51
14
39
電話號碼
2628 0336
開飯介紹
由石頭魚起家的酒家,不斷創新菜式,擅長將貴價食材普及化,點心出品亦推陳出新。 繼續閱讀
附加資料
點心茶市時間: 星期一至五:10:00-16:30 星期六日及公眾假期:09:00-16:30
營業時間
星期一至五
10:00-23:30
星期六至日
09:00-23:30
公眾假期
09:00-23:30
付款方式
Visa Master AE 現金 銀聯 JCB
其他資料
泊車 詳細介紹
加一服務費
招牌菜
白兔餃 荔芋鴨腳扎 魚蓉羹 鳳尾蝦多士 豬肚燒賣 醬油包
食評 (111)
多年前以一道石頭魚起家的「鴻星海鮮酒家」,一向點子多多,單是它那些造型趣致可愛,款式多多的鹹甜動物點心,已經足見一斑。想不到就連月餅也創意無限,竟然以小朋友最愛的其中一款飲品「阿華田」作為月餅材料,端的是創意滿載,令我這個仍然愛喝阿華田的成年人大感興趣。一盒六小個,包裝精美的「阿華田月餅」($168),是鴻星與阿華田 Crossover之作,注入了麥芽阿華田成份作為餡料,配以傳統的鹹蛋黃,味道甜美中帶有適量阿華田的苦味,散發著阿華田獨特的味道,吃來沒有傳統蓮蓉月餅的甜膩,口感也比傳統月餅來得結實,我是挺喜歡的,不知道你又會否喜歡呢? 繼續閱讀
(以上食評乃用戶個人意見 , 並不代表OpenRice之觀點。)
等級2 2013-12-15
2671 瀏覽
今日心血來潮好想食大閘蟹,第一時間諗起鴻星,擔心供應期已過即時打去問,知道仲有得食即刻走去。點知差不多9點仲好多人等位,我地等左大半個鐘先有位。。個帶位亞姐又做到喊咁口,連執枱都做埋好肚餓即時叫左兩個$388 既大閘蟹餐,有兩皇一后同其他小菜。其實大閘蟹只是蒸熟就可食,只要是新鮮的基本都不會難食,全部是多膏的。。味道正常可是其他小菜就真係麻麻醉鴿-瘦得可憐,基本上得少少肉,而且無咩酒味,比起其他地方食的醉雞,醉豬手差很遠。。帶子粟米時蔬-(忘了小菜的名稱)基本上整碟菜都無味,娃娃菜,帶子同粟米都無味。。好難可以連娃娃菜都唔甜。糯米飯-普著通通,份量很少蟹粉蝦仁羹- 無咩特別,都係偏向無味紅荳沙- 最難食,一放入口苦既,好明顯煲燶左。。即刻叫待應。佢地聽到有燶味,另一個亞姐已經搭咀話頭先有人開火加熱就走左去無睇火所以燶了咁馬虎都得?不過個亞姐都即時換楊枝金露比的地,但仍然啖而無味-_-唔知係咪待應趕收工,極速咁上晒d菜。。一來又唔夠人,叫極無人應,食緊蟹時又催埋單。。搞到食得好唔自在,食食下又要除低手套比錢。。叫佢比返張單我地去海港城抽獎又比錯晒單。。。總結係成餐唔好食又食唔飽。。成間酒樓又唔夠人招呼,我應該唔會再黎,幾失望。 繼續閱讀
(以上食評乃用戶個人意見 , 並不代表OpenRice之觀點。)
等級2 2013-11-21
1689 瀏覽
難得今日老闆唔係公司,一行6人話要去飲荼, 諗下不如吃下特色点心,就鴻星啦同一般小型酒樓Size相同,座位不多,約十多張枱,佈置很傳統,樓底不高,但勝在易揾位。看看特色点心紙,order下 D動物世界吧,哈哈!係佢地selling point,更要叫啦, 獅子王、大象、松鼠、斑馬好Kwaii呢;賣相最似-就是獅子王, 炸得鬆軟甘香,好香口,不忍心吃了它;大象是平時的咸水角外皮, 夠熱皮脆 內裡材料不多,唔太咸 ok 喎,松鼠是甜品,用豆沙做餡, 甜味適中, 夠軟熟 点心Size剛好, 比客人多試几款, 幾好集團式經營,服務員訓練有素, 還不時介紹同推銷其他從廚房新鮮出爐的美食㖭!  繼續閱讀
(以上食評乃用戶個人意見 , 並不代表OpenRice之觀點。)
