影片
港鐵荔枝角站 D1/ D2 出口
繼續閱讀
電話號碼
27438011
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
公眾假期
12:00 - 15:00
17:00 - 23:00
以上資料只供參考, 請與餐廳確認詳情
有關獎賞計劃
呢兩日香港天氣熱到一個點🥵 收工好想搵個地方飲杯嘢唞一唞❤️ 朋友仔話公司附近開咗間 #居酒屋「 鵜舞 」，以 #簡單美食、#日本鄉土及B級美食 （簡單易烹調，適合平民大眾嘅食物）為賣點，每晚都會吸引唔少食客慕名而來幫襯🍻 呢晚 #小秘書 就跟埋朋友仔嚟到 📍#D2 朝聖！餐廳外貌以大江戶居酒屋造型而建，經過兩旁高掛嘅紅色燈籠🏮 終於去到我哋嘅座位，餐廳環境非常有儀式感！餐牌上食物以 #日本各省美食 組合而成，單係睇圖片已經好吸引😉 呢晚就聽店員嘅介紹，試吓師傅嘅手勢！✨東京三文魚籽、海膽最中餅 - #最中餅 可以話係日本東京嘅名物，師傅用糯米粉搓成薄皮，再放入熊仔🐻嘅模件烤焗成形，配埋大大粒嘅 #三文魚籽，同 #海膽 一齊食，可愛得來又有特色✨大分美食#琉球醬漬刺身 - 特製嘅醬油，加入雪凍咗嘅 #魚生刺身 同 #牛油果 一齊混合，再用紫菜包住一齊食，清新嘅口感，啱晒夏日嘅節奏✨北海道美食#焗2年越冬熟成馬鈴薯 - 師傅將薯仔烤熟，口感軟腍腍就好似棉花糖一樣，加埋牛油喺面，焦糖化甜甜嘅口味，令人非常滿足#漁師町海鮮野菜鏘鏘燒 - 錫紙包住各式各樣嘅海鮮同埋其他蔬菜一齊煮，味道辣辣地，非常惹味✨広島美食#牛腸天婦羅 - 牛腸軟糯嘅口感，外邊包住一層甜甜地嘅漿粉，味道都幾有創意✨福岡#明太子芝士豚肉天婦羅 - 咬落去啖啖 #芝士醬，加埋 #明太子 獨有嘅香味，口感好豐富✨新潟美食#糸魚川墨魚汁炒麵 - 濃濃嘅墨魚醬汁跟麵條撈勻，每一啖入口都有厚厚嘅墨魚肉，好有口感✨名古屋美食鄉土料理 #鰻魚飯三食 - 店員叫我哋先將 #鰻魚 切開四份，加入配菜或者放落茶漬入邊，味道食各有特色，不過我就比較鍾意原味，貪佢夠香口，食到真正嘅鰻魚味道✨鵜舞夏日特飲因為天氣實在太熱，我哋一口氣嗌晒餐牌上嘅四杯 #沙瓦特飲(Sour)🍋冰結檸檬塔沙瓦 - 35 cm長嘅 #冰結檸檬 做裝飾，有得食有得玩之餘，啱晒鍾意打卡嘅我🥰 Sour酸微微嘅味道，令人胃口大開🍍冰結菠蘿沙瓦 - 新鮮嘅檸檬放入沙瓦(sour)一齊，啖啖新鮮菠蘿肉，十分滋味🥒河童沙瓦 - 青瓜清新口味，啱晒炎炎熱嘅夏日🌶️金魚沙瓦 - 以辣椒嘅形狀造成金魚，外觀睇起嚟就好似一個水族館一樣，微辣嘅口感，刺激味蕾餐廳俾我嘅感覺，就好似返咗屋企食飯一樣，滿載笑容嘅店員，令人攰氣全消！雖然只係簡簡單單嘅菜式，但係食物味道卻係充滿層次感！不愧為 #日本鄉土及B級美食 專門店，整個感覺都好溫馨呀❤️
繼續閱讀
