麥當勞 (已結業)

晚上八九点钟去的，人并不多，到了就直接奔向自助点餐机去点餐了，点完餐之后没过多久就取了餐，并且找到了位置吃了饭，个人在点餐过程中，要求把这个蘑菇汉堡的洋葱走掉，瞬间感觉味道好了很多，薯条感觉是现做的味道非常赞，饮料的量相当的足。

今日喺朗豪坊食總有一間在左近嘅麥當勞，見佢近期出咗一個新嘅signature套餐，本身自己係芝士瘋狂愛好者，所以點都要嚟試吓。三重芝士安格斯牛肉漢堡👌🏻，再加一個意式田園風味批，再加大薯條，差唔多$60 ，感覺有少少貴。芝士漢堡來講，麥當勞一向唔會令人失望，就係出品同埋廣告嘅相係會差好多，味道來講，唔知點解近年所有足三兩，安格斯漢堡，佢嘅牛肉都係好乾震震，不過都明白，乾爭爭好過唔夠熟食完會肚柯。試一次就可以，當支持下。另外嗰個意式田園批👌🏻，都有粟米，紅蘿蔔，有啲茄汁味，我覺得會好食過甜味嘅批，普普通通。******************************👍🏻好食 | 👌🏻可以 | 😔 難食評分 : 5/10簡評 : 牛肉都仲係咁乾爭爭

每次唔知食咩過陣就肯定會黎麥當當。黎到麥當當就會覺得好多野都想食，爽啊😊，哈哈。點翻過麥樂雞🐔+配薯條🍟+飲料🥤一餐又搞點啦。然後再➕個漢堡🍔Yummy, yummy, yummy……開開心心又一餐，正啊……

(English review below)這個月麥當勞用Mirror宣傳，我註定要同Mirror粉絲食大量麥當勞餐抽鏡仔卡。上星期試過金鐘麥當勞Next地獄級食物之後（可以看我之前的Openrice食評），這晚我們來到朗豪坊這間麥當勞，意外發現天堂級食物，實在太驚喜，真心想跟各位食家分享！朗豪坊的鋪位都不怎麽大，很多還要三尖八角，而這間麥當勞也不例外，而它更要以Jeremy做主題（不是他不好，只是各花入各眼，各位粉絲請諒解），硬件上不是很有優勢。不過這裏人手分配不錯，有適量清潔員工打掃，環境很企理衛生，而不會令人覺得他們走來走去好麻煩。記得之前經過這裏都看到他們迫滿人，不過今晚剛好等到一張空桌，所以就決定在這裏吃套餐換卡了。跟上次金鐘Mirror旗艦店之旅一樣，我們兩人共吃了四個餐，抽了四張卡（這次抽到Ian同AK啊，呵呵），而重點是我們吃到麥當勞最高水準的食物。這次跟金鐘之旅一樣，爲了盡量讓食物保持新鮮，我們分開兩次買兩個餐。因爲這次吃到的所有食物都是超班之作，吃完後不是飽而是滿足，跟上次很大分別： 薯條只看第一眼就已經知道他們非常挺身，4、5、6條平排拿起都無問題。吃下去很脆很有

唔知大家係咪同我一樣平時諗唔到食咩就一定會係揀M記!!!!!🙈其實我都好鍾意食M記，尤其是佢嘅脆香雞翼同埋shake shake薯條🍟！！仲有佢個板燒雞腿包一開始出嘅時候覺得好好味，而家個感覺上好似冇之前咁好味，但係都係一個唔熱氣之選🤣🤣Shake shake薯條我就好鐘意依紫菜味！！基本上有紫菜味我都唔需要點茄汁 都好夠味！！而脆香雞翼真係咁多年都keep到水準！🙌🏻🙌🏻🙌🏻咁多年都係大愛🙊

等了十年，飯TASTIC 終於回歸，急不及待去試試有無當年嘅味道，結果卻令人失望。一打開，飯TASTIC 十分扁身，餡料少得驚人，生菜，洋蔥和牛肉都只有數片。牛肉唔老，是日本餐廳照燒牛肉的味道。只需數啖，便將整個飯TASTIC 食完。。。另外，亦叫了一個蘋果吉士批，其實和普通蘋果批沒有太大分別，吉士醬味道不太濃，不過不失。總括而言，飯TASTIC 己不是當年的味道，與其叫一個汁燒牛肉飯TASTIC ，倒不如去日本餐廳叫一個照燒牛肉飯，牛肉更多，性價比更好，更飽肚。

麥當勞真係成日食。由細路的開心樂園餐，到各種漢堡飽，炸雞，薯條，都無咩批評。通常都ok。被廣告和app有優惠吸引，特登試了蜜糖、桂花蛋糕和蜜糖、桂花latte.在app張相，個蜜糖、桂花latte，在玻璃杯，一層層。蛋糕，最上層係蜂巢的樣，好靚。實物，不是玻璃杯，睇唔到一層層。用紙杯，外賣包裝，好衛生。打開，蛋糕和咖啡都好靚。蛋糕一層層，有層次，蛋糕有啲果仁。蛋糕和咖啡，真係有蜂蜜和花的香甜。好味。

