麥當勞 (東薈城名店倉)

營業中

休息中

7月8號應該全香港有幾十萬人為咗Chiikawa嘅包裝同張貼紙，一齊食同一個餐😆以前食過M記蝦堡覺得麻麻地，所以今次試下蟹肉可樂餅漢堡餐。蟹肉可樂餅漢堡唔係好食得出入面有蟹肉😂應該係蟹柳加醬料？因為有對海鮮敏感嘅朋友話食完都冇問題😂 不過勝在東薈城呢間麥當勞夜晚人流唔算太誇張，所以取餐嗰陣可樂餅外皮仲係脆嘅，加返少少分。為咗Chiikawa紙杯所以加錢轉飲Double冰雪芒果特飲，後尾先知原來叫McCafe其他飲品都會有呢隻杯🥲飲品稍嫌太甜，唔太啱我口味。最失望係跟餐嘅焦糖燉蛋批冇用到Chiikawa紙盒裝🥹 有人表示呢個批好難食，但我覺得味道ok，鐘意食焦糖就會覺得唔錯。

可能大家對麥當勞無乜要求，其實我都係。都係夜麻麻口痕，用APPS嗌左個雞翼餐，APPS有優惠會送多四件麥樂雞。因為東薈城麥當勞出名多人，所以揀外賣包裝，再睇下有無位而決定堂唔堂食。最近可以薯條加$3改做扭扭薯條，一打開真係有D驚嚇，除左送幾條薯條之外，全部扭扭薯條都係碎，無一條係扭到一個圈以上，應該都係「貨尾」關係，所以又碎又搵薯條搭夠。亦因為「貨尾」關係，所以係凍晒!  唉麥樂雞同雞翼不過不失啦，雞翼就似又細隻左喇!而攪拌棒本身都以為係縮水到變尖左，原來係爛剩一半，另一半都唔見有，咁樣都放上盤俾客人，呢間分店真係忙得好緊要呀

今日去咗東薈城，同朋友行吓呢一個outlet, 下午茶諗唔到食咩就決定食個麥當勞。我就揀咗呢個板燒雞腿餐，一個中薯條同埋一杯熱檸檬茶。板燒雞腿包加埋生菜同埋沙律醬口感非常清新，佢沙律醬嘅味道更加可以令到板燒雞腿包嘅味道更加突出，我本身都非常鍾意板燒雞腿包，再加埋朋友俾咗呢個優惠我，真係非常抵食，鍾意食嘅朋友唔可以坐過，唯一美中不足嘅係杯熱檸茶有少少凍，可能係一早整好咗，不過我都費事同經理反映，薯條就正正常常，溫度都係正常，另外呢一間麥當勞都幾好坐，食完繼續去shopping

朋友話呢一個套餐係最後一日所以就過嚟試吓，呢一個套餐喺日本非常hit! 今日終於有機會嚟到試吓，不過就發現冇乜太大驚喜. 可能本身唔係太鍾意甜同埋鹹味道嘅配搭，佢嘅豬柳本身嘅鹹味同嗰個甜我覺得有少少 違和感，冇乜好大驚喜，反而就薯餅幾出色，熱辣辣而且非常香脆，係我本身最鍾意嘅味道！嘢飲方便今日就升級左叫做一杯黑咖啡，黑咖啡嘅豆味都幾香，如果以麥當勞呢一個水樽嚟講，我覺得合格有餘，整體嚟講都覺得佢早餐質素唔錯。

今日入去大嶼山呢邊昂坪360同朋友去玩！出發之前點少得食個豐富嘅早餐先上去🙈🙈 朋友就話食麥當勞快快手，之後再出發去玩！ 我今日就叫咗板燒雞腿雞湯通心粉，通心粉嘅份量比我想像中多🙈 我第一次食麥當勞嘅通心粉，佢嘅雞湯味道正常，而且有粟米做配菜，再加埋太大塊板燒雞腿雞扒🙈 我都差啲食唔晒🙈🙈 薯餅就一貫作風，都係幾好食，我仲另外加多左一件，薯餅熱辣辣真係特別好食，嘢飲我就叫咗熱檸水，呢個就冇乜特別了🙈🙈 整體都幾好呀！🙈

