鹵家 (已搬遷) 新店位置

知道呢間店d野會好快賣哂，所以一早叫左朋友去排隊，落左單要叉燒，拼盤，醉雞卷等，之後朋友就一直等，都知佢會做左堂食客先，所以等左成粒鐘都無講d乜。但等左成粒鐘後老細終於做我地張單個陣佢竟然話叉燒賣哂！我地一個鐘前已經落左單呢一個鐘內不斷有叉燒出比堂食客，然後到我地個陣你同我講話賣哂。我知你做左堂食先，但我一早黎到落左單如果你係無既可以一早出聲，我可以唔等，而唔係等左成粒鐘到最後比哂人先同我講賣哂囉。外賣都係客可唔可以公平少少，如果係咁唔該你地唔好做外賣喇。咁既玩法，野食再好都係一肚氣，無下次。

真係激死林住星期三去食下Lunch, 影下相俾大家睇，想再向大家証實一下（因為之前已經食過，please refer 番之前有一編叫“麻麻地姐”既食評），唔知點解突然之間咁多“like”同廣告既餐廳，食物既菜色同質素係麻麻, 點不知，呢間野話休息就休息如果想睇埋第3集，請繼續留意個食評，我會好快，好快...再加圖，再加文字去証實。坊間依家好多餐廳搵電子媒體，去話自己間舖頭，有幾食，幾特色...我會用真實既文字去表達，希望大家欣賞

有時夜晚放左工會想食叉燒飯，夜晚附近都幾難搵。終於屋企步行距離都有夜晚可以食到嘅叉燒飯！呢度都有晚餐set 嘅，我嘅重點梗係要食蜜汁叉燒皇啦，另外仲叫左個秘汁鹵家鴨！個餐有例湯、飯同埋熱飲！湯係老火湯，出街食晚飯都有住家feel啊！鹵家鴨唔太鹹但係又好入味，加少少醋食岩岩好。下面嘅芽菜吸左d鹵水汁都好食！至於個蜜汁叉燒皇係今晚嘅重點，叉燒係半肥瘦嘅，岩晒我胃口！叉燒要有d肥先好食㗎！叉燒好夠味！下面嘅芽菜又係吸晒d汁，可以用埋嚟撈飯tim！下次我要試埋個醉雞卷！

食過午餐，晚餐，雖然無影相，不過以下係我小小意見:1. 舖頭雖小，不過菜色都好小2. 味道: 睇x果日報都有介紹過，係“開飯嗱”都好多個“讚”...但係我感覺佢地同其他燒臘舖or打冷既差唔多，我非常懷疑D“讚”係點黎3. 位置: 唔算難搵，係輕鐵站行過去約7分鐘4. 服務: 成間舖頭坐到8-12人，老闆娘負責收銀 x 侍應，都可以嗱，畢竟年幾都唔細5. 回頭機會: 呢半年內都唔會，因為真係並不是大家講到咁神同好味“希望唔好怪我直接，因為我長居元朗，所以知道仲有其他好既地方食野😆”

又到年尾，我們三個新界西之友又係時候食個團年飯，當係獎勵過去一年的辛勞，及預祝未來一年繼續有大食大咁話。這裡店舖細細，室內座位較少，有些客人唯有坐在門外，我們雖然早到，但都在門外吹著冷風等了幾個字呢。不過，餐牌的食物價格都幾實惠，照片看超來似乎很美味，而且我們很少吃潮州菜，於是便決定等一會了。我們點了這裡的套餐，每人一個套餐，再叫幾款小菜。套餐包一碗是日例湯、一款小菜、一杯飲品及粉/麵/飯/米線。我便叫了一杯熱檸水。例湯是清潤的粟米紅蘿蔔湯，在外面吹了一陣冷風，喝了這碗用料甚足又清潤的湯水，清甜得來沒有太濃味，就如家中的湯水般沒有味精。跟餐的烏冬，麵質都幾爽口彈牙，灑上粟米粒和青葱碎，湯底變得清甜。蜜汁义燒王。這是店員的特別推介，果然無介紹錯！秘製的义燒，跟出面燒味店的做法不同，加添了豉椒汁的蜜汁豉油，把肥美厚切的义燒醃得很入味。义燒肉質軟軟稔稔，肉上的脂肪令口感更油滑美味。酒仙醉雞卷，剛上碟的時候，便聞到濃濃的清酒味，稍稍冰涼的雞卷肉質相當嫩滑，並且嚐到清香的清酒味，上面的杞子也增添粒粒咬口，連下面的青瓜絲都爽口帶酒香，整道菜的味道都充滿清酒香。香葱煲仔豉油雞，上菜時仍然是滾煲煲的，

