影片
港鐵牛頭角站 B6 出口, 步行約6分鐘
繼續閱讀
電話號碼
23435122
開飯介紹
觀塘工廠區港式酒樓，另外也有供應川菜。港式方面供應點心、燒味、煲仔菜及鑊氣小炒。川式烤魚也很惹味。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關獎賞計劃
愛好一盅兩件嘅老公話佢前幾日行經觀塘工業區見到間外觀好有特式又搶眼嘅酒樓，見佢地嘅價錢都好大眾化，所以就趁週末同我嚟歎茶。傳統中式酒樓樓高兩層，整體上燈光柔和而且枱與枱之間唔會迫迫夾夾，所以環境都好舒服，如果早啲嚟可以坐窗邊睇街景應該仲正。嘢食都有好多選擇，點心、燒味、煲仔飯同小炒等，咁我地就當然係食歎茶食點心啦。先嚟至尊蝦餃皇，蝦餃皮做得夠薄，外表晶瑩通透，入面嘅蝦肉就夠大粒又彈牙，一咬爆汁有咬口。再嚟蟹籽燒賣，口感同味道都唔錯，入面嘅豬肉同鮮蝦餡都好足料，上面嘅蟹籽都幾多，整體上就係大大粒有口感。當然唔少得我至愛嘅魚翅灌湯餃，灌湯餃都有成隻有手掌咁大，而且皮薄軟潤，入面嘅餡料就以鮮蝦、冬菇、豬肉等組成，當中又真係有條魚翅，一啖咬落去即刻有爆汁嘅口感，食得好滿足。之後就嚟多一碟四寶滑雞扎， 雞扎超大件又足料，以腐皮包住兩件滑雞、一條火腿，爽滑嘅豬肚同埋軟綿嘅芋頭，而且蒸得剛剛好，夠晒入味。最後見酒樓做緊脆皮BB鴿優惠，所以我地又叫返兩隻嚟食，上檯時仲係微熱，油溫炸得剛好香脆，雖然細細隻但依然燒到皮脆內嫩，啖啖都充滿肉汁而且肉味香濃。
繼續閱讀
🍤 竟然畀我喺觀塘搵到一間外表超豪華但裏面竟然有舊式鳳凰同龍雕塑龍鳳大禮堂壽宴廳嘅酒樓！🐉 #觀塘隱世酒樓 #即製點心 📍位置在鴻圖樓1樓，搭𨋢一上到去就見到超浮誇嘅金碧輝煌大門，入到去竟然係懷舊風嘅「龍鳳壽宴廳」！樓高幾層，仲有廂房同大廳，坐窗邊仲可以飽覽觀塘街景～✨ 🍽️ 必食點心： 1️⃣ 至尊蝦餃皇👉🏻 一咬爆汁！皮薄到透光，裏面嘅蝦肉新鮮到彈牙，真係食到海洋嘅鮮甜味～🌊 2️⃣ 蟹子燒賣👉🏻 大過乒乓波！豬肉餡紮實唔油膩，蟹子多到「卜卜聲」，滿足感爆燈！💥 3️⃣ 魚翅灌湯餃👉🏻 湯頭超濃郁，餃子大到拳頭咁，份量良心，暖胃又奢華～🥟 4️⃣ 百花釀魚肚👉🏻 驚喜位！蝦膠竟然保留一粒粒蝦肉口感，魚肚吸滿鮮汁，食落爽滑又唔腥！🦐 🌟 加分位： - 裝修勁有「古早宮廷感」，打卡一流📸 - 侍應姐姐好貼心，會主動介紹點心係二樓工場即日鮮製， 絕對唔係預製菜！👏🏻 - 地方超大，擺壽宴、圍數都夠氣派～🎉 總結：以為酒樓一定貴夾唔飽？呢間性價比爆燈，百幾蚊位食到捧住個肚走！👯♀️ 觀塘友快啲Bookmark啦～ 🔍 搵食Tips：午市勁多人，建議早少少去霸窗邊位睇景！ 鴻圖樓📍地址：觀塘鴻圖樓1樓
繼續閱讀
涼瓜肉崧煎蛋愈簡單的菜式愈考功架，好耐無食過的一款家常菜，涼瓜微苦，帶淡淡甘甜的味道，蛋煎得不老，加入肉碎煎更香口，大人仔路都合適～泡椒皮蛋酸酸地好開胃，辣度比較平易近人，加上香菜，增添香氣，皮蛋好Q彈，做前菜非常合適燻蹄拼海蜇份量不少，海蜇爽脆彈牙，好有咬口，燻蹄咸咸香香，調味幾好食，肉質不乾柴，見其他枱都有叫呢個一到晚飯時間都幾多人收工嚟食飯，感覺上幾有人情味，環境都坐得好舒服，幾光猛#foodiblum港式
繼續閱讀
試了一個二人晚餐，點知份量少不在話下（基本上係一人份量），而且有道菜叫”美極炒老虎蝦”, 望上去蝦殼係熟，但用餐刀切下蝦頭連蝦身的位，發現蝦肉仲透明，好明顯係未熟！我仲以為係食日本刺身之前同經理講，佢應該等廚房再重新炒過一碟，結果我等咗二十幾分鐘。再講下佢個炒飯，我覺得佢碟炒飯炒出嚟用隻碟盛，但隻碟有D污糟，又同經理講，佢二話不說俾返一碟份量比之前少一半的炒飯無嘢嘛？！收費中價，但質素差，鴻圖樓又係我另一間”無下次”的餐廳。
繼續閱讀
鴻圖樓鴻圖道30號1-2樓收工 過觀塘食飯，周圍都變得靜，但經過鴻圖道，見到一棟好光亮嘅大廈， 大大隻字寫住鴻圖樓，於是上去試吓。我哋上到一樓嘅中菜廳，坐低咗發現都幾熱鬧， 平日嘅夜晚都好多人。 我哋點咗3個菜。啫啫通菜煲份量夠大，少少辣味道，剛剛好， 菜身好軟身，好易入口。黃金豆腐皮脆內滑， 應該係剛炸好。 一啖一粒，非常好味。農家小炒肉用尖椒炒腩肉， 份量又係非常多， 尖椒入邊有籽， 咬落要小心，可能有啲辣， 腩肉肥瘦剛剛好， 兩樣配合起嚟又幾好味。整體感覺唔錯。 食物美味， 價錢亦合理， 喺一個收工搵地方食飯嘅好去處。#觀塘美食推薦#觀塘小菜#鴻圖樓#觀塘美食#Foodie
繼續閱讀