2
3
1
電話號碼
28167688
營業時間
今日營業
07:00 - 23:00
星期一至日
07:00 - 23:00
食評 (7)
等級8 2019-03-22
1089 瀏覽
一班中學舊同學,時隔年幾,又喺時候聚一聚。有仔女嘅家庭會比較忙,為咗遷就其中一位同學,專登嚟到佢樓下嘅「麗宮薈」食呢餐,算唔話得喇啩。其實,佢俾面、俾時間出席先喺唔話得。環境如一般中式酒家咁,以光猛為主,而呢度一睇都知做唔到咩婚宴酒席,所以,裝修唔會太富麗堂皇,都喺平平實實。鋪木地板好過地氈啦,感覺無咁汚糟。為咗爭取時間,先點定菜,而菜式都上得快,但未人齊,就叫啲阿姐留番啲蓋冚住啲餸菜,人齊,就開飯喇!今餐非常豐富,連湯、連炒飯,一共12道菜式,真正嘅12道豐味。不過,香芋油鴨煲($78)影漏相,晌呢段略略寫番,油鴨故然富油香,鴨肉煙煙韌韌,而啲芋頭吸引收晒啲鴨油及湯汁,既有芋香,味道層次亦豐富咗。椰子海底椰螺頭雞腿煲唐排 $198其實,我哋呢煲湯計價有啲複雜,因為酒家有款「 晚飯三寶」,賣$398,包天天煲靚湯、清蒸虎杉斑仔及脆皮燒雞半隻,但個湯只喺6人份,所以,經理就彈性加半客湯湊番成一整客。一大煲,我哋一行13人一人一碗之餘,仲可以添飲。個湯入口好潤,非常香甜、濃郁,夠晒火喉,而侍應上埋成碟湯渣俾你,以證真材實料,童叟無欺。脆皮燒雞半隻呢個都喺「 晚飯三寶」菜式之一,睇落色澤炸得金黃,個外皮堅脆,香口而不膩,雞肉亦比預期中嫩滑,的確好食。可惜只喺得半隻,轉眼就清晒。清蒸虎杉斑仔另一「 三寶」喺蒸魚,估唔到條虎杉斑仔都唔細喎,而且,蒸得啱啱好,肉質嫩滑,又有魚鮮味。靚魚,都喺清蒸好,食出其鮮味。咕嚕珍寶蝦球 $88咕嚕肉就食得多,蝦球就好似未試過,仲要喺珍寶呎碼,的確,啲蝦球好大隻,厚肉得嚟又爽身,而個甜酸醬調得酸香唔嗆喉,呢道菜甚得小弟歡心。椒鹽腰果牛柳粒 $78依個菜就點俾啲食肉獸嘅,最意外嘅喺唔止牛柳粒多,竟連腰果都落好多,一啲都無手緊,出面好多酒家都只喺像徵式灑幾粒;更衰嘅,貪方便椒鹽一早炸好,灑上面就當椒鹽炒,但呢碟一睇都知喺椒鹽混埋牛柳粒一齊炒,夠晒惹味,再者,牛柳粒口感好軟腍。麗宮小炒皇 $75家家酒樓或大牌檔都有道菜叫小炒皇,基本上都喺大同小異,麗宮嘅小炒皇都做得不俗,炒起嚟夠鑊氣,食落香口,由於食材豐富而多樣化,所以,口感極佳。西芹腰果肉丁 $68咁多道菜式,就呢一味相對嚟講比較弱,其實都做到晒基本,只喺感覺普通啲啫,但平衡大家口味,總要有啲清淡少許嘅家常菜俾大家嘅。薑蔥花膠豆腐煲 $78個豆腐煲簡直盆滿缽滿呀,既多豆腐,亦多花膠,近期真喺遇到唔少花膠嘅菜式,就算唔喺話咩靚花膠,七十零蚊道菜,都喺抵食,正在又夠晒薑蔥香。鮮淮山勝瓜炒鮮魷 $70有行開街市都知,鮮魷唔平,但睇見碟炒鮮魷一樣俾得足秤,唔會一味得啲勝瓜,而且,啲鮮魷好爽軟,有魷魚鮮味;其次,鮮淮山亦爽脆,又配埋少少雲耳添,都喺有益健康嘅食材。蒜蓉炒西洋菜 $62平常蒜蓉炒白菜仔或菜心就多,炒西洋菜就似乎喺第一次,估唔到兩者炒埋一齊效果都唔錯喎。鮮蝦揚州炒飯 $88雖然刻意加上「鮮蝦」二字,但跟平常食到嘅,又唔覺特別加多咗鮮蝦,但喺,個飯確喺炒得唔錯,「金鑲銀」,粒粒飯粒都包滿蛋漿,又爽身而不油。白飯 $13其實白飯無咩好寫,不過,呢度白飯以外,可以揀糙米飯,其實糙米、紅米成本高好多,而且,睇碗飯就知,唔喺象徵式混幾粒糙米、紅米,而喺佔嘅比例都幾多。順帶一提,茶錢收$12位,但就無話收咩前菜、酸菜嘅雜項,加一就唔使多講啦。雖然,事前睇過呢度嘅食評,感覺好似麻麻,但試過,又唔喺咁大問題喎,好似我哋都只喺點吓小菜,小菜嘅份量都喺例牌,但好足,好夠食,味道又唔錯,服務亦交到功課。總之,難得老同學聚一聚,大家話食乜都無所謂。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-03
