麒天 (已結業)

基本上呢間中餐館嘅菜式大部分都有自己嘅特色同味道，尤其佢個宮保雞丁，真係好好味，本身小妹唔食辣，但試左第一啖直情係返唔到轉頭，好入味，令人上癮，另外佢個外脆乳鴿，我同台灣朋友一齊食，佢哋都覺得係整得好特別同超好食，佢好多餸個味都係濃得黎剛剛好，服務非常貼心周到又識做，完全唔會失禮，叫佢哋調房間光暗，真係調到你滿意為止，音樂大細聲各樣，帶朋友上去完全感覺良好，另外佢個翅湯又係出色，因為在坐有人唔食澱粉薯粉，最後佢特登用雞清湯整，個味都好好味，料又足，杏仁茶又入味，環境又正，我都好少贊不絕口，呢間真係好好，雖然最後埋單過萬蚊，但個人認為好值，但值得體驗。…查看更多

今日幫朋友搞完單身派對因為有一個叫呀葉嘅服務員服務超級好所以平時唔寫食評嘅我都寫食評首先間VIP房超靚啱晒我哋啲打卡嘅女仔搞party同埋因為我哋佈置咗個場地變咗佢哋上菜幫我哋控制個時間都係控制到我哋可以好開心打完卡先上菜我哋打卡都打咗好耐其實未必保證到個食物質素但係食嗰陣啲嘢食都仲係熱嘅同埋味道都係好好食服務好 野食好安排又好 絕對係又可以傾生意又可以搞party 大家絕對可以諗吓最鍾意食嗰個和牛酥 全名唔記得 …查看更多

很久沒有上101，父親節到訪了麒天午膳，一行8人。服務員十分殷勤，安排貼心，驚喜地仲安排了房間。房間十分闊落，還有梳化供客人休息，電視機少不了，但沒有karaoke設備。點了4個單人餐，還加了點心。點心賣相出色，單人餐份量足夠。相信一個女子係食唔晒。燉湯出色，清澈。跟尾的炒飯香噴噴。和牛飽，和牛酥，煎糯米雞，必試。反而蝦餃只是不過不失。午餐，人均消費500有找。沒想像中咁天價囉，真的可以一試。當然，晚飯就會貴些小啊。…查看更多

慶祝生日嘅一餐飯🍽️環境幾好，可能當日唔多人嘅關係，餐廳都比較安靜，傾計都比較舒服。唔記得咗影餐牌，有三個set可以揀，另外仲有 A la carte，揀左$2388 per head 個set, 另外開咗兩支Stillwater，印象中$120一支 2388 set ⬆️⬆️⬆️每樣嘢份量都好細，我女仔黎講都唔係大食，但真心食完係冇飽嘅感覺😂😂😂 男仔食量就更加唔洗講 😐😐好彩食飯當日都天清氣朗，如果唔係乜都睇唔到嘅話都幾灰，話晒都係俾錢睇個景😮‍💨😮‍💨😮‍💨Service 方面，的確麻麻地，大廳得2個樓面。問我地開唔開水嘅時候比較積極😂😂 叫埋單都等得比較耐，但員工都有主動提出幫我地影相，而且好專業咁拎埋反光板。總結黎講，試過一次打個卡就算，冇咩特別都唔會覆桌，要靚景嘅餐廳都有好多選擇。2個人連加一，埋單$5639…查看更多

今日朋友帶過嚟圓方嘅麒天餐廳環境可以直接望到維多利亞港裝修 服務 都幾好今日食咗好多嘢每樣點心都OK最主要都係最靚呢個金魚餃鮑魚燒賣都好食，可惜唔記得影相📸下次會繼續過嚟 試下其他晚餐…查看更多

