鴻福堂

營業中

休息中

話說早餐唔想太飽又唔想就咁一個包會想買燒賣食，返工經過鴻福堂都會買盒燒賣嘅～ 今朝打開盒燒賣，好整齊咁由左至右排列，有間歇性強迫症嘅患者見到就覺得好治癒😆燒賣最驚太硬又或者太粉，依個燒賣整齊得嚟又啱啱好，簡簡單單又有一個美好嘅朝早

經過香港站未上IFC前都會經過鴻幅堂，簡簡單單一份燒賣，只售十五元，可以快速地醫個肚，又或是一邊行一邊食過口癮也可。質地淋身，感覺只是把大量的糯米粉木薯粉吃進身體，魚味絕對欠奉，只是只要加辣椒匙油，味道是十級棒。

天氣又涼翻，突然間想飲碗湯暖下個胃，唔知邊度有湯賣，我個朋友就推介我去鴻福堂買，勝在分店夠多，俾我容易搵到！我就買咗個花膠響螺煲竹絲雞湯，雖然冇湯渣，不過個湯好濃好夠味

鴻福堂嘅瑞士汁雞翼同瑞士汁雞髀都係好多汁嘅美食。每一啖都可以體驗到雞肉嘅湯汁，令人流口水。瑞士汁嘅味道濃郁，醇甜而又香口，同雞肉嘅鮮味相得益彰，食落去更加美味。瑞士汁雞髀已經預熱好，即買即食，好方便。瑞士汁雞翼每袋有4隻，肉質鮮美，啖啖都係好多汁，好飽滿。總括而言，鴻福堂嘅瑞士汁雞翼同瑞士汁雞髀都係好多汁，味道鮮美，好食得嚟。如果你鍾意食多汁嘅雞肉同瑞士汁嘅味道，就一定要試下呢啲美食啦！鴻福堂嘅瑞士汁雞翼同瑞士汁雞髀有一個特別之處，就係佢哋好多汁。每一啖都可以感受到雞肉嘅汁水，令味蕾倍感滿足。瑞士汁嘅味道濃郁而又香甜，同雞肉嘅鮮味相得益彰，真係令人食指大動。總括而言，鴻福堂嘅瑞士汁雞翼同瑞士汁雞髀係非常多汁，好味又好食，一定值得一試。

每日都要買個早餐返公司食，食得好食得飽，心情好有效率。一出香港站就見到佢，地點就腳，唔使行咁遠。今次食鴻福堂，唔使排隊又唔使等，快過買麵包😂買咗10粒燒賣，一共$15,呢個價錢有10粒，唔會有意見，味道正正常常。職員好細心會問想食乜野，又會問下跟唔跟埋個飲品。不過，我覺得最好係職員會問要唔要辣油，但我話要多豉油，佢俾咗兩包我，點19粒燒賣係好d多，下次正常可以啦😂價錢：$15 (OK, 十粒燒賣）食物：普普通通 (真係一般）服務：快 (唔使排隊，唔使等，職員夠主動）

唔知點解呢排好似同鴻福堂特別有緣咁，前牌就有朋友俾咗張自家涼茶換領券我，今次保險公司又送咗張鴻福堂$50 coupon俾我。於是我就揀咗呢支糖水，同埋買咗份燒賣同茶葉蛋俾個friend食啦。燕窩蓮子百合蛋白奶露 $30呢個比起之前個川貝雪梨海底椰感覺又抵好多啦。雖然呢個就貴兩蚊嘅，但飲落又幾正，感覺好似食緊甜品咁。食到好多唔知係燕窩定雪耳嘅嘢啦。飲落又唔會好甜，口感又幾順滑，都幾好味。佢話可以寧神養顏，希望真啦。早知上次張涼茶換領卷都補兩蚊要呢個啦。

就算留家抗疫在家煮食，都有煮到悶嘅一日，不過好彩屋企附近有間鴻福堂。佢哋推出左「自家小菜系列」，等我隨時可以加餸，就唔使諗得咁辛苦啦！「自家小菜系列」嚴選優質食材，堅持香港本地新鮮製作。我哋就試咗超足料嘅泰式青咖哩雞同柱侯蘿蔔炆牛腩。呢兩款咁多功夫嘅餸菜，有得喺佢哋度買嚟食真係方便。而且牛腩炆得好稔同入味，青咖喱送飯簡直一流。爸爸同娸娸仲食唔停口。再加埋足料瑤柱響螺合掌瓜豬展湯提升免疫力！呢一餐食得好滿足😍仲有更多小菜款式即將陸續登場，大家經過都係望下啦！

香港嘅天氣好潮濕，加上每日喺有冷氣嘅辦公室內工作又成日食生冷野，身體積積埋埋好多濕氣對身體好唔好！所以成日都想飲啲去濕嘅湯水排走濕氣。但煲個湯咁麻煩就懶得去煲😂好在宜家鴻福堂好方便有現成湯包啱哂我喱啲懶人👍🏻佢好方便攞到番屋企用熱水座熱佢or好似我咁放係電飯煲座熱佢就飲得！但小心個包裝袋會好熱，用毛巾包住會好啲小心燙傷！今次叫咗個赤小豆薏仁響螺湯☺️一包倒出嚟有2碗，個湯嘅顏色係好深色而且入口有溶溶地嘅豆渣應該係因為啲赤小豆，感覺好足料👍🏻我係重口味人士就略嬚個湯唔太夠味，可能係因為鴻福堂崇尚健康天然嘅美食，所以就少鹽，不過健康啲都好嘅！收工之後用10分鐘到就飲倒碗足料嘅熱湯好滿！而且鴻福堂多款湯包選擇一定有款啱你！