117 瀏覽
中式酒樓一般的菜式都離不開以下幾種類:魚、菜、肉、飯以及湯。當然,此家麗宮薈也不會例外。可是,此家酒樓卻給人一種比較親切的感覺。裝潢上,麗宮薈使用了一種較黃的燈光,此種燈光使場地感覺比較柔和,舒服。另外,場地非常乾淨,地板非常乾爽,客人行走起來異常舒適。其次,場內環境寬敞,每檯食桌之間距離適中,不會太過擠逼。食物上,基本菜式都有提供,比較特別的是有類似湘菜的菜式。另外,此酒家有專門處理湯類的位置,所以菜牌上有較多湯類的項目。比較有驚喜的是此酒樓的甜品,相比其他酒樓,此酒樓的甜品比較出式。價錢上,此酒樓與一般平價酒樓相差無幾,配搭此種質數,可以說是無可挑剔了。整體來說,此酒樓評價中規中矩,算是香港裡比較難得的平民酒樓。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-09-23
846 瀏覽
$684 燒味拼盆連加一差不多$750, 仲要唔知點解青瓜同雲耳都叫燒味拼盆。但重點係仲要唔好食,乳豬好乾🐖咕嚕甜酸蝦球$148,但應該五隻蝦都無🦐金粟燴龍躉球$168, 但係普通茶餐廳粟米斑塊都好食過佢....茶錢又收多海皇雜菜煲$118其實係粉絲蝦米煲瑤柱香妃雞$188同京都骨算比較正常,$98都有6,7舊肉之前啱啱重開嗰陣時食過其實唔差,分量唔算太大,但價錢適中,但今次真係非常失望,唔知幾時佢會拜拜😞 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-02
740 瀏覽
慶祝屋企人生日飯,為咗方便就腳,去到呢間新裝修,屋苑樓下商場的一間新裝修酒樓,如果要比較就係之前係果間一品,現在整體成間裝修光猛、座位闊落。今晚訂了一個12人套餐價錢$2500以下,極之超值,我哋今晚有14人,份量足夠應付!原餐牌是雞,加$300改為燒鵝,整體食物碟碟份量,非常充足,而蝦球伊麵的蝦球也明顯丶非常大隻🍤🍤🍤乳豬非常好與相比之前「一品嘅燒鵝」就未達預期! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-10
649 瀏覽
間酒樓開返之後第一次幫襯, 酒樓名改左, 裝修格局完全吾同晒, 經理同伙計都轉埋, 可能換左老闆了.門面好 Grand, 豪華, 搶眼. Lunch時間行過見吾洗等位, 同同事入去試下先~壺茶吾錯, 不過點心就有D進步空間.海蜇薰蹄 --- 海蜇吾彈牙, 咬落去係散嘅, 實在第一次食到呢種口感, 好奇怪; 薰蹄無味.鳳爪 --- OK, 可以, 如果再入味D, 再林D就會更好.叉燒飽 --- 吾差, 都可以雞扎 --- 塊腐皮益嘅, 失望 ...燒賣 --- 好味蒸排骨 --- 味道可以嘅, 係無咩顏色, 白 sai sai ...炒飯 --- D飯有D硬, 但賣相好靚, 完全炒到個桂花效果, 犀利! 繼續閱讀
(以上食評乃用戶個人意見 , 並不代表OpenRice之觀點。)