Located on 101F at the ICC building, the view is no doubt unbeatable and we were lucky to be able to sit by the window for the night. We were first greeted with some snacks and their sweet walnuts tasted really good. There’re both a la carte and set menus but we didn’t want to think so we just went for the 9-course dinner set at $1888/person that we got really full after. For starters, we got Hokkaido scallop and marinated abalone which were both seasoned well. Then the fish maw soup in coconut was really flavourful and aromatic which I enjoyed a lot. For mains, I really liked the hidden spice in the steamed grouper fillet whereas the crispy chicken fillet was also very soft and juicy. On the other hand, the baked crab fillet was very creamy and appetising. Even the poached vegetables in fish broth was a delight as the soup was really flavourful that I finished every sip of it and of course, the wagyu beef fried rice had enough ‘wok hei’ that I still managed to finish the whole bowl of rice even though I was very full..Last but not least, they’ve prepared some delicious birthday buns for me and a red bean soup to wrap up the dinner. Overall the ambience, the food quality and service were all great which I believe I will come again and hopefully, with a bigger group of friends or families to try out more dishes. The only thing is that their serving speed was a bit too fast.🥂Hokkaido Scallop with Scallion Sauce🥂Marinated Abalone with Assorted Onion🥂Double Boiled Fish Maw and Sea Snail Soup in Coconut🥂Steamed Grouped Fillet w/ Chilli Pepper🥂Crispy Chicken Fillet w/ Chives & Scallion Sauce🥂Baked Coral Crab Fillet w/ Cream Sauce🥂Poached Seasonal Vegetables in Fish Broth🥂Wagyu Beef Fried Rice w/ Supreme Soya Sauce🥂35Yr Tangerine Peel Red Bean Soup.Overall rating: 9/10jsv_foodie…查看更多

呢間d服務都算幾差下，呢個價為唔應該係咁嘅服務。佢地竟然會係上一道菜都未食完嘅情況之下就上咗下一道，放咗係隔離都得。。。唔知係唔係趕收工呢？不過我地8:15 食，離9:30 last order 都有一段時間啦... 而且上菜時完全無介紹菜式嘅特色及烹調方式，我地完全靠估佢係d 咩汁嚟但佢個椰皇螺頭花膠湯係唔錯嘅，幾鮮甜又夠熱，椰肉都起好咗俾你方便食。最後尾嘅紅豆沙都唔錯，陳皮味香，唔會太甜，幾好味。但係！！頭盤嘅帶子係有急凍味嘅，好難食!!和牛炒飯亦都好油又無味，身為招牌菜嘅雞都好油，食完呢餐即刻cancel 咗之後嘅booking…查看更多

大年初二當然不可錯過維港煙花如果不想在露天場所人擠人不妨來Sky Dining 101可以一邊嘆粵菜，一邊欣賞煙花每一道菜擺盤都很精緻簡直就是一件件藝術品餐廳裝潢也很精美！更重要是能俯瞰整個維港！！✅蔥油富貴蝦烹飪火喉剛剛好～綠色湯汁有濃郁蔥香味摗尿蝦搭配蔥湯口感很特別蝦肉吃起來很Q彈！✅海螺烏雞燉青片翅海螺、烏雞、青片翅三種high class食材組合一起沒想到喝起來很有滋味！！真是暖心又暖胃～✅紅燒20頭南非吉品鮑魚鮑魚真是絕絕子！！太上頭了！油潤鮮香～一盤簡直不夠我吃✅蟹粉生煎星斑柳這個一定要試！！口感特棒～新鮮的星斑柳帶有淡淡蟹味好有創意的搭配！一口很滿足！！✅唐生子花生苗炒花膠花膠除了燉，還能炒著吃絲條狀花椒有花生苗香味花膠分量感人！！✅湖水黑蒜浸菜苗黑蒜口感比較特別菜苗清香，很解膩！✅頭抽鹿兒島A4和牛炒飯誰能想到王炸是一碗和牛炒飯？米粒巨香！！和牛嫩嫩很入味這碗飯很值得！✅雲海杏仁官燕最後上桌的一道甜品杏仁味燕窩很滋潤口感清甜Q彈，撈絲晶瑩剔透記住這個位置！！港鐵九龍站D出口直達商場步行2分鐘到大堂乘坐專屬電梯直接到達101樓層共有5家不同菜式高品質餐廳親臨感受香港奢華氛圍…查看更多

