麗都讌客 (已結業)

3月份去和合石拜山後, 到上水轉車時經過此酒樓, 都會入去飲茶, 食物種類多, 價錢又合理. 味道還可以. 印象還不錯!今日月4月10日打電話去查詢訂乳豬價錢(打算過幾日拎去和合石拜山),第一次: 話繁忙時間, 叫我自己上去燒味部問….之後cut我線, (我諗1點幾繁忙時間, 遲d再打吧)第二次: 話她是收銀部, 叫我自己上去燒味部問, (未等我講完野, 再cut我線. 勁無禮貌)第三次: 講左幾句, 無cut線, 但俾音樂我聽. (同一個女人聽)我已經係跟openrice 的電話打去查詢. 如果她真係唔知價錢, 都可以問一問燒味部同事吧!而唔係咁既態度. (未試過打去問價,會得到咁既答覆). 其實很簡單既問題. 唉!希望酒樓在服務方面可以改善改善. 經過呢次, 下次都唔會再去食啦.

放工與好友麗都讌客聚會，餐廳上年小弟都黎過食，印象不錯，我們點了梅菜扣肉煲，特價優惠$28半隻燒雞、海皇什菜煲和椒鹽九肚魚，梅菜扣肉煲略嫌不夠熱，水準下降了，$28燒雞夠熱夠脆；海皇什菜煲保持水準，好足料，尤其是d蝦好大隻，最後椒鹽九肚魚夠香口，食落脆卜卜，最後侍應送上紅荳沙，紅荳沙好足料，甜度適中，尚算滿意的一餐。

啱啱喺大陸做完野返黎~緊係第一時間醫肚啦~!幸好身邊總有一兩個好粉絲可以赴湯蹈火!喺火車站近近地就黎呢到~話$128全包任飲任食~!好吸引!粉絲7點左右去到唔洗等就有位,服務員小姐帶佢地去左條大柱隔離的枱,非常唔起眼~我隨後到~感覺冷氣好微弱 我心諗可能係我自己行得太快,先有點熱,所以不以為以~坐坐下就知味道…連埋打邊邊的蒸氣~我開始有少少出汗~不過為時已晚~冇得轉枱了…V__V呢到除左可以任點打邊爐材料之外,仲有一D熱食供大家享用~有咖哩魚蛋同豬腳薑…只係睇到個樣都唔敢招呼,粉絲就拎左几粒魚蛋返黎,大家過目後見D色水咁奇怪,,都唔係咁有打算,食,只係為免浪費,每人一粒搞掂佢~味道一D都唔咖哩,好似食緊有少少魚味的粉球湯底方面我地只係簡單地點左個双拼,最好係清湯~!唔會有任何要求!手打丸系列做得好出色~雖然係細粒D但感覺相當新鮮美國肥肉可以自己親自去雪櫃挑選,拎唔拎到好出品就睇彩數~大多出品絕對夠肥,肉就少少~睇各人口味~有時脂肪同肉的比例可以係9:1…肥得相當過分~!蔬菜款式算多~有瓜有菜~品質感覺係放耐左少少~睇落唔係好鮮~但又未去到黃邊黃葉的境界..海鮮款式唔多~出品都唔多~點3

小弟平時好鐘意同屋企人飲茶，所以今日就同左屋企人去上水麗都飲茶，基於本身好中意食建炒飯既關係，所以今日就嗌左兩碟黎試試，點之個飯一到，見到個褔建炒飯無冬菇無瑤柱都算，仲要乾淨淨既，一滴汁都無，大佬啊，褔建炒飯出名好味之處係多料多汁啊嘛，你成碟飯既料得蝦同雞肉碎，算，但你無理由啲飯係乾淨淨，仲要咬落啲飯係硬既，你收我68蚊一碟？唔知既我以為自己食緊楊洲炒飯啊，楊洲炒飯都多料過你，之後你就火火地叫左個男主任黎，我同佢講話呢碟褔建炒飯黎架？最基本既冬菇都無，仲要乾既，佢竟然答我褔建係咁，咁小弟個老豆都係做酒樓廚房既，所以都頂唔住頸同佢講話自己做左咁多年廚房，都未見過褔建炒飯係咁，之後同佢嘈左幾句之後，個主任最後可以係黑住面同我地講，一句講哂褔建炒飯就係咁，唔岩都幫你唔到咁講，然後就黑住面走開左，我真係o嘴，講真，去得酒樓，預左服務態度唔係好，但都唔係要客人受番氣轉頭啊，我只可以講，飲茶，以後都唔好去麗都讌客，不知所謂

  放工出上水彩園廣場麗都讌客出席好友相聚活動，我們order了腐乳通菜，燒腩仔、咕嚕肉、片皮鴨和帶子炒蛋，片皮鴨入口即溶，燒腩仔十分脆、帶子炒蛋煎得甘香、咕嚕肉好入味和腐乳通菜不算太油、食物質素不錯，最後食埋贈送紅荳沙便離開，很盡興的一天!^v^

