鴻師傅 (已結業)

鴻師傅最出名嘅黯然銷魂飯 價錢未到所有嘢都同以前一模一樣 但係有一個嚴重嘅問題 你黯然銷魂飯隻蛋竟然變咗熟蛋 第一眼望到我都嚇咗一跳 黯然銷魂飯 最重要嘅神髓當然係拮穿隻蛋 然後啲蛋汁流落啲飯度 你竟然畀隻熟蛋我 你同叫我唔好食有咩分別 你啲叉燒再靚都冇用叉燒同埋醬汁 同半年前一模一樣 冇乜其他嘢可以彈佢 只係隻煎蛋 真係令人太失望再加上喺旺角呢個場繁忙時間都冇人 如果你再唔諗啲方法 我諗成個場關閉嘅機會非常高 希望仲有機會試到你其他嘢 畀個啲詳細嘅評價

第1次黎呢個商場肚餓咁岩見到原來地庫有個food court叫咗個叉燒蛋飯加可樂 $64超級驚喜佢叉燒主動比半肥瘦肥位口感似骨膠原多過肥膏岩岩好❤️🧡💛而個蛋都好驚喜唔係平時普通太陽蛋而係半煎蛋半炒蛋唔識形容 睇相👍🏻原本覺得貴 但諗返起啲大咩咩都4x食垃圾呢個價錢絕對超值😍Food court仲有宜家bb凳比小朋友 方便♡

去foodcourt【嘆。。一盅兩件】難得有metime出旺角，順便探下路。落左巴士經過T.O.P見到門口廣告牌``醒晨滋味推介``甘岩又未食早餐，就入商場搭扶手電梯落一層睇下有咩食。落到黎得2間開左就揀左試鴻師傅。叫左個點心拼盤（有馬拉糕，蝦餃，叉燒包，燒賣）有埋一杯熱飲（檸水）$33。食完好飽。下次再黎要食埋其余幾間先📍旺角彌敦道700號T.O.P This is Our Place地庫旺角煮場Chef’s Society

午飯時間要係旺角搵個地方食飯當然唔簡單，食悶左西餐，有時都想轉下口味，食返D家常菜～-TOP呢個商場開左好一段時間，佢個FOOD COURT真係幾迷你有炸雞啊，意粉，燒味飯個D，兜左個圈最尾見到呢間蒸出黎個賣相好唔錯甘，就ORDER左呢個艇皇蝦乾蒸肉餅佢一個餐HKD 55 就包個飯同個湯碗飯好大份，男仔都一定夠飽！佢個賣相係好吸引，蝦乾個香味好出，加上佢個碟超熱，應該岩岩係蒸櫃拎出黎，而佢既肉唔係暗紅色，估計都係新鮮即日整既！個肉餅係半肥瘦既肉碎整成，加埋佢D咸魚仔一齊食，極有風味另外一個HIGHLTGHT係個鼓油，送飯一流可再ENCORE！

下午茶 點了叉燒飯 配熱檸水 加10蚊配了無骨炸豬扒未食過這樣古怪的叉燒，口味很粗糙，肥的部份都不好吃 是一件扮叉燒的豬肉。配甜醬油還好，但不是吃叉燒飯用的那種，就用這個甜醬油把白飯吃完。加點的炸豬扒，薄身，炸熟了，油偏多，肉炸乾了，沒有豬肉的，沒有醃料的味道，只有油的味道。不建議吃這兩道菜式，可能點個湯或沙嗲牛麵比較穩陣。 服務上沒有問題這屬於生存，餓了需要可以吃的餐廳下午茶58 食覺得都太貴，因為唔好食。