相信好多人都知鴻福堂有賣燒賣，涼茶之類。甘如果粢飯呢？應該好多人都唔知🤣今次叫左個自家輕盈套餐，粢飯配有機燕麥豆漿。如果唔飲豆漿嘅你，亦都可以揀金裝奶茶/鴛鴦。值得一讚既係店員服務好好，好貼心！👍🏻佢問我係咪依家食，係熱爐夾個新鮮熱辣辣啲既比我😍🙏🏻仲幫我剪埋個包裝膠袋 咁樣就方便我就咁打開保鮮紙就食得啦🥰💭榨菜肉鬆粢飯配有機燕麥豆漿✨💲25粢飯裏面有榨菜、肉鬆同埋少量嘅油炸鬼。榨菜口感香脆，加上肉鬆同埋油炸鬼嘅鹹香真係不得了！個人認為粢飯嘅size比出面賣既細d，不過唔好睇佢細細件 都真係幾飽肚，好頂胃。因為有糯米 比較難消化，所以都盡量少食為妙。豆漿方面，平時飲豆漿都會揀低糖嘅 原味嘅話對我嚟講甜咗啲，無糖又唔好飲喎😂今次試咗呢支低糖燕麥有機豆漿又幾好飲喎👍🏻豆漿含有豐富嘅蛋白質同埋鈣質，營養豐富。對比起牛奶 我會揀豆漿🥛大概係黃豆既濃郁香醇，有種説不出來的滿足感！

兩個人貪方便食左暖櫃裡的炒米粉同蕃茄湯螺絲粉，一個鐘頭後兩個人都肚痛肚痾，懷疑因為暖櫃又唔凍又唔熱容易滋生細菌，又冇再高溫reheat，以後要小心食物存放溫度的選擇！建議食店考慮對暖櫃食品衛生作出評估！

屋企人少，唔係成日會煲湯，所以一直都有響街飲下湯既習慣，不過當然唔係間間都飲。鴻福堂夠方便亦都唔錯，有時會買啲番公司，肚餓仲可以醫肚。如果唔餓，一包可以當大半個早餐了。最近鍾意飲依個。中醫話我氣血唔夠，一黎佢補氣養血，二黎我本身鍾意飲魚湯。坐月補身既都可以考慮，雖然唔關我事同唔知有無用。包裝湯既好處係可以望哂成份表，成份天然自然都會飲得放心啲。佢唯一既調味品都只係鹽，所以ok啦！我響公司通常就咁放入微波爐整熱，好方便！

病病哋所以叫了 鴻福堂食物作外賣。在app內才發現， 鴻福堂嘅選擇有許多， 有些門市唔見有賣的app也有。因為可以選冷和熱, 這對我來說是一個很好的選擇。 星期日唔想出街，午餐 時段 也將夜晚食的都一併外賣過嚟。我叫了鮑魚雞粥 ,糯米雞 ,豉油王炒麵 ,蕃茄濃湯螺絲粉, 咖哩牛肉 飯卷, 另外有兩支飲品 ,芒果菠蘿汁 和 紅菜頭蘋果汁 .叫了二百幾蚊.  除了在粥内找到一塊 unexpected的雞皮， 能夠病嘅時候 唔使出街食到碗暖笠笠嘅粥， 實在是幸福。整體來說都是不過不失！

I was a bit hungry so got the Chicken leg with abalone sauce and beef shaomai from Hung Fook Tong. The chicken was really disappointing because it smelt like overnight chicken and the chicken wasn't that fresh as well.The beef shaomai was dry and tasted mainly of flour.

農曆新年的時候都會收到好多糕點,取其步步"高"(糕)陞, 我想除了"三高"之外,其他的事情,都是愈高愈開心~ 今年我收到朋友送來的鴻福堂"桂花蔗汁馬啼糕" 其實Kawai 在2010年的時候都有寫過一篇試食文~ 可按此回顧 (賀年糕品 Gogogo) 當年都覺得足料的,三年後再食,水準是好了還是差了?! 這次用禮券往門市換領糕點~ 包裝同三年前相差不大~糕點放在可再用膠盒保存 不過賣相就相差好遠 三年前,桂花是四周都有,現在入面的桂花少了大半,只在糕點最面的中間有一大堆 之前的是全個都有滿口馬蹄,今次的只有中間的一層有,旁邊只是幾朵桂花 請不要理會旁邊的蘿蔔糕,那是我媽造的~ 看到嗎???真的只有中間一層有馬蹄.旁邊是沒有的! 一邊吃的時候,我想像到的是小時候玩的"透明Lego" 可能是我黑仔吧,其他人的不會有如此的不勻情況,有人可以告訴我嗎? 食味方面,入口比三年前硬左,比較似o者喱多??? 三年再試,水準已急跌成咁,下年應該不會自己買啦! 我只可以控制自己不買,但朋友送就不是控制範圍了~

在團購$188 購買 鴻福堂賀年糕品禮券3張，取得：左上：燕窩楊枝甘露糕左下：鴻運年糕右：金腿瑤柱蘿蔔糕鴻運年糕~~晚上急不及待就在易潔鍋用白水煎香，年糕非常軟綿，可惜太甜。再煎加雞蛋煎無咁黏，感覺好一點呀！金腿瑤柱蘿蔔糕~~舖面有瑤柱絲、金腿絲，蘿蔔糕有蘿蔔糕粗絲、蝦米、腊肉、臘腸。同樣用易潔鍋白水煎香，很企身易煎但味道很淡。燕窩楊枝甘露糕~~糕面有一層薄薄透明遮哩，令糕面有晶瑩感，柚子絲很粗壯，味道偏酸少甜，頗健康罷！