影片
鴻昌燒臘飯店．脆皮燒鵝 + 爽口勳蹄！鴻昌燒臘飯店，係深水埗大南街都唔少街坊幫襯，原來個免費的老火湯好正！好好飲！先講講個足料菜乾湯，真係一試難忘！湯頭清徹但味道濃郁，飲落去清甜濃香菜乾同肉嘅精華完全煲到湯入面，每啖都充滿住食材嘅鮮甜而且份量超足，足夠幾個人分享再嚟講講重頭戲 —— 燒鵝皇併勳蹄！燒鵝皇嘅皮燒得金黃酥脆，一咬落去油脂嘅香味瞬間爆發肉質嫩滑多汁，完全唔會乾柴勳蹄則是爽口得嚟又帶點嚼勁，醬汁調配得恰到好處，鹹甜適中，鹵香味濃郁，食落口齒留香。叉燒併香妃雞都冇令我失望！叉燒肥瘦均勻，咬落去甜中帶鹹，肉質軟嫩香妃雞更是絕妙，雞肉嫩滑，雞皮爽滑，雞味濃郁，味道層次豐富，令人食唔停口。最後，一定要提埋佢哋嘅凍檸茶！茶味濃郁，檸檬清香撲鼻，甜度調配得剛剛好，唔會太甜又唔會太澀。餐廳：鴻昌燒臘飯店地址：深水埗大南街337號地下
繼續閱讀
今日約左好友去深水埗行街，順道去位於深水埗大南街337號地下的《鴻昌燒臘飯店》食燒味飯，環境清潔企理，坐得舒服。我地點左：🥢北菇雞球煲仔飯煲仔飯製作需時，我們在等待期間，先行享受老火湯，煲仔飯上檯時熱辣辣，服務員送上鼓油和青綠菜心（灼好的），鼓油份量由自己調較（因為每人喜愛是不同的）；北菇雞球煲仔飯份量不少，雞肉嫩滑，北菇片好味，飯粒軟綿，底部有鍋巴，唔錯又好味。🥢乳豬拼燒鵝飯乳豬燒鵝和飯是分碟上，乳豬皮脆卜卜，豬肉入味，味道剛好，燒鵝亦都皮脆肉嫩，送飯一流。🥢老火湯老火湯係紅蘿蔔菜乾湯，真材實料無味精，好飲👍
繼續閱讀
今晚到深水埗掃平貨，順路在「鴻昌燒臘飯店」吃頓臘飯晚飯，飯店裝置簡樸，是街坊飯堂。乳豬叉燒飯~乳豬皮脆肉嫩，叉燒蜜味稔滑，菜心稔甜，大碗飯可以兩位分享，足料老火湯夠清甜。鹽味手撕雞河粉~啖啖香滑鮮味雞肉，美味可口！焗黃金蝦~大蝦很鮮爽，肉質結實彈牙，美中不足是鹹蛋黃略少，鹹香味味道不夠濃郁。原來凍櫃還有豬腳薑、價錢大眾化的潮式雞式雞湯翅、沙煲粥、僑鄉特色菜和四季煲仔飯，不過我們已經很飽了！下次再嘗吧！
繼續閱讀
同朋友黎到深水埗搵食，都知道要穿橫街窄巷先搵到寶，剛好搵到大南街黃金招牌燈搶眼的「鴻昌燒臘飯店」。櫥窗掛滿燒鴨燒燒雞非常吸引，讓人垂涎欲滴，仲有多款小食、小菜、燒味提供。甫踏進餐廳🍴，餐廳光猛明亮，乾淨衛生，設有多張方枱，枱與枱之間夠曬闊落，全店高朋滿座，客人高談闊論。生浸醬油雞+ 脆皮燒肉雙拼飯（HKD 58): 單拼雙拼飯一律都係58 蚊，雞肉吸收了醬油和香料的精華，肉質鮮嫩多汁，皮滑肉軟，入口即化，忍吾住連軟糯雞皮都要食埋。脆皮燒肉真係無得輸，酥脆的焦香層，肉質本身散發出濃郁的油脂，皮脆肉嫩，又吾會過鹹，送飯一流而且仲提供薑蓉同芥末，好味🤤。用上環保光波爐製作嘅煲仔飯，馳名白鱔球煲仔飯（HKD 81): 白鱔球煲仔飯的味道非常豐富，白鱔（鰻魚）肉質細嫩，富含油脂，經過醃制和烹煮後，鮮味充分釋放，入口即化。醃制時加入的料酒、姜絲和白胡椒粉去除了腥味，同時提升了白鱔的鮮香。米飯吸收了白鱔的湯汁和油脂，變得格外香糯，帶有淡淡的咸鮮味，底部形成一層金黃的鍋巴，口感香脆，與上層的軟糯米飯形成鮮明對比。每一口都充滿濃郁的風味。蔥花的清香和砂礓顆粒為煲仔飯增添了清新的口感，平衡了白鱔的油膩感。跟餐奉送新鮮菜心，今日例湯是南瓜薏米豬骨湯，潤肺益氣、消炎止痛，而薏米利水排毒，促進新陳代謝，加上紅蘿蔔及排骨煲湯，老少咸宜。總結：無味精例湯 大推抵食高質燒味雙拼飯
繼續閱讀
lunch跟同事去深水埗覓食，order 燒鵝拼燒肉飯(同事形容餸多到見唔到飯), 飯未到先飲碗大例湯(可添飲) ,飯到見到燒鵝燒肉算多，相比其他燒味舖多一倍(自覺), 燒鵝真係燒鵝(無充), 燒鵝燒肉食落味道一般，好乾身(個人見意order 時要多汁) ，不過勝在抵食$50/雙拼，最終都食唔晒
繼續閱讀