港鐵荔枝角站 D1/ D2 出口
繼續閱讀
電話號碼
27438011
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
*最後落單時間：21:00
以上資料只供參考, 請與餐廳確認詳情
有關獎賞計劃
招牌菜
食家推介
大年初四約了一班好友去吃頓開年午飯，大家也喜歡吃日本菜當然選間好吃、好坐、價錢親民又好招呼的餐廳啦。這間荔枝角D2的鵜舞 UMAI絕對是我的首選，今次去終於見維修完工拆了棚架門面即時Sharp醒晒。原來年初四也很多朋友仔外出吃午餐，所以餐廳這天也高朋滿座好熱鬧。開開心心跟好友互相祝福派利是後便隨即開餐，首上檯是牛魔王必吃的鹽燒特上牛舌＄108。牛舌燒得外面焦香內裏粉嫩，吃得車爸爸耳仔郁郁很滋味呢。而我就品嚐這個鹽燒阿波尾雞脾肉＄108，雞皮燒至香脆不油內裡的肉質香嫩多汁，沾一點柚子胡椒醬吃好吸引喔。來這兒我必吃招牌辣吞拿魚腩卷＄98，香香辣辣的味道加上軟熟的壽司飯，這個吞拿魚腩卷從來也沒令人失望。然後這個燒厚揚豆腐＄68也是必吃之選，豆腐燒到外皮煙韌內裡嫩滑，一邊醬油一邊木魚喜歡什麼口味悉隨尊便。繼續到品嚐疋田師傅的天婦羅丼＄288/8品、＄188/5品，隨天丼會附上味噌湯和漬物，米飯更用上夢美人香米煮成整個天丼真的超級豐富，這天我吃了番薯天婦羅外層炸得輕脆內裏粉淋香甜勁好味，配上米香十足飯粒真的非常滋味。然後還有勁香脆可口的蝦餅飯＄128，這個飯同樣跟上味噌湯和漬物，香脆的蝦餅內藏滿啖啖爽彈鮮蝦肉，鮮味十足又香口再怕熱氣的我也要吃上一點點。 然後到品嚐下田師傅的燒鳥重＄178，燒鳥重內有超嫩溜的玉子燒、充滿軟骨的雞肉棒、焦香雞腿及雞頸肉加上靚飯，全部也充滿炭燒香氣非常誘惑，另外還配有前菜、漬物及味噌湯同上絕對不是我一個人能夠KO的！所以跟好朋友一起分享就最適合和快樂。每一餐怎也要有甜品才叫完滿！所以大家也點來芝麻雪糕＄28來甜蜜結束這頓開年午餐，我們還跟姐姐學識了跳芝麻舞呢哈哈~這天大家也吃得非常快樂和滿足！在此祝各位身體健康、日日有食神。
繼續閱讀
🌟餐廳：鵜舞 Umai📍地址：荔枝角長義街9號D2 Place一期地下2號舖💰價位：～$200 - $400⏰營業時間：星期一至日 12:00 - 15:00 / 18:00 - 23:00📱電話：2743 8011D2 place 聚集多間人氣餐廳，今日就約左一班好友去食開年飯，順便去行下市集~之前食過鵜舞 Umai既串燒，印象非常好，今日再次揀左呢間餐廳。特別欣賞佢既設計揉合東京新宿西口站小巷既居酒屋同日本漁村質樸風貌，一入到去就深深感受到洋溢住東瀛風情既氛圍，今日一於同好友們好好刷返餐，開個靚年先🤟🏻———————————————————🌟辣吞拿魚腩卷賣相好精緻既卷物~每一件卷物既上層同入面都放滿肥美甘香既吞拿魚腩蓉，入口魚油味十足~卷物入面仲特意加左漬蘿蔔粒，豐富口感之餘，亦可以中和吞拿魚腩既油脂感，係一道好有特色既菜式！———————————————————🌟鹽燒特上牛舌 極有口味既菜式~厚切牛舌以炭火烤至外層焦脆，內裡粉嫩多汁！