影片
以上資料只供參考, 請與餐廳確認詳情
前排去寶林做野，就去咗寶林街市入面穩野食，見到入面有間車仔面檔好多街坊幫襯，就去試下食個快lunch。據老闆娘介紹啲湯底係由豬骨同胡椒熬製而成，所以味道都幾重胡椒味，唔需要加醬都已經好夠味，鐘意食辣嘅可以試下落埋佢嘅秘制辣醬。餐廳採用自助形式，先落單，要自己拎麵加穩位。因為幾肚餓，轉登叫多幾個餸填飽個肚，我就叫咗呢幾個餸，味道都唔錯，特別係牛筋同豬手，炆得超腍，好似入口即融咁，同埋都好入味；豬耳口感又韌又脆，麻辣味亦都好香；牛柏葉雖然無落調味醬汁，但口感好爽脆，同埋佢吸收咗湯嘅味道，所以帶有胡椒味。🐽豬手👍👍🐽豬紅🐽麻辣豬耳👍👍🐄牛柏葉👍🐄牛腩🐄牛筋👍👍
繼續閱讀
最近屋邨街市都開了餐廳，主打自家美食，當日小編食完椰子甜品，突然心血來潮，即刻拉埋朋友到附近街市覓食，估不到有一間懷舊車仔麵。這是一家令人驚喜的車仔麵店，看似普通，卻見很多人光顧，特別是下午時段，基本都不能找到位置，所以我們都2點後先下單。這間是先付後吃，選擇種類多，有清淡或是麻辣口味，以滿足不同口味。我點了四個滷水麵餸，包括滷水豬大腸👍、滷水豬腩肉👍、滷水豆腐和滷水豬手👍，每一道餸都展現了阿姨的用心和味道的驚喜。首先，豬腩肉的份量十分大，肥瘦適中，肉質鮮嫩多汁，吃起來不膩口。滷水豬大腸非常入味，內裡保留了豬大腸的肥膏，讓口感更加豐富。而滷水豆腐的外層則保留了微脆口感，豆味香濃。最令我驚喜的是滷水豬手，豬皮豬肉都非常軟糯，入口即化。每一口都充滿了豬肉的鮮甜滋味，讓人一口接一口。我選擇了米線作為主食，配菜是芽菜。湯底是清湯，微微帶有胡椒粉的香氣，為整道菜品增添了一絲清爽的風味。了解到店主每天凌晨熬製食材後，我更加放心地品嚐這道車仔麵。食材的新鮮程度和不過夜的保證感受到了店主的用心，而且醬料選擇多，秘醬和麻辣醬都是店主調配。店主非常有記性，即使在繁忙的時候，仍然記得我和朋友點了什麼食物，真的非常細心。店主的好客也讓我留下了深刻的印象。得知我和朋友是第一次來到寶林，店主熱情地多送了我們一些額外的餐點，包括豬頸肉、牛筋和豬紅。牛筋經過精心炆製，軟而不膩，口感像膠質一樣，入味十足👍。我還另外叫了一杯少甜少冰的凍檸茶，紅茶底都蠻濃郁，檸檬有預先幫手吉，甜度微甜，都蠻清香清爽。總的來說，這家車仔麵檔不僅價錢合理，味道出乎意料地美味，更讓我感受到了店主的用心和熱情款待。這是一個讓人愉悅的用餐體驗，我會毫不猶豫地推薦給其他人前來品嚐。麗記車仔麵將軍澳寶琳欣景路8號尚鮮市場地下M61號舖#將軍澳美食 #將軍澳 #寶琳美食 #寶琳 #尚鮮市場 #麗記 #麗記車仔麵 # 人情味 #人情味餐廳 #車仔麵 #foodie #hkfoodie #foodiehk
繼續閱讀
成日行街市都無試下呢間於是心血來潮試下沙嗲牛朱紅蘿蔔油麵沙嗲牛咬到......個湯底秘醬真係好啖味連隔離個位 平時唔理好照食 都話唔好食真係唔好意思 真係唔好食..........
繼續閱讀
今日行過街市又未食午餐，就過嚟食碗車仔麵。唔係佢哋換左新menu，但其實啲餸都大致上差唔多。多咗啲小食，麻辣豬扒米線。價錢同之前都差唔多，$36有3餸，任何車仔麵都會送熱飲，凍飲就加$蚊，豆漿要加$4汽水就加$5。我都係飲返我最鍾意嘅凍奶茶走甜。今次食米粉，係我鍾意嘅口感，有少少粗糙嘅感覺，米粉煮得剛剛好唔會過火。啲配料依舊好入味，牛筋炆到好林。食飽飽好滿足，買埋餸返屋企剛剛好。見到佢有啲精選套餐$34有三個餸，都好吸引。
繼續閱讀
自從發現左米粉都幾吸湯之後轉左鐘意食米粉而家有時食野，都盡量會分下黃藍嘅所以喺大商場就少左好多選擇今日黎到街市搵食，點知又遇到間幾好味嘅車仔麵檔叫左個牛三寶牛腩牛筋同牛丸牛腩幾淋，好入味👍牛筋都幾有咬口牛丸就無特別加左小辣麻辣汁幾惹味👍👍整體都好滿意雖然價錢未至於好平但質素都唔錯！31蚊牛三寶平時就32蚊3餸所以另一日，我又去左支持今次叫左韮菜餃，蘿蔔同牛腩今次嘅蘿蔔好入味，無渣，超正！但韮菜餃外皮偏厚，不過都尚可以下次都會再黎幫襯！
繼續閱讀