影片
營業時間
今日營業
10:30 - 23:00
星期一至日
10:30 - 23:00
公眾假期
10:30 - 23:00
公眾假期前夕
10:30 - 23:00
以上資料只供參考, 請與餐廳確認詳情
食家推介
放工經過，呢間的雲吞麵算不錯。叫了一碗細的，$48，麵的份量可以，麵質可以，但唔夠彈牙，雲吞是鮮蝦造的，夾有大地魚末，味道合格，不過個湯底麻麻，池記的湯底比這裹好。
繼續閱讀
平時食開雲吞麵今日試吓豬膶同埋豬腰估唔到質素非常之好整得好食豬腰嘅地方好少呢度仲要大大塊豬潤超級厚切味道粉嫩食得好開心同埋雲吞麵師傅樓面姨姨服務都好好👍🏻下次試吓豬手先
繼續閱讀
晚餐食少啲 ，健康啲 。😘今日就食雲吞麵啦， 叫咗一碗大容 ，一碟油菜， 簡簡單單就一餐 。老牌雲吞麵店買少見少， 越食越貴。 不過物有所值 ，呢度裝修得幾精緻典雅 ，乾淨企理 ，卡位坐得好舒服 ，服務殷勤 ，一嚟到就送上熱茶同餐牌， 慢慢揀 。大碗雲吞麵其實唔大， 有五粒雲吞， 啲麵好爽口 ，同其他普通嘅麵店有好大分別。 嚟呢度就係鍾意食麵 ，落啲醋 ，雲吞麵更加好味， 又叫咗一碟芥蘭走蠔油， 芥蘭非常鮮嫩， 灼得軟淋淋 ，但係依然保持青綠， 菜有菜味 ，蝦有蝦味， 面有麵香味， 這才是味蕾的最高享受 ，食完麵還不忘 再斟多杯熱茶， 回味食物的精髓 ，埋單時 ，也不忘講一句多謝， 人情味十足， 這裡保留了食物的文化 ，也保留了傳統的禮儀， 要多多幫襯 ，令傳統得以傳承下去。👍👍
繼續閱讀
我對雲吞麵有情意結，每隔一段時間就會想食返一碗多醋多辣椒油嘅雲吞麵。同家人喺維園散完步，行咗入天后，見到麥奀記，又心血來潮入去坐低叫左碗細蓉。麵質爽口有彈性，湯底鮮甜，雲吞共有4隻。雲吞入面除咗有一隻鮮蝦之外，仲有蝦籽！加埋紅醋同秘製辣椒油，就係我心目中雲吞麵應該有嘅味道。唔知係我胃口好定碗麵細，我兩三啖就食晒。食完仲好似囉囉攣，未夠飽，結果我再叫多咗一碗炸醬麵。炸醬麵嘅肉絲大小不一，而且肉質比較嚡，不過味道調校得唔錯，甜甜辣辣。家人唔肚餓，為咗陪我，叫咗一碗瘦肉粥。師傅真係即叫即煮，碗粥上枱時仲係滾架！可惜粥底無乜米香，亦稀身。下次去麥奀記都淨係食麵好喇！
繼續閱讀
總會覺得天后係個小地方～偏偏越黎越多食肆～小編可以慢慢搵食🤤今日想食碗雲吞粉麵之類～決定去依間麥奀試下～之前係其他區都試過架啦～比一比邊間好啲先😎新鮮牛肉拼水餃粗麵滑牛肉黎～肉味唔算濃不過煮得剛好～唔會好熟亦有咬口～水餃料多皮薄～但味道上唔算好出～湯底色濃味淡～味道上同粉麵唔算好夾😅—————————————————☻非專業食評·純個人口味☻—————————————————📍總結:湯底同粉麵位小編認為差dd～但餸菜上係好味既👌不過價錢上比較略為有啲貴～有時間再係附近搵食～到時再同大家分享😜
繼續閱讀