𝕃𝕒𝕚 ℂ𝕙𝕚 𝕂𝕠𝕜 荔枝角 • 鵜舞📍荔枝角長義街𝟡號𝔻𝟚 ℙ𝕝𝕒𝕔𝕖 𝕆ℕ𝔼地下𝔾𝟘𝟚號舖::::::::::::::::::::::::::::::由日藉總廚楢崎頭策及日藉副總廚松田亞弓小姐四手聯乘主理，可在鵜舞一嘗日本各地的鄉土料理及B級美食。何謂B級美食，即是代表「地區品牌（BRAND）」的意義，透過美食來推廣該地區品牌。✽ 大分 琉球醬漬刺身❣️✽ 広島 牛腸天婦羅❣️✽ 新潟 鯛魚笹壽司✽ 北海道 漁師町海鮮野菜鏘鏘燒✽ 千葉 花生味噌唐揚炸雞❣️ ✽ 東京 三文魚籽/吞拿魚蓉/海膽最中餅❣️ ✽ 北海道 焗2年越冬熟成馬鈴薯❣️✽ 福岡 爐端燒豬蹄❣️✽ 福岡 明太子芝士豚肉天婦羅✽ 京都 鱧魚茄子天婦羅配梅肉蘿蔔泥✽ 名古屋 鰻魚飯三食❣️✽ 愛媛 宇和島鯛魚太飯❣️✽ 岩手 盛岡冷麺✽ 新潟 糸魚川墨魚汁炒麵。前菜推介琉球醬漬刺身，三文魚、鯛魚、牛油果及蛋黃拌著味醂芝麻醬油，十分開胃；牛腸天婦羅炸至外酥內軟，毫無內臟異味；花生味噌與酥脆炸雞的完美結合，令人垂涎；熊仔最中餅造型可愛，夾著鮮美的三文魚籽、吞拿魚蓉及豐富的海膽；鰻魚飯上的鰻魚烤得焦香，提供三種吃法享用：首先在鰻魚飯上劃十字分成四等分，第一份可直接品嚐，體驗鰻魚的原味，第二份可搭配海苔或芥末等配料；第三份則淋上高湯變為茶泡飯；最後一份可隨個人口味自由享用。與此同時，鵜舞亦為大家帶來冰凍水果特飲「冰結菠蘿沙瓦」、「冰結檸檬塔沙瓦」 、「河童沙瓦」 及「金魚沙瓦」，打卡一流！
繼續閱讀
一坐低職員推介一張天婦羅的獨立餐牌，講到買一送一好抵，但最後其實只係生蠔🦪是送多1隻。明明餐牌上印住$99 兩件的帆立貝，埋單收據上卻印了$110 ，我踏出門後才發現，回頭問佢點解，佢答餐牌未改價錢，吓😡咁都得❗️😤雖然加一後都只係多$11，但無理由咁。 另外我聽到帆立貝也是買一送一，最後只來了2件（買一送一，應該是四件），我想核實返究竟我聽錯定係佢俾漏。佢答其實都冇乜分別，因為大隻咗1件=2件，可是一啲都唔大，只係正常尺寸。天婦羅生蠔都是買一送一，$99來了2隻，味道正常。天婦羅厚切燒玉子$48 及樱花蝦膠$68 性價比最低，份量少又細。 串燒及豚肉卷正常合格，甜品🍨是最好，兩款都OK味道夾，份量合理。 另外坐低後佢送咗小杯清酒👍🏻
繼續閱讀
今日約咗一大班朋友去咗荔枝角呢間人氣居酒屋氣氛一流，食材新鮮又精緻率先試左日本🇯🇵全國各地區品味獨特日本鄉土及B級美食透過美食來推廣各地平民美食文化🍹特色Cocktail 4款Cocktail各有特色😍打卡一流📸「冰結檸檬塔沙瓦 」，將檸檬片堆疊冷凍成，現凡惠顧將會升級獲得特別 35cm 加長版🎉另外更有「冰結菠蘿沙瓦」、「河童沙瓦」及「金魚沙瓦」選擇，炎炎夏日飲完透心涼🔥✨東京 ~ 三文魚籽最中餅/海膽最中餅打卡一流📸 鮮美的三文魚籽、creamy鮮甜的海膽小熊餅造型好吸睛💫✨名古屋 ~ 