鴻星中菜 (源成中心) (已結業)

今日中午同朋友去食午飯。由於近公司所以間唔時都會去的。我哋點左一個子薑肴肉，一個福建炒飯同埋鳳瓜。首先上枱既係子薑肴肉，呢個係冷盤，外表一睇已經係雪左好耐乾晒咁既樣，我哋食到第二舊就覺得梅梅地同有一種怪味，要吐返出嚟唔敢食。大佬其實今日中午都坐到八九成客，照計都好快可以清存貨，好心就注意下d食物質素，梅哂臭哂重可以俾人食。唔怪之得只係剩低兩間舖。嗰碟飯同鳳瓜不過萬不失。其實條街咁多餐廳酒樓，可以有更好選擇吧？

我食2公1乸大閘蟹餐。先上左的前菜及芺蓉羮我都覺得好味的。跟著主角出場，先黎4隻公（每人2隻），原來呢度已經有好大分別。第一隻公：㩒下會見到的黃油係腳肉之間。但蟹膏唔香，肉質梅既身同腳（唔係一梳梳），中間最好味既膏位唔jam口，溶散既。第二隻公：蟹膏比較甘香jam口，肉質全部一梳梳既，蟹味較第1隻濃好多。蟹乸：好好味，膏又多，又甘香，蟹肉都係一梳梳既。（係呢度加番1粒星）之後送上薑茶（正常），炸蠔都尚算正常，然後上既餸就出晒事啦。黑醋霜降肉：仲差過2餸飯果的糖醋骨，真係只食到汁醬同埋大量既醃肉粉味。竹生杞子浸菜苗：竹生係絲，所以一注絲計埋應該有1條竹生，菜苗就係白菜孫，最大果塊都唔過2指芝麻湯丸：個皮完全唔煙勒，一食就知，等同於而家的麵包好似食空氣既感覺。

體驗很差的一次晚餐。每一年都會光顧鴻星的大閘蟹套餐，從中環店 到灣仔店 到旺角東。今年來到了觀塘開源道鴻星，本來想本著質素穩陣的心態來，一位接近500套餐兩皇一后，號稱五兩蟹，一開始上了個涼菜，涼拌鴨胸肉，很普通，涼拌黃瓜，不入味，黃瓜老。接下來上了個什麼蟹肉羹，就還好，像嬰兒吃的食物一樣，勾芡很重，如果有的選我是不會選的。重頭戲來了，來了兩隻公蟹，一看個頭已經失望了，大約3兩半吧，偏小，與人家放題的蟹差不多，打開更是失望，蟹嗮不乾淨，蟹黃不多，四隻裡面有一隻還不是很新鮮，肉質不錯，但對不起蟹餐的價格，這個期間，是沒有上其它菜的，我問經理為何不上菜，經理說生意旺看不到嗎？我很失望他的態度，過了一陣，上了兩隻母蟹，外觀好一些，但個頭更小，與往年吃的鴻星完全是不同的。其它小菜樓面說要等其他台客人一起炒，我頓時火冒三丈，這是吃小菜還是在吃雙餸飯？為何要等其他桌的客人一起炒菜？？？

6/10 我和媽媽兩位食大閘蟹餐，兩個人都食了大閘蟹，食落覺得蟹肉好唔新鮮，我食蟹膏覺得有苦澀味。最後兩個餸-炸蠔同黑醋肉，我見到唔想食，我阿媽就打包返屋企。第二日我同我阿媽都肚痛肚痾，我阿媽晚上見唔肚痛，佢又再整返熱打包返嚟嘅炸蠔同黑醋肉，佢食完之後又再肚痛同肚痾。 至於其他餸菜：鴨肉青瓜（每人兩塊）、蟹粉小籠包（每人一粒）、蟹肉芙蓉羹都非常之普通。小籠包個皮比較厚、裏面都唔係好多汁。蟹肉芙蓉羹裏面主要係豆腐同用薯粉打個芡。

