影片
營業時間
今日營業
06:30 - 23:00
星期一至日
06:30 - 23:00
以上資料只供參考, 請與餐廳確認詳情
招牌菜
7月8號應該全香港有幾十萬人為咗Chiikawa嘅包裝同張貼紙，一齊食同一個餐😆以前食過M記蝦堡覺得麻麻地，所以今次試下蟹肉可樂餅漢堡餐。蟹肉可樂餅漢堡唔係好食得出入面有蟹肉😂應該係蟹柳加醬料？因為有對海鮮敏感嘅朋友話食完都冇問題😂 不過勝在東薈城呢間麥當勞夜晚人流唔算太誇張，所以取餐嗰陣可樂餅外皮仲係脆嘅，加返少少分。為咗Chiikawa紙杯所以加錢轉飲Double冰雪芒果特飲，後尾先知原來叫McCafe其他飲品都會有呢隻杯🥲飲品稍嫌太甜，唔太啱我口味。最失望係跟餐嘅焦糖燉蛋批冇用到Chiikawa紙盒裝🥹 有人表示呢個批好難食，但我覺得味道ok，鐘意食焦糖就會覺得唔錯。
繼續閱讀
可能大家對麥當勞無乜要求，其實我都係。都係夜麻麻口痕，用APPS嗌左個雞翼餐，APPS有優惠會送多四件麥樂雞。因為東薈城麥當勞出名多人，所以揀外賣包裝，再睇下有無位而決定堂唔堂食。最近可以薯條加$3改做扭扭薯條，一打開真係有D驚嚇，除左送幾條薯條之外，全部扭扭薯條都係碎，無一條係扭到一個圈以上，應該都係「貨尾」關係，所以又碎又搵薯條搭夠。亦因為「貨尾」關係，所以係凍晒! 唉麥樂雞同雞翼不過不失啦，雞翼就似又細隻左喇!而攪拌棒本身都以為係縮水到變尖左，原來係爛剩一半，另一半都唔見有，咁樣都放上盤俾客人，呢間分店真係忙得好緊要呀
繼續閱讀
今日去咗東薈城，同朋友行吓呢一個outlet, 下午茶諗唔到食咩就決定食個麥當勞。我就揀咗呢個板燒雞腿餐，一個中薯條同埋一杯熱檸檬茶。板燒雞腿包加埋生菜同埋沙律醬口感非常清新，佢沙律醬嘅味道更加可以令到板燒雞腿包嘅味道更加突出，我本身都非常鍾意板燒雞腿包，再加埋朋友俾咗呢個優惠我，真係非常抵食，鍾意食嘅朋友唔可以坐過，唯一美中不足嘅係杯熱檸茶有少少凍，可能係一早整好咗，不過我都費事同經理反映，薯條就正正常常，溫度都係正常，另外呢一間麥當勞都幾好坐，食完繼續去shopping
繼續閱讀
朋友話呢一個套餐係最後一日所以就過嚟試吓，呢一個套餐喺日本非常hit! 今日終於有機會嚟到試吓，不過就發現冇乜太大驚喜. 可能本身唔係太鍾意甜同埋鹹味道嘅配搭，佢嘅豬柳本身嘅鹹味同嗰個甜我覺得有少少 違和感，冇乜好大驚喜，反而就薯餅幾出色，熱辣辣而且非常香脆，係我本身最鍾意嘅味道！嘢飲方便今日就升級左叫做一杯黑咖啡，黑咖啡嘅豆味都幾香，如果以麥當勞呢一個水樽嚟講，我覺得合格有餘，整體嚟講都覺得佢早餐質素唔錯。
繼續閱讀
今日入去大嶼山呢邊昂坪360同朋友去玩！出發之前點少得食個豐富嘅早餐先上去🙈🙈 朋友就話食麥當勞快快手，之後再出發去玩！ 我今日就叫咗板燒雞腿雞湯通心粉，通心粉嘅份量比我想像中多🙈 我第一次食麥當勞嘅通心粉，佢嘅雞湯味道正常，而且有粟米做配菜，再加埋太大塊板燒雞腿雞扒🙈 我都差啲食唔晒🙈🙈 薯餅就一貫作風，都係幾好食，我仲另外加多左一件，薯餅熱辣辣真係特別好食，嘢飲我就叫咗熱檸水，呢個就冇乜特別了🙈🙈 整體都幾好呀！🙈
繼續閱讀