鴨大哥 (太古坊)

營業中

休息中

今午一行人去用膳，職員擺烏龍落漏order, 等了很久才有人解釋，加上職員態度欠奉，唔積極跟進要追問才講，等了接近45分鐘上回漏咗菜式，令人十分失望，食物質素一般，柚子雞冇咩柚子味，服務態度有待改善。

今晚老細話請食飯，所以就去咗公司附近嘅啱啱新開張嘅精緻中菜 - 鴨大哥北京烤鴨（半隻）皮脆肉嫩，最特別嘅係佢嘅烤皮薄脆，再配上酥軟嘅鴨肉同埋醬汁，令人回味無窮。梅子荔芋鴨煲鴨肉滑嫩多汁，同湯底完美融合。呢款菜式實在夠味，係一道值得一試嘅經典中菜。麥香黃金蝦佢嘅蝦肉鮮甜彈牙，外層包裹住咸蛋黃同玉米片，帶出濃郁嘅咸蛋香氣同脆脆嘅口感。你都可以感受到咸蛋黃同蝦肉嘅絕配，強烈推介呢一道菜色。📍 鴨大哥 (太古坊) (鰂魚涌)鰂魚涌華蘭路25號太古坊栢克大廈2樓

屋企人平時好鍾意食中菜，今次專登搵咗間專門食片皮鴨嘅餐廳同屋企人去食飯。北京烤鴨 半隻今次我哋叫咗半隻北京烤鴨，肥瘦適中而且份量非常之充足，不得不提呢度啲皮真係搓到非常之薄，唔會好似其他餐廳咁厚粉真係值得一讚，至於配料方面有青瓜，大蔥，麻醬同埋比較少見嘅黑糖可以適當咁增加口感絕對值得一試。雲南黑土豬叉燒呢度嘅叉燒，雖然睇落平平無奇，但係絕對有驚喜！叉燒肉質肥瘦適中而且大大件咬肉非常之軟腍，係食過咁多間叉燒之中呢間好係最好食嘅其中之一。麥香黃金蝦黃金蝦外面包裹住脆香嘅麥皮，入口好似食緊薯片咁香脆入面隻蝦非常之彈牙爽口而且仲好鮮甜配埋香脆嘅麥皮一齊食估唔到非常之夾。

最近一班人去食鴨大哥，訂枱要落一千蚊訂。然後埋單只係要求退訂，所有錢再用另一張卡找數，但女經理黑臉，堅稱唔會做，最後我哋都無做到，費事強人所難。但我心諗你間鋪平日夜晚都人丁單薄，要收一千蚊訂枱已經怪，聖誕節新年我明嘅，但我哋一月中又唔係啲咩大時大節都要落訂，服務又唔係過份好，只係中等，最後埋單都食咗二千幾，食物不過不失，但最後埋單嗰個要求後，就一直黑臉，畀我唔會再去。食餐飯啫，一個小要求，好好睇睇咁拒絕都可以，但就唔使黑臉嘅，我哋成枱都係斯文人。

依家要食高水平嘅中菜，其實唔係淨係去中式茶樓，而今日就嚟到呢間用餐環境相當整潔優雅嘅中菜餐廳！北京烤鴨平時食片皮鴨都會驚太肥膩，通常都係「一嚿起，兩嚿止」。今次既鴨肉肥瘦適中，而且份量亦都相當足夠，真係可以食到啖啖肉。值得一讚係，外皮既蒸籠一直有熱水保溫，食到尾既外皮都唔會變凍而令到美味度大減！魚香茄子煲呢一味菜式可以話係一大驚喜！相信大家平時出去食飯都會食唔少，但始終都缺乏左一種香味。而今次嘅魚香茄子煲一上枱已經有一陣陣嘅魚香味，入面難得地加咗鹹魚，令到香味四溢。但係味道又唔會太鹹，份量十足，撈飯食一流！梅子荔芋鴨煲一開始外表見到就覺得份量十足，當然都會擔心食唔晒。但結果梅子嘅微微酸甜，着實有非常開胃嘅效果，配搭軟熟嘅鴨肉同埋入味嘅芋頭，實在令大家食指大動，不消一會已經食曬了！麥香黃金蝦相信黃金蝦，大家都食得多，但麥香黃金蝦就真係比較少見。呢個配搭亦都令到我哋覺得相當新鮮 - 代表黃金嘅鹹蛋黃固然帶出陣陣嘅鹹香味，燕麥片所帶有嘅微甜，加埋蝦嘅鮮味，一次過試出不同層次嘅咸、甜、鮮既味道！呢間真係我值得推薦食片皮鴨嘅好地方，而片皮鴨嘅美味亦都令我念念不忘！

