鳴門日式蛋包飯專門店

從來未食過咁差既外賣，完全唔值呢個價錢！當人乞衣咁，唔會再有下次唔識整蛋包飯學人叫專門店，仲要加10幾蚊先有！叫個鰻魚飯，d鰻魚紙咁薄，得兩啖！塊吉列豬扒又係，薄切碎上咁，當人傻人咁樣，搞笑。希望唔好左下個受害者食到呢間野…查看更多

平靚快正，抵食，推薦已幫襯很久，越食越好食，推薦蛋包飯4-50蚊已經食到好飽，超有質素可以講石硤尾呢頭我食過最好味，又平♥️♥️♥️♥️♥️知道老板要移民，專登落嚟幫襯，點知最後賣單發現原來已經轉左新老板，新老板仲更加好味，最緊要夠多汁😋😋😋😋😋💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻…查看更多

#鳴門日式蛋包飯專門店 中學的回憶🥹聽聞店長要移民了 做埋今個月就唔做 所以趁仲有得食嘅時候大家快啲去食．食物方面有好多選擇 有蛋包飯 蛋包麵 蓋飯等等 配料都有好多 價錢方面都係平民價錢🥹 最平4x已經有一個蛋包飯．今次叫咗蛋包飯配和風牛肉同鹽酥雞翼($55)味道方面就唔可以話好食 正常味道 不過和風牛肉有啲乾 蛋包飯整得好靚 上面鋪滿左沙律醬同大阪燒醬 仲有木魚碎…查看更多

女店員態度極度惡劣, 取外賣時, 我用非常好嘅態度話電話落單畀錢, 佢完全不瞅不睬直接skip我, 直接示意我後面嘅人上去, 我等佢收完下一位錢我再問, 佢再skip, 我哋著住校服, 唔希望學校形象受損, 所以唔同佢勞氣, 我哋幾位同學覺得服務非常唔對路, 佢以為自己係乜嘢高級食肆呀？其實電話落單嘅時候, 態度已經非常差, 如果唔係其他同學嗰一刻好想食, 我根本唔想落呢張單, 我講呢件事出嚟係希望呢間舖頭嘅老闆正視呢個問題, 舖頭某程度係主要做學生生意, 我哋都係真金白銀買嘢食, 我哋唔即場爭執, 係因為我哋尊重自己尊重學校, 並唔係因為我哋冇能力同佢爭拗。…查看更多

幫襯過鳴門十勝起碼有十次，有堂食有外賣。外賣上次落單係1月29，今次係2月1。唔知有無下次。個菜單未cut玉子燒前已經有幫襯。今次叫咗份芝心漢堡拼鹽酥雞翼，一睇個盒已經係俾少咗鹽酥雞翼，同客服講翻，客服話商家堅持放咗雞翼。最後外賣平台自己揞荷包賠償俾我。我無謂同客服討論雞唔雞翼，曬客服工作時間，亦都唔係客服問題，直接留名評價算。唔知係商家講大話定有邊個食咗，定係份雞翼係自己識飛。反正對我嚟講，鹽酥雞翼係從來無出現過。單羅生門讀者自己斟酌。真實食評：堂食有兩間房，兩間都好細。放學放假時間勁多小朋友，唔中意細佬嘈可以自己外賣攞走開心啲。可以打電話講定食乜，到咗俾錢。鳴門個蛋包飯係半包式，只係得表面有蛋，底係無，好多醬，好多飯，想食要加錢。吉豬好硬好乾。和風牛肉有時好多水。章魚小丸子普通嘢，度度一樣。炸蝦好食，芝士漢堡值得一試。鹽酥雞翼我唔知好唔好食，無出現過，讀者想食自己去嗌，係我無運啫，我都衷心希望你份雞翼係會出現。我一向覺得係白田呢啲荒蕪之地可以食到蛋包飯日本嘢已經好好，鳴門做到俾區內人多一個選擇，唔洗日日茶餐廳車仔面，佢貴啲平啲好唔好食根本無所謂，無乜要求。忙中有錯都可以理解。但係鳴門既然堅持自己係冇錯，無俾少既話，我惟有拎起支筆捍衛番我嘅人格利益。願供各位看眾參詳。…查看更多