麒天罔顧食客食物敏感、服務不合格節日到麒天用餐，點菜時，見餐牌有標示「素」、「辣」、「招牌」菜式。長髮女待應推介辣子烏雞，我表示家人不能吃辣，揀脆皮太安雞。最後，經考慮各人喜好，為求每道菜式也合全枱人口味，沒有揀套餐。經過嚴選，順利完成點菜，當中沒有揀任何辣菜式，期待一同品嘗每道美食。第一道菜，發揮正常，的確美味。可惜，第二道菜「金湯仿遼參餃」已出事，上菜時待應表示金黃色嘅湯底係南瓜湯。但南瓜湯異常辣，對於一般人可能是小事。但對於一個舌頭動過手術、對辣特別敏感的人，這就是千般受罪！由於當天是一家人慶祝，家人不忍破壞氣氛，強忍痛楚。我即時向另一位短頭髮女待應查詢為何這道菜有辣味，她表示不明白為何南瓜湯是辣，並會入廚房查詢跟進及確認其他菜式不辣。可惜，35分鐘後上第七道菜「黑金和牛酥」又出事。家人再次受到辣味衝激，再向那位短頭髮女待應查詢，竟然敷衍回覆，餡料預先奄好，完全沒有歉意！自此，那位短頭髮女待應失去蹤影，「金湯仿遼參餃」為何異常辣依然是一個謎。而為何35分鐘前保證已下單菜式沒有辣味，最終又上有辣味嘅「黑金和牛酥」呢？究竟那職員係無記性、無交帶，還是漠視查詢、沒有跟進、敷衍了事、罔顧食客敏感嘅嚴重性。無論如何，此職員服務不合格，令人懷疑麒天整體質素。原本希望全枱人一同品嘗每道美食，最後卻有人無法吃兩道菜式。對於麒天這級數的餐廳，服務如此，真的很失望。同級數嘅中菜館，大多細心查問食客敏感程度及喜好。而職員沒有留意添茶，亦係麒天另一扣分位。即使地利位置優越、裝修高雅，食物賣相精緻；如此服務，亦即時被比下去。事後，向麒天查問此事。自稱經理的負責人透過WhatsApp文字表示內部已經做左相應措施，實質有無行動、餐廳會否改善、「金湯仿遼參餃」為何異常辣、及保證已下單菜式沒有辣味，最終卻又上有辣味嘅「黑金和牛酥」，依然是一個謎。此用餐給我印象就是麒天口頭表示跟進，實貨敷衍。如此服務，認真考慮先否值得！…查看更多

這是與朋友的生日飯點了一款招牌叉燒，又硬又乾仲話推介，另外其他食物也一般般，普遍過油最差嘅情況出現了，我哋仲食緊呢個炒飯，突然送上預先訂準備嘅慶生壽包，生日牌點蠟燭嘅，但問題係我哋未食完飯，未清枱面就送咗上嚟，非常尷尬，這樣嘅餐廳質素，都未通知就上生日特別節目有冇搞錯？仲要蠟燭插唔實，蠟燭冧咗，仲要燒生日牌，老實講，這是生日飯慶，真係非常唔好意思🤬唔會再食離晒譜…查看更多

🪼義大利黑醋桂花海蜇花海蜇口感爽脆，配上意大利黑醋味道酸酸甜甜，作為前菜挺開胃。份量雖較少，但擺碟漂亮，還有青瓜片🥒作配菜，味道幾清新。🍲松茸螺頭烏雞燉花膠高湯味道很濃郁，感覺每一啖都是整煲湯熬出來的精華，評語可以用一個字概括「鮮」👍。湯用上矜貴的材料去熬製，包括花膠筒、螺頭等，非常滋補。如果真是要數一個缺點，就是份量太少，略嫌不夠滿足🤣。🦐櫻花花竹甜蝦浸菜苗這道菜比起前兩道菜相對失色，味道同樣好好，可是太普通了，沒有太驚艷的感覺🫢。菜苗非常嫩口，加上湯底很鮮甜，菜苗基本上吸收了全部湯汁，不錯！🥢沙茶醬和牛河起初以為干炒牛河沒有什麼特別，應該與平時在茶餐廳吃的味道不會差太遠。果然，我的想法是錯的😂！和牛肉味濃郁，油脂感豐富，嫩滑多汁，立即可以把簡單的河粉昇華不少🔝。沙茶醬偏辣，對於不吃得辣的人要留意❗️…查看更多