呢間都吾知係啲咩洒樓泥架 簡直係不知所謂.啲樓面我呼喝啲客人,重要好大聲果隻,大佬呀!我係食野吾係比你地罵架... 係你地冇比點心紙我選擇,而我問你可吾可以更改唧.妳話吾得咪算囉.洗吾洗係咁大大聲咁話客人,係你自已冇問炸,又大大咁話吾係佢嘅問題,重要係咁講話你依家想點丫.......到底呢間係咩泥呀....妳做得吾開心咪吾好做囉 根本冇必要去令到任何人吾開心架,叫佢去叫經理過泥同經理講啦...........點知佢就話....要叫你自己行去叫,我係吾會叫架!!!!!!!!!!!話呢啲係咩態度呀 就算街市.街邊檔.茶餐廳.大排檔等等......都好過呢間野十幾萬陪呀 各位如果打算去果度食野嘅話...就要抱住一個會比樓面或者經理鬧嘅心態先好去呀..........注 當初都有人話我知呢間野啲態度好差....但我諗我都吾係一個要求高嘅人,而且果間野又吾洗等位咪去囉...........點知嬲爆呀 )

椒 鹽 牛 仔 骨 上 了 深 圳 工 幹 , 即 晚 回 來 , 順 道 約 了 上 水 的 老 朋 友 聚 舊 , 到 了 他 介 紹 的 酒 樓 , 暢 談 一 番 。 點 了 數 款 小 菜 , 椒 鹽 牛 仔 骨, 肉 質 鬆 化 , 惹 味 香 口 , 蠻 好 吃 。 芝 士 蝦 伊 麵 ,芝 士 味 淡 , 伊 麵 略 為 乾 身 , 口 感 較 杰 , 水 準 一 般 。很 久 不 見 的 老 朋 友 , 大 家 成 熟 了 不 少 , 也 泛 起 了 不 少 回 憶 ...

自助火鍋for2個半鐘入到去 落單個時咩都話有點知由9點坐到10點等成點鐘都未到野食係咁追單都冇點食成個鐘後佢話依樣冇個樣冇火鍋得雲吞腸仔???咁我食你做咩點解火鍋可以冇肥牛,冇羊肉,冇魚,咩都冇食到成肚火又唔好服務佢仲要收我地1人成舊水唔會再去.......差~~~~

上午去了東華三院羅裕積小學交盆菜費，下午在圖書館看了一日書後，便和媽媽在彩園讌客會合，跟著便決定來這來這兒吃火鍋。本來吃得好開心，誰知．．．．．．我們點了很多菜，及很多肉類、海鮮。食物方面則不錯，蝦好爽甜，ｄ菜好新鮮，生根及魚皮好脆，雲吞有一大粒蝦係裡面，羊肉片亦很好味！不過，菜及雲吞來了後，便發現所有肉類及海鮮等了好久也沒來，投訴了很多次也沒用，唯有再叫多次！可惜也是很多也沒來，我們二人差點要結帳走人，後來所類和海鮮終於來了，但我們已差不多半飽！（食菜食到飽）！食物幾好也沒用，運作大亂，怎可能？（入錯單，把我們那枱的食物給了其他枱）！！仲有，我們叫了鴛鴦湯底，但鴛鴦湯底其中一個根本不是沙爹湯底！本來開開心心吃火鍋，竟然變成了這樣！搞錯！希望閣下會改善一下這個方式，或改用傳統的自助式的火鍋，會比較好一些！此外，飲品方面我希望有代糖可樂！方面有糖尿病的人！

我地係晚上6:45入座麗都讌我地為數三人決定打火鍋係門口度睇$78任食好似好抵咁就想試下啦成人:6點30-8:30 $78正呀但入到去坐低睇下張紙就唔對路啦變左成人:$110??唔緊要咪搵個經理問下啦點知個經理扮睇唔到人咁咁我地咪搵服務員問下個服務員就搵個經理但個經理就好似唔想理咁$78係自選火鍋咁叫佢拎張紙黎睇下點知佢就黑哂口面咁我地睇過$78仲要每碟計緊係唔抵啦咁我地都係要反$110個張紙我地都唔緊要最緊要食得開心到我地點左第一張紙叫左每樣2-3碟既時候佢拎到黎好似係1人份量咁咁我地話食住先一陣再叫都有會有肥牛4片芝士腸6條菜1-3棵生蠔幾隻羊肉2片牛肉丸數粒我地都食剩反少少諗住再點第2次再食啦咁我地落單點知我由7點30左右落單等等等等等到8點鐘都未上到第2次既菜舉手叫服務員全部扮野睇唔到行開哂叫個經理又係扮聽唔到睇唔到之後個服務員話要慢慢拎嫁,分開拎要啲時間你地仲有野食住先啦得嫁啦,好快嫁啦第2次再問佢得嫁啦,好快到,食住先啦真係忍無可忍行去搵個經理佢先話你依加落張單啦我幫你入去拎,好快好快我地就寫多啲數量既野同要少左唔好食既野啦點知個經理去拎反我地第2張單要既野拎出黎俾我地份量

