麥當勞 (碧湖花園商場)

營業中

休息中

這家麥當勞的環境令人驚喜，安靜清幽，適合聚會或獨自靜思。餐廳內部裝潢現代，桌椅舒適，讓人倍感放鬆。食物如漢堡依然美味，薯條新鮮熱辣辣，服務員態度也友善，送餐效率也很高。無論是快速用餐還是悠閒享受，這裡都能提供良好的體驗，值得一來！

榴槤雪糕，期待已久端午節與家人行街，在商場內路過此處，突見至愛的榴槤，當然唔理咩狀況，馬上order。內心極之不安，要一球榴槤蓉，定兩球呢。。。呢排食得多又肥咗，但又好想好想……終於理性獲勝，叫了一球，慢慢品嚐。真心榴槤蓉與新地極夾，分開食又得，攪拌食仲好

今日天氣超熱 行咗一日街 大汗淋漓真係忍唔住去買杯雪糕消消暑行過麥當勞見到美祿味扭紋新地由細細個開始 我已經係美祿嘅超級fans屋企長期都有幾盒美祿沖嚟飲通常都係冬天飲一杯 暖暖個胃但就未試過凍飲 更加唔好講雪糕所以今日一見到有美祿味新地就忍唔住走咗入去買咗杯嚟食！新地係雲呢拿同美祿味兩溝嘅扭紋上面仲有大量嘅美祿粉 超級足料美祿味超濃 又唔會冚住咗雲呢拿嘅香味口感綿密 味道又唔會太甜真係一次過滿足我想飲美祿同食雪糕嘅願望消暑解渴一流！大家一定要試！

麥炸雞好味今試bbq味，也好味好過KFC雞滑，唔咸天氣寒冷，飲熱朱古力最啱。我覺得M記熱朱古力唔錯，甜味啱啱好碧湖花園M記有卡位，仲有風景睇望住風景，食熱朱，好寫意!

近日聽講麥當勞有新咖啡豆，是100% 熱帶雨林咖啡豆混合沖調，今朝就專登試試。搵到我滿意組合係 「黑糖麵包配濃黑咖啡」🍞黑糖麵包食得健康有營，烤至香口塗點果醬已感滿足。👏☕️濃黑咖啡混合了埃塞俄比亞、墨西哥、秘魯之熱帶雨林咖啡，味道是帶點微酸，口感溫和幼滑有回甘味，如再熱一點我會更喜歡。

呢間M記算係比較多人去幫襯 因為客路來自附近屋苑， 假日既話分分鐘由早餐去到下午茶時段都係有好多人排隊食物方面早餐： 中規中矩 食物都保持係暖 味道同一般m記一樣午餐/下午茶： 唔知點解即使客流量大既時候 炸雞薯條呢類食物都係凍 炸皮「冧」左薯條好硬好乾服務質素：我多數用自助機買好難講到服務質素 店員係戴住笑容工作...不過執錯單問題都幾嚴重 十次有六次會出事-.- 所以：咁岩係附近可以幫襯，不要抱很大期望 因為佢就一間普通不過的連鎖快餐店

同事話放工去食老麥，都好呀，想試下新麥樂雞醬，個個都話鹹蛋黃醬同南乳醬唔掂，哈哈，再伏都要親身試下嘅。叫左一個麥樂雞餐再加一個豬扒蛋漢堡，又平又夠飽嘅組合。麥樂雞餐就揀左鹹蛋黃醬試先，再試埋個新口味汽水。鹹蛋黃醬真係好…失望，果然係無鹹蛋黃味，極極極微嘅鹹蛋黃味，完全滿足唔到鹹蛋黃控。新口味汽水～玉泉薑味，其實都無乜特別，少少薑味，唔係好甜都幾好飲，不過個人都係鍾意可樂同芬達多啲。橫掂環保走飲管，不如走埋蓋？好多food court飲汽水都係無蓋㗎啦。

宵夜當然選擇最近既麥記窮窮地食返個板雞餐加大多醬 薯條走鹽 汽水少冰啦麻煩西客 都無黑口黑面 值得加許麥當勞既專業訓練，所有野外賣返到屋企都係熱辣辣咁食再飲啖冰凍既汽水 爽啊

