麥當勞 (富善商場)

營業中

休息中

近日在麥當勞品嚐了他們的脆辣雞腿包，整體體驗相當令人滿意。包子外皮金黃酥脆，每一口都帶有令人愉悅的脆感，讓人忍不住多咬幾口。雞腿肉則鮮嫩多汁，調味適中，結合了微辣的醬汁，讓味蕾感受到一股刺激的快感。在包內還加入了新鮮的生菜，增添了一絲清脆的口感，與雞肉的香濃相得益彰。搭配的醬料更是錦上添花，讓整個味道層次更加豐富。不過，如果你對辣味比較敏感，建議在點餐時詢問是否可以調整辣度，因為這款雞腿包的辣味會對某些人來說稍微偏重。總體來說，這款脆辣雞腿包是一個非常不錯的選擇，無論是當作午餐還是晚餐，都能滿足味蕾的渴望。若你喜歡重口味的快餐，這道美食絕對值得一試！

麥當勞嘅麥炸雞，真係值得一試！一打開盒，首先映入眼簾嘅就係金黃色嘅外皮，睇落好有食慾。啲雞腿外皮酥脆，咬落去嘅時候，唔單止聲音好好聽，仲有一種香脆嘅口感，真係令人停唔到口。啲雞肉裡面非常嫩滑，咬落去唔會乾柴，味道正宗，仲有一啲香料嘅味道，令整體更加提味。配合一啲醬汁，食落去更加過癮。如果你鍾意重口味，建議試下加啲黑椒醬或者甜辣醬，味道會更加突出。不過，如果你係一個追求健康飲食嘅人，可能要考慮下，因為呢啲炸雞熱量唔低，食多咗可能會有啲負擔。不過，偶爾放鬆一下，享受下美食，真係一件好開心嘅事。總括而言，麥當勞的麥炸雞真係一個不錯嘅選擇，無論係搭朋友，定係自己一個人享受，都會令你感到滿足！如果你未試過，記得下次去麥當勞時點一份嚐嚐！

今日終於食到麥當勞嘅McGriddles楓糖班戟豬柳蛋漢堡啦🥰🥞🍔仲諗住可能要等，點知我早10分鐘喺App買定原來一早就整好咗😍平時我就麻麻地鐘意食班戟🥞，但佢mix埋咸食嘅豬柳蛋又意外地夾😍，班戟又冇想像中咁甜😆，不過食到最尾個幾啖都係有少少漏🫢

最近經過M記試左#期間限定既新地筒💕味道似細個食的鳳仙雪條感覺🍦甜甜地又加埋脆皮感覺好啱夏天🍬同閨蜜一人一杯#麥當勞甜品站 就可以買到啦🥰呂宋芒果新地大窩夫筒#呂宋芒果新地大窩夫筒#芒果味窩夫筒

食過咁多間麥當勞既薯條呢間真係最差一係就凍 一係就硬晒麥樂雞又係乾到梅晒杯朱古力又無味但反而佢個安格斯牛堡又整得好味奶昔都ok不過佢夜晚真係好污糟可能人手不足 全部枱都無執好多蒼蠅飛都係外賣好

見到啱啱出咗海鹽味新地筒，梗係要試一試啦！海鹽味新地筒（$5.5）平時我鍾意食海鹽味朱古力，所以對海鹽味新地筒有啲期待🤩 沖繩海鹽味手信就食得多啦，麥當勞版嘅雪糕唔知係咩味⋯⋯新地筒外型同平時差唔多，嗰張紙就有沖繩特色。海鹽味新地筒嘅雪糕都真係幾伏，味道怪怪，鹹唔夠鹹，甜唔夠甜。可能口味嘅問題啦，總之唔係我杯茶😓成個新地筒，最好食就係個脆筒，起碼係脆既！可能個人口味問題，總係覺得可以同雪糕唔係好match🤣

#LuBie快餐店🍔鋒味洋蔥吉列豬扒包餐（🤤：7.5/10）原本唔諗住試老麥呢個新包 但聽同事食完之後讚唔錯 就去試下啦。食完之後又真心覺得呢個新包唔錯 係一種未試過係老麥食到既味道 因為平時啲材料黎黎去去都係果幾樣，可以算得上近年m記最好食既包之一 試得再encore。🔽個包既重點豬扒係厚身豬扒 用吉列方法炸到好脆下 塊扒幾有肉汁幾嫩 唔會好似平時啲漢堡排咁乾爭爭，洋蔥炒過黎 香香地有少少脆口 帶甜味 加埋佢個甜甜酸酸既醬 同塊微熔芝士，係m記有新鮮感既味道 味道好唔錯 記得趁熱食 會好食啲。🔽杯菠蘿特飲就好普通啦，用菠蘿果醬做底 加汽水 同一塊罐頭菠蘿，其實唔太似菠蘿味 無咩特別,shake shake 粉食落陣味都唔似 可以唔洗加錢試。📍麥當勞#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#快餐店美食#食好西#鋒味洋蔥吉列豬扒包#鋒味系列#mcdonalds