呢日行完山已經好攰，來到觀塘就揾間中菜坐得舒服食晚飯。例牌燒鵝，呢隻燒鵝偏肥，油香十足，不過食多兩件會較膩口，飲淡茶清清口食下一個菜。同燒鵝係同一個set咁叫，4個人都夠，不過略嫌煮過龍左少少。甜桃千島蝦球有驚喜，蝦球好大隻，好脆身，千島汁炒埋一齊好夾，芝麻甜合桃甜甜地好好味。金銀蛋莧菜正常，夠大碟，皮蛋咸蛋食極都仲有，足料。海深蟹肉酸辣湯，料頭都夠，略嫌豆瓣醬濃左少少較霸口，變左酸味無咁重，但喜好重口味的朋友應該ok。鴻星好耐以前食過茶點心都ok，呢次晚餐好在都無令我失望。

今日去左觀塘睇開倉，順便飲個茶就黎左鴻星啦。本身以為星期六茶市會好貴，可能我食14:00時段，所以都有好多優惠。首先佢有「孖寶套餐」，HKD$37就可以選擇佢提供既兩款點心，呢個SET有鳳爪，粉果，牛肉球等等可供選擇，幾化算既。除左孖寶，都有點返普通點心紙既點心，勁多選擇腸粉，包，蝦餃燒賣，盅仔飯等等，同埋如果係下午茶時段（14:00 - 16:00）食既話，點心紙都有75折既優惠，同埋茶錢都要特價，所以好化算好抵食。

本身嚟鴻星飲茶係一啲都唔平架 大部份食物都係大點 頂點 精點😂 可能疫情關係少咗人幫襯啦 好多餐廳都出奇招去吸引顧客 鴻星一至五飲早茶有五折 而且早過9:30入座而且落單 仲送一人一個特別點心添 我哋今日嚟呢 就係送呢個臘腸滑雞飯🍚黑椒牛仔骨呢碟有四至五嚿 而且每一件都非常大件 由於係蒸嘅牛肉 所以鬆肉粉好似落得比較多😮 牛肉嘅質感就爭咗少少 但係黑椒味好香 我諗我下次嚟都會叫呢碟臘腸滑雞飯臘腸有兩舊 滑雞都有兩至三舊🐥 滑雞味道幾清 臘腸咬落口又唔係成舊油😋 呢啲免費嘅飯真係好抵食 一人一兜真係好飽㗎啦四寶雞扎 雞扎入面有芋頭 冬菇 雞肉 魚肚 芋頭可能當做啦我落口都幾鬆化 雞肉就同滑雞飯嘅雞肉相似 魚肚吸晒啲汁再加埋外層嘅腐竹都好好食👍🏻整體來講鴻星嘅點心係相當有質素 而且飲早茶有個咁優惠嘅折扣 同一啲低檔次啲嘅酒樓點心相比真係冇得比🤣

一月二十八日在觀塘取了一盒蘿蔔糕回家立即放回雪櫃中途沒有打開，直至初一早上打開發現是沒有真空包裝而且盒內有水氣並嚴重發霉不能食用！pm cs希望退款cs在初四回覆叫我去分店取一盒新嘅，想講年都過咗先換盒新嘅請邊個嚟食？退款要單據半個月前買嘅點會仲有單？唔通預咗發霉要返去退款特登留張單喺度咩？原來買個糕發哂霉要退錢都咁麻煩特登留難消費者，事實啲糕如果當時有真空包裝就應該唔會發生呢個問題，建議確認埋觀塘分店廚房係咪包裝失誤！

好耐冇幫襯，昨天去食，依舊叫了好多點心，這間酒樓每日都送一款點心，昨天是送生菜，我們三個人去， 結果送了三碟菜，我都笑咗出嚟，講到點心 ，以前都唔係太好，起碼都叫做乾淨，昨天去食，點心冇味，賣相又差，基本上街邊啲小檔口點心，都好食過佢，就連辣椒油都下降，大排檔都不如，到埋單的時候，先知道冇做特價，結果差不多$600埋單，這個價錢，食這些點心，叫我下次點去！