講真，麥當勞的食物就無乜特別，間間都咁上下。每逢多人，每間麥當勞都為咗清單號，都會係個餐未準備好的時候，就會在屏幕上顯示單號。這個（2024年8月21日）早上7:35左右，當看到單號顯示在屏幕上， 一如既往的未有餐。 🤷🏻‍♀️就行去放外賣的架那邊等候，其中一名男經理男經理，看到我的外賣單號，他把所有外賣都放在外賣架，就是特意把我的餐放到另一邊。申利：本人只是密密等待，沒有發出任何聲音。 感到不解🫢

大家各位留意下 ！東薈城間M記, 外賣自取10次有7次係錯既 !! 今次最嬲, order了"雙炒旦火腿飽餐" (PS: 走炒旦), 拎完返公司一睇, 竟然只係得兩塊飽皮同炒雙旦", 有冇搞金錯呀 !! 仲要成個飽濕dat dat, 掉咗, 只係得杯奶茶, 好肚餓囉 !!!!! 衰到連張單都錯埋, 我無拎錯, 佢比錯, 不知所謂呀 。而家咁大集團都搞到咁架咩？冇管理？忙唔係藉口呀 唔該正視下呀？見到都忍唔住出手 貼出黎！！ 字都唔識 睇。唔好當係正常

榴槤控的佳音。見網上咁多人出post話好好食，為食的我一直想試，眼見條龍不停有人排隊，就知極受歡迎，好彩只等了5分鐘就買到一杯期間限定嘅馬來西亞D24榴槤麥旋風，巳有多年未買過麥旋風的我，终於要破戒了要設有獨立雪糕counter的麥記才能買得到,而且聽聞經常賣哂，5時多巳開始截龍，今日下午4時路經，又豈能錯失大好機會$28一杯D24榴槤麥旋風，再比$15加追一球榴槤溶，真係忍唔住一啖接一啖咁食。這杯超多榴槤溶的雪糕，問你點忍得住唔食一球的榴槤溶，貸真價實，我巳忍不住在混落雪糕前巳比我KO咗，大滿足

巨無霸（Big Mac）是麥當勞（McDonald's）推出的一款經典漢堡。擁有標誌性的三層麵包、特製醬汁和雙層牛肉餅的組合，使得巨無霸在全球範圍內都具有很高的知名度和受歡迎程度。以下是對巨無霸味道的食後感：1. **牛肉餅**：巨無霸使用了兩塊經過特殊調味的瘦牛肉餅，口感鮮嫩多汁。經過烹煮後，牛肉餅表面呈現出一定的焦脆感，增添了口感的層次。2. **麵包**：巨無霸的麵包分為三層，中間還夾有一片薄薄的麵包，使得整個漢堡更加豐滿。麵包柔軟，與其他配料形成口感上的對比。3. **特製醬汁**：巨無霸的特製醬汁是其獨特之處。這款醬汁通常由美乃滋、黃瓜醬、洋蔥、醋和糖等成分調製而成，味道濃郁且微帶甜味，為整個漢堡增添了豐富的風味。4. **配料**：巨無霸的其他配料包括生菜、切片的美式起司以及切碎的洋蔥。生菜帶來了清新的口感，起司則為漢堡增添了濃厚的奶香。切碎的洋蔥則帶來微微的辛辣味，為整個漢堡增添了層次感。總的來說，巨無霸的味道獨特且豐富，各種配料和特製醬汁相互融合，形成了一個經典且令人回味的風味。它不僅是麥當勞的代表作，也是全球漢堡愛好者的心頭好。

要講到童年回憶，就一定係麥樂雞餐，細個嘅時候覺得好好食，大個嘅時候都覺得唔差，但重點係職員成日唔記得俾麥樂雞醬，記憶中細個好似唔會發生呢啲事，到底係人嘅質素下降，定公司嘅質素下降

