鴻福堂 (已搬遷) 新店位置

早前光顧 Openrice 餐飲券，以 HKD$220 購買「套票優惠 鴻福堂自家喜慶豬腳薑醋電子E券 (1套5張)」。以原價HKD$325計算，今次消費慳咗 HKD$105 ！呢個餐飲券 offer 好方便，付款後就有 5 張電子禮券入落 Openrice 賬戶，憑有效餐飲券去到有出售自家喜慶豬腳薑醋嘅香港鴻福堂分店，就換到豬腳薑醋。餐飲券可以逐張逐張兌換貨品，唔駛一次過用晒。鴻福堂喺各區有多間分店，攞貨好方便。跟據鴻福堂官網，此產品有祛風補虛功效，冇人生BB都食吓啦 包裝寫話直接原袋放入滾水加熱15分鍾，個人未試過一次要加熱足15分鍾，按實際情況控制加熱便可。材料基本上每一包都 standardised，有 3 塊豬腳、2隻蛋同多塊薑。薑醋底好甜，糖份應該好高；質地濃厚，有啲掛碗效果，煲熱飲落喉嚨好 C 伏。薑：幾乎每一舊都有筋，咬兩咬吸吸薑汁就一定要吐出嚟。豬腳：肉質偏硬&乾，豬腳皮都唔算腍。薑醋味。骨髓則保持骨髓味！蛋：蛋偏細隻，蛋黃質感好「粉」，蛋白偏少且質感脆口，入薑醋味。蛋白多數上色唔均勻。總括嚟講，鴻福堂豬腳薑醋產品好方便，質素亦不錯。至於性價比高唔高，就見人見智喇！口

晨早去睇醫生前，唸住食啲野先，本來想買唐記點心，但見要排隊，去咗呢到叫咗隻雞脾做早晨。原來係袋裝外賣，職員剪開包裝，叮一叮就食得。滷水味適中，唔過鹹，有少少藥材味幾好食。雞肉雖然比較乾但都夠入味，大隻，冇雪藏味，二十幾蚊隻，合格呀

早前忘記為何有數張鴻褔堂禮券，趁着今天行完山沒時間買餸煮飯，就在樓下的鴻福堂買飯及湯。很久以前曾經在鴻福堂吃過堂食晚餐，印象不錯，很健康的感覺。但今次再光顧晚餐，感覺就差很遠，有點失望。原來所有飯餸都是雪藏，可能就是因為要雪藏，很不新鮮，所以加了不少應該是胡椒粉，胡椒粉的味道還蓋過餸菜本身的味道。「麻油滑雞雲耳紅米飯」雲耳及雞肉口感不錯，但雪藏味道實在不好受「土魷馬蹄肉餅紅米飯」這個也是口感不錯，只可惜也是被雪藏味道蓋過了「杏汁豬肺湯」這個是包湯料的，不過不失「響螺湯」這個沒有湯料的，味道還不錯「燕麥有機豆漿沒寫有燕麥也不知道😅

特價套餐再送飲品2支抗疫儲糧優惠低至32折 官方fb有介紹門市就買到 可用$300優惠價買12包湯水或100蚊5支涼茶,比起平時直頭係跳樓價只現貨銷售,賣完就無~增強抵抗力 調補五臟滋陰潤肺‧花膠海底椰川貝百合豬腱湯各種湯水各有功效,亦會標明在包裝上緊係買返幾包補下佢,強肺阿姐話最好賣!強肺理肺川貝枇杷葉鱷魚肉湯 止咳袪痰  鱷魚肉含豐富蛋白質和營養素，有潤肺化痰利水祛濕粟米鬚薏仁響螺豬腱湯 都係唔錯既選擇 最適合春夏保健飲用 

