鴻昌燒臘家 (已改名) 查看

鴻昌燒臘飯店．脆皮燒鵝 + 爽口勳蹄！鴻昌燒臘飯店，係深水埗大南街都唔少街坊幫襯，原來個免費的老火湯好正！好好飲！先講講個足料菜乾湯，真係一試難忘！湯頭清徹但味道濃郁，飲落去清甜濃香菜乾同肉嘅精華完全煲到湯入面，每啖都充滿住食材嘅鮮甜而且份量超足，足夠幾個人分享再嚟講講重頭戲 —— 燒鵝皇併勳蹄！燒鵝皇嘅皮燒得金黃酥脆，一咬落去油脂嘅香味瞬間爆發肉質嫩滑多汁，完全唔會乾柴勳蹄則是爽口得嚟又帶點嚼勁，醬汁調配得恰到好處，鹹甜適中，鹵香味濃郁，食落口齒留香。叉燒併香妃雞都冇令我失望！叉燒肥瘦均勻，咬落去甜中帶鹹，肉質軟嫩香妃雞更是絕妙，雞肉嫩滑，雞皮爽滑，雞味濃郁，味道層次豐富，令人食唔停口。最後，一定要提埋佢哋嘅凍檸茶！茶味濃郁，檸檬清香撲鼻，甜度調配得剛剛好，唔會太甜又唔會太澀。餐廳：鴻昌燒臘飯店地址：深水埗大南街337號地下

今日約左好友去深水埗行街，順道去位於深水埗大南街337號地下的《鴻昌燒臘飯店》食燒味飯，環境清潔企理，坐得舒服。我地點左：🥢北菇雞球煲仔飯煲仔飯製作需時，我們在等待期間，先行享受老火湯，煲仔飯上檯時熱辣辣，服務員送上鼓油和青綠菜心（灼好的），鼓油份量由自己調較（因為每人喜愛是不同的）；北菇雞球煲仔飯份量不少，雞肉嫩滑，北菇片好味，飯粒軟綿，底部有鍋巴，唔錯又好味。🥢乳豬拼燒鵝飯乳豬燒鵝和飯是分碟上，乳豬皮脆卜卜，豬肉入味，味道剛好，燒鵝亦都皮脆肉嫩，送飯一流。🥢老火湯老火湯係紅蘿蔔菜乾湯，真材實料無味精，好飲👍

今晚到深水埗掃平貨，順路在「鴻昌燒臘飯店」吃頓臘飯晚飯，飯店裝置簡樸，是街坊飯堂。乳豬叉燒飯~乳豬皮脆肉嫩，叉燒蜜味稔滑，菜心稔甜，大碗飯可以兩位分享，足料老火湯夠清甜。鹽味手撕雞河粉~啖啖香滑鮮味雞肉，美味可口！焗黃金蝦~大蝦很鮮爽，肉質結實彈牙，美中不足是鹹蛋黃略少，鹹香味味道不夠濃郁。原來凍櫃還有豬腳薑、價錢大眾化的潮式雞式雞湯翅、沙煲粥、僑鄉特色菜和四季煲仔飯，不過我們已經很飽了！下次再嘗吧！

同朋友黎到深水埗搵食，都知道要穿橫街窄巷先搵到寶，剛好搵到大南街黃金招牌燈搶眼的「鴻昌燒臘飯店」。櫥窗掛滿燒鴨燒燒雞非常吸引，讓人垂涎欲滴，仲有多款小食、小菜、燒味提供。甫踏進餐廳🍴，餐廳光猛明亮，乾淨衛生，設有多張方枱，枱與枱之間夠曬闊落，全店高朋滿座，客人高談闊論。生浸醬油雞+ 脆皮燒肉雙拼飯（HKD 58): 單拼雙拼飯一律都係58 蚊，雞肉吸收了醬油和香料的精華，肉質鮮嫩多汁，皮滑肉軟，入口即化，忍吾住連軟糯雞皮都要食埋。脆皮燒肉真係無得輸，酥脆的焦香層，肉質本身散發出濃郁的油脂，皮脆肉嫩，又吾會過鹹，送飯一流而且仲提供薑蓉同芥末，好味🤤。用上環保光波爐製作嘅煲仔飯，馳名白鱔球煲仔飯（HKD 81): 白鱔球煲仔飯的味道非常豐富，白鱔（鰻魚）肉質細嫩，富含油脂，經過醃制和烹煮後，鮮味充分釋放，入口即化。醃制時加入的料酒、姜絲和白胡椒粉去除了腥味，同時提升了白鱔的鮮香。米飯吸收了白鱔的湯汁和油脂，變得格外香糯，帶有淡淡的咸鮮味，底部形成一層金黃的鍋巴，口感香脆，與上層的軟糯米飯形成鮮明對比。每一口都充滿濃郁的風味。蔥花的清香和砂礓顆粒為煲仔飯增添了清新的口感，平衡了白鱔的油膩感。