🧧新年流流同屋企人食團年飯、開年飯、要搵間得體少少嘅中菜館。係鰂魚涌及銅鑼灣都有分店嘅鴨大哥環境雅致，而且係由名廚「廚魔」梁經倫主理，不但有北京烤鴨，仲有好多既精緻兼具創意嘅菜式，新年食呢間絕對滿足到長輩😎😎🌮北京烤鴨（半隻）烤鴨皮賣相夠油潤，食落又唔覺油膩，但又幾香口😙鴨肉瘦但好腍，夾埋好薄嘅餅皮食都唔錯。除咗甜醬，呢度仲提供麻醬，酸酸地嘅麻醬襯托烤鴨，又係另一番滋味😚🍖雲南黑土豬叉燒拎起即見到啲蜜汁滴哂出嚟💦引唔住大啖大啖食。好怕有啲叉燒太甜，呢個鹹甜度適中，雖然冇肥膏但肉質軟腍鬆化，絕對係靚叉燒😋😋🐟桂花雪梨脆鱔球攞盤有心思❤️諗到用意粉做成盛器，有創意🤪鱔球好大件，外層裹滿香甜桂花雪梨芡汁🍐食到鱔肉非常爽彈嘅口感，口感一流😚😚朋友對伴碟嘅雪梨有興趣🤣食落爽口。絲苗白飯人均消費：$380推介指數（10分為滿分）：8分

今次嚟到位於太古坊嘅鴨大哥，就睇吓佢係咪有食鴨嘅大哥級水準！北京烤鴨作為片皮鴨嘅忠實粉絲，今次我亦都相當期待。上枱見到一大盤嘅鴨片，已經知道相當有水準，鴨肉唔單止肥瘦均勻，份量亦絕不吝嗇。而外皮醬汁等各方面亦做到相當高嘅水準，食落絕對唔會覺得太油膩，甚至係不知不覺就食完了。整體嚟講，片皮鴨嘅水準，可以話係超過預期地好！雲南黑土豬叉燒上碟嘅時候，外表睇落好似冇咩特別。但食落去肉質香軟嫩滑，微微叉燒肉味配上香濃嘅醬油味，實在令人愛不釋手。桂花雪梨脆鱔球相信大家出街食飯，通常都係食西蘭花炒鱔球。今次就係炸鱔球，配上桂花雪梨嘅醬汁。醬汁味道清新香甜，配搭住炸物，有助開胃解膩。今次嘅炸鱔球相當有水準，炸皮唔會太厚，香脆而保留魚肉嘅肉汁，魚肉保持新鮮嫩滑！總括而言，呢度食物好味之餘，用餐嘅環境都相當優雅，絕對適合一家大細或者朋友聚會用餐！

今日同咗兩老去太古坊食北京菜，裝修典雅清幽，仲有啲鴨仔擺設，仲有梳化座位，坐響度食嘢好舒服。北京烤鴨：烤鴨的皮烤得金黃酥脆，外層的油脂完美融合響肉質的內部，使得每一口都帶有濃郁的鴨香。鴨肉的質地十分嫩滑，入口即化。烤鴨切成薄片，再搭配蔥絲、黃瓜和甜面醬，使得每一口都充滿豐富的口感和層次。桂花雪梨脆鱔球：鱔魚的肉質鮮嫩，口感十分細膩。鱔魚外層裹上了一層酥脆的麵粉，每一口都帶有滿滿的口感。桂花雪梨的香氣和甜度與鱔魚的鮮味相得益彰，營造出一種獨特的美味組合。咖喱脆牛腩：牛腩外層金黃酥脆，內層肉質極為軟嫩，入口即化。牛腩上加入咖喱醬汁非常香濃，帶有一定的辣度和豐富的香料味道，給這道菜增添了一抹獨特的風味。

鰂魚涌必食片皮鴨中菜廳 — 鴨大哥🐦呢間位於鰂魚涌太古坊商業區嘅鴨大哥，裝修感覺好高貴優雅，而且座位好闊落，晚市嚟都多人食，今次專程黎食佢哋嘅扁皮鴨🤩北京烤鴨(半隻)配料有京蔥、青瓜、烤鴨醬，重意想不到地重配咗芝麻醬，餅皮包住晒鴨肉同埋配料一齊食，口感好豐富！🐷雲南黑土豬叉燒一碟嘅份量都幾多，叉燒肥瘦適中，肉質軟淋！叉燒蜜汁夠香甜，配上白飯食好正😋麥香黃金蝦每件都好大件，而且蝦肉好爽，包滿晒鹹蛋黃，好惹味，下面放左一片紅肉火龍果，解膩之餘又好特別！

呢日放工，同同事去咗太古坊食中菜，一直都好期待，因為聽人講好好食。入到去，裝修高雅，喺度食嘢簡直係一種享受。雲南黑土豬叉燒：叉燒以雲南特有的黑土豬肉製成，肉質鮮嫩帶有微妙的豬油香氣。它經過精心調味和烹煮，叉燒表面有少少焦香，外層有啲蜜汁，甜甜地，滿滿的豬肉風味，讓人回味無窮。北京烤鴨：烤鴨的皮薄脆，色澤紅亮，入口後散發出濃郁的鴨油香氣。肉質鮮嫩多汁，完美配合著薄餅、蔥絲和甜面醬等配料後，一口咬下，絕妙的口感和豐富的味道讓人陶醉其中。桂花雪梨脆鱔球：經過炸製而的鱔魚，肉質仍然鮮嫩，配合脆皮和甜蜜的桂花雪梨，口感豐富多樣。鱔魚的鮮美與雪梨的清甜相互融合，桂花的芬芳香氣又增添了一絲獨特的風味。麥香黃金蝦:金黃色的外殼閃耀著誘人的光澤，讓人一看就垂涎欲滴。咬下第一口時，你會被麥香黃金蝦的酥脆口感所迷住。外層的麥香粉炸得恰到好處，剛剛好的酥脆度和口感，讓人愛不釋口。蝦肉則保持了鮮嫩的質地，每一口都充滿了鮮甜的蝦肉香氣，給人一種滿足感。