呢間麥當奴都幾多人食，假日點餐同等餐時間都比較耐。麥當奴餐相信大家都唔陌生，但呢間真係好唔掂。有圖有真相，我叫了熱香餅餐，一打開見到煎到黑黑地，貌相唔好之如，味道當然都唔好食，第一次食麥當奴早餐係咁難食，質素咁差，真係好失望。同樣既熱香餅餐，粉嶺既其他麥當奴分店就做得好好多，下次都係會揀其他分店食，唔會再食呢到既早餐。三十幾蚊食煎到黑曬既熱香餅真係好唔抵，不過呢到既座位都幾舒服，平時見到好多人係到補習、溫書，係冷氣就凍左d~ 

放工黎食個甜品chill一chill，做野咁辛苦梗係要食下甜野開心下，通常黎呢間分店，佢唔近公司，但人少啲地方大啲，同超強勁嘅冷氣，啱晒黎hea一下。海鹽窩夫筒（$13）當網民一面倒話係伏嘅時候，點都要親身試下嘅，無網民講得話咁鹹喎，係咪間間分店唔同嘅呢？個人覺得呢杯少少鹹嘅軟雪糕幾好食，粉藍色仲好靚添，有下次。朱古力批（$8）回歸嘅朱古力批，當年出嘅時候無食過。朱古力醬餡勁多，都有朱味嘅，唔係苦個種，似新年朱古力糖果個種甜到假嘅朱古力醬，個人覺得唔難食，不過鍾意蘋果批多啲。oreo麥旋風（$16）好耐無食了，oreo碎得好少，雪糕份量就幾多，其實呢間分店位雪糕哥仔斟得比其他分店大杯，呵呵。D24榴槤麥旋風（$25）上次推出一度斷市嘅榴槤版，要左普通版，聞同食都有榴槤味嘅，但唔係好勁，而且偏甜，好大眾嘅榴槤製品味，唔知要加三倍個隻係咪勁好多呢？三倍好似係50蚊？貴左少少咁樣了…個人覺得老麥呢個價錢十分抵食，真係唔好要求太高啦。

位於粉嶺名都嘅麥當勞都算方便，亦都好多顧客，但係呢幾次購買食物，我覺得啲食物麻麻哋，唔知係咪多人嘅關係，佢哋可能整定左好多食物，所以當埋位食嘅時候，有啲食物會變軟，啲食物好似吸返啲倒汗水咁，薯條唔係密封包裝就好似好少少，所以整體來講有啲失望。不過，近排麥當勞嘅限時優惠，呢一間麥當勞安排左一條隊，比購買優惠嘅人排隊購買，等候時間快，而且又唔會阻到其他不是享受優惠嘅顧客，我覺得呢樣做得唔錯！希望佢地可以改善，唔好太多預製食物

呢間麥當勞有自動觸碰銷售機你可以好輕鬆咁樣去選擇你自己想食嘅嘢然後用八達通畀錢實在好方便畀完錢跟住慢慢等佢哋嘅顯示器會好清楚咁顯示 你收據上嘅編號今日我買咗個早晨全餐加大真係可以慢慢歎 加上環境舒服係一家大細假日早上早餐勝地

見到抹茶朱古力+Oreo，諗住試試麥記，當俾個機會佢，希望喜出望向，可惜事與願違。$30的價錢，Starbucks能飲一杯咖啡，在麥記的這杯，連7-11的凍飲都不如。沒有抹茶味，只是見到杯有抹茶的綠色。衰到連原本的朱古力味都被溝淡；鋪在頂的Oreo碎，唔知點食好，係預計我撈埋落杯野飲埋，還是食一啖飲一口呢，後者就應該有匙羹啦，但佢又冇喎。只可講句：唔值呢個價錢。再說店員，McCafe的都要留意代客之道；落單後一邊沖調一邊和同事說18/09 請假同學名單：笑，不認真做事。戴了口罩卻沒正確使用，俾人觀感唔太好。不合格的飲品、不太專業的店員，無論食物和服務都令人失望。有期望才會有失望。

今日叫咗個早晨全餐，有兩塊包，一個蛋同埋一塊豬柳加一杯豆漿，等左一陣間有得食，打開覺得比較凍唔夠熱，另外個蛋炒得有啲碎，個蛋份量比以前少，又煮得過熟，好在有杯暖苙苙豆漿！

平時食麥當勞都係點餐，自從有咗自選服務之後，選擇多咗。如果唔係好肚餓的話，散買幾樣野都幾好，同朋友坐下傾吓計，而且呢度裝修完之後地方寬敞，座位又多，今次點左個脆辣雞腿包，粟米加杯檸檬茶，感覺健康，唔需要一定食薯條，所以大家都可以試試！