影片
港鐵荃灣西站 A1/ D 出口
繼續閱讀
付款方式
以上資料只供參考, 請與餐廳確認詳情
幾有創意每個點心都好有挑戰性一開頭上薄餅反轉上嘅，幾有趣呀林到hihi嘅，反轉一望居然係用蟹柳可以呀，我ok呀，唔洗理我上煎蝦米腸我哋唔好望條腸先個麻醬真係好正硬哂痴哂個碟底上面有浸油咁我仲以為隻碟係啡色最後磨墨咁推開佢動動小手工好有互動啊！條蝦米腸一粒蝦米都冇又幾有突破唔跪口就基本啦重頭戲，上春卷喇一放落口，咦師傅怪怪哋喎拎出嚟一睇哇係三色豆呀！呢期你最爆威過名將師傅有料到利申：第一次寫，太震撼
繼續閱讀
荃灣區有很多不同類別的火鍋選擇，新式的非常非常多元化，而舊式又抵食的非這間酒樓莫屬。星期六晚光顧都是每位$148全包，是全包任食任飲火鍋宴，更每枱逢送麻辣雞煲，再後加湯繼續打邊爐。但老實說，如只有2位光顧的話，實在是太飽了，吃了雞煲後也吃不到其他東西了，所以我選擇了直接打邊爐，鍋底選擇也選多，薯仔牛柳粒鍋、莞茜清湯鍋，沙嗲鍋等，而藥膳醉雞鍋是我的首選，都有1/4隻雞。材料方面，必點的會是海生蝦、手打三寶丸、脆鯇魚片及鯪魚滑，重口味的也可選雞子，飲品方面有汽水、冬瓜茶及啤酒任飲。如不講質素但求歡朋暢聚的，這裡會是好地方。
繼續閱讀
農曆新年，總有眾多的藉口來進行朋友、親友聚會。所以，飲宴聚餐多籮籮。該日，是昔日的大學好友聚會。由於同學們都住處都分佈在屯門、元朗、沙田一帶，最好就是找一個中間點，方便大家出入，於是，我們選了在荃灣區一聚，而選中的酒樓，就是位於荃新天地的《麗都讌客》。一行七大四小，逐個菜點好像會好亂。我們就點了一個半席的套餐，加多兩個餸。好處就是不用想太多。燒味拼盤，有乳豬，有油雞，燒鵝，叉燒，但好奇怪的有腐竹。雖沒有不滿，但大家都習慣係用海蜇伴，感覺上有一點奇怪。雖然怪怪地，但《麗都讌客》既味部出品都算是水準足。富貴花炒鴛鴦蚌。鴛鴦蚌就是兩種不同的蚌，爽口，鮮甜，加上彩椒清炒就最好味道。伴碟的西蘭花也是入口爽脆，是一個很爽的席珍小炒。屬於加餸的羅漢齋，是一個充滿味道的純蔬食粗齋。基本上，這是為茹素的太太而叫的。豉味令到整個齋很咸香，送飯一流。黃金大蝦，是套餐之一。用咸蛋黃去炒大蝦，份外的香口。再者，蝦殼已經煎到香脆，直頭可以連殼連蝦肉連咸蛋黃吃入口，非常之美味。紅燒豆腐，又是一個套餐外的素食。豆腐輕輕炸過來煮，外層少少脆，內心就香滑重豆味。很好。脆皮吊燒雞，幾乎間間酒樓都說這是他們的招牌。《麗都讌客》也不例外，說是馳名的脆皮吊燒雞。是日的雞皮脆，肉嫩肉香，大人同小朋友都喜歡。叫得席宴，一定有蒸海斑。6人份量的蒸魚，大小剛剛好。豉油香亦直接令到魚肉香。再者，蒸到剛好熟，魚肉入口嫩滑，不錯。有好幾味餸好似都唔係幾啱小朋友食啊，於是，我們多叫了一份中式牛柳。這中式牛柳味道雖啱小朋友胃口，但....汁太多了。地方不太大的酒家，作為一班好友同學聚會食一餐的地方，係唔錯的。整體上，給我們的感覺幾好。