最近看到好多人都在刷麦当劳的新套餐😛，今天特地来试一试，看到湾仔店很多新款都被一抢而空，还好离岛这边还是可以买到的😅果然大山区还是不多人吃—-✅煎蛋安格斯汉堡🍔 $50搭配薯条及饮品，真的是打工人的良心套餐！汉堡采用100%安格斯🐂牛肉加上A级鸡蛋煎香，面包采用松软法式，更加厉害加了两款不一样的芝士分别是浓郁的车打芝士😍（我的最爱）和软滑的白芝士（可以看图片外面那层），等之后再推出经典芝士安格斯和蘑菇安格斯再给大家试一试。缺点就是汉堡真的太小了真的没吃饱呜呜呜🥲还好我全部都加大了套餐所以才吃饱了😓——✅焦糖Oreo麦旋风$10（如果跟餐）超级好吃的焦糖口感里面有朱古力酱和盐味焦糖酱，当然肯定少不了的曲起碎也是我的最爱！我个人对焦糖感觉倒是还好因为容易吃腻，这一款刚吃下去感觉也是偏甜，吃多几口偏腻和容易有点黏牙，我自己感觉还OK吧😂——✅盐味朱古力批 搭配套餐$54优惠就可以买到，外面是热乎乎的脆皮，里面也是焦糖朱古力也是非常甜的一款。——✅这次就给大家初尝一下😊，虽然吃完非常的罪恶感觉满满😅，有什么好吃的汉堡再给我推！

每次通完宵都唔知食乜好，所以今日又一個通宵後的麥當奴早餐，叫左個早晨全餐，其實只係一個拆散左既豬柳蛋漢堡，而個蛋就同豬柳蛋漢堡唔同..係炒蛋黎。成個SET外觀都似一份英倫早餐，首先用果JAM搽左個鬆餅，一啖啾提子果JAM味..正呀。再黎食個炒蛋，加少少黑椒，味道好夾。最後就食埋塊漢堡扒，塊扒好濃味，岩哂通完宵既人，因為通常通完宵個味蕾都弱左。再食埋個薯餅，薯餅炸到金黃香脆，簡直係麥當奴既王牌。飲品加杯咖啡醒一醒個人。

今日係趕時間返工之際，咁就食左少少野先。今次叫左個麥樂雞餐。呢間分店同附近嘅分店即係東涌逸東邨分店相比，嘢食質素方面係差唔多。呢間分店啲嘢食都夠熱嘅，薯條都尚算脆口嘅。都可以比合格Pass啦！至於呢間分店d soft Drinks 其實其他分店一樣都係唔係好夠汽㗎啦！呢間分店服務係比其他分店好嘅。店員會更加有禮貌啦！可能系同開起旅遊景點附近都有啲關係！不過環境方面就唔係太理想啦！因為太多人，實在太嘈。逸東分店相對會靜返少少。

早兩日睇飲食page介紹，29號會有新產品出現。今日lunch time嗰陣梗係要即時去試下啦，Mcdonald's 個手機app到有得用42蚊買齊巨無霸2.0同埋蘋果吉士批，再加大有埋新嘅蘋果shake shake粉，咁我就用哩個嚟買。講返啲野食先，一開如就梗係shake咗個薯條🍟先啦，一路shake一路好奇究竟蘋果批味薯條會係咩味。結果，我就覺得真係有啲格格不入了，有啲似玉桂粉shake shake薯條。甜嘅薯條唔太美味。然後，巨無霸啲肉係比起之前更重味，但係整體同1.0分別不大。最後最後係個蘋果吉士批，哩個令我好意外，平時覺得蘋果批太甜太膩，同埋好㶧咀。哩個蘋果吉士批改善曬蘋果批嘅問題，加埋吉士唔會太甜，啲蘋果唔會流曬出嚟，正喎，好似無㶧咀添呀 (唔知係咪心理作用)整體嚟講，最推薦係個蘋果吉士批，個巨無霸都可以試下

今日入東涌探親戚，見有啲口痕，於是就去咗麥當勞過吓口癮，嗰時大約三點度🕒。每逢星期六日，哩間分店任何時段都人頭湧湧，每次都要等位，好好彩，今次等咗5分鐘就有位了。亦因為人多擠迫關係，我同老公每次都係快快脆脆食完就離開🏃🏽‍♀️🏃🏻💨。我同老公叫咗一個麥樂雞餐兩個人分，因為人流暢旺，所以啲嘢食基本上都係即叫即整，新鮮熱辣辣兼特別熱氣，今次都唔例外。麥樂雞同薯條🍟都好新鮮，點上燒烤醬同加入BBQ shake shake粉，滋味加倍，$30一個餐，簡直係長期糧尾朋友嘅恩物。