3
1
1
以上資料只供參考, 請與餐廳確認詳情
招牌菜
我住在附近.呢間店開張時我經過門口數百次.其人流也也不多.開業至今已2年多.人流不多,可以在租金貴情況下生存.在我好奇心驅使下.終於選了一天,到呢間店吃晚飯.環境並不大,但樓底相當高,還有樓上雅座,店內位於位之間相當闊落.而且環境光猛衛生,沒有壓迫感.吸煙人仕可選擇坐店外,坐的是有背的椅,都不錯.服務:我本來不滿.我由18:10坐到18:45一個菜都無出現,我當然好嬲問店員.店員答:要等條魚蒸好.其他菜會一起出.免得的食物凍左....原來店員好細心.抵讚.要加分.凍檸茶:由有冰等到無冰,其實味道又不錯.甜度低.茶味濃.檸檬也有多片.份量亦多又夠酸,消滿之選.自製豆腐:店員說豆腐是自製,上枱時一看,其實是炸玉子豆腐條,都算皮香口.內餡夠滑,而豆角亦青綠無油.即炒上枱熱辣辣.呢個菜好食又夠健康.豉汁蒸鎗魚:調味剛剛好,不會太鹹,而火喉亦剛剛好,肉剛剛離骨,肉質亦嫩滑,相當好食.炸子雞98元:其實餐牌是鹽焗雞,出來是炸子雞.呢個菜只可講味道較香口.熱辣辣.但肉質乾身而且欠決味道.肉汁亦有點硬.呢個菜較失色.加埋二個飯.埋單248元.味道,服務,價錢我都滿意.加上近屋企.好快就會再光顧.
繼續閱讀
門面、裝修、服務都是非常普通。我點了伙記介紹的孜然金沙骨，十分失望，食物炸到乾爭爭，仲有好強烈的咖喱味。一句講晒，十分重味精。另外一個餸是自家炸豆腐，勉強合格。用這個價錢在同區有更多、更好的選擇。我諗我唔會再幫襯。
繼續閱讀
平時一班同事都習慣呢度午飯 , 但我一次都冇去過 , 今日行過決定試一次。今日天氣清涼及毛毛細雨 , 我因晏起身所以晏左食午飯 , 下午三點半到達 , 因為天氣甚為清涼 , 所以冇坐露天茶座位 , 坐入去堂食又可以睇電視。入到去左邊有三四張卡位 , 由最近門口計起 , 第一張卡位有客未走 , 數落第二張客走左未有人執枱 , 第三張及第四張卡位 , 店主一家大細正在試食又用左。咁我惟有坐右邊兩張大圓枱 , 其中最近門口果張大圓枱啦! 講環境始終都係新開冇幾耐 , 樓底高空間感舒服衛生光猛。我本身想叫午餐【蘿蔔魚鬆飯】, 但話呢個餐已經冇 , 另外其他兩個餐我又唔o岩食 , 所以最後都叫左【沙薑雞飯套餐HK$35】, 凍飲另加HK$2 。等左五分鐘多終於上菜 , 原來呢個餐包括有【沙薑雞一碟 + 油菜一碟 + 沙薑油汁一小碟 + 白飯一碗 + 凍奶茶一杯】。 碟雞肉份量算多 , 似係一般例牌份量 , 雞肉唔肥及肉厚 , 但唔使講一定係冰鮮雞 , 咁既價錢唔通仲有要求咩! 雞肉熟得滯有少少嚡口 , 有一樣失望就係雞肉 , 冇厘沙薑味或少少鹹味 , 只係靠果小碟沙薑油汁沾先有味 , 呢樣同我食開既所謂【沙薑雞】, 真係有好大分別。試諗下 , 如果食【沙薑雞腳】, 俾碟只係用滾水浸熟既雞腳你 , 再俾碟沙薑粉及鹽油開成既汁沾黎食 , 咁樣會入味會好食咩 , 係咪? 根本就係切雞飯 + 沙薑就叫做【沙薑雞】, 我自己系屋企整都唔會咁做。 白飯 , 米質素麻麻 , 冇飯香體積大小不一 , 有o的飯粒好硬 , 唔知係煮得唔過核 , 定係沿煲底挖起較焦既飯呢? 希望平時唔會咁啦! 同埋碗飯好細碗 , 一般男性都唔夠飽。 碟油菜係唐生菜 , 由葉連莖幹成棵上碟 , 一般系屋企都唔會食莖幹 , 始終太粗又硬平時都係下欄o野 , 好多食肆都唔會上碟。