繼續閱讀
荃新天地二期頂層有一間叫麗都總廚，一間叫麗都讌客，其實都係同一間。不過飲茶拎位就要去讌客果邊，總之你見到門口有個黑面姐姐果間就冇行錯喇👩🏿呢度假期都幾多人，如果得兩個人好多時都要同人搭檯。想成個世界得返你同另一半嘅可能就要等耐啲喇👫其實我離離去去都係食果幾樣嘢，所以每次入座我會好快填哂Standard 食嘅嘢，然後扮問下大家意見，然後大家又扮諗一陣就會極速俾樓面。基本上佢地點心都黎得快，食物質素我覺得唔錯😋炸物上檯仲係熱辣辣、油通菜爽脆、蒸腸粉滑溜、奶黃包熱辣辣之餘仲唔會好厚皮，不過食時要小心啲奶黃好熱同會流哂出黎。另外佢啲汁醬都👍🏻👍🏻，腐乳醬、五柳汁令原本已經好味嘅食物更好味。因為人多職員都忙到冇停手，想快嘅，例如加水、拎醬果啲最好自助啦😉
繼續閱讀
家人約埋叔叔那邊,兩家喺前(8-9-2019 Sun)晚,一齊食中秋節晚飯,堂妹book 咗兩圍枱,同$2,688.00 嘅家好月圓合家歡聚全包宴套餐,所謂全包,都只係包啤酒汽水共12罐,茶芥同加一照收,不過預早一日訂就每席減$200.00,我哋去到,人齊就上菜.1. 鴻運乳豬大拼盤有乳豬,油雞,燒鴨係正常,但竟然有雲耳,腐竹,份量重要唔多,唔似12人份.雲耳爽口,腐竹軟硬度啱啱好,但呢兩樣嘅汁係甜嘅.乳豬,油雞,我覺得口感味道正常,燒鴨我就冇食到.2. 上湯海蝦燴伊麵大大盤,海蝦都有好多,但冇剪雷電位,有啲唔係咁理想.呢樣口感同鹹淡都正常.3. 碧綠螺片帝皇蚌碧綠係翠玉瓜,螺片帝皇蚌都爽口,呢個味道較淡.4. 香酥脆炸米網卷外形有少少蝦尾凸出嚟,咁覺得係有蝦喺裡面,但原來唔係,只係一啲肉,但又唔多,米網係脆嘅.5. 紅燒竹笙雞絲翅材料唔多,最多嘅係金華火腿,我食唔到竹笙,呢個味道都唔太鹹.6. 深海龍躉兩味之翡翠炒龍躉斑球唔記得用咩菜炒,斑球炒得啱啱好,唔嚡.7. 深海龍躉兩味之清蒸龍躉斑頭腩滑同彈牙,但用咗雲耳同紅棗蒸,味道有少少藥膳feel.8. 讌客一品脆燒雞皮脆肉滑,正常.10. 香滑桂花糕切到好大舊,顏色好深,口感夠彈,味道甜咗啲.9. 櫻花蝦炒飯見到係白雪雪嘅,但我竟然一粒都冇食到.味道係3.33分服務:騎呢,book兩圍枱,竟然唔係黐埋而係有通道隔住, 攪到我哋好似唔識咁,有冇攪錯?咁不如一頭一尾嗰兩張吖.其中一張喺做咗儲物室嘅房門喥,員工成晚行出行入攞同擺嘢,不勝其煩.環境:原本可以5分,但其中一張係房門枱,所以要扣少少.4.5分價錢:Host唔係我,而且我哋有蛋糕,大哥叫我俾幾錢就幾錢,唔知有冇計埋蛋糕.2.7分好耐之前嚟食過嘅食評:https://www.openrice.com/zh/hongkong/review/%E4%BA%BA%E6%97%A5%E9%96%8B%E5%B9%B4%E9%A3%AF-e2148566
繼續閱讀