影片
招牌菜
近日見到麥記出左新餐廣告，Q版史力加加cat in the boots好搞笑，作為飽肚方便餐去試試無妨。 惹味辣牛堡四塊薄牛肉加生菜洋蔥辣醬函料很豐富，辣醬好惹味但有啲過辣餐跟洋蔥薯餅一盒有5小塊，本身唔太鍾意洋蔥，但呢個薯餅反而有驚喜。薯餅做成一口大小， 本身好夠味， 唔點茄汁食更香。炸得金黃嘅外層十分脆口，切得細碎嘅洋蔥粒混和牛油和薯仔去掉洋蔥本身嘅刺鼻辛辣，而且多左香甜，欣賞！加3蚊試埋青蘋果梳打茶食左啲又辣又脆嘅野絕對要配凍冰冰汽水先算完美！ 今次加左3蚊試埋史力加青蘋果梳打，蘋果味有啲似羅x臣青蘋果啫喱隻味，飲落都有啲茶香，唔算太甜，ok 嘅。同場加映香烤雞翼一向鍾意食雞翼嘅我，差不多每次去麥記都係食脆香雞翼嘅。見有新雞，梗要試下啦，同樣係一盒四隻，但睇落明顯比脆香雞翼細。雞翼配嘅仍然係脆香雞翼嘅香辣醬，呢點反倒有啲失望，一來以為新款雞翼會配新口味醬汁，二來唔係好夾味。烤雞翼算香，肉質還算嫩滑，只係外皮有啲乾身，大概是烤的關係吧。總括來說，此新餐值得一試，對女仔來講可能有啲大份，最好兩個人share了。
繼續閱讀
麥記出椰子批，仲要搶先買一送一，即時和朋友買兩個開心share！外皮雖然黑漆漆，但味道似足oreo，非常滿意，內餡大量半透明白色椰子醬，但食完整個先食到半粒椰肉，即時大扣分，下次都是食蘋果批算啦。
繼續閱讀
我好少鐘意食麥當勞，但每次佢有新野，我都會不期然去試一下。上次蝦堡其實我係十分喜歡的。不過，上次時間，人物，地點，全錯，我放棄了寫一篇食評的機會。在手機找找，原來我發現有影到個盒，呢個飽，菠蘿爽口清甜，蝦肉新鮮美味，呢個飽，好值得食，但係promote期已過，下次出，再食過寫過。到今天，黑白漢堡的reboot，我再次提起勁寫一寫佢。每次麥當勞再出新飽，總會貴貴的俾錢去朝聖，不是人氣博客，俾錢朝聖應是常識吧。這天番工怨氣沖天，於是吃點東西平衡一下，不能去遠的地方食飯，就選麥當勞罷，還可以試試呢個黑白漢堡的風采。記得與弟弟在日本的burger king 曾經出過一個黑色漢堡，佢連塊芝士都係黑色，型到不得了。我記得最正係包皮，唔好誤會，唔好心邪，唔係人體奧妙展，唔係講人身體既一部分。那次的漢堡包的包質乾爽有嚼口，而且有絲絲的鹹味，應該係將麵包後期再加左一點的magic，配合黑芝士，一塊黑漆漆的牛肉，我不禁在涉谷街頭與弟弟合唱黑色誘惑，"潮流今期偏愛黑”，口中咬著漢堡，高歌一曲。時間來到九個月後的香港，我見到呢個黑漆漆，還在芝麻在上面點綴的漢堡，我覺得好吸引，我又想起張智霖的黑色誘惑。好，就選你做我的午餐罷。工作關係，買番去食，可以任影唔嬲，如果唔係，我係麥當勞係咁影人地會以為我係那些宅男餐餐影，雖然我本身都有啲宅，但係麥當勞影飽呢個動作的確會惹來途人目光，仲要係番工地方附近，都係放棄，外賣黑堡呀，唔該。呢個餐個packing 真係好靚，慢慢拍，慢慢吃，慢慢J，唔好意思，J呢個字太高登，陳慧琳先應該J，我應該話外賣返去，慢慢欣賞。我開頭以為，其實呢個餐係同chocolate cross over ，那個黑底白點白底黑點個style 好似佢啲衫，其實大概麥當勞可以諗下出副產品，絕對賺錢過賣飽。唔好講咁遠，食下期待已久既黑色誘惑先。第一啖，唔對路。上次話說食Burger King 個飽好好食，個飽皮乾身而美味，唔知點解，呢個飽好濕好濕。兩塊大大的牛肉好juicy好美味，配合那塊煎得香脆的煙肉，係唔錯既，不過過鹹亦都係其中一個致命傷，奇怪既係麵包既底部有類似薯蓉既野係個底，不過錯有錯著同生菜一樣分擔了其鹹味，令整個飽的味道冇咁重。不過，個飽係幾大份，而且非常足料，好飽。除了漢堡飽，識食當然要吃Shake Shake 薯條啦，陳慧琳話"Shake Shake Shake your body now 一易即見效"，對唔住，廣告對我影響太深遠，就算我好少睇電視，總之，一shake薯條我就會想起佢，今次我仲為左食shake Shake 加大左個餐去攞佢包Shake Shake 粉。