選擇下午茶時段去食因為嗰陣會比較少人 再加上落雨大家都選擇外賣 都唔堂食怕一陣落大雨坐底點咗鳴門十勝燒肉丼4. 極上日式丼吉列豬扒 不過不失 唔會嚡南瓜天婦羅 食落去個皮唔會太厚 突出南瓜個甜味炸蠔 外脆 內裡有爆汁嘅感覺炸蝦 外皮夠脆 唔會搶咗蝦嘅味道:)和風牛肉 嫩滑 唔會太老芝心漢堡 配搭一流 有流漿效果香煎魚柳(2件) $10 好嫩滑 咸度適中 上菜速度都非常快 套餐形式味道都唔錯 環境都好最近店舖更新咗個菜單有好大嘅變動 可以值得一試 …查看更多

價錢食物中等， 職員態度差，準備關門不提早截單，反怪顧客。食物亂發蛋包飯變滑蛋飯，又唔俾餐具。個人覺得可能今次體驗係個別例子，食物都ok嘅，不過個人嚟講就唔會食第二次。…查看更多

呢間店地方算易搵，一過馬路就見到了。我係平日中午２點左右到，咁岩係D人食完飯，所以咁岩就有位坐個陣我係廚房出面落單，落完單即刻收我錢，然後就係入面等野食！間餐廳有分幾間冷氣房同無冷氣既地方食野。雖然冷氣房Ｄ冷氣都唔算特別凍／涼，但總算唔焗又唔會食到流哂汗。同埋食野既枱唔算大，如果４個人一張枱既會有D逼。叫左一個嗚門便當盒既吉列豬扒 ＄４０＋＄６ 轉蛋包飯，再加左＄５叫左３件關西炸餃子。吉列豬扒出乎意料地好味，一嚟炸得岩岩好咬落去唔會難咬，二嚟炸皮唔厚，三嚟豬扒仲係熱的，四嚟真係食到係豬扒。但個蛋包飯就麻麻地，用白飯無炒過，同埋淨係整左D醬係上面，蛋又無咩特別。炸餃子就一般，雖然上枱係熱，但明顯地翻炸過唔知幾多次既餃子。總體而言，如果唔加＄６ 轉蛋包飯既，以一個＄４０既飯黎講係幾抵食嘅，ＣＰ值好高！有機會會再試！…查看更多

今日同同事去開石硤尾一帶工作，提起蛋包飯就即刻諗係白田購物中心一帶呢間小店，所以決定買回公司食。因為已經試過佢嘅芝士蛋包飯，所以我今日叫咗照燒雞扒日式炒麵定食。個照燒雞扒今次就麻麻地，煎得唔夠香脆，而且汁又稀，不過個日式炒麵就唔錯，加埋有煎三文魚骨、芋絲、黃瓜的小吃，以色彩來說都令人開心。同事就叫了和風牛肉蛋飽飯，他話牛肉唔肥，煮得也不老，有肉汁，配上滑蛋包成既飯和醬汁，撈埋一齊食，好好味。原本加幾蚊就有包盒裝或罐裝飲品，不過我哋一早已買咗，所以今次就無加配了。三十幾蚊一份日式定食，真係幾抵。…查看更多

呢間位於白田嘅小店，最出色嘅係佢地嘅炸豬扒蛋包飯便當，仲有啲配菜，整體性價比幾高，鍾意芝士嘅可以轉做芝士蛋包飯，拉絲及好香芝士味，但唯一不足係蛋皮太薄，冇乜口感…查看更多