話梅涼瓜片 $28·🍎蘋果乾真係多得朋友仔帶領🙇🏻，先有機會試到祕隱小店～鹵家🏠！（雖則蘋果我就好少入元朗，但成日都聽聞元朗有好多好野食，希望以後都掟起心肝入多啲黎，食多啲好西🙈）.坐完車🚇入黎，其實都唔早啦，但，鹵家已經高朋滿座⋯其實，唔介意可以係「戶外」開隻枱用餐！😉 有心嘅朋友仔可以選擇早少少食，蘋果靜雞雞同你講，佢某啲招牌菜，賣完就無嫁啦🤐 你想食都無得食😢·唔好睇店家細細間，菜單方面選擇都算多，係店家力薦嘅情況下，點咗個話梅涼瓜片（健康之選）！其實同行朋友仔唔食涼瓜嫁😅但眼見店家力推，把心一橫試試佢😂·Well~well~見佢切得咁靚，仲有話梅做裝飾，唔係唔試嘛😏戰戰兢兢夾塊涼瓜入口，堅，蘋果嘅眼👀Bing 左下✨邊個話涼瓜會好苦嫁？OK~ let's forget it!!!😏一啖擺落口，話梅嘅香味即刻湧出黎，成口都充斥住好香濃嘅話梅甜～而一般話梅都皆會帶點酸，但個啲酸配上涼瓜嘅澀味，真係成個人為之一震！甜甜酸酸嘅滋味，一時半刻真係停唔到會keep住食～💫 唔食涼瓜或者對涼瓜有啲抗拒嘅，真心可以黎試試👍🏻·酒仙醉雞卷🍶🐔 $38· 鹵家另一驚喜之作～酒仙醉雞卷🍶🐔！！其實🍎

日前在午市差不多截單前，來到元朗這間賣燒味及滷味的小店「鹵家」，雖然其貌不揚，但其食物卻有驚喜。雖然未夠兩點半，但部份我想吃的item已售罄，最後叫了個鹵牛𦟌及醉雞卷。兩者均賣相精美，其中鹵牛𦟌有紅色的邊位，是相對傳統的做法。牛𦟌本身頗入味，加上切得薄薄的，又香又很下飯。至於醉雞卷更是令人喜出望外。晶瑩剔透的雞卷酒味濃又啖啖肉，加上有杞子來提味，令味道的層次加深了，正呀。見隔離枱的客人預訂晚市的叉燒（因午市的叉燒已售罄），估計應是這裏的王牌，下次早點來一定要試吓。

價廉物美食物質素好好！支持小店！豉油雞，酒味較重，我個人不太喜歡！叉燒，肉質鮮嫩，夠晒入味！可能店內較細，因此等候時間較長！有待改善工作效率，感覺有點亂！整體都ok!會再來試其實食物！

諗唔到晚餐食咩 係度四圍行之際發現有間鋪17:50 就有人係門口等位見到咁就緊係排下隊先18:00 有人出黎派飛原來18:15先入座入面只有14-16個位 錯過左就要等7點了1. 醉雞卷坊間好多醉雞都好苦依度剛剛好又香酒味同埋無雞骨啖啖肉真係正2. 叉燒肥瘦均衡 味道甜甜地又香口 對比坊間好多地方都造得好3. 鹵水鵝片鵝片就一般 不過個鹵汁不會太咸 幾岩我口味! 個豆腐都唔錯 仲有啲豆香88蚊咁多片 真係抵到喊個湯都好好味 有家的味道60幾蚊最貴依個叉燒套餐有湯有野飲又咁多叉燒抵到喊叫外賣要等師傅做完堂食先有得拎所以建議堂食啦 耐心等候好重要聽到有人叫外賣話 "外賣都要等咁耐" 之後走左去 食客都不是大哂 共勉之不過個白飯好似生米咁 飯都唔識煲陰功