芝喳喳芥末雞堡配脆薯嘜+熱朱古力$29好失望，其實我唔應該抱有期望食完個雞堡覺得，我不如食個麥香雞包算，根本係一樣既，啲醬存在感好低，完全唔重要，唔知佢有出過場，雖然芝士有一整塊，但都彌補唔到我被欺騙既感覺。個脆薯嘜好似真係新產品，我無印象之前有見過，唔再係舊野扮新產品，造型都幾得意😂，幾好食既，但無食薯條咁開心，因為得六舊，好快就食曬🙈以新產品黎個，呢個價錢$29有一個餐算好平，不過呢個包試過一次就夠。

這個夏天比往年來得更熱，消暑的次數也來得更密。最近麥當勞的焦糖新地載譽歸來，早早經已想跟它聚一聚。回家路上，炎炎夏日難得經過麥當勞時仍然有位，還是入一入Pit，休息一下。經典焦糖新地 $8對焦糖控的我來說，焦糖醬份量尚算足夠。軟滑的新地雪糕配上濃稠的焦糖，一厚一薄，口感一流~而更重要的是，有時堂食吃雪糕新地也會很快溶掉，但這天的雪糕卻來得夠凍，抵讚~！

麥當勞新産品＊椰子棉花糖新地本來睇廣告以為成個雪糕都係椰子味 (天真的想法)其實同以往既新地一樣 只係一層醬~ （￣▽￣）只怪椰子醬同雪糕顔色相似椰子醬加雪糕味道好清新，而且唔太甜！椰子醬中夾雜細細粒既椰果，食起上黎有咬口至於棉花糖我就麻麻地鐘意，可能棉花糖同雪糕一齊食會冇左椰子醬既味如果改做加椰絲 感覺比較match。

照燒雞扒通粉，其實都好難話煮得唔好食既，通粉一早煮定，有 order 咪加塊雞扒加湯就出得貨啦。無咩意見，如果通粉無紋又薄啲的話，口感會更好。普通雞湯底，要再熱啲先好食。雞扒有點乾，味道可以，合格。第一次係度叫通粉，飲酒飲到清晨四五點黎叫個早餐食，其實都唔知點解走黎幫襯囉，哈哈。

由細到大最憎就係食麥當奴架喇，如果有選擇，係絕對唔會幫襯既 ~ 不過有新出品都會尊登試一試，唔係點知佢地什麼料子喎 ~ 發現美國、歐洲、亞洲其他國家既麥當奴只得幾樣野食，真係只得香港係咁鬼多選擇、咁鬼多唔同菜式架喎 ~早幾日見到朋友係 facebook 上載個凱旋堡張相勁靚，電視廣告又勁正，忍唔住今日收工係臨食飯之前都要買個黎試吓 ~烤雞中翼，乾囉，咬落無肉汁，味道無特別，鹽烤咸雞翼囉。巴辣脆雞，好鬼乾囉，咬落都係無肉汁，表層硬屈屈，辣就唔算辣，係咸雞翼多左層皮咁囉。皇室凱旋堡，見都見到塊漢堡乾爭爭，一啲都唔 juicy，食落口感又鞋烚烚，牛味又淡，唔掂。但個包真係好大個，就算我都要壓扁先可以咬到。值得一讚既係個包好軟墊、軟棉棉，而配料亦非常多樣及豐富，不過價錢都幾貴。

前幾日食左個一般既KFC早餐, 今次決定食埋M記早餐比較一下早餐全餐-蛋, 豬柳, 包, 我鍾意佢個蛋, 又多又軟又JUICY~~ 豬柳既味始終如一~ 包就覺得硬左D, 唔似即整-薯餅 - 正, 脆脆的~~ -朱古力 - 正, 不過唔係應該到杯內既水平線嗎? 點解好似少左咁既...M記排隊既現像幾時都一樣, 超多人

今朝試左個煙蔥蛋全餐，加兩蚊要加大鮮榨橙汁。個蛋無乜蛋味，不過都幾香。另外塊豬柳咸左ｄ，同埋個蛋一齊食就岩。之後我將ｄ蛋同豬柳夾係個包到，今次個包唔似以前食個ｄ咁硬，而且脆脆地，唔錯！不過夾左蛋同豬柳係個包到食既時候，一ｄ都ｆｅｅｌ唔到蛋既存在…個薯餅都唔錯，不過到我食果陣已經涼涼地了。

27-9-07前天將軍漢堡又出場了!急不及待地買了來食 一打開,有好多醬汁.豬柳較薄。醬汁甜甜地,都幾有風味,不過稍為細個左DEE,配埋薯條就夠飽了!今次個薯條炸得過了火,啡咚啡黃黃的而且佢\落左太多鹽,令我食到一半就冇食了總括來說, 覺得味道一般,可有可無我都係愛食黑椒漢堡多DEE!抵讚的是,服務超快,果頭講完,好快就有齊,好像鬥快似的!套餐$22.8