麗都軒 (已結業)

外婆住慈雲山，方便老人家行動選擇去慈雲山中心，知道入面有二間洒樓，我特別鍾意呢間，因為佢地有海鮮及燒味特價，這裏出名是燒鵝，我地食過幾次，真係好味，不過外婆牙齒唔好，今次叫了燒雞，因為佢又鍾意吃開口嘢，皮脆肉嫩，味道恰到好處，因為好多時燒雞會過咸。我鍾意呢道吃海鮮，都算便宜，部分又可以二件起叫，好似今次吃蒜蓉粉絲蒸元貝4個人每人一件，又例如龍蝦伊麵、百零蚊有找，我都食過，真係齊一隻龍蝦，抵食指數極高，價錢平又好味，確是難找。唯一今次要劣評是咕嚕排骨，完全唔入味，我諗主要是醬汁太少，兜唔入味。勝瓜魚鬆，簡單好味。這裏地方夠大，人流極小，服務員又夠多，現在酒樓最普遍是服務員不足，叫人要罰舉手。…查看更多

此間麗都軒直情等執笠，8點叫楊州炒飯，居然話要成個鐘，仲問你要唔要，叫海鮮無海鮮，服務態度其差，食物質素甚差，侍應及經理目無表情，好似去喪禮咁，叫極都唔理，真激氣…查看更多

提前食母親節飯，可能果晚人超多上菜超慢:(:(龍蝦伊面，龍蝦有少少油，但面好入味上面呢份蝦丸，真係好好味，建議必試，蝦肉好嫩，甜甜辣辣好咸......................呢間野d乳豬幾乎每次都次，水準都保持到其他菜都好好味，不過都要講句，千祁唔好點餐:(:(:(:(果晚我地兩家人食，叫左份套餐，只可以講句，大家都認同以後都單叫…查看更多

中秋節同屋企人去左呢間野食團年飯...點知食到勁吾開心...我地6點45分點餐..然後7點度上第一道(預定左)既乳豬...之後-"-...等左足足成個鐘頭...乜菜都冇上過...一家人on••係度等...好啦..之後搵經理理論左陣..菜終於到啦...點知..第一樣上既菜係凍既..當然要求廚房整番熱啦...開頭個經理都試圖辯解不過之後都肯拎番入去翻熱...但更過份野係之後泥既餸都係冇一樣野係熱既..全部吾係凍既就係吾熟..龍蝦都係腥既...好啦~全部再翻熱...但上菜果位姐姐d態度真係呢..黑面到..然後我家人問多聲今次d菜夠熱未ga..果位姐姐就話熱~好熱..然後細細用好差既語氣話睇熱啦!..哇..問我地既話..真心吾打算再去幫襯...…查看更多

首先要講推輪椅唔好去呢間野，因為要轉3次電梯!!本人今日第一次去呢間野飲茶，服務員帶你去貴賓房千其唔好去，入左去基本上無人理你!!!重會你食食下野的時候有台麻雀係你隔離嘈住哂要講的係食物上菜的時候已經唔熱，煎蘿蔔糕賣相差，千其唔好叫呢樣野食海"節"鴨絲lo麵，個生麵完全無剪過，成餅野好難夾:(落單過左20分鐘一定要吹，唔係就一定呆等，因為佢地根本無入到單服務態度極差，叫佢拎水杯，到你走都無空碟你自己執，過左3點半落單基本上所有食物質素都唔得，又凍，份量又少!!你想要醬料，職員會叫你自己拎lo!到你出到去，人地收埋哂d野，叫佢俾你，成幾分鐘先俾到你!!同主管投訴，佢一於好少理你。我勸大家無咩必要都唔好去食呢間野，真係食到你一肚氣!!雖然佢公司話wor, 本集團另一間位於大型屋村的高級食肆、鄰近慈雲山中心商場、巴士總站、馳名任食火鍋、晚上8時半後更有優惠、社團飲宴、海鮮晚飯、招呼週到、賓至如歸。不過d服務重差過茶記lo!:(…查看更多