等級1 2013-09-13
1268 瀏覽
一班同學同老師聚會,日藉老師想食中餐,於訂了這間鴻星。點餸時,服務員其實態度都麻麻,成日叫我地叫魚,又話千零蚊一條,每個人都係$100點點點!她這種推介方式我並不受落!餸到了,除咗腩仔肉保持水準,其他的都普通,隻脆皮雞好鹹。食物好細碟,不過都預咗!無驚喜無驚嚇,大時大節搵到個地方聚下餐,其實都無咩要求!點知好戲在後頭,叫咗7個豆腐花、3個西米布甸、1個蛋白杏仁茶、1黑白芝麻糕。除咗個黑白芝麻糕叫做可以接受。其他既都好難食!啲豆腐花一係唔成型,一係超嚡!西米布甸唔熱,蓮蓉又唔好味!個杏仁茶又淡!唔出名既一間食市啲甜品水準差成咁!又無搞錯!同經理投訴,得到既反應係好唔願意咁取消!咁既態度!一定無下次!難晒譜! 繼續閱讀
(以上食評乃用戶個人意見 , 並不代表OpenRice之觀點。)
等級4 2012-11-24
1141 瀏覽
一直以來,都覺得黑啤是一種具獨特氣質的飲品,在深黝的色澤下,充滿著神秘感,未試過的,便會感到有點害怕,但當你呷上第一口時,便會發覺在白色的泡沫下,是柔滑的感覺,口腔內滿是麥味及帶有少許木味,而色澤在細看下,竟然是深的暗紅色,真有趣。中國人一向都有用酒入饌的習慣,但多數以中國酒為主,今次GUINNESS嘗試以黑啤烹調,的確是一個幾有趣及令人期待的組合。第一道菜便是啤酒雞,算是非常大路的處理手法,把常用的花雕酒,換成Guinness,說真的,香味跟肉質幾配合,雞肉帶有啤酒的麥香,有種天然的甜味,只是雞肉有點韌,與及雞味不足,如果換上新鮮雞,相信味道可以更進一步。反而醉鴿自已會幾喜歡,處理手法當然一樣,但肉質更細緻,但可以的話,能夠再冰一點會更吸引。用健力士來蒸煮肉蟹,令蟹肉變得更鮮甜,雖然簡單,但與花雕蒸蟹,是兩種不同的風味。四川菜中有一道啤酒鴨,那股辣勁,真是令人汗流浹背,眼水鼻涕一齊來,在看MENU時,已有心理準備,但上檯一刻先知道,原來是兩碼子的事,用薑片、乾蔥爆香,加入Guinness去炆,收水後加入紅椒片,只取香氣及色澤,但酒香有點兒給薑蔥味蓋過,而且肉質有點韌。金沙白花九肚以蝦膠包裹原條九肚魚,再沾上咸蛋黃再炸,散發出淡黃的顏色,明顯地在時間上拿捏得相當準,外層帶有一陣咸香,中間柔韌有彈性,最入面是軟綿的魚肉,實在是精彩。再來是蔥燒白肉卷,把豬肉卷上蔥段去蒸,最後澆上玻璃芡,香味濃郁,而且芡汁夠薄,不錯。至於豉油皇桶蠔,雖然外層夠香脆,但蠔身太單薄,少了漲滿的外表,內外都太乾身。大家都知道吃個蟹粉不便宜,今次蟹粉銀絲卷,是將蟹粉塗在斜切的銀絲卷上,摒棄什麼撈飯或是撈麵,多了香脆的口感。蒜香排骨比另一道炸物好得多,肉質軟腍又不會太乾身,有蒜香味但又不會有大量的蒜粒蓋過食物,讚。是晚最平凡的黑椒牛柳粒,可能在一般的酒樓都會食到,所以少了一份期望,說真的,牛柳粒肉質夠幼嫩,香口,幾惹味。似乎蔥仔雞太乾身,作為香口菜,用來送啤酒是合格,但斬得太碎,食落好多骨,一般。而蝦膏欖仔蒸茄子就似乎重手了點,但不過份,腩肉過韌,反而茄子蘸滿了肉汁,變得更吸引。啤酒蟹可說是整個菜單上的亮點之一,單是薑蔥煀蟹已經夠惹味,何況加上黑啤?那種淡淡的的麥味滲入蟹肉之內,多了一份甜香,又帶有細微的甘味,再呷一口啤酒,帶出蟹肉的鮮甜,一流。餐後來點甜品,鴻星之前辦過的三國宴,點心奇趣可愛,綿花糖化身一隻隻小白兔,實在有點不忍心吃下肚,但都要試試,煙韌有彈性,不太甜,又幾好味喎!難得有機會一試以黑啤入饌的中菜,發覺中菜的可塑性很高,互動的配合,又能擦出火花,實在期望會有更精彩的一夜出現。 繼續閱讀
(以上食評乃用戶個人意見 , 並不代表OpenRice之觀點。)