用手機點餐叫咗一個巨無霸餐，原本用一個減十蚊券係28蚊嘅， 去到畀錢嗰陣， 話要32蚊，我呆咗，我望個餐牌，唔知點解呢間嘅巨無霸餐竟然係42個幾一個, 你呢周圍麥當勞都係賣緊38蚊一個。 完全畀佢吹脹之後就用另一個優惠券29蚊買咗佢無霸餐。 大家真係要留意一下如果唔係又畀佢呃咗薯條都係勁少, 中薯條同細薯條冇分別😑包又係勁扁勁簿， 係唔可以同以前嘅巨無霸比較。收銀嗰個阿姐態度一般， 畀包嗰個人就態度好好，問佢攞多兩包茄醬都冇黑面

今日就約左朋友仔食飯，但因我早到架要找下地方HEA 吓啦，行下行下行到朗豪坊麥當双咁呢間有埋MCAFE，咁就一於找果靚位坐下HEA 下，做為一個食貨客冇理由淨坐唔食野架，諗起好耐都冇食之士餅，一於叫吓啦，咁我就叫左藍苺芝士餅啦，其實真係唔平架一件都要成$30，其實呢個價錢同其他大型連鎖咖啡店賣CAKE價錢差唔多(連鎖店啲藍苺芝士餅上面重有新鮮藍苺架)，但我都比較鐘意食呢間CAKE，因佢口感比較幼滑，加埋啲藍苺醬一齊食真係幾好食的

呢到既薯條用油炸 美味！漢堡扒真係用油煎 美味！但雪糕略嫌太凍 令到我本身好敏感既牙齒有牙齒敏感好味正冇得彈Delicious amazingtaste good yummy

諗住去麥當奴食雪糕，點知雪糕機壞咗，所以，試下呢個 Oreo Cheese Cake.身為 Oreo fans, 失望，冇乜 Oreo 嘅甜味，cheese cake 都唔夠 芝士味，仲要差不多 $30...

食炸雞去KFC，小朋友都識。但今時今日，竟然麥當勞都出炸雞？！即管去抱住中伏嘅心態去試吓。但結果驚人！我地三人，叫早一個六件雞套餐，包括雞鎚三件雞胸肉三件，兩包薯條，兩杯飲品。我哋加大有埋shake shake粉，每人40幾蚊，價錢同普通午餐差不多。炸雞出乎意料之外相當嫩口，相比起KFC有時炸到勁乾柴，食落都幾juicy。每舊雞份量不錯，啖啖肉。外皮都幾脆，一點可惜係唔似脆香雞翼般略有辣味。但今次plain口味版試水溫成功的話，可預期麥當勞將來會推出唔同口味。總結：可以翻叮！

麥當勞又出新野啦！今次其實算唔算新野？因為脆辣雞腿包本身一直都有，今次純粹係加多左塊菠蘿係入面😑其實都唔明點解麥當勞咁鍾意用菠蘿😪今次呢個餐都唔平，$38蚊，但如果唔要菠蘿，淨係脆辣雞腿包餐都只係$28，一塊菠蘿真係值咁貴？相差成十蚊呀！咁唯有試下值唔值呢個價囉😪不出所料，跟本就冇特別😑加左菠蘿反而減啖左雞腿既辣，但食得脆辣雞腿既人，就係鍾意佢既辣，而家辣味反而冇左，咁就失去左完本既意義😭

細個嘅時候，魚柳包對我來講好奢侈，好難得好難得先會有一次機會可以食麥當勞，大個選擇多咗，已經少食咗好多，今日經過朗豪坊呢間麥當勞，突然好有衝動入去回味一下。原來麥當勞都有下午茶餐，係星期一至五先至供應，價錢真係相當超值， $16有好多種配搭，我今日就揀咗魚柳包加港式熱奶茶☕️！魚柳包熱辣辣，加埋半溶嘅芝士，同埋超級美味嘅醬汁，細個食到魚柳包嘅幸福嘅感覺即刻湧返晒上嚟❣️不過奶茶我都係鍾意飲以前果種味道，而家呢隻港式奶茶好似奶味比較薄，茶亦都唔夠濃，不過勝在$16就有個包加杯嘢飲， 喺而家物價咁貴嘅香港，真係好難搵到！順帶一提依間麥當勞似乎都幾好座，雖然都係多人，但係夠晒大同埋座位唔會密質質，仲有埋mc cafe，鍾意食邊樣都得!

收工早到出旺角外邊落大雨,唯有入商場等人樓下咖啡店搬左,唯有上老麥買杯雪糕食住等而家全面自動付款,自助機下單,拍卡付款單太多,一杯雪糕都要等5分鐘先拎到不過作為等人地方,一流！平平地可以有地方坐！好懷念以前可以多花生!而家只可以標準雪糕夠軟滑!