3
5
5
以上資料只供參考, 請與餐廳確認詳情
今次呢個食評都食咗一段時間先寫，呢間街坊酒樓間唔中都會有唔同嘅特價菜式。今次分別有片皮鴨同埋大連鮑魚。$100都唔使嘅片皮鴨都算係食得過，而大連鮑魚相對之下就比較貴，感覺自己去街市買返嚟整都係差唔多質素，冇乜驚喜。另外我哋仲叫咗半隻燒鵝同埋幾款小菜，小菜仲有好多款有做優惠，今餐就足夠大概五至六人份量。去相⋯⋯黑椒薯仔牛柳粒都未係做到附近有間招牌菜咁出色。薯仔唔夠脆⋯⋯呢個孜然骨都係招牌，但係食落左覺得冇乜特別。
繼續閱讀
之前見D人寫的食評都不太好，不過為了就爸爸方便，所以一試這間改了新名的酒樓，一行8人，餸菜都有很多選擇，價錢都合理，選了芝士蝦球伊麵，片皮鴨一食，薑蔥蠔，蒸石班，鼓椒炒聖子，魚香茄子煲還有佛跳牆一大窩。第一道上是佛跳牆，一試後十分意外，很美味也很足料，之後再上的菜都很有水準，大家都很滿足，當然要試埋甜品啦，我就要咗楊支金露，都好味，其他的甜品就一般了，但這餐飯已令我們很滿意，埋單一千二百多也很合理，當晚見食客不段，都差不多八成滿坐，不用等位，正！
繼續閱讀
早兩日與屋企一齊去食午餐，點了點心，見點餐紙上有加$40有湯，覺得幾抵，就問侍應姐姐今日包咩湯，侍應姐姐就就單紙有嗰啲都可以揀。諗好了交點餐紙後，有1位比較高級啲紫色衫嘅（我估計）走過黎講，語氣比較差，話唔可以揀咩湯，跟住我地話冇所謂但今日係咩湯我地再諗，個侍應姐姐勁惡話自己都唔知，想揀就揀$98嗰隻湯，跟住就掉返張單俾我地叫我地「自己問師傅」，仲指埋師傅向邊度，前後講咗都成五六次，態度惡劣。其實我地都唔介意有冇湯同有咩湯飲，飲唔飲都冇所謂，但嗰位高級啲侍應姐姐冇尊重過我地，叫我地自己問師傅（不如自己煲埋拎埋出黎飲），最後我地選擇唔飲湯了。短期內都唔想幫親呢度！
繼續閱讀
晚餐叫左花蛤食 等左成45分鐘 催左幾次先話賣晒 部長話幫我地取消 但去到收銀處張單又計埋花蛤個價錢 個收銀仲要怪我地冇話比佢聽花蛤取消左 而個部長就解釋因為佢掛住同客傾計冇幫我地取消到
繼續閱讀
9月5晚8:30后入坐，三個人想好了，準備下單叫了經理來，點夜宵磨餐單，一條清蒸沙巴龍躉$78、例牌燒鵝$78及豆豉鯪魚油麥菜$55，過了一會，經理話燒鵝賣曬，轉脆皮雞半隻啦，我話好吖。點知靈異事件發生了，沙巴龍躉肉質其怪偏軟，並不是平常食開的口感，可能是賣光了又換了其他平易貨給客人了，算了忍你。然後吃雞正常，豆豉鯪魚油麥菜是暖的不夠熱，也算了，可能放久了才拿出來。吃飽埋單，侍應過來一見張單，伏了。。。脆皮雞收正價$108，不是夜宵磨特價？原來豉油雞才特價$68，無問題，叫下單經理來解釋一下，得個知字吖，佢只掛住係收銀處埋數不願出來，我一直堅持，先解釋不埋單，他才死死氣出來，我點特價燒鵝點解唔幫我轉個特價豉油雞，叫我轉正價的脆皮鷄？有心裝我姐，他說問咗你Ok, 你話ok嘛，其間態度很差，完全不理客人感受，只想收錢走人！我話如果點了白啅蝦，難道賣曬就叫客人轉食龍蝦嗎？他說係呀哩到好多人食龍蝦！酒樓收了加一服務費，作為經理，理應服務態度更好作為下屬榜樣，點知......... 永無下次！
繼續閱讀