再加上陣陣炭烤過既香氣，零舍惹味！再搭配埋餐廳自家制既柚子黃芥末醬一齊食，更能帶出牛舌獨特既香味，好夾！———————————————————🌟燒厚揚豆腐兩種口味既厚揚豆腐各具特色~我就最鍾意搭配木魚碎個一款，木魚碎有助提鮮，帶出豆香味道~記得加埋伴碟既薑蓉一齊食，味道會更濃郁~———————————————————🌟鹽燒阿波尾雞脾肉 餐廳主打既燒鳥菜式~來自德島縣既阿波尾雞係日本產量第一，屬於走地雞類別，所以肉質特別爽彈有嚼勁，而且仲係低脂雞肉，夠哂健康！經炭燒既阿波尾雞肉味更加香濃，薄薄既外皮燒至卜卜脆，咬開內裡肉味香濃而且仍然保留肉汁，啖啖肉，超惹味，必食之選！！———————————————————🌟天婦羅丼 輪到佢地既另一主打菜式天婦羅出場~呢度既天婦羅丼飯份量十足之餘，天婦羅仲炸得好高質，由香港第一代日籍天婦羅師傅疋田博崇先生主理！同行好友一致真心推介蝦天婦羅，餐廳用左日本活蝦，再以薄薄炸漿，食起黎外層香脆，蝦肉仍保持爽彈，可見師父掌握炸漿及油溫一流，好高質呢！！———————————————————🌟蝦餅丼 天婦羅界既名物，必試~餐廳用上新鮮白蝦，再混合牛蒡、甘荀、粟米及淮山等日式蔬菜蘸上輕薄炸漿，炸至酥脆，咬落唔油膩之餘，口感仲好豐富添！蝦餅再配上日本珍珠米飯，食落超滿足~———————————————————🌟燒鳥重意猶未盡既我地，一於叫埋呢一個包羅萬有既燒鳥重，咁先至盡興haha~呢款燒鳥重有齊阿波尾雞肉、玉子燒、日式魚餅、日本大蔥等材料，夠哂豐富~每款材料經過炭烤過後，滲出既油脂加埋餐廳特調既甜醬油，伴飯一流~我地一班人食盡咁多款丼飯，啖啖滋味，夠哂盡興~———————————————————😋味道：4.5/5🏢環境：4.5/5💁🏻♀️服務：4.5/5💵價錢：4/5🤟🏻性價比：4/5———————————————————👅整體小總結餐廳位於荔枝角D2 place one 地鋪，地鐵站一上就到，夠哂方便~餐廳主打由日本師傅主理既燒鳥、天婦羅及各種傳統日本居酒屋既菜式，包羅萬有，每次黎都可以食到唔同既時令菜式！環境方面，佢地既裝修真係好具日本居酒屋特色，擺放大量日本漁村既旗幟，氣氛夠哂熱鬧，大推！！
繼續閱讀
你應該都記得舊年都有提及過德島美食祭菜式，鵜舞 Umai 今年又有提供啦，如果你同我一樣係德島嘅粉絲，要快啲訂。呢晚黎到鵜舞，依舊非常爆，串燒枱全full，成個居酒屋都勁多人勁好氣氛，今晚難得多人，可以試到好多唔同嘅串燒同埋德島嘅酒。前菜點件火炙鯧壽司，來自德島頭炮，當然不錯，無豉油剩吃魚嘅鮮味最好。先上場的鰤魚長蔥炸串，睇樣都估唔到係乜嘢，鰤魚炸得香脆得來少油而香，加左長蔥後，感覺幾新鮮。阿波尾雞南蠻阿波尾雞唐揚，係非常好的下酒菜，同今日飲嘅sake同梅茶都好夾。鹽燒阿波尾雞翼今年同樣燒得勁精神，那咬落去嘅一刻真係好脆好大聲㗎。食完雞翼咁欣賞，當然要試雞皮唐揚啦，比雞翼再下一場的表現，呢個食足兩串先夠。