最岩我食，豬柳扒我就一般，因為有黑椒🤣🤣好彩外賣返嚟啲通粉未咁快淋曬，太淋我會唔中意食。每次食早餐最期待係薯餅，薯餅真係好好食，識食一定係食左薯餅先再食個早餐！

到晚上大約10點左右，人流一啲都唔多但係職員起碼有4個以上職員會聊天很正常 但是否聊天到忘記了工作？我等了起碼15分鐘 但餐廳只有2-3個客人服務態度差 放餐上枱會pat上去🙃

姪仔話好想出街食野，早前應承帶佢去麥當當，做大人既要對應承諾。在疫情期間帶小朋友食野，都驚驚地! 去到人唔太多，而且見員工姐姐四周清潔，感覺良好，每張都有隔距離，食都安心D ! 姪仔點了新出的火腿扖芝士包配薯餅，我點了一杯奶茶及薯餅。個包好岩小朋友食，無多餘醬汁，唔會貼滿面，又唔會滴晒D醬汁係身上，火腿扖好香，配合芝士好好味 (我偷食左佢一口)! 薯餅更加不用說，熱辣辣，外脆內軟，簡直一流，食度一粒粒薯仔，食完仲想食多塊杯熱奶茶都不錯，茶膽夠濃，雖然同茶餐廳口味係爭少少，但勝在水夠熱，茶味不錯，用媽咪卡仲有雪梨茶，姪仔話好飲。

毒人專享: 黑咖喱吉列豬排包(期間限定)樣衰扁扁的，入口芝士和麵包粘牙，醬汁有點咖喱味，加上沙拉醬配脆皮吉列豬排，味道不俗。賣點：價錢相對其他漢堡西餐專門店便宜地道正宗，地域優勢近屋村價錢：大眾化食用方式：外賣，堂食Wifi：使用商場內wifi，或麥當勞wifi上菜速度：快奉送: 紙巾裝修: 黑白黃做主題燈光：柔和噪音：可以接受溫度：適中服務質素：服務員不足，勞累，敏捷，貼心，難得不冷漠。點菜: 宵夜時間十一點半，排隊快，自助付款機也快。菜式：黑咖喱吉列豬排包(期間限定)過敏原：無謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

很好吃，不酸，很甜，醬汁很濃。蘋果批正常發揮，裡面的蘋果肉是小長方形。我用支付寶付款，原價八元，現在只需要兩元。雖然很多香港人都比較喜歡用港幣付款，但是在麥當勞特別是週日繁忙時間，使用電子支付會快很多。

本身想要火腿扒走芝士漢堡 ，唔小心叫了芝士漢堡，非常喜歡火腿扒，只有早餐才有的美味。正正正住在石蔭附近，成日來食麥記，這裡人手都挺缺，用膳時間很多人，永遠要排隊，不過已新裝修和提供自助訂單機

麥旋風大家都中意食架啦oreo都係我既至愛但當有限時推出既阿華田味我都真係要放低一下oreo先呀可能因為反應太熱烈啦我叫左陣都已經無哂機智豆但唔緊要因為我覺得機智豆好痴牙就咁阿華田雪糕加阿華田粉都好好味喇要係佢完之前食多幾次呀！！

之前食過紫薯雪糕， 都唔錯。咁啱頭先經過見轉咗抹茶味雪糕，緊係唔執輸要試試。自己貪心叫咗個玄米脆抹茶麥旋風， 當雪糕站個店員造好交俾我嘅時候,賣相唔錯有oreo餅碎,玄米脆,一條kitkat, 先試啖抹茶雪糕,淡淡抹茶香味唔太甜, 之後食一啖有玄米脆的雪糕, 口感爽脆跟抹茶雪糕頗夾, 值得一試.而朋友要嘅朱古力抹茶新地聽名字有點古怪,但食落又出奇地夾。最後有個小建議,如太餓可食麥旋風,想淺嚐可該$6個款脆筒

第一次睇電視賣呢個牛油果包廣告就心心眼即刻想試！廣告入面個包放滿牛油果真係好吸引！雖然知道現實一定有出入，但真係無諗過可以差咁遠，都幾失望包裝好靚！包住包既牛油紙印上牛油果同菠蘿圖案，非常可愛！薄薄的包，已估到中伏一打開，無牛油果既！仲以為俾漏左再打開另一邊，原來有牛油果，但得三小薄片，同廣告既真係差太遠啦件炸雞係厚版麥香雞，外層脆，肉質滑，車打芝士有一大片，芝士香夠，但主角係牛油果卻得三小薄片，牛油果味不特出，一啖已吃完有牛油果的部份。

事情發生係5月26日下午lunch time,一去到唔算太多人有2條隊,我揀左條前面有3個人既隊排,排左5分鐘左右,終於等我到,點知個女人話排隊去隔離,心諗等左咁耐先到叫我去隔離,有無攪錯,咁我見隔離唔多人得2個,事但啦,排排下,叫我去隔離條女又開返個部機大叫"買野食呢邊丫"玩哂野囉........... 跟住買完野食企左係隔離等,我同後面嗰個女仔都係買8號餐,竟然後面嗰個女仔有得拎野食走先,我都未有囉........ 我都算啦,拎到袋野食心血來潮望下D野齊唔齊,佢無比茄汁比我,我緊係問佢拎返啦,點知個收銀黑口黑面同我講"薯皇一向都唔跟茄汁.........."咪玩啦,我從未試過唔跟茄汁囉.............當佢真係唔跟,你係服務性行業咁既態度真係好有問題囉........成間舖D人都黑口黑面咁.............以後LUNCH唔會再去幫襯佢 今次係專登去買新出既蠻牛食,比我想像中好味,唔會整到好乾無哂肉汁,但辣醬略微小左D

每逢麥當勞推出了新飽我都會走去買來試試看 ... 今次我買了一個芥末魚柳飽餐男友要了一個麥樂雞餐芥末魚柳飽和普通的魚柳飽其實沒大分別只是醬方面用了芥末味道的沙律醬不吃得辣的人可能會覺得辣了點而我, 就覺得可以接受的不過這個飽我不會有衝動再吃下次 ...

我屋企咁岩係正兩間m記中間不過係平時唔係返工日子我都會選擇幫襯商場呢間因為唔洗行樓梯呢間分店由朝到晚都好多人多數都係d大陸媽媽坐係度吹水\或者係d印巴小朋友走黎走去所以唔會有位坐就算有位, 都會俾d小朋友撞死你所以當日同男友一人一個精選外賣返屋企食, 自在d咁m記姐姐幫我地袋作一袋拎走返到屋企一打開一盒好整齊一盒好似打風咁是但啦~食薯餅先唔脆, 淋之之淋到痴住左張包裝紙點食姐?met met met好辛苦先met到d冇紙痴住黎食到食蛋, 漢堡扒果d咁開m記俾既調味料鹽同黑椒個packing濕濕地懷疑係存貨不宜, 潮哂個果jam未開, 但個packing痴立立都唔知佢點收最後都係用返屋企私伙調味料穩陣食物黎講, 其實呢間分店算ok

今日路經, 真的好少幫襯麥記早餐, 望多幾望, 都係入去幫襯, 實在太肚餓 。點了一個芝士火腿扒漢堡配熱奶茶:芝士火腿扒漢堡: 火腿扒真係幾好食, 唔肥, 有口感, 味道好合。熱奶茶: 細細杯越飲越熱, 但茶夠滑, 香。唔錯的早餐 。