lunch跟同事去深水埗覓食，order 燒鵝拼燒肉飯(同事形容餸多到見唔到飯), 飯未到先飲碗大例湯(可添飲) ,飯到見到燒鵝燒肉算多，相比其他燒味舖多一倍(自覺), 燒鵝真係燒鵝(無充), 燒鵝燒肉食落味道一般，好乾身(個人見意order 時要多汁) ，不過勝在抵食$50/雙拼，最終都食唔晒

歸家途中得到 " 天線得得 B " 與我的小宇宙聯繫 , 我糊里糊塗地提早了幾個站下車 , 因為對深水埗的街道不熟悉 , 自不然要慢慢探索 , 心想只要朝著黃金商場方向行走就一定不會迷路 ~ 作為一個 foodie 當然要對周遭的食物產生敏感 , 就是有這種 sense 才忽然感覺到前方的燒臘店 " 有 D 嘢 ! " 在眾多燒臘群中以兩條金錢雞最為吸引 , 向燒臘師傅問過價錢  , $ 34 四兩 , 那麼這一串都要賣接近百元 ~這位燒臘師傅的待客態度算好 , 有問必答之餘還不會顯示出機車的態度 ~在深水埗除了明哥之外 , 鴻昌都是良心燒臘店 , 凡長者出示長者咭均可以以優惠價 $ 12 購買燒肉飯並送老火湯 !回家後 , 當然是向家中老少展示一下金錢雞的魅力 , 上次在蓮香樓吃過後是回味無窮 , 我記得燒臘師傅講過全深水埗只有他及其分店有金錢雞賣 ~ 金錢雞誕生於 2、30 年代的香港 , 燒臘師傅把賣剩的下欄食材 ( 瘦叉燒、肥豬肉和雞肝 ) 層層疊炮製而成 , 其中的冰肉是用糖和玫瑰露把肥豬膏醃足1星期 , 令肥豬膏醃成半透明兼爽脆口感 , 味道甜而不膩 ~瘦叉燒沒有乾柴柴的口

12-5-2014(Mon)同男友o係混亂食完晚飯後,為第二日o既lunch買o野食,我o地行經呢o度時,我見到有裹蒸糉賣,呢o度寫明$25.00,饀有蛋黃,腩肉,花生同綠豆,咁我就買個試吓.第二日拎返公司叮熱食,打開睇睇,包o係最外面o既荷葉,內面o既係長形糉葉,個糉大大個,食落,糯米軟糯,內裡都有片鹹瘦肉,不過唔係好鹹,蛋黃大大隻但乾,反而大粒花生好香.成個糉平平無奇,只係夠大個醫飽人就得啦.

其實之前都知有十蚊燒肉飯盒.後來才知老板希望用10蚊飯盒帶返D人流二來也是為了窮人出返D綿力才推出飯盒雖然食物不算是最好,但清潔乾淨,燒肉的皮重脆的,即不是隔夜的就算味道是滿分,人情味已經是滿分

因為早幾日買左個壞野番屋企收工後要再去深水步一轉換貨上次經過時見呢度咁多人幫襯而且佢個柱候芋頭炆鴨賣相幾靚一砵砵放o係蒸爐上面幾吸引今次就一於食佢雖然o係呢區要23蚊好似貴左d但當我番到屋企打開一睇份量原來多到驚人足夠分開幾餐食芋頭好多又夠粉加埋惹味既柱候醬真係好好撈飯鴨份量相對較少而且偏肥肉唔多但今次既目標係芋頭所以都無所謂lu另外佢d燒味賣相都唔錯咁多人幫襯下次可以試下