同同事12點零去到 , 即時有位唔使等位觀塘lunch time時間入座率不足6成都有點奇怪嘅,坐低後未點嘢食就洗碗筷先,我哋四個人食,3個碗+2對筷子好似人哋岩岩食完無洗過咁😭叫侍應換咗就算數喇用Qr Code 落單有優惠一粒燒賣$18,可以逐粒叫都係好事,唔洗嘥嘢嘛但諗諗吓如果正常一籠4粒咁計...咪成$7x一籠😱我依然抱住期望嘅心態諗應該係食材好啲,唔同一般酒樓嘅燒賣燒賣嚟到係比起平時酒樓嘅size大少少,見到燒賣上面有原隻蝦肉,但食落就唔覺同平時酒樓嘅燒賣有咩分別喇, 有點失望叉燒腸粉$47 ,望落都新鮮嘅,但食落變壞咗,叉燒酸咗😭即時吐咗出嚟, 叫咗部長取消order蛋煎糯米雞,本身都好期待嘅,諗住落咗雞蛋煎香個面應該脆脆地,Sorry 我同幾位同事食完都認為同普通糯米雞完全冇分別鹹水角$13一粒 (兩位起) 粉團多過料好多鮮蟹肉生煎包 $25一個 (兩位起) 同事食完問蟹肉去咗邊度😅叉燒包$14一個 , 不過不失都無咩係好食,原本想叫蒸飯填番飽個肚乜都話賣哂最後叫左金瑤帶子福建炒飯 $148炒飯底完全冇鑊氣,衰啲講茶餐廳都整得好食過佢想去食嘅請慎重考慮價錢未必最重要,但質素

鴻星咁出名諗住點心唔會差得去邊點知伏到一個點 裝修非常殘舊 張凳坐到非常唔舒服 點心係以每件計算！平均$18左右一粒炒粉麵飯大概$120一碟貴到不得了 最重點係啲點心係凍架！！又唔好食！激死我地！錢多同冇要求嘅人可以一試！！

鴻星酒家年年都有大閘蟹餐，每人可以食3隻大閘蟹，仲有其他小菜配搭食下，我覺得咁樣食就岩岩好，質素又有保證。🥰🥰🥰大閘蟹公有2隻，乸有1隻，每隻都係4両左右重，唔算好大隻。先食公，打開都見好多白膏，未去到爆膏，但都好有張口感覺。乸的黃膏都冇爆膏的感覺，可能都水尾。今次的大閘蟹無咩驚喜，不過不失。鴨胸加青瓜的配搭，味道岩岩好。黑松露元貝羹，無咩黑松露味道，但個羹係好味的。蟹粉小籠包好味，汁多肉香。腐魚生菜，炒得香口。臘味飯，呢個我覺得係最出色的一味，臘味香口惹味，糯米飯啱啱好。薑茶湯丸：最後飲杯薑茶真係又保暖又好味😋。

完全冇諗過鴻星食飲茶可以飲到一千幾蚊四位。性價比與價錢完全不符。之前去過價錢正常。現在去點心逐件計.譬如燒賣$18 1件如果叫四件就差不多要八十幾蚊。完全比酒店還貴。但味道又不如價錢成正比奉勸各位如果去的話先看看價錢再自行決定。

好耐無嚟官塘鴻星，因朋友不吃蟹所以吃小菜。入座被安排了二人枱，有點窄，物品也無位放。因大家的食量不多，所以只叫了西洋菜老火湯，燒鵝和豆苗。份量剛剛好，味道也不錯，只是服務員招呼一般。

經過樓下，見到佢個大閘蟹餐，唔洗$400有三隻蟹食，仲配幾樣小菜甜品。心諗真係幾好喎，就算你啲大閘蟹就係得四兩都抵食啦。上蟹喇，果然就真係四兩或以下，唔緊要，預咗。但係打開食，根本就唔靚，膏少、冇乜肉味，唔知係邊個湖嘅產品。其他配菜，都係差過街坊茶餐廳嘅水平，我見到都有網友寫咗差成點啦。我完全同意佢嘅講法，我唔重複，亦都反應咗呢個差唔係嗰別情況。食品賣相同埋味道都太差，完全冇興趣影。咁難得成為一個香港品牌，點解要將貨就價呢？你收多$100，以你嘅名氣，都賣到啦，俾返啲嘢好少少得唔得。我第一次嚟，估計都係最後一次。