今日帶咗阿爸阿媽同埋親戚去平時食開嘅「飯堂」、平時喺學行5分鐘路程就行到黎（學校係偉智街斜路上面）我哋四個人裏面有一個人行動唔係好方便，員工提我地走嘅時候可以唔使行樓梯去另外一邊走。食物嘅種類非常多，適逢我而家呢排食素，有得食素菜天婦羅，寫到明係素菜，一目了然！阿爸阿媽食過都讚好味，尤其讚啲飯有味、好食～…查看更多

之前去石硤尾成日都經過呢間餐廳， 每次都見佢出面啲海報好吸引咁，於是特登約埋朋友去試下入到去畀我嘅感覺， 呢間嘢絕對係一間小店， 裝修就係一間普通小食店差不多， 我哋去嘅時候係七點幾， 唔算多人我哋去得一枱客坐低咗，店員安排咗我地入間房仔，雖然少迫，但坐低之後都ok，唔算太差 之後我哋睇餐牌好弱智咁樣睇唔明， 店員都好有耐性咁樣解釋畀我哋聽， 有邊啲料同配搭咁， 店員真係好用心落單紙 （落單用手寫，寫完交單， 落完單就等嘢食， 啲嘢食大約等咗5分鐘左右就到，好快上枱）朋友叫嘅 關西炸餃子拼和風牛肉蛋包飯 好似一個定食咁，幾靚，可打卡用建議加多啲汁，配飯一流，餃子超脆，好夠熱味咐螺肉小食，燒章魚丸，關西炸餃子（必試）吉列炸蠔蒲燒鰻魚拼照燒雞扒蛋包飯，個人覺得份量一份好夠，細食嘅朋友應該要同人分享一份整體餐廳質素唔錯，好想試埋其他小食，同其他款嘅蛋包飯有小店風味，總之會再去…查看更多

一直都知白田蛋包飯e個餐廳，今日終於第一次有機會試下喇價錢同附近其他餐廳相比，都唔算好平🧐炸蝦便當$38 +$8 芝蛋飯 +$4罐裝飲品 =$50右上係一條波波腸🤣好搞笑有3大條炸蝦🍤 應該新鮮炸好，脆卜卜，幾好味~ 雖然芝蛋飯要加8蚊有d貴，但個味道令我覺得抵返！芝士味好濃，而且係均勻散布係飯上面，變左啖啖都有芝士🤪另外個豆腐好滑😍另一位朋友點嘅鰻魚便當🍱總括而言，我再嚟食嘅時候，都係會加$8轉芝蛋飯的…查看更多

蛋包飯專門店，但蛋包飯麻麻。 一般便當更好。普通便當四十幾蚊都合理，加加普通蛋包飯要加$6 ，如果加芝心就加更多錢。咁我叫咗兩個便當，試咗一個加蛋包飯，點知啲蛋薄到.....可透光！乜而家啲蛋好貴咩？隻卡通魚蛋好可愛，但好難食！芝心漢堡都幾特別，係漢堡扒中間有芝士，佢仲會比一支醬汁你，唧入去嗰啲深度。叫做有少少玩味啦。章魚小丸子本身都冇乜期望，所以失望都唔大。果皮都脆嘅，冇餡囉！我都知屋村舖頭仔，咁嘅價錢就唔應該有要求...…查看更多

雖然我住石硤尾，但成日都唔係屋企，無咩機會到附近買午餐，今日難得係屋企，就落街搵下有咩好野食。行下行下見到呢間日式小店，價錢好平，選擇都幾多，仲有我最愛既蛋包飯，唔諗禁多，即刻試下先！日式照燒雞扒便當 $34 + 蛋包飯 $6呢個便當好豐富，有魚蛋，木耳絲，照燒雞扒，一舊仔麻醬豆腐，仲有一個蛋包飯。首先講講蛋包飯，面頭有好多沙津醬同木魚絲，連埋蛋同飯一齊食，多重層次係不錯，不過蛋好薄，無咩蛋香，入面既飯係白飯，同出面用炒飯底唔同，所以無禁好味。另外雞扒質素比較差，雞肉好孩，欠缺肉汁，照燒汁少，而且唔夠濃稠，所以無咩味，希望可以改善下。…查看更多