麥當勞

營業中

休息中

平時食麥當勞🍔早餐 都會飲佢地凍啡一直都覺得有d水準 不過不失但最近幾次 失哂水準首先一番屋企發現個蓋未實差d用咖啡沖左個涼！然後 味道。。。真係差左好多唔知點解會有咸味？失望！

我係麻煩客😂 叫咗雙層芝士孖寶，走酸瓜🤭真係有特登做俾我💓 薯條🍟走鹽，我亦見佢特登炸俾我，好上心🥰 不過佢呢到杯奶茶比起其他地方真係差啲🥴 唔知係我次次嚟都係茶尾定點😂 都有啲苦澀

真係好少可麥當勞都會想食評😂 不得不讚呢度啲服務態度真係幾好，我去嘅時候已經係夜晚8:30，嗌咗嗰餐飲奶茶☕️，杯奶茶難飲到😰😰 我好唔好意思咁走去同佢換，佢話耐咗會咁，叫我可以揀過第二杯嘢飲，或者重新煲過杯俾我🤔 我揀咗後者，雖然仲難飲(苦)過頭先嗰杯，但我欣賞員工肯重新沖過，仲送埋餐俾我🙏🏻仲有另一個小插曲就係，有個婆婆坐喺麥當勞度，但係同我講話唔識叫餐，叫我幫佢，我就幫佢叫咗職員過嚟，嗰個員工都係好熱心咁幫個婆婆，呢啲服務態度估唔到喺麥當勞出現

本人深信，即使連鎖飲食集團，個別餐廳都肯定各有不同，故此不停食不停comment，為自己既食留下印記。事前盼望: 脆辣雞腿包餐剛推出時，juicy既雞腿肉，內藏火辣味道，外包著鬆脆既炸漿...學張敬軒話齋，"我全神愛你， 以靈魂騷動你"...簡直列入我十大喜愛食物之一....現實: 薯條依然保持香口脆度，但相信係炸脆條時因為未有做最後既回火動作，令薯條內藏大量油份，中規中矩啦茄汁保持一貫水準，酸度十足。熱檸茶，喜愛外賣杯設計，方便食客，但可惜檸檬有苦澀味。脆辣雞腿包，有些許兒時味道，邊食邊流下男兒淚，但可惜的是總回不了兒時的全面感覺。果塊有如我面皮一皮咁薄既雞腿肉，雖然依然juicy但過份薄既肉，失去脆與嫩既相互交織對撞。總括而言，中規中矩，食物沒有太失望亦沒有太驚訝，但令人回味的是麥當勞姐姐的熱情與幫忙，相信即刻同性亦會被溶化....

已經有好一段時間冇食過麥記既早餐, 今日見有時間就去左M記買左個扭扭粉豬柳套餐食覺得佢D豬骨湯比以前濃味左, D湯都好夠熱, 唔錯, 食唔停口薯餅岩岩炸起仲好熱 香脆內軟既薯餅係食麥當勞早餐唔可以缺小既野嚟唯一唔滿意既係個橙汁太細杯加大左都係咁話

農曆新年期間，大部分食肆舖頭都無開，又或者要加收service charges，麥當勞係呢啲時間真係良心商店，又開門，又無service charges. 所以就走左去麥當勞開餐。年年農曆新年麥當勞都有新包推出，今次有個咩黃金脆薯牛堡，雞堡同魚堡。我就揀左黃金脆薯牛堡餐，配左個脆薯王！個burger係長形ge，入面有牛扒，洋蔥仲有塊薯餅，汁就係黑椒汁，味道就好香濃黑椒味，但就遮左個牛肉味，或者佢塊牛肉本身其實都冇乜味，薯餅咁夾法就俾d黑椒汁整稔左，分開上仲好......個薯王就炸得幾香脆，有少少辣味吊一吊，係好食過普通薯條ge，用ge薯仔都唔同。不過食呢個餐要34蚊，不如食番25蚊餐......

