麗思越南餐廳 (已結業)

今日行過見到有下午茶， 入去一試， 一入去就見到好多唔同類型嘅figure，我以為入錯鋪頭入咗figure店， 店舖做到好有心思， 我一入去都話哇咗一聲。睇食評話食物正宗，我見到水吧和 waitress全部都應該係越南人，好有禮貌。叫咗個豬扒撈檬加熱咖啡，熱咖啡好正宗好飲， 個越南豬扒撈檬好地道， 青瓜同蘿蔔絲都好fresh，豬扒好軟滑。滿分。我都覺得好滿意＄43全個餐真係抵到爛，我唔明點解無咩人寫食評，以前係荃灣有間正宗越南餐廳已經關門大吉，而家搵到一間好地道嘅越南餐廳真係好 驚喜。這間我應會再常再來，朋友聚餐也是個好選擇。

最近疫情嚴重，攪到冇咗晚巿好耐，同朋友聚會變咗食tea時間🤣見到呢間小店新開張，大家就諗住試吓😆可能係下午3點半，人唔算多（啲人都未放工🤭🤭）我哋喺度諗緊食咩嘅時候（因為樣樣都想試🤣）老板娘就推薦生牛肉湯河，佢話今日啲牛肉同牛腩都好靚，咁我哋就要咗一碗，另外再點咗拼盤、炸春卷、蒸粉包、海南雞、沙律。個生牛肉湯河上枱，我見到除咗有生牛肉外，仲有幾舊牛腩同牛肚（後來老板娘話係俾我哋試吓佢嘅正嘢😂😂）真係好好味（唔記得影相🤦‍♀️）我哋連湯都飲埋🤣，海南雞好滑，老板娘超細心，見我哋叫咗春卷，所以個拼盤就整泰式鳳爪、泰式木瓜沙律、炸魚餅、炸雞翼、燒豬頸肉，等我哋可以試其他小食，啲嘢實在太好味，一陣就清晒枱面嘅嘢🤣🤣但我哋覺得仲差少少咁，就再order咗個沙律（唔係泰式），個沙律望落好普通，食落勁好味，真係唔夠喉，最後我哋總共食咗三份沙律先收手🤣🤣好有人情味嘅小店，老板娘超好，我哋叫果三份沙律，每份沙律都用唔同嘅生果配搭，真係好細心👍🏻👍🏻

餐廳環境套用上一手Toy’s cafe 的佈置，可能新開張唔係好耐的關係，落單方面比較混亂，但而家呢個時勢，就體諒下。餐廳位置比較偏僻，但都近馬路位置，跟住 google map 就可以容易搵到；食物方面，叫咗個雞絲湯檬+生牛肉湯河，味道唔錯，份量都算多，廚師好有禮貌，會跟返客人啲單黎加快出餐，希望下次去，會有進步啦

見到新店開張，比門口個甜品吸引咗，餐牌價錢都幾抵食，於是入去試吓。春卷好好味，有驚喜！粉卷裏面唔知道有乜嘢香料，味道好特別，鍾意食豬頸肉，點左一個豬頸肉法包👍，甜品好香斑蘭味，最後食到好飽，外賣左一盒海南雞飯，整體水準都好平均。

最近經過福華街，開咗一間越式餐廳，入去試吓先，雖然店舖細，座位不多，但老板的熱誠，良心食物，竟然找到亮點，無骨海南雞，又滑又有雞味，配合薑茸和雞醬，簡直無得輸，其它春卷，紙米卷都超乎想像，講到價錢，都合情理！

今日嚟到呢間新開嘅越南美食鋪頭，試咗唔同嘅嘢食。首先，鋪頭環境好好，周圍有唔同嘅figures包圍住。老闆娘好好人，特登俾我哋試下唔同嘅小食。例如: 無骨雞腳、牛油炸雞翼、越南春卷，全部都好足料，好好食、好有越南特色，尤其係越南滴漏咖啡，用咖啡滴漏器滴出嚟嘅咖啡係真係唔同啲，好有越南風味。總體嚟講，餐廳嘅美食、環境都好符合越南主題，呢度仲有好多美食，但係就唔逐一介紹啦，總之嘢食係真係唔錯，歡迎大家嚟試下！