但碟菜都幾爽口幾新鮮 , 蠔油份量適量 , 油份唔多較健康。 凍奶茶上枱好大杯 , 但一睇落淡奶份量唔夠 , 飲落果然係 , 而且茶味都唔夠 , 如果滿分 100 分 , 我會俾 70 分 , 但都合格。如果冰落少o的奶多番少少 , 相信都會有進步。講服務 , 現場有兩位四眼女侍應 , 我一坐低其中一位女侍應俾餐牌我 , 但茶水都冇杯 , 咁就正中我好介意果一 part 啦 , 如果坐低冇一杯清茶及水 , 我會對呢間食肆印象大打折扣。之後我要出聲佢先俾一杯暖水我 , 再次後佢先記得擺餐具俾我 , 明顯招呼我果位女侍應較生手 , 值得原諒。另外同場有一家三口入內 , 佢地食下午茶粉麵餐 , 期間店內另一位女侍應 , 極之殷勤及不斷地同一家三口講:『我地晚飯小炒都唔錯喎 , 得閒黎試下啦!』仲係直至一家三口埋單離開 , 佢都重複不下數次。但我坐低到離去都冇人咁同我講 , 莫非我唔似會出街食晚飯小炒? 似乎太大細超喎!!!今次小試【沙薑雞飯套餐】, 但下次我一定唔會再 order , 但我會再俾機會佢 , 下次聯群結黨黎試下晚飯小菜 , 現場見菜牌一般小菜唔貴 , 同埋見到有樓上雅座 , 有機會一定會再試 , 希望唔好令我失望啦! 埋單都有講『多謝』, 呢樣唔少得 , 永遠都要保持住 , 唔好諗住生意旺左就唔講 , 我係好介意呢個步驟。
繼續閱讀
小妹居於元朗,國慶日約了一家(14人)聚會,區內實在太少合適一家人晚飯的菜館,酒樓又要加一, 大排檔的環境又差, .結果比小妹找到呢間食坊, 對出附近又有咪錶停車位,適合駕車人士, 非常方便.食坊分地下及閣樓, 我們選擇了閣樓, 裝修普通沒有特別,勝在燈光柔和,感覺很舒服自在.圍坐在大圓台,點選的菜式如下:三款冷盤 : 蒜泥白肉, 沙薑雞腳, 麻辣鴨腎九款菜餚 :咖哩牛腩 , 芝士焗什菌西蘭花 , 鹽焗烏頭魚 , 手撕雞 金銀蛋莧菜, 粉絲什菜煲, 沙律京都骨, 琵琶豆腐, 粟米石班整餐連白飯汽水都係$900多D,一仟蚊有找. 超低食!!!!!!!店員服務親切, 上菜亦非常快.遲D一定會再來食坊,試食中午飯餐及晚上的打邊爐.
繼續閱讀
平時同班老友記因為各自各忙，所以定期既飯局就係成班老友最好既聯誼方法。可以一邊食一邊談天說地、風花說月、暢所欲言，絶對係一件賞心樂事！呢次我想同大家介紹最近剛係元朗開業既「鴻記食坊」。鴻記分地下及閣樓兩層；地下係大眾Feel既飯堂，而閣樓就係充滿私房菜氣氛既食坊。小弟因為即將到別處發展，特別訂枱相約一大班好兄弟Farewell。食坊亦好識做咁安排了閣樓的位置給我們一行十人大吃大喝。好！講完食坊環境，講番食物。我們先點八個小食，熱下身、開開胃。每個小食既份量，都足夠每人品嚐。老實說，飯前小食本來就無期望既，但點知，一路飲自己帶去既紅酒，一邊吃小食，小食既味道咸淡適中，脆而不膩，的確係唔錯飯前開胃既下酒小食，食到主菜，先來隻手撕雞，廚師刻意撕去雞過肥既皮下脂肪，令到雞皮都非常好吃，滑而不膩，正! 而雞肉亦充滿肉汁，最難得係整碟手撕雞完全吃不到一點雪味，正上正！！最後講埋個鹽焗鳥頭魚，成條烏頭魚被厚厚既海鹽包住，然後放入火爐焗熟(我估係咁煮)，上枱後廚師替我們扑走包裹魚身既鹽皮及起骨，魚肉嫩滑鮮甜多汁，眨眼間兩條烏頭魚就被我們吃得清光。當晚每人都唔駛一百蚊！
繼續閱讀