影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
昨晚工作到晚上7:30，準備收工之際，聽到同事話快將落大雨，我即刻帶住notebook返屋企繼續做嘢。返到去附近 The Lohas 商場，決定簡單食番餐，最方便就係麥當勞。點知一去到就見到新產品脆爆雞腿飽，即刻吸引我試一試。我仲特登問店員攞咗張廣告紙睇，寫住「鬆軟甜麵包、韓國直送煙燻醬、特大原塊雞髀肉、爽口洋蔥條」，睇完已經覺得誠意十足。實物上枱一咬落去真係有驚喜——雞髀肉超厚身，外脆內嫩，完全唔鞋口，煙燻醬鹹香帶甜，味道幾有層次。麵包柔軟微甜，配埋洋蔥條增添爽脆口感，整體味道豐富，質素直迫出面嘅漢堡專門店。一餐快餐，帶來意外滿足感。即使係忙碌後匆匆醫肚，呢個新漢堡都令我覺得：原來麥當勞都可以食出驚喜。
繼續閱讀
姜濤再次做麥當勞巨無霸的代言人~~~巨無霸仲係$35一個餐有埋汽水同薯條都抵食當中麥當勞仲會捐一蚊比麥當勞叔叔之家做善事. 好有意義... 上年升級版的巨無霸係好食左... 因為細個時食... 真係唔好食...起碼而家的生菜是完整的. 個汁又調濃左D. 今次仲有姜濤宣傳的吉士+朱古力迷你批 ... 朱古力味唔太甜但好香濃~~吉士味就正常$11.5....絕對值得一試~~趁期間限定完之前食laaaa仲有好掛住之前出的姜奶批呀~~~~~
繼續閱讀
陳皮妹同學🧑🎓生日🎂會，第一☝️次去康城麥當勞🍔，一上地鐵🚇就係。4點開始，但上一場3:55都仲未走。主人家安排咗座位，我地出咗露天位玩車，玩咗一陣返嚟叫嘢食，不過叫嘢食有d亂。職員🧑💼叫我記住自己係18號枱。有指定menu，想叫抺茶麻薯批話賣哂，想散叫粟米🌽話冇，唯有叫餐薯條🍟轉粟米🌽，叫咗脆香雞翼餐轉粟米🌽飲黑糖珍珠奶茶🧋加蘋果批。等咗20分鐘有嘢食。黑糖珍珠奶茶🧋既珍珠比較少。叫咗紫薯蛋糕🍰，都唔錯👍🏻。麥旋風🌀得Oreo，叫咗兩個share。見其他小朋友🧒出去攞BB雪糕🍦，帶埋陳皮二妹出去攞。一大班小朋友👧🏻阿姐唧到黑面。生日🎂會麥當勞🍔姐姐🧍♀️玩遊戲，有條大柱喺中間唔係點睇到。第一☝️個遊戲Bingo，第二🥈個遊戲穿膠圈，之後就切蛋糕🎂了。勝在冇下場，冇趕人走。
繼續閱讀
新裝修之後佢食咗幾次😂以前叫極都係叫外賣，因為鋪面真係太多人又搵唔到位～就算搵到嗰個位都好迫下🙈🙈11月終於完成咗裝修🔆上幾次去食都揀咗堂食一黎野食會熱辣辣💓💓二黎依家地方超級大😍坐得好舒服，又唔使再等位🙌🏻✨而家依家麥當勞又新又靚仲要有埋小朋友開心開生日會嘅地方🥳🥳平時夜晚落嚟散完步都忍唔住再坐低食個麥當勞兩個人食 用埋親子會兩杯野飲 有個包麥樂雞同薯條仲唔係最佳宵夜又肥返幾磅啦😂😂
繼續閱讀
等咗幾個月麥當勞終於重開啦🎉😄康城平價嘅食物嘅選擇係冇乜嘅唯有食麥當勞性價比最高佢裝修完之後急急腳即刻去試下佢食咗通利琴行個位之後真係大咗超多今朝早放工之後我就去睇下裝修成點啦唔止地方大咗職員都好似多咗好多同埋啲職員望落去都好有幹勁可能我朝頭早時段比較少人招呼好好會有人協助撳自助機我喺電話app order完之後幾分鐘就有得拎整出嚟嘅嘢食都比較新鮮啲靚啲令到我心情都好咗呢個係22蚊魚柳包早餐嚟緊康城都會越嚟越多人住我諗佢擴展真係有佢嘅必要因為之前成日都好多人排隊要等好耐而家大咗咁多人手又多咗應該會好啲
繼續閱讀