麥當勞 (天平商場)

營業中

休息中

夜晚早食飯，到咗11點呢啲鐘數好肚餓，但係因為住得遠，所以附近嘅餐廳都閂晒，就食麥當勞啦。因為有download麥當勞個Apps，所以就帶咗佢個$38嘅炸雞餐，今次好好彩係新鮮炸嘅，個皮仲係好趣卜卜，雞肉都好滑😋😋

食M 記已經唔算得上想有咩要求，但係，我就係想食熱的，脆的薯條，麥樂雞，唔叫外賣，唔叫麥麥送，去堂食。結果：麥樂雞：又凍，又淋薯條：又凍，又淋大杯裝檸檬茶：得2片大檸檬1片細檸檬，超級淡，實在太淡，我去叫佢沖返濃D,佢地係咁二，加少少茶落去😭😭😭炸薯圈同雙層芝士孖寶正常。但全餐我都覺得十分失望。。。。用餐時間已經係1:40，唔繁忙，都做得咁差？？？正常麥樂雞，薯條如果有少少淋，但現塲買，都會熱或者暖，我唔明點解今日的係凍既？？係咪個暖櫃壞咗？

講起食早餐，大家都可能慣左係天光後先慢慢食。不過因為一次工作，半夜三間都仲要開工，肚子餓到打曬鼓咁咪唯有去搵野食。本身打算食宵夜，但係上水區水貨客就多姐，野食邊會多架。正當我想打消念頭果陣，救星出現了 ---- 麥當勞。凌晨四點就有得食早餐，正到不得了。特別係呢個十號餐 -- 珍寶套餐，入面有薯餅，炒蛋等等。不同食物既口感都為呢個寂靜既夜晚添上幾分色彩。講下呢個珍寶套餐嘅味道先啦，首先個炒蛋炒得幾滑，最好食嘅時候加埋胡椒粉同小小鹽，咁樣味道就會特別好食。豬柳嘅味道雖然食過好多次，但係因為佢嗰種特別嘅鹹味十分吸引我。跟住個熱香餅，食嘅時候記得要架牛油同埋糖漿，咁個味道會更加好。最後個薯餅啱啱炸起，脆卜卜特別好食。珍寶套餐咁豐富，食完真係會好飽。

將軍回歸，今日就去試下，遇著放學潮成間餐廳全部係小學同幼稚園學生及家長，好似幼稚園課外活動開餐咁，細路四圍走，大人大聲傾談，街市一樣！普通麥當勞格局！地方都算乾淨！咁多人都只係開一個櫃檯，好在店員落單買食物好爽手，所以好快就攞到食物！搵個落地玻璃向馬路開揚二人位慢慢嘆！將軍漢堡：自己對將軍漢堡嘅醬汁一般，因為味道太甜，食唔出咸味！今次生菜絲又唔多，中和唔到甜味！麵包鬆軟！如果好似之前將軍玉子漢堡有雞蛋會平衡啲！紅豆批：外皮香脆，可惜紅豆餡太甜！薯條：新鮮炸起，夠熱唔乾，點茄汁好正！熱朱古力：食咗之前嗰幾樣，已經好甜！所以到呢一樣已經好甜！飲唔晒！呢餐幾樣食物都好甜！甜過漏！平衡唔到！其實分開來食味道係正常！只係自己嘅配搭唔好！

登~~登~~登~~黑漢堡今日終於登場！即刻去試吓先~~因為太多人了，都系外賣返屋企食(亦好彩我選擇外賣)加咗$4轉珍珠奶茶都估到個包唔會好似廣告咁靚，返屋企打開個盒，見到好在個包同個盒唔會差太多，D餡就算散都唔會散得太厲害，不過對女仔黎講個包都幾厚，加上成個包本來已經散散地……同埋薯蓉會令個包一路食一路散，食完我成手都系薯蓉加汁……講返黑漢堡，佢味道唔錯，薯蓉加蘑菇汁加牛肉本來就系一個好味既組合，其實好難唔好味個包塊牛肉又唔乾，正！跟餐既薯條，算吧啦……「林」到，我都唔知佢放咗幾耐……到珍珠奶茶，其實系麥記奶茶，加珍珠廣告話黑珍珠有芝麻味，白珍珠有米飯味，當珍珠+奶茶同一齊飲，我完全唔覺珍珠有咩特別，但俾母親大人試一啖，佢居然特登搵咗一粒黑同一粒白珍珠黎試，咁先試到完來真系黑有芝麻味，白有飯味，我唔忿氣，特登飲晒D奶茶，然後試吓D珍珠，又真系俾我試到兩種味，幾好玩~~杯野唯一缺點系D珍珠太腍……

今日下午同女朋友去呢間m記到食個午餐.叫左個魚柳飽餐同雙層芝士孖堡.其實宜家對m記d飽都冇乜期望. 是但方便食d野都ok.但估唔到現在的飽可以差成咁.一打開個魚柳飽張紙, 哇! 個飽細到. 細到好似玩具咁.可惜冇影相, 比唔到大家睇...不過大家可以去買來睇下...但唔知係咪間間都係咁.個飽個面積同個月餅差唔到大., 高度就少月餅一半啦,我諗兩口應該可以食得晒個飽.服務: 兩個餐得一張紙巾. 唔使咁環保下話.細細個開始就食m記, 有時冇咩野揀都會是但食m記算.唉,再係咁.都唔知仲有咩可以揀了.