有日平日放假要去何文田，去到旺角準備轉小巴，經過B出口見到T.O.P.門口有個廣告牌寫住有早餐食，$26起，見時間尚早就即管試一試。搭自動電梯落一層就見到有個food court，可能朝早無咩人，得2間舖頭開，咁就試下鴻師傅。叫左個經典既茶餐廳早餐，沙嗲牛肉麵，午餐肉炒蛋多士，同埋一杯熱奶茶。今時今日$30食到呢個餐都算抵食，牛肉好多反而麵唔多，整體味道唔錯，性價比高，真係good morning！

是日因為意識到有機會落大雨，加上t.o.p.有每滿50蚊儲夠5個印仔換$50現金回贈的推廣，所以去了呢間試吓食$38餐~~~我就叫咗比較hea的粟米肉粒飯餐，呢個餐食落ok，起身食落感覺飽肚，我又可以乖乖咁食清光，配熱飲選擇好有限，有d後悔叫熱檸茶，始終感覺唔及凍上的甜同事仔就叫咗辣雞飯，同事仔話根本唔算辣，反而佢食食吓覺得d雞肉有d韌，表示下次唔會再食呢款，下次有機會試第二間~~~原來t.o.p.依家另外仲有電話app推廣，由依家到8月31日未滿100蚊的電子清費收據都可以用來儲分，而且儲夠800分可以換兩張戲飛，可以多d食野儲分換野堅係抵

今朝遲咗起身， 拿拿林出門，去到旺角站，只得15分鐘食早餐。唔想只咬個包，因為今日要2點幾先再放飯，想食個豐富啲嘅早餐。說時遲那時快，係B4出口有牌寫住商場地庫有早餐食，$26起？ 咁就即行動啦！啊，原來係個food court！啲位唔迫，仲有卡位添! 見到"鴻師傅"較多人圍住，唔諗咁多啦，就試吓呢間啦！早餐有成十款揀，中西式都有，$26起，好街坊價！我叫咗個冇骨豬扒煎蛋茄汁豆配多士。豬扒大大件，煎得幾香脆 ，唯一係個汁太多，少一半仲好，希望留意吓！🙏個蛋煎得外脆內滑， 茄汁豆都暖熱咗，唔會凍冰冰，加埋件啱啱烘好嘅厚多士，very good 啦，好味!

星期六的下午，蝸牛自己一個出城旺角，去拎團購鞋套，第二次去彌敦道700號，第一次去樓上寫字樓，第一次去地庫food court 旺角煮場。四點半，有些餓了，見到有位，所以決定要Tea 1 Tea 。揀了鴻師傅的下午茶鬆一鬆-豬扒公仔麵加熱奶茶餐。食物是即買即煮的，等了5分鐘，可以起筷啦！豬扒是無骨又切碎了的，帶少許肥肉的豬柳肉醃得惹味又煎得香脆。公仔麵煮得軟硬適中，還很有誠意的配上兩條淋嫩菜心，湯是白豬骨湯，不過油和鹹，整碗麵好看又吃！奶茶用了黑白淡奶，有茶味又有奶香，如果可以再熱一些就更好了！真的沒想過 今時今日，還有26蚊一個茶餐，而且是一個好味的茶餐！

看到這間餐廳在報紙賣廣告，地點位於旺角新商場T.O.P的地庫food court。這天早上剛好在那邊有事要辦，就拿著減$3的早餐優惠劵試一下。早上十點的商場很冷清，跟平時人山人海的旺角是兩個世界。搭扶手電梯落兩層就是food court了，這裡比起商場人更少，只有幾檯客人，我們便隨便找個位置坐下，到鴻師傅的鋪點餐。Food court有自助點餐機，但不知是因為人不多還是甚麼原因，未能提供服務。看到餐牌，選擇困難症發作！除了有港式早餐、中式早餐和西式早餐選擇外，每一個系列都提供數個選擇，很吸引！如果想食多一點的餐廳也照顧到，加$6有一個火腿通粉。最後我考慮了一會，再問問店員哪一個餐比較多人點，就要了一個Q1和W3，店員也提醒我W3製作需時，要等大約15分鐘。我覺得有點驚訝，不過也接受，時間不趕，也想試試。很快我的號碼到了，但要客人久不久看一下店鋪外的號碼顯示屏，不可能在food court叫號。叉燒皇公仔麵($32)餐十分豐富，難怪店員都說這個餐多人食 熱奶茶香濃，奶的份量是適量的沒有蓋過茶味，不錯的。原本不打算食公仔麵，但又想試試這裡勁推的叉燒。一般我會先食多士、蛋的，但怕麵會淋就先食