I am loving it。風味椒鹽蟹調味粉，呢個真係好鹹，好鹹，同好鹹。幸好本身我呢包薯條咁啱鹽唔多，或者整薯條個哥哥掛著炒股票既關係，或者睇大時代睇晏左眼瞓得很唔記得左落鹽，如果唔係，我諗佢既鹽比例係黃金比例，應該係一比九十九，一條薯條有百分之九十九都係充滿鹽分，如果你當天吃一包，應該係你身體承受既鈉一個月既分量。因此，我吃完幾條後，宣告投降。黑白椰子pie，相信才是呢餐既主角，見到個包裝，你會覺得好吸引。我有一半都係好想試呢個甜品，全因我喜歡椰子的原因。咦……咬了一口後，佢個樣，好離奇，好似曾相識。我影低左佢。男士們，我相信，你懂的。然後，有一天，我在高登看到有人做我同樣既動作。南瓜話周記的西多士係中出西多士，中間出奶黃，惹人暇想，我都覺得有幾分神似。不過，呢個由中間流出既椰子，除左好吃，也更加可以係一個大Gimmick。呢排有一班係Instagram 既食家，影食物影得好靚好靚，我誠意推薦，買回家慢慢影，影到天昏地暗影張靚相，一定可以呃幾萬個like，不過全部都是男人罷。然後你們的fans會多了一大班熱愛電影既follower 。哎呀，我又講太遠了，講番個PIE，唔好意思，太多口水。除了個PIE好食，都要再讚個盒同枇個樣，黑漆漆的外表的確吸引人，對比平時蘋果批，樣子有幾分冷酷，外味亦濃郁。吃了一口，濃濃的椰子味在口中爆發，外脆內軟又保持了一個強烈的溫度，暖暖的枇中流出的椰子內涵豐富，不太甜也不太漏。今餐，最滿意，還是個Pie，不是因為其外貌，而是因為真係幾好食。坦白說，麥當勞好少有新驚喜，佢最叻就係將蛋，牛肉，豬肉，煙肉，生菜，拆開重組拆開重組拆開重組拆開重組重組拆開重組拆開重組拆開，好似那些股票於港交所玩既一拆八，八拆十六既財技一樣，將呢幾樣野好似大檔玩你估粒骰係邊個杯既技巧般，做到早餐全餐煙肉蛋漢堡豬柳蛋漢堡豬柳漢堡漢堡飽巨無霸等。因此，我覺得佢既驚喜度係好高。至少，我望到椰子流出黎既樣子，我相信，那個驚喜和Gimmick，如果你由細吃到大，你會懂的。這個笑面，是屬於椰子pie的。
繼續閱讀
這次有機會首嚐 McDonald‘s 新推出的「麥麥開飯」系列。「麥趣飯」有「燒汁牛」($19) 及「板燒雞」($19) 兩款選擇，另加 $10 則可跟餐配汽水。飯粒內加入了粟米粒，配汋西蘭花，感覺是健康得多，一盒也是夠飽的。味道方面，我個人較愛「板燒雞」，甜甜燒汁配雞扒，不錯吃。「燒汁牛」的口感略嫌不夠滑，也偏韌。你識揀啦！另一款新推的「麥飯卷」$19，有「牛肉麥飯卷」及「脆雞麥飯卷」兩款選擇 (其實我個人仍然很懷念當年麥當奴的韓風牛肉夾餅啊！)烤餅內包著有香菇飯、蕃茄、生菜、青瓜、牛肉或炸雞，吃完一條是非常飽，甚抵吃。另外喜歡加料的朋友，也可加$8加西蘭花或忌廉蘑菇粟米湯。大家若晚上不想吃茶餐廳飯盒，不妨可來試吃個「麥麥開飯」來個平靚正的晚飯。
繼續閱讀
飯氣到肚非常重要，沒有吃米飯的晚上，肚皮總有說不出的空虛感！一眾無飯不歡的朋友，下次來McDonald's（麥當勞）又多一個新選擇喇，KsMeow最近有幸一嚐新品麥趣飯、麥飯卷及凍新鮮檸檬茶！新品晚晚6時後供應，麥趣飯有燒汁牛及板燒雞兩款選擇（單售$24/套餐跟汽水$29）里面除了肉類外，最讚的是米飯中混入玉米、還有大量的西蘭花，照顧經常外出用餐而欠缺菜蔬的朋友，有肉有菜才是均衡飲食呢！．．．另一新品麥飯卷（單售$19/套餐跟薯條及汽水$29）包裝盒有點像蘋果批那個，清晰易用，不怕弄髒雙手！麥飯卷以烤餅包裹香菇飯餅配牛肉或脆雞，里面有生菜、蕃茄等，同是有菜有肉，生活有營！．．．若不夠喉？也可用麥麥開飯套餐優惠價$8，追加價值$13的忌廉蘑菇栗米湯或西蘭花，讓晚餐更添滿足！最後，KsMeow一嚐24小時都供應的凍新鮮檸檬茶（$15.4）茶味頗濃，甜度可按個人喜好調較心水口味！不錯！有興趣開飯的朋友，不妨六點後到附近的麥當勞試試！小分享完畢，有興趣可按KsMeow或Openrice內其他分享！謝謝！
繼續閱讀