對於住港島的我，對元朗這個地方既陌生又熟悉，每次有好吃好玩的地方，礙於交通路程關係，而且昂貴的交通費><，每次都讓我卻步，適逢每月星首星期六港鐵有半價優惠，就來個新界一日遊吧！這間新開滷水店是由五星級退休主廚打理，別讓「五星級」這個詞嚇倒，整體價格卻很合理，午餐和晚餐的價格都只是$40-$60左右！酒仙醉雞卷($38)醉雞卷每一件都是小小的，雞肉結實，充滿花雕酒酒香！平時很少叫這個菜，難得價格相宜，正好和朋友一起嚐嚐～秘製鹵家鴨飯($47)是我最愛的鹵水鴨!份量一點也不吝嗇，有兩層的鹵水鴨，鴨肉味香肉質軟嫩，配上一大碗的飯，最後我竟然吃不完，女生們一定要叫少飯～～自家製豬扒鹵蛋飯($38)不要少看這個飯吧！最怕吃到肉質粗糙的豬扒，然而它這個豬扒挺腍的，其賣點絕對是那個汁，惹味得很～燻蹄併海蜇($42)燻蹄彈牙，海蜇有濃濃的芝麻香，十分開胃～～兩個小食都好吃呀！餐牌，真得不貴喔小店座位不多，只有4-5張桌，它們的名物是食神叉燒飯，可惜我與它無緣T___T聽說頭兩小時就會賣完，下次還是要請早

話說我哋拍咗拖咁耐，都未試過當風箏遇上風，所以今日就入去南生圍放吓紙鳶同撲吓蝶啦！山長水遠入到元朗，今次一於瓹窿瓹罅搵間小店試吓新味道！行過教育路，咦…五星級酒店老師傅主理？精打細算嘅A姐第一個反應就係：咁未好貴？！再望望餐牌，價錢又好合理喎，即刻入去試試呢個老師傅手勢先！店內嘅位置唔大，想坐喺度2-3個鐘就難啲喇，不過，餐廳嘅環境就好新淨同好企理，後來同餐廳嘅店員講開，原來呢間舖頭係由一家人打理，爸爸就係大廚，媽媽就主力招呼客人，唔怪之得，呢度嘅設計咁有家庭feel啦！呢度嘅午市套餐由$36起，仲有一碗老火湯或熱飲，同埋一碗五穀類（可選飯、米粉、拉麵或公仔麵），既然一場黎到，一定要叫多個鹵水拼盤試試添！住家老火湯唔知大家鍾意食飯先定飲湯先呢？我就鍾意食飯先，A姐就鍾意飲湯先，所以我哋都可以為咗呢啲雞毛蒜皮嘅事嘈之巴閉，不過呢啲其實係情趣嚟嘅！今次就聽佢話飲湯先啦，一飲就知係自家嘅老火湯啦，除咗夠哂味，仲有好多湯渣架，飲完成碗都唔會覺得頸渴！絕對稱得上係二奶靚湯（大婆當然係A姐啦）！特制鹽香雞飯鹽香雞喺呢度嘅招牌菜，件件雞都好大好juicy！仲夠哂嫩滑，最重要係每件雞都好入味，真係雞，

這家小店主要吃鹵水食物，店主是五星級酒店的退休大廚😳 食物用心製作，價錢親民，吸引到我入開元朗去試一試。特製鹽香雞 $47 好滑呀！😳 點解可以如此滑呢！🤔 小妹超喜歡吃滑雞呀！不過椒鹽味可以濃多些少☺️另外，這個特製鵝片 $88，肉質軟腍，口感同味道都一流😋👍🏼 是出面比較少地方能品嘗到的水準 😳 食神叉燒飯$43，是招牌菜之一！份量很大！很多叉燒呀！厚切叉燒肉質軟腍，但略嫌不夠肥美同埋蜜汁，不過咁足料，真是超抵食呀！😍 這家小店的服務態度非常好, 食物能給矛予客人家的感覺，下次再幫襯❤️