男朋友生日早半個月已經係WhatsApp book咗麒天。收到3個tasting menu（$1888/$2388/$3188）同a la carte ，最後決定兩個人都食中價位$2388 per head既tasting menu。由於唔食魚翅，問咗燉湯可唔可以轉，好快都得到回覆可以轉，之後我選擇轉咗做松茸螺頭烏雞燉花膠同椰皇螺頭燉海參各一。亦都pre order咗壽桃$38隻，對話中餐廳通知最少要order3隻，我表明得兩個人，佢地堅持：小小一只 可share。所以都接受咗最少3隻呢個提案。到咗用餐當日。去到餐廳都聽到好多房間都被包咗，但大廳可能因為係閒日只有4/5枱客人，最多人既一枱都係得一枱4個人，而眼見既員工都有6個左右。坐低既時候被問到係咪可以開始上菜？答咗ok後無諗到連座枱menu都無?-?由於無share到menu比男朋友，佢唔知道有咩食，所以一直就開住WhatsApp同餐廳conversation入邊張menu同佢講。之後每一碟餸過到嚟連簡單介紹個餸名都無！唔講以為佢地好忙炒緊場所以忽略咗。其實我唔知道係唔係本身餐廳唔需要員工介紹食物？其實就算普通嘅茶餐廳放低你嘅沙嗲牛肉麵都會講一聲：沙嗲牛麵。。而當我比緊一位客人二千幾蚊頭嘅時候我無諗過會係無咁既服務 。當中蟹黃脆皮花膠係無咗，俾咗第二款花膠嘅菜式，但係由坐低到食完都冇人同我哋pre order咗既野唔同咗。好似有少少離譜。去到荷塘月色（菜）既時候，當個身穿西裝嘅男員工放碟菜喺我男朋友位置嘅時候，我男朋友隻腳突然之間好大反應郁咗下，我問佢咩事，佢話原來啲湯汁倒瀉咗出嚟，唔係佢講出聲個身穿西裝嘅男員工都唔知道。。。之後我男朋友用紙巾抹緊條褲同張枱嘅時候佢先慢慢地幫手，同拎多張紙巾過嚟，say咗幾句sorry，都明白意外無人想既，佢都say咗sorry啦，件事就完咗😂 成晚嘅餸都好精緻好小一份，本身我哋仲討論緊會有幾多條菜，2棵？3棵？最後係得一棵，當我見到個菜既時候我都笑咗出聲。之後食埋個飯，我男朋友起身去咗洗手間。有個女員工走埋嚟問我：係小姐你生日定先生生日？ 個下我有啲尷尬，雖然其實都係過嚟食生日飯，唔係啲咩驚喜，但係冇諗過我book枱嘅時候講到甜品寫xxxx happy birthday (而xxxx係一個都好普遍嘅男仔名） 佢都仲會同我再confirm 邊個生日。Ok，都算😂 到佢哋上壽桃嘅時候，原來可以兩隻，明明當初講一定要三隻。最頂癮係員工真係放低完講咗句生日快樂就走，完全無主動問我地要唔要影相。到最後我哋自己影完相，開聲叫其中一個員工嚟幫手影相（再提一提，佢哋當晚得4/5枱客）呢啲真係要開聲問？就算出去食個生日邊爐，上蛋糕都未必需要開聲要求員工幫手影相，因為大家都身同感受，覺得嗰一刻需要被記錄會主動offer幫客人影相。比得呢個價錢都其實有啲期望，只可以講野食好唔好食就見人見智，老實講好細份，食完亦都唔飽。好彩天氣好好能見度好高，風景有令我地心情好啲，服務唔係差因為係接近0服務，到埋單嘅時候隻手舉咗接近20秒，叫咗幾聲唔該，自己一個企係中間忙緊（？）既西裝男員工先見到（唔係倒瀉湯汁嗰個），最後趕住走，無為意到佢地無比到餐廳單我，只係比咗碌卡單我。真係樓下代客泊車嘅員工同餐廳洗手間嘅清潔姐姐都好服務好笑容同敏銳過佢哋。只能說唔會有下次😂 兩個人埋單$5500，我相信有好多更好既選擇。救命！希望 貴公司見到會好好改善一下員工既服務質素，客人已經唔算多，咁既服務質素點幫政府手夜繽紛呢？由始至終無被通知過無脆皮花膠嘅代替品。由3隻變咗做2隻嘅壽桃。…查看更多

