麗莎餐廳

佐敦近尖沙咀，又係遊客區，食肆林立，選擇非常多。白加士街、廟街附近全部都是餐廳食肆，個人偏向一些有港式風味的舊式茶餐廳，收工時間，六點左右，見到這間「麗莎餐廳」見到有很多中年人士幫襯，於是毫不猶豫地走進餐廳。裝潢風格比較老香港，加上播放着80年代、90年代的香港粵語流行曲，非常有風味。餐牌貼滿四周牆壁，圖文並茂， 十分清晰。小菜價錢並不貴，而且包一碗白飯及例湯，熱飲加$3。熱辣辣例湯，雖然係有少少味精味，但肉味濃郁，味道偏濃。豉油皇煎封盲鰽魚 $118煎得非常香脆，上枱時熱辣辣，魚皮很脆，肉質新鮮，意料之外好食。香煎蓮藕餅 $78份量頗多，蓮藕餅很厚身，煎得很香脆，吃得出脆脆的蓮藕粒。蜜椒薯仔牛柳粒 $98薯仔粒香煎焗，配上蜜糖，又脆又淋又甜，層次豐富，牛柳粒香軟，還加上青椒粒、洋蔥粒，份量頗多。茶餐廳必備熱奶茶：奶茶非常合個人的口味，茶味濃郁，奶味香濃，不會淡口。兩個人埋單，$303 ，又不用+10%服務費，價錢比大排檔便宜。老闆娘非常熱情，很健談，對所有客人招呼也很好，所以當晚也見到有不少熟客幫襯。香港現在經濟不是很好，這一間家庭式食肆，實物質素不錯，態度招呼也很好。希望這類型的小店能夠撐得住，會繼續幫襯。…查看更多

麗莎餐廳係佐敦一帶老牌茶餐廳，推出咗「老檀酸菜魚窩」，一試即愛上。鍋底以濃香酸菜魚湯為主軸，酸中帶微辣，湯底層次感好豐富，而且唔會太油膩。主角係新鮮魚件（應該係草魚），肉質滑嫩冇腥味。配料方面我加咗肥牛同枝竹，肥牛薄切得啱啱好，涮幾下就熟，油香味濃；枝竹亦非常吸湯，軟中帶韌，口感滿足。每鍋包埋兩碗白飯＋例湯＋小菜，性價比非常高。建議2-3人共享最適合。服務態度好，店員都會主動加湯或問需唔需要兜骨，非常貼心。環境屬於老式茶餐廳風格，但企理清潔，氣氛輕鬆自在,一煲熱辣辣嘅酸菜魚真係暖到心入面。…查看更多

好耐好耐好耐冇食過有五柳菜嘅廈門炒米，好驚喜！雖然整體味道不算出衆，但有五柳菜呢點已足夠令我回頭！😁 茶走飲到茶香味，其實好正常，係唔知點解而家啲茶記經常只飲到冇茶味奶水，所以都好滿意！👏…查看更多

近排放假都好鍾意過麗莎因為有卡位坐得舒服，抵食又配搭鬼馬通常order型男索女餐或者特餐點解？因為我覺得我地係….囉🤭🤭嗯嗯（秒速認真樣）型男索女餐係福麵同鹹牛肉炒蛋呢個配搭，我喜歡福麵係情意結同包味粉；炒蛋夠滑配上鹹牛肉真係合晒河車。而另外特餐又係開心野，以豬扒做膽，其次通常我係雪菜米豬女就叉燒意，沙嗲牛我覺得普通不推薦，最後拖嘅一定係吞拿魚脆豬，2個檸人2杯熱檸作結。食完過尖咀重慶買D野再坐船仔過對面海行下飲咖啡#麗莎餐廳📍白加士街15號地舖#dcb食在香港 #dcb吃喝玩樂 #dcb佐敦 #食在香港 #香港美食 #美食 #佐敦 #佐敦美食 #西餐 #茶餐廳…查看更多

黎到佐敦行完搵野食 佐敦都多小店可以揀既 行行下見到呢間又見openrice都多食評就試下呢間啦，環境都算係舒服，有卡位既。最後係點左肥牛粉絲煲同薯仔牛柳粒。晚餐都有湯包埋，熱飲加3蚊，叫左熱檸檬茶，正常味道，沒特唔特別吸引。肥牛粉絲煲，牛既口感都算林同易咀爵，同埋都係細細塊既牛，唔同有啲粉絲煲都係大塊啲咁上。整體黎講係ok不過三色椒整得唔夠林，同椒味道唔夠。薯仔牛柳粒，薯仔同牛柳粒都一樣係細細粒，薯仔整到有啲脆既口感而牛柳粒就唔係入口係林既口感，係香港好少餐廳做到既口感，不過呢度既牛柳粒都算係易入口既口感，易咀爵因為細粒。自己會比較喜歡食熱辣辣既飯再食餸，呢度既飯未算熱辣辣個種。。。。整體黎講。。。食物質素叫做ok。今次係因為未試過就試下。…查看更多