老實講QT好少入元朗，一來覺得比較遠二來唔係咁就腳。但最近有位住喺元朗嘅朋友同我講元朗開咗間餐廳主力食滷水！佢話我知依間餐廳廚師以前係五星級酒店大廚，但想大家平民價都食都食到星級嘅料理，所以呢就開咗依間小餐館！因為佢講到甘正甘抵～所以特登走入元朗走睇吓佢係咪咁把炮！其實我去到呢都有俾個鋪頭嘅大細嚇親，因為大約只坐三至四張嘅二人枱，好彩後尾店員話其實可以選擇坐室外。我諗應該真係好好食！所以呢QT去到嘅時候係見到大排長龍。一睇menu 深深被當中「醉雞卷」呢度菜吸住左！因為以我嘅記憶小時候見過嫲嫲整過，過程係比較需要心思時間同技巧，而且已經好多地方因為覺得呢度菜煮法比較繁複而冇～ 今次見到QT簡直兩眼發光！必點黎品嚐！我想講嘅係你以為咁花心思嘅菜式要好貴？但原來都只是$35 而且份量足仲可以換做跟餐！係超級無敵入味回味嘅花雕酒香～ 我深深愛上！依度嘅叉燒又係大熱😍 唔係肥叉都唔係半肥瘦～ 而係適中嘅肥瘦，色澤唔係人造色素果種過分鮮豔，係平實嘅色澤感覺上唔會有過分嘅人造色素！味道甘香口感鬆化😍 個叉燒汁送飯一流！另外滷水拼盤又係抵食之選！有齊金錢肚、大腸、香滑滷豆腐、豬耳、滷蛋同鵝翼！都只係

位於元朗的鹵家，是一間新開的鹵水專門店。住在天水圍的我，今天帶同姨媽和媽媽，一齊去嚐嚐看吧。食神叉燒飯$47午市套餐包括主菜，米飯/米線/米粉，湯品，價格便宜。姨媽點選的叉燒飯，是餐廳招牌之一。色澤深紅，賣相吸引，份量不少。不過可能因為是最後一份叉燒，較為硬身結實制製鹽香雞飯$47媽媽點選的鹽香雞， 也是餐廳招牌之一。鹽香雞肥大肉厚，大大一份，伴上雞脾肉，十分吸引。雞肉軟嫩，入味鹹香，值得推介。米飯量極多，媽媽和姨媽勻吃得少，所以一整個飯上台後，便送回服務生，哈哈。招牌鹵水拼盤$98（鴨）/$128（鵝）我點選的是招牌 鵝鹵水拼盤，包括: 鵝，豬耳，金錢肚，大腸，豆腐，雞蛋。鵝肉切成多件，適合多人分享，肉質嫩腍，唯肉的部份不太多。豬耳爽脆，媽媽姨媽們勻大讚哦豆腐四件，滑溜入味，有點略咸。雞蛋切半，蛋黃粉嫩，若是小孩子吃鹵水，必吃雞蛋吧。

😍元朗人真的好幸福～滿街都是好吃的💕今次黎到鹵家呢一間新開既滷味店🙌🏻由五星級酒店老師傅主理架👨🏻‍🍳食到飽一飽人均都係百幾蚊CP值爆燈💡💡💡🤑店內除左滷味仲有好多特色美食，好似醉雞卷，乳鴿等等都做得非常出色架😍👍🏻必試醉雞卷！酒香之餘雞肉結實很嫩滑，很精緻的小菜，出面很難食到呢個人最欣賞就係蜜汁叉燒皇既晚市套餐🍱呢個價錢有餸有飯有老火靚湯真係超抵💕老火係大大舊煲湯瘦肉同瓜百分百真材實料無味精🍲(想看相片可以按我的ig story 👶🏻)舊煲湯瘦肉仲要係咬得開既岩哂鐘意食湯渣既朋友仔👭👬而我覺得最欣賞嘅地方係呢度嘅叉燒🍖無添加人造色素，而且全部都係用梅頭肉自家鮮製🍖咬落去肥瘦均勻又有鮮製獨有既肉香和肉味，而且厚切得黎有超多塊🙌🏻❤️只係例牌已經好大碟既滷水拼盤