今日阿叔放假，所以我和媽媽、他和三姨、三姨丈到此早做節。我們叫了：冬瓜盅－好好味的冬瓜盅，我愛吃瓜！清蒸細鱗－嘩，好多蔥絲呀，Ｄ魚好滑！海蜇拼燒腩仔－好味的燒腩仔，好滑的海蜇;chopstick:西蘭花炒蝦仁帶子－帶子好好味，好爽吊燒雞－不錯，好滑金銀扒莧菜－不知好不好味，因為我不吃莧菜，但佢地話好味！服務不錯啊，沒有其他人話咁差！下次想試下任飲任食的火鍋！

5月6日, 相約了皇親國戚慶祝太嫲壽辰, 到達時有好多人等位, 我哋訂咗枱, 所以唔駛等! 我哋幾日前訂咗一圍接近三千蚊嘅壽宴, 但等咗大半個鐘都未開始上第一道菜, 幾經追問下, 一個所謂部長見狀就放低咗碟乳豬拼盤, 話: 食住先! 再過十分鐘竟然係上>>>蒸魚? 發生咩事??? 有飲宴經驗嘅朋友仔都知魚係食完翅先上呀! 我哋成枱人都" O 晒咀", 但無人得閒理我哋, 咪唯有照食囉! 跟住啲餸就開始 RANDOM咁上, 食完條魚又再嚟乳豬拼盤(錯咗都係無人收, 照食)>>珊瑚蚌蝦球西蘭花>>炸子雞(嚟到呢碟大家都驚係咪最後一碟)>>白灼蝦 (食咗一半睇番張單係無呢味㗎, 原來係隔離枱嘅, 個侍應知衰咗, 仲諗住就咁比番人哋, 但比隔離枱嘅人喝止, 咁都得!) >>竹笙翅 (嘩, 呢個係超難食, 水汪汪, 仲衰過碗仔翅多多聲)>>炸蝦球(又返轉頭)>>節瓜瑤柱甫>>荷葉蒸飯(呢個成晚最滿意嘅, 好香荷葉味)>>冬

開開心心慶祝母親節，換來一肚氣。我哋已經知道今日日子會好忙，所以都係叫酒樓套餐，最初等七分鐘第一碟菜到，可惜現在已是七時五十四分才食到最後一碟，不停追！d餸味道又咸，！真係不知所謂以後不會再來

涼瓜帶子炒蛋白涼瓜not bitter at all, they cut them into small cubes, 帶子 is very small, not fresh and is the frozen one, but they give a lot, egg white is very smooth but quite oily…there’s some crab meat too~Goosethe skin is crispy but a bit too salty, it’s still juicy but there’s a layer of fat under the skin….not much meat at all, they give me a lot of bones!Jelly fish + fried bean curdonly $28, the fried bean curd is fantastic, inside is soft and outside is crispy, not oily at all!!! Jelly fish is

之前喺尼度飲過茶同打邊爐，啲嘢己經好一般，因地點方便，所以諗住book檯食晚飯。Book 檯時己話同行有人行路唔方便，可否安排近電梯位置嘅檯，佢話電梯附近是打邊爐，所以點都要行多幾步，咁我話叫佢盡量安排近啲位置。(電話交談時態度己經唔係好好，好似我問佢"可否安排近電梯位置"，佢答"我係唔會比果邊啲位你，因為果邊係打邊爐" ..)之後去到，佢安排咗一張離電梯最遠嘅檯 ，重要有行一級先上到張檯 。我當佢唔記得我講 (我己經一個鐘前打去同佢講)，咁我見到有其他近啲嘅檯(果日酒樓唔多人，有幾張空檯)，咁我就話座過去。我哋六個人，張檯一定夠座(我可以很定張檯嘅size，喺啲茶餐廳已經係八人檯)，重要唔係打邊爐位 (其實打邊爐檯重有好多位)。個帶位堅持話唔夠座，我哋已經座底，一啲都唔迫，之後有個應該係女部長嘅人行過嚟，用十分惡劣嘅態度，話我哋唔可以坐尼度，要我哋一定要座嗰張，話佢唔夠位行(我哋同隔離檯座落重有成足夠兩個人行嘅位置)，佢每句說話嘅態度都十分惡劣，好似同人鬧交嘅態度 (我哋全程都係好心平氣和咁同佢哋對答)。既然講到咁即係叫我哋走，我哋就話咁我哋唔食，個女部長一句唔好意思、sorry都無