鵝之極品燒味專門店

工作做到攰，就會想食下d開心舒壓嘅好嘢(唔代表要貴嘢) 。今次又loop返到燒鵝，就要返黎呢間鵝之極品。見個店名就知道係對鵝有自信嘅鋪頭，鵝有兩飛，滷水鵝同燒鵝，個人暫時只愛好燒鵝咁今次就食個燒鵝燒肉飯，順手試埋個燒肉。其實對上連續兩次黎食叉鵝飯都好好彩咁師傅切左隻鵝脾比我，今次就比左鵝身，其實都好，可以試下唔同位，好happy都係幾好食。點好食呢，就係keep得住鵝皮同皮下嘅鵝油，當然肉要有d, 黎加重入口嘅質量，但肉唔可以太霉或太韌，軟硬適中先可以配合到鵝油嘅美味。鵝皮呢度就唔係脆果種，可能因為唔似好多其他地方咁燒得太乾身，什至連脾嘅油都燒走晒，而呢度嘅就唔會太乾，食兩次脾都有油，所以幾滿意，鵝身都一樣，油雖然少過脾位，但一樣係足夠，滿意；) 咁綜合3次嘅燒鵝水準都保持到一致嘅質數，咁至叫有料到。雖然重點絕對在於燒鵝，但其他方面都講下啦。燒肉都係好食，適當咁肥同咸，都係好食。之前食嘅叉燒就一般，太瘦同冇咩香味，係食得嘅，但唔會回味。每次都係下午時間去，地方任坐冇壓迫感，而衛生就ok, 見阿姐keep住有打掃，而且態度係feel到親切而對工作熟練嘅街坊味。本身就一間門面同食物選擇都唔起眼嘅食店就冇咩需要寫食評，但就之前去其他有名無實嘅燒鵝店嘅經驗，就感覺穩定地好食嘅燒鵝其實唔易揾得到，加上呢度唔貴，53蚊雙拼飯，又有葱油，又送例湯，又有油菜，又唔迫，又唔串，所有細節位都滿意，去邊度再揾到？所以對我黎講係safe choice, 咁就介紹比大家。…查看更多

事隔幾日又黎食，因為真係太掛住呢到既叉燒喇🤤今次自己一個人黎到深水埗-鵝之極品燒味叫左凈叉燒飯😆同樣地，一入鋪，店員已經拎左碗湯個來，一樣係幾足料👍🏻叉燒飯-$43上次就叫左油雞叉燒飯，今次果斷地淨係叫叉燒，今次叉燒更加肥美，邊邊角角帶有小小焦香，油油亮亮的，一上枱就俾我大啖大啖地吞噬🤣今次叉燒係我比較中意既部分，一粒肉連住小小肥，一塊叉燒3粒肉🐷叉燒同上次食一樣，又香又軟淋，肥既部分仲要有入口即溶既口感，真係超級美味😍…查看更多

就快到新年，🎊如以往一樣黎到深水埗玩具街選購賀年裝飾，誤打誤撞黎左呢間食燒味既餐廳-鵝之極品燒味一坐低，店員就好快手送上一碗熱湯，免費既湯一d都唔Hea嫁，雖然係用燒肉既頭頭尾尾煲，飲落都有老火湯既味道😊叉燒油雞飯-$45(一碟）個飯份量都幾大，飯同餸都好多，個油雞都入味，肉質鮮嫩，有雞脾位，有雞胸位，雞胸位亦都唔會太柴！！👍🏻最推介係呢到既叉燒，味道好香，叉燒唔會太肥，啖啖肉之餘，肥既部位仲要係入口即溶，仲有小小炭燒既香味😋不禁一口接一口，下次黎食諗住試下佢既燒鵝🤩…查看更多

坐巴士去文林買筆系北河街站落車見到有燒鵝食就入左去坐底試下，叫左碟燒肉鵝飯$45有老火湯送連野飲。呢個價錢包曬依家去邊度搵？？ 啊姐先拎左碗列湯黎赤小豆豬骨粉葛幾淡口成碗飲曬。好快碟飯就拎埋黎，燒肉D皮好脆不過都幾肥味道都幾好(自己既錯落單時無出聲要求要瘦！)不過併成隻飛天脾補番。燒鵝咬落去先感受到超脆既燒鵝皮，之後系甘香既鵝肉。點埋跟黎果碟酸梅醬感覺超正！又發現新大陸！下次試叉油雞…查看更多

早幾日去完黄金買嘢, 之后沿住元州街行落去揾食, 偶然發現呢間以鹅响朶嘅燒味専門店, 就即管睇吓佢嘅燒鹅喺咪咁得.坐低叫了份燒鵝飯套餐, 原來呢個餐長期做緊優惠, 送冷或熱飲 (其他燒味飯套餐飲品要加錢), 先来例湯, 味道不錯, 喝得出是老火㷛個種, 不是一般味精水, 主角燒鹅飯有成隻飛天脾加幾件背隻骨, 肉味及口感雖不能與那些至尊品牌燒鹅店出品相比, 但以街坊小店食品質素來講, 都可以話合格有餘, 份量亦達八十分. 飲品方面, 涷檸茶是一貫茶餐廳出品, 没有什麼需要講.最後埋單承惠43個大洋, 可以話相當底食, 下次去開個頭都會再幫趁.…查看更多