十月十四日, 星期六, 炎熱上ICC 101樓, 五大一小, 食左~~~蝦餃 傳統點心, 摺得好好, 餡料充足, 有筍尖好重要蟹肉石榴餃  新派點心, 香檳顏色夠迷人, 蟹肉餡豐足麻婆豆腐餃  靚得唔捨得食, 都幾辣松露羊肚菌餃  外皮晶瑩剔透, 口感豐富, 香噴噴, 感覺健康雪山叉燒包 越黎越小地方食到, 鬆脆外層, 香甜內餡金魚餃  栩栩如生, 色彩繽紛, 入邊是龍蝦肉, 矜貴, 好味道環境清靜  空間寬落  無敵海景  高居臨下  大部分點心都好食. …查看更多

於2023年12月2日飲茶。一個坐於101樓高空的生日慶祝飯局，一望無際的維港，可是天公不作美，天暗帶霧。鱈魚窩夫卷🧇外形生得像個迷你雪糕筒，外脆的窩夫包着軟軟的鱈魚肉滑，帶點點蟹籽，醬汁有微微日式芥辣味，如果調味鹹一點更佳。燕窩龍蝦金魚餃🦞 [必點]賣相十分可愛，一個用燕窩打造的小池塘，配上小荷葉和菊花花瓣，池塘中央有一條小小的金魚餃。燕窩帶着淡淡桂花味，蝦肉彈牙爽口，一個色香味俱全的點心。松露豚肉鍋貼🥟朋友一口咬，汁就噴了出來。鍋貼色澤很好，煎得剛好，但完全沒有松露味，就是普通的鍋貼。磯煮鮑魚燒賣💚穿了綠色衣裳的燒賣，頂上一隻小鮑魚帽子。鮑魚收汁一流，而且爽口，燒賣肉質都很不錯。佛跳牆湯餃🥟 [必點]對於灌湯餃要求較高，這道菜達標。雞魚翅湯濃稠，魚翅算粗大，餃皮薄薄，入面足料配上冬菇粒粒，有咬口。黑金和牛酥🥩暗黑是帶着神秘的一口酥，酥皮酥鬆，內含着日西式風味的和牛，是一道心思小點心。越式蝦網卷🦐一道成功的fushion菜，是越南春卷和中式點心的腸粉結合。除了有鮮蝦，入面有生菜，吃上來好清新，配上麻油豉油，很香，挺喜歡。-以高級餐廳作標準，茶選擇很少，而且茶味不濃-餐廳碟碗有水漬有崩壞的情況-餐廳窗邊位要低消2千元，但免費替我們安排了…查看更多

預早幫媽媽慶祝生日，挑選了一間高級中菜同她慶生位於尖沙咀環球貿易廣場101樓的麒天一入眼簾的無敵大海景·媽咪未食已經非常滿意♡點心荀尖鮮蝦餃｜松露羊肚菌餃蝦餃飽滿·蝦肉彈牙鮮美羊肚菌餃黑松露味香濃，外皮軟糯而口感豐富♡黃橋燒餅 ｜馬介休蘿蔔酥燒餅皮薄酥脆·餡料香濃蘿蔔酥造型精緻· 外脆內軟♡燉湯｜菜膽螺頭燉湯足料燉湯·入口舒服♡主食乾燒川汁蝦球｜上湯時蔬蝦球配上惹味川汁·下面搭配脆餅·擺盤同味道同樣出色♡飯食｜豬油渣香蔥炒飯豬油渣炸得乾身·油香蔥香令人回味♡甜品｜楊枝甘露清生解膩·剛好平衡一下炒飯的膩感…查看更多