今天同太太屋企人去左麗都飲早茶, 啲點心質素一般，但就十分抵食, 叫左咁多嘢三個人食都係一百蚊鬆啲, 都算 OK 啦!牛肉腸都幾滑, 啲豉油仲好好味!:)不過咸水角就麻麻地，啲皮好硬!:(鮮蝦白菜餃啲皮唔 lim 口,啲蝦仲幾爽漆!最鍾意食糯米卷, 又大舊又好味!盅頭飯就一般, 無咩特別!海鮮沙律卷好多油.:(炸鮮奶用左好多粉嚟炸,嗰皮好厚好難食!如果不是要求太高,都係一個選擇,因為幾抵食.…查看更多

Book左間房唱K,D歌好舊..乳豬不錯龍蝦伊麵好!大碟西蘭花帶子一般那個唔知咩咩竽蝦卷好味!!!!翅就OK LA..壽包蓮蓉比上次少,但都不錯$$過1千…查看更多

燕窩蛋撻 , 特價貨 , 皮不夠鬆化 , 味道一般 鮮蝦腸粉 , 蝦新鮮爽口又大隻 , 腸粉夠滑 , 水準屬於中上 :)芝麻湯丸 , 芝麻蓉的餡料香甜 , 芝麻味濃又流心皮厚但軟稔好有彈性 :)燒賣 ok , 唔錯椰汁糕 一般一般小籠包 , 沒有湯的 :(環境唔錯 , 地方鬆動 , 與附近枱不會背貼背的坐有D卡位 , 人少少3,4個最岩坐侍應們態度友善 , tick 了的點心如果沒有 , 很快就會回來跟你說價格便宜 , 吃了那麼多也不用 $80 , …查看更多

每星期會同我mummy兩個黎飲下早茶.有時係 7-8am 有時係 10-11am左右~但我地黎親都5會係星期6 or 星期日.唔喜歡同人迫或者等位^^佢呢度 morning 好多特價野食~雖然特價~但唔好睇小佢~有d水準架.早上佢有一個 [咸蛋燒腩仔飯] 或 [咸蛋叉燒飯] ~一碗仔囉. 特價 $ 8.8 詐~仲要係足料架,d 燒腩仔好得.我每一次都叫~每一次都甘趣口架.(我喜歡點沙糖食cc)同埋呢度d 煎蘿蔔糕 又係好精彩.我唔喜歡多送~我喜歡多蘿蔔既.呢度岩晒我同mummy口味.唔打喇`留番將d好味野打係 推介度啦.…查看更多

威哥初為人父，開心到震，邀請我們赴薑酌，可喜可賀，怎也要抽空出席，為免老人家舟車勞動，這晚筵開兩席於慈雲山麗都軒。菜式方面，選了全包宴，自家人敘會，不需太奢華，過得去便算。上湯灼生海蝦，份量頗多，不期望有海蝦，也算新鮮，大家坐低有些細藝，剝下蝦鼎湖五福拼盆，一般祇聽過鼎湖上素，不知燒味與鼎湖有甚麼關係，是有五種燒味的拼盤，燒鵝，油雞，燒肉，燒排骨，海蜇，質素不過不失碧綠花姿金花蚌，有很多翠玉瓜，大大件，可能有一斤，花姿片和貴花蚌爽脆銀蘿瑤柱甫，節瓜瑤柱甫，瑤柱約五毫子大，節瓜可以腍些更好紅燒鮑參肚翅，有些翅仔，好多雞絲，冬菰絲等，較似蛇羹鮑汁花菰花膠筒翡翠，花菰個樣幾得，肉厚，菰味不太濃，花膠筒細細隻，口感唔錯，墊底的菜苗像青綠的芽菜，爽口清蒸大青斑，頗夠斤兩，魚腩很滑、肥美，魚身剛剛熟，無黐骨馳名骨氣木桶雞，用木桶裝，有湯浸著，肉質麻麻，味道不及炸子雞般香飄香荷葉飯，無食，太飽香蜜炆伊麵，無食，太飽精美甜品，係紅豆沙，夠腍美點雙輝，有千層糕，金金黃黃，但無乜蛋黃味，糯米滋芝麻餡像岩漿般熱，好正合時生果有西瓜和橙。服務方面祇得一個女侍應招呼兩圍，有頻換碟，但起菜效率奇高，試過同一時間有三個菜在轉盤，廚房趕收工？一個鐘頭左右，全部起晒。希望威哥再接再勵，三年抱兩。…查看更多