中午來吃飯的時候已經十分多人,不只是堂滿座,連外賣也有很多人在排隊買呢!今天過了中午飯點時間，排隊但是不久。這裡最出名叉燒飯叫了個鮑汁叉燒煎蛋飯自取食物內進餐廳...店面挺好找，人也非常多。夥計也挺急幫我找個坐位。叉燒及煎蛋齊齊整地鋪在飯面上。賣相幾討好叉燒十分好味而且喜歡這裡比較瘦叉燒非常之腍同埋亦唔會用鬆肉粉整出嚟嘅叉燒！因為食得到佢夠豬肉味...荷包蛋煎得好靚，充滿蛋汁加上它的鲍汁甜甜的十分香口,撈飯來吃更是一流.

After having a great tea at Master Hungs in Kwuntong, decided to check out the other branch in MK to compare.They do not use tea leaves but tea bags.Anyway, you could see there were quality tea leaves inside which was a winner at this food court as the other Chinese joint serves tea with the usual tea bags that don't contain whole leaves inside.It was nice and thirst quenching as the tea was strong with  a grassiness and flowery aroma.

自從T.O.P.開左之後，多左地庫呢個唔多人知既food court，食野都增加唔少選擇呢日三點零鐘見有啲餓就逛左圈，唔想食粉麵飯既情況下俾我見到呢間有漢堡包好少見漢堡包會夾叉燒，呢款中西fusion菜式幾有諗頭～呢間食店主打都係叉燒，味道果然唔錯。肉質鬆軟，蜜糖味香，甜味佔得較重唔會醃到好鹹，份量唔少，位置屬於半肥瘦，如果有得揀就更好麵包軟熟，中間搽左牛油烘至微脆香口美中不足係芝士薄硬又凍冰冰，同個包完全唔夾，如果加熱至微融會好啲以$30有找呢個價錢包埋野飲性價比幾高，下次可以試下佢既叉飯，叉燒質素有保證～

中電可換的美食現金券已越來越衰，但又有積分到期。所以又是很為難換了這個長征回家會路過的。在OpenRice看見很多差評，所以沒點那些所謂很出名的燒味。泡菜腩肉煲仔飯，$62。用了券券減$10。以$52來説不會覺得貴，以$62蚊計就覺得不值。腩肉很薄。泡菜對比下反而多。煲仔飯有飯焦，但硬到吃不到，還厚厚的一層，所以份量其實不多。至於味道，不太差，但就不太似師傅級數。在店舖下單後，要等十幾分鐘，店家有告知。所以最好坐附近。還有一張這個商場的咖啡券，唉，不知什麼時候用到，因為晚上不想喝咖啡😑。

新開T.O.P.既 food court,都幾多野食。Lunch 就黎呢間食個輕盈飯餐啦艇皇蝦乾蒸肉餅 $55$55一碗白飯，一碗湯，一碟肉餅。以價錢黎講都算中規中矩，雖則飯量比出面茶餐廳係比左少少，但對於我呢d 食量吾大既女仔，都岩岩好既肉餅都幾嫩滑，又吾算多油。其實都幾驚係出面食肉餅，因為會好肥，仲要啖啖都係肥豬肉但呢間既肉餅又吾錯波，起碼食吾到d 大肥豬肉另外，蝦乾又大粒又多，同埋肉餅一齊食，都幾香口湯水就老火湯，不過略嫌少湯渣，我都幾中意食湯渣架