女兒知我喜歡食片皮鴨，今日帶咗我去佢公司附近嗰間鴨大哥食晚餐，餐廳裝修雅緻，環境光猛寬落，座位舒適，主打的北京烤鴨，由米芝蓮名廚「廚魔」梁經倫主理。北京烤鴨半隻：廚師以乾式熟成方法處理鴨肉，讓鴨的脂肪滲透至肌肉內，令肉質變得柔軟、提升肉味，同時減少油膩感，再配合慢煮的方法，令鴨皮鬆脆、鴨肉又嫩又有肉汁，用薄餅夾埋配料，再加上烤鴨醬食，無論口感和味道都超正！雲南黑土豬叉燒：叉燒沾滿蜜汁色澤鮮明，肉質軟嫩帶甜味！桂花雪梨脆鱔球：上枱擺設精美，鱔球厚肉彈牙，外層脆口，沾滿有桂花香味嘅醬汁，又香又惹味。

鴨大哥 (太古坊) (鰂魚涌).餐廳係太古同鰂魚涌中間，建議係鰂魚涌行過去會比較方便！入內環境靚裝修正，服務態度非常好！.一黎叫左呢度嘅招牌菜 - 北京烤鴨，麼麼皮包住葱絲，青瓜，鴨皮連肉，醬汁可選傳統甜醬/胡麻芝麻醬.咖哩脆皮牛腩.醋炸外皮，炸粉又唔厚牛腩燘得好腍，咖哩汁微甜，再叫左白飯食.頭抽煎封大蝦🍤.兩隻大蝦肉質爽口彈牙，好新鮮，頭抽煎封令大蝦非常入味！.鴨大哥 (太古坊) (鰂魚涌)鰂魚涌華蘭路25號太古坊栢克大廈2樓

鴨大哥 (太古坊) (鰂魚涌).位於鰂魚涌太古中間，就算係辦公大樓，星期六日都好多人上去食！. ▪️北京烤鴨半隻▪️.🥹🫶🏻過得黎鴨大哥柒梗係慕名而來想食佢嘅北京烤鴨佢嘅配料除咗有平時嘅甜醬之外，竟然有胡麻醬蔥絲青瓜包埋有啲肥嘅鴨皮，好好食😋👍🏻. ▪️雲南黑土豬叉燒▪️.呢個叉燒又係令人讚不絕口，一碟份量都唔少，四個人每人都可以食到兩舊多非常腍身！.▪️桂花雪梨脆鱔球▪️.精緻嘅菜式，炸得酥脆嘅鱔再淋上雪梨汁就會減輕膩感，仲有淡淡桂花香！.📌 鴨大哥 (太古坊) (鰂魚涌)鰂魚涌華蘭路25號太古坊栢克大廈2樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

早兩日食完片皮鴨，之後又想食，今次見到間專食北京烤鴨嘅「鴨大哥」，基本上每枱必點，相信都有返咁上下質素👍🏻🦆北京烤鴨（半隻）💰$308有半份有全份，我哋兩個人要咗半份，除咗平時見到嘅烤鴨醬之外，特別地仲有麻醬，幾新穎不過都係食開烤鴨醬，覺得夾啲，鐘意加埋蔥絲、青瓜絲，片皮鴨都多肉，不會太油膩，鐘意皮嘅話佢都有多幾塊皮可以夾住食，不過就油少少，但都好脆口😋要讚吓佢籠餅皮係有熱氣蒸住咁保溫，實在少見，食到後期都仲keep到暖👍🏻不過包烤鴨就要快手啲啦🐷雲南黑土豬叉燒💰$228又係每枱都叫嘅叉燒，肥瘦均勻，色澤燒得靚，食落口不油膩，有蜜汁香，較鐘意同飯一齊食🌼桂花雪梨脆鱔球💰$280平時鐘意食鱔，炸過嘅鱔球脆卜卜當然仲正，加上桂花雪梨蜜，甜甜哋幾好食🚩鴨大哥 (太古坊) (鰂魚涌)📍鰂魚涌華蘭路25號太古坊栢克大廈2樓

Having a great Chinese cuisine in TaiKoo. I highly recommend trying this restaurant if you're a fan of Chinese cuisine and appreciate the artistry behind it.Peking Duck (Half Duck) - $308I recently had the pleasure of indulging in a half-portion of Peking Duck at a renowned restaurant. Peking Duck is a dish that requires mastery and precision, and I must say, this establishment nailed it. The duck was expertly roasted to perfection, boasting a beautifully crispy skin that crackled with each bite