今次推介的是鮑汁炆伊麵，因喜歡吃伊麵，所點了此食品。鮑汁炆伊麵則有所驚喜。雖然沒有鮑魚，但伊麵炒的火喉剛剛好，伊麵不會太乾身或太多汁，咬下去麵身軟硬適中，炆至所有水份收乾時落韮王，兜勻即成，有很香的鮑汁味。它用料不多，但可炒至如此美味，實是廚師的廚藝了得。…查看更多

前星期五友人被罰要請食飯，一行四人來這裡，只因夠平又好食。八點鐘居然坐了九成人，真想不到。我們所食的都是普通餸菜，如有 燒雞半隻、海”折”、金銀蛋豆苗、炸鮮奶、牛柳卷、炸生蠔、炸蝦壽司卷等。(還有兩碟，現在記不起了。)燒雞：皮脆肉滑，有淡淡的雞味，最要緊的是肥膏不多，上枱時仍熱，不錯之選。金銀蛋豆苗：大大的湯碗盛着，青青的嫩豆苗氣味而且爽口。(我喜歡食未煮至淋的菜，未熟也不成問題。)炸鮮奶：全枱最出色的一碟，又滑又有奶味，外表又夠脆，亦沒炸得過「老」，有滿分。(很多食肆做得有粉粒，以至嚡口。)牛柳卷：食味一般，不特出，也有點細碟。炸生蠔：也不錯，外脆內有汁，但有些炸過龍，脆漿太深色，影響買相。壽司卷：普普通通，食時蝦已凍了；亦因與其他食物不夾，所以沒什麼特別。還有另外兩碟，連汽水白飯也只是 $305 ，很抵食。 (因為很多餸是28蚊一碟而已。)…查看更多

勁多野揀你打邊爐食0既菜都有仲有新鮮牛滑所謂0既「黑毛豬」雖然一定唔係, 但係真係好味過普通0既豬好味得多有豬頸肉、墨魚仔、仲有好好味0既包心丸!!用料亦都唔差又可以加廿零蚊食其他野如雞子只係太嘈但酒樓無辦法啦仲有野飲任飲唔係汽水咁"行"有綠茶蜜、參蜜、ribena唔會淡到無味0個隻食得過!…查看更多

年初二，我地下晝成家同阿公去飲茶，約12點幾呢間等左20mins到就有位同埋呢間起價唔太離譜，收$6位茶，下面間鳯德樓收成$8位......入到去，我坐底左5分鐘都可以無人問我地飲咩茶同埋加張凳(因為我地5個人，佢俾張4人枱)雖然我地唔係熟客，無俾利是都唔使咁下話叫左好多野食，記得有灼菜心: 一般，呢樣都好難整得難食芫茜皮蛋魚片窩米: 我腸胃炎未好番哂所以先叫，佢d皮蛋咬口好怪，但魚片幾滑，同埋$28幾抵食炸雲吞: 我無食，不過我細佬話d餡極少，佢以為係食緊炸雲吞皮，同埋佢俾千島醬點，好怪柱侯金錢肚: 聽講好入味，不過得4片好少北菇滑雞飯: d米靚，所以d飯好食，不過佢係用雪雞，得個滑字，無咩香味豆苗餃: 我好鍾意食呢d野，好香豆苗味仲有幾樣唔記得5個人total $275兩年前新年呢間開左無耐，我地去飲，佢態度真係咁差，仲要叫咩無咩，可以連灼菜心都無其實算抵食，但要俾喊因為服務態度實在太差…查看更多

一家人黎飲下午茶,等左4個字左右食物款式選擇多,叫左好多點心+2個炒粉不過大部分食都好多油:(怕怕千層糕同腸粉就ok,腸粉好滑服務方面個度真係唔夠人,坐房好耐先有人serve重有呢埋單162蚊俾170佢居然唔找錢囉li樣要扣分啦overall黎講幾抵食,總算飽住走…查看更多