鄉土料理 鰻魚飯三食鰻魚烤成焦香，食法有茶漬飯同埋加入Wasabi或脆脆，茶漬飯加入魚湯，鮮味十足💫✨ 新潟 ～ 鯛魚笹壽司將醋飯放在竹葉上，鯛魚新鮮厚切，北陸信越地區的特色美食💫✨大分 ～ 琉球醬漬刺身時令魚類和貝類有三文魚、鯛魚、牛油果，混入甜醬油、味醂、清酒和芝麻製成的醬汁和蛋黃，口感更滑溜💫✨広島 ～ 牛腸天婦羅熱辣辣即叫即炸，外皮酥脆內里鮮嫩，佐酒一流🍻✨千葉 ～ 花生味噌唐揚炸雞花生味噌與酥脆的炸雞的配搭，帶點微辣，惹味又獨特💫✨北海道 ～ 焗2年越冬熟成馬鈴薯馬鈴薯超級鮮甜，用上北海道獨特嘅保鮮法，配埋牛油一齊食，口感更豐富💫✨福岡 ～ 爐端燒豬蹄賣相好獨特，以備長炭烤成的豬蹄，外脆內軟、滿滿骨膠原💫✨福岡 ～ 明太子芝士豚肉天婦羅外皮香脆，咬開有明太子及芝士，口感好creamy💫✨新潟 ～ 糸魚川墨魚汁炒麵墨魚的墨汁及墨魚肉炒成的意大利麵，西日fusion菜的感覺，墨魚爽彈，意大利麵好掛汁💫
繼續閱讀
這間位於荔枝角的日式居酒屋 ，裝潢設計巧妙地融合東京新宿小巷居酒屋與日本漁村的質樸風貌，以溫馨簡約的燈泡、仿舊木質材料和傳統日式燈籠，讓食客沉浸於濃厚東瀛氛圍，享受寧靜與愜意時光。餐廳由日籍總廚楢崎顕策和副總廚松田亞弓主理，將傳統日式料理與創新風格融合，帶來不一樣的美食體驗。餐廳最近更推出日本全國各地 B 級美食，展現各地的獨特風味，無論是尋找地道風味或探索創新日式料理，都能滿足味蕾期待。北海道🦋焗 2 年越冬熟成馬鈴薯初嚐經過2年長時間熟成的馬鈴薯，釋放出濃郁的天然香甜，以牛油點睛提昇至另一層次。大分🦋琉球醬漬刺身選用三文魚、油甘魚及牛油果入饌，與由甜醬油、味醂、清酒和芝麻製成的醬汁攪拌，突顯魚生的鮮美，清新開胃，千葉🦋花生味噌唐揚炸雞炸至金黃酥脆的雞肉，內裡嫩滑多汁，佐以香濃花生味噌，濃郁風味更顯突出。東京🦋三文魚籽最中餅 / 海膽最中餅最中餅的香脆口感，夾著鹹鮮的三文魚籽及濃郁的海膽，叫人一啖入魂。広島🦋牛腸天婦羅牛腸的肥美與酥脆外皮形成絕妙對比，內裡煙韌多汁，極具日式居酒屋風味。福岡🦋明太子芝士豚肉天婦羅 & 爐端燒豬蹄豚肉卷住鹹香的明太子與濃郁的芝士，外層炸至香脆，一口咬下，多重口感層次在口腔中迸發。爐端燒豬蹄膠質滿滿，軟嫩惹味，每一口都讓人意猶未盡。新潟🦋糸魚川墨魚汁炒麵濃黑墨魚汁為麵條帶來獨特海洋風味，墨魚肉增添了口感，再佐以生雞蛋拌勻，令整體口感更滑順，麵條彈牙有嚼勁，令人一試難忘。名古屋🦋鄉土料理 鰻魚飯三食嫩滑無骨的鰻魚，以不同方式品嚐：原味、搭配調味料、或與高湯融合，每種吃法都能展現鰻魚的美味層次，感受地道的名古屋風味。特色飲品🦋冰結檸檬塔沙瓦 & 河童沙瓦多款冰涼爽口的沙瓦調酒，帶來清新果香與微氣泡的味蕾刺激，增添用餐氣氛。當中「冰結檸檬塔沙瓦」將檸檬片堆疊冷凍成檸檬塔，在日本掀起社交媒體打卡熱潮，更成為人氣必點飲品。
繼續閱讀