1號餐再配合新的蜜糖芥末醬是我最愛的口味因為口味會較清淡而且食起上來會回味更多還有一點點粒粒令整個1號餐添上新鮮感 而薯條都很好食因為較硬新及脆所以我十分喜愛再配合番茄醬加酸辣醬加3包黑椒mix成的醬會更加好味

香芋麥旋風 不太太的香芋味Mix得不算好好常常都食到原味的雪榚但香芋味道很好食就好似維記的香芋糯米糍一樣而且跟餐加$8.5都幾抵個可惜香芋味道不太濃而且cookies 都十分好味多量會好食啲但表面一看來都十分吸引因為會淡淡的粉紫色及香芋的香味

大前日(28-2-2016 Sun)同老公瞓醒要去買餸,橫豎要到禾輋,於是o黎呢間平返啲麥當勞食早餐,由於佢仍有張6件麥樂雞迎新劵未用,o岩我唔食得辣,咁佢就可以試佢新o既脆脆珍寶黑椒漢堡套餐.6件麥樂雞迎新劵除有6件麥樂雞外,重有新地筒同細橙汁.而佢就買$43.80o既脆脆珍寶黑椒漢堡套餐加大,係薯條同汽水加大o左.老公先拎個新地筒o黎,我就食住先,新地筒唔多講啦.之後老公攞埋其他o野返o黎喇.薯條o既shake shake粉要美式BBQ蜜糖粉,shake好先食,似有少少辣,老公直情話好食過醮茄汁.之後佢食脆脆珍寶黑椒漢堡,呢個漢堡都有幾多汁,不過老公話好呢hea,佢有四片黑椒漢堡,三片墨西哥脆片,我試吓, 墨西哥脆片好辣同脆,亦係食到墨西哥風味.黑椒漢堡亦夠味,而醬汁味道唔濃,起唔到中和作用,成個都辣辣地,唔o岩我食,食兩啖我唔食喇,由老公食晒..我就食返麥樂雞,原本都冇o野講,但食到最後o個件,發覺雞肉仍然係粉紅色,未熟?好驚喎.衛生:我o地搵到個位,但上手垃圾未執,本來老公都執,但我眼見冇盤,冇理由要老公做埋呢o度o既清潔工o掛?於是行去收銀,搵佢o地啲senior o既職員,

見到M記推出batman盒裝既新出漢堡同薯條，今日就去試下個漢堡包餐，個包幾多料，有一蛋，兩塊漢堡，芝士同芥末醬，同豬柳蛋漢堡差不多材料，但無咁香，普通左少少，而個芝士薯條都算5錯，以快餐店黎講都算ok

之前見到呢間McDonald's 0既食評唔多好，都唔太明白，一向覺得McDonald's 係好standard 的。今日我地其實係為左試新出果個香芋麥旋風先來的~ 一場來到，就食埋lunch 好了~我地要左兩個餐加一杯香芋麥旋風~落order 果個staff 係ok 的~ 不過執食物果個staff態度超散漫! 我地等左15分鐘都仲未整好! 已經有6張單排緊，排我地後面的人都開始唔耐煩!! 終於，好多人等緊0既情況下，經理終於出來幫手~我地總算可以拎食物了~ 但係就唔見左個麥旋風~ 唯有再追~即刻整...點知，整得好差!一食落口...點解唔覺有香芋味的??於是打開睇下! oh!! 白色的ice cream，香芋粉落得太少了吧! 底部係有少少紫色的，不過真係好少!! 而且成杯野無整匀，朱古力粉全部在最面~ 真係太差了! 根本完全食唔到有香芋味!呢間McDonald's 係我食過最差的， services 唔好、食物唔好!

今早去買早餐, 繁忙時間, 職員效率慢.....仲有講有笑......難為了我地顧客排隊等....我買魚柳包餐, 茶包奶茶, 等左好耐, 已經好着急, 有個餐黎左, 又唔講乜餐, 齊左又唔出聲, 到食時, 發現原來冇畀奶仔

薯條都OK，無特別~巨無霸好散，D菜跌哂出黎(唔知係咪因為我唔識食)汽水也OK去到買，買完排隊，點知有人插隊，仲搶埋我個餐，冇得投訴，因為係自己學校嘅學生，只有無奈=V=，但係其實佢叫汽水少冰，我叫正常，只好攞佢果杯少冰......

是日買了魚柳包餐, 魚柳炸得不夠透, 中間的魚柳未熟透. 薯條太鹹, 太多鹽. 個個員工都好像第一日返工, 十分不熟手. 叫了食物後, 又不會叫客人到另一邊排隊取食物.