再食多個名古屋風雞鎚唐揚，另一種食法，個人愛唐揚做法，市場少見D，感覺深刻D。燒咖喱阿波尾雞肉有勁印度嘅味覺，一上場已經覺得好特別，日本同印度的crossover係今晚最深刻的特色之一。雞肉露筍卷天婦羅同雞肉芝士卷夫婦羅，一個點鹽，另一個剩食最好，各有千秋，我個人喜歡清少少的露筍卷。鯧魚西京燒，相對較常見，同德島美食無咁有大關係，好似成日都見到咁，但卻係最熟悉的居酒屋風味。嗚門鯛魚釜飯，焗一焗仲有飯焦，加上嗚門鯛魚的魚油香滲透整碗飯，完美的作結。朋友話想食多個燒牛舌，鰻魚玉子燒同辣吞拿魚卷，兩樣都咁好，唔怪得飽飽地都要再encore。再食個雪糕作結，看到隔離的天婦羅房間，再諗起朋友讚過呢度嘅天婦羅師傅比起香港大部份嘅餐廳都出色，我就好想再來了。
繼續閱讀
喱幾日有啲涼涼哋係時候去食好嘢喇！去食當時得令嘅日本秋刀魚點睇呢！老婆大人又約咗一大班朋友去鵜舞開餐，今次原來去食秋刀魚祭正喎。一坐底已經有清酒梅酒等緊我哋，本來想唔飲都唔得啦！先叫啲嘢食嚟送吓酒先！喱個博多明太子玉子燒外面食落甜甜哋，入面啲明太子辣辣哋又幾好味喎。一場嚟到梗係要整番幾串下田總廚嘅燒鳥串燒啦！雞頸肉食落好有咬口只係用少少海鹽調味已經正到爆。跟住喱串雞肝真係唔得了！嫩紅嘅顔色好有光澤食落去鬆化又甘香果然係好嘢嚟。喱個雞肉丸會跟埋日本雞蛋，入面有啲雞軟骨肉肉得嚟好鬼脆口，點埋蛋汁一齊食仲正斗啊。黃金芝士西京燒面頭甜甜哋，燒過後有少少似Blue Cheese，甩嚟送酒真係一絶。喱碟澳洲和牛燒好一上枱就好鬼香，五成熟嘅牛肉食落好柔軟肉香都好重鍾意食牛嘅我冧晒。食完前菜就到喱日嘅主角秋刀魚出場，第一碟係刺身擺到咁生鬼抵大家多幾張靚相。秋刀魚唔大條不過當造嘅時間都幾肥，就咁食可以食到魚油香味，再唔係加啲薑蓉蔥花一齊食就會惹味啲。食完刺身就食壽司喱碟秋刀魚壽司好有光澤，夾埋醋飯食落冇咁油仲好鮮甜添。跟住食秋刀魚紫蘇天婦羅，由疋田總廚整嘅已經係信心嘅保証，平時我唔係好like紫蘇葉不過加埋薄荷又唔同食法，外層夠鬆脆入面啲秋刀魚炸得啱啱好唔會乾巴巴味道唔錯。喱碟係鹽燒去骨秋刀魚，將咁細條嘅起骨都好高難度吓，秋刀魚用鹽燒過後啲魚油香噴噴仲有啲甘甘哋，鍾意食香口嘢嘅我覺得幾正。味噌伴秋刀就用味淋、清酒、醬油嚟煮，食落去有啲甜不過我覺得再入味啲應該仲好食。最後喱個秋刀魚釜飯就認真唔錯，用咗鰹魚湯煮飯加埋秋刀魚上去煮，啲魚油滲晒落啲飯度撈匀食好鬼和味，好味到我隊咗兩碗先夠喉。鵜舞 UMAI電話：27438011地址：荔枝角長義街9號D2 Place一期地下2號舖
繼續閱讀
平日夜晚已book 位， 食物又未去到食完好驚奇好誇張，但賣相確實唔錯。 壽司好食，天婦羅個飯有汁， 幾好食。個燒雞肉串值得一試， 有分碳燒同電燒，我地都係叫電燒就算。 待應好明顯有唔同態度，2個人一枱好大機會叫極都無人應， 8個一枱會易啲招呼周到。 但的確晚上係人手不太足夠，有個自成一角的爐端燒，見到果邊應該係會招呼好啲。最令我估唔到係餐廳廁所， 竟然有香氛， mouth wash， 食物係幾好架， 但人手不足，去完感覺會扣分。
繼續閱讀