平時食開又煎又炸既嘢，呢排轉食返啲健康啲既嘢，最近愛上咗鴻福堂既自家湯蒸飯套餐，$60 蚊一碗飯跟一個湯，每日都大約有 6 款飯同 4 款湯比你揀。蝦米蝦醬豚肉紅米飯 : 驟眼睇好似好細碗，但原來成個食哂都幾飽肚下，豚肉雖然比較硬身，但食落口一啲都唔韌，而且幾好食 ; 米飯口感濕濕地，有蝦米、粟米、蘿蔔、紅米飯等配料，加埋甜豉油食無得頂。瑤柱響螺合掌瓜豬腱湯 : 飲落口超有阿媽煲既老火湯感覺，油份適中夠味道，而且飲完無口渴。

路過大埔港鐵站，覺得帶點累和餓，剛好見到有鴻福堂。門面很大，有卡位和多個座位，所以買了魚蛋️坐下來慢慢吃桌子上還有懷舊風的餐牌，很有心思。這個魚蛋全名叫做咖喱花膠醬汁魚蛋️，$15/6粒，價錢略貴，光是聽到「花膠」又覺得還算值得？魚蛋略為大粒，口感鬆散沒有彈性。味道方面，醬汁略為黏稠，缺少了咖哩的香味，只吃得出鹹味。如果衝著花膠而買，可能會覺得不划算，當作普通小吃就好。另外不得不讚，員工姨姨的態度很友善呢！

星期六約了朋友，出九龍，但時間太充裕，怕太早到罰企，便在大埔墟火車站找地方坐坐。這間鴻福堂，地方寬敞，還有卡位，非常不錯。肚子不餓，見到$25豆漿加魚蛋或燒賣⋯⋯便試試。豆漿是豆漿，但魚蛋是包裝好，一袋袋泡在熱水中，有客人要買，便取出剪袋倒出。我也是第一次吃這種魚蛋，心想，早知要燒賣。果然，魚蛋空有魚蛋的外表，完全沒有魚味，質感就是一粒黃色的硬啫喱，難吃之極！不過，我再看清楚，買的原來真是「啫喱魚蛋」，死未？

宜家想搵一間好食又抵食嘅甜品真係唔容易... 咁岩行過鴻福堂，心思思就買左佢嘅楊枝甘露($28)做今晚嘅甜品。-首先佢係夠凍嘅，而且又夠甜，仲有啲芒果西米咁咬下。係屋企開住冷氣，鍾意幾時攞出黎食就攞出黎，都咪話唔爽呀！

一家人都好鐘意飲下涼茶，清下熱。今日見到某d味道買一送一，$23兩支。就當然買返兩支啦。銀菊露同龜苓茶。前者係清熱明目，近來食得炸野多，有d咳就買，低糖就有少少甘，但都接受到。後者就去濕，一冷一熱飲下，當舒服d

可能因為屋企少煲涼茶關係，近年都比較常到 鴻福堂買涼茶。 反而在超級市場放架的鴻福堂 飲品都不會多望兩眼。 始終覺得有分別，就是 店舖賣的新鮮一 點！店內多數飲品都均有凍和 熱可供選擇。我最常飲的就係祛濕茶，佢既味道同五花茶差 不多， 低糖，但兩者比較覺得前者有種通便排 毒功效！味甘帶甜不覺有苦澀味道。偶然一支 來代替汽水也是不錯的選擇。

是日, 為了打點一下搬回西貢的事. 我一早就回去, 等送貨. 因為是一早, 當然也無時間係蝸居中自弄早餐再走. 連忙的換好衣服. 衝去火車站. 上車前, 先去買舊野食. 而鴻福堂, 便是我是日睇中的小食店. 而我睇中的, 就是包著的一隻, 粽子.粽子, 不一定要等到過節才有得食, 唔好話, 當你要的時候. 月餅也隨時隨地買得到, 粽子更加, 現在過節食的意義雖是有, 但已經不是節日的限定食品了.鴻福堂賣的, 是普通的一隻咸肉粽, 不過因為天氣凍而且我回到西貢搞了一輪才吃. 所以感覺還只是一般. 另外, 相信此粽, 是經過急凍處理, 飯粒過於結質而無粒感, 味道雖然不錯但餡就欠缺, 肉少, 汁少, 感覺乾乾的. 我本人唔覺得佢好. 先前食過他們的類同產品, 糯米雞, 感覺到, 呢一隻粽, 遠遠不及.