41
4
2
港鐵上環站 E1 出口, 步行約3分鐘 繼續閱讀
電話號碼
28561498
營業時間
今日營業
08:00 - 22:00
星期一至六
08:00 - 22:00
星期日
11:00 - 22:00
公眾假期
11:00 - 22:00
付款方式
現金 八達通
其他資料
電話訂座 詳細介紹
食評 (51)
等級4 2018-04-11
1029 瀏覽
前幾日有事去中環搵朋友,就順便食埋個晚飯,因為中環食野都貴,我地又想搵個傾得舒舒服服、又抵食既地方,經過鳴越越式料理,見到餐牌幾吸引、價錢經濟實惠就入去試下。沿住樓梯落到餐廳,尼度裝修好有風格,令我諗番起去越南回憶,尼度有綠色墻身做主色調,加上墻身滿佈金邊食物圖,座位方面,卡位非常闊落, 佳得好舒服!重要讚讚waiter們,服務殷勤,態度好親切。尼度既晚市精選一人餐好抵食,我地重加$18升級配左一款小食。每個餐都包一杯熱飲,加$6就可轉越式特飲,加$18轉滴漏咖啡或椰青。我地最後叫左咸檸七、紅豆冰!最後揀左 越式三寶飯、冬蔭功海鮮炒飯,小食就揀左越式炸春卷 、 越式蒸粉卷。越式三寶飯有札肉、豬扒、雞翼,豬扒肉質鬆軟,口感紮實,加上香蔥、香茅,特別惹味香。雞翼皮脆內滑,非常香口,旁邊重有酸蘿蔔絲同蕃茄仔,可以清清味蕾,開開胃!而冬蔭功海鮮炒飯都唔錯,佢無泰式既冬陰功炒飯甘辣,入面有蝦、青口、蟹柳、帶子,都幾足料,夠鑊氣,又入味!一啖炒飯一啖咸檸七,好正!越式蒸粉卷面頭有香茅、蔥粒,食起上黎特別清香,薄薄既粉卷皮包住豬肉粒、白蘿白粒……同時有多種口感!春卷炸得熱辣辣,非常香脆,用生菜包住食,再點埋甜酸醋就一流! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-08
26 瀏覽
餐廳在中環大街地牢,因為要向下走一層,對輪椅人士就是不便。無辦法,中環寸金尺土裝潢有法越風情,開業未夠一年,所以地方檯椅都很新、乾淨。平日晚上到來,客人不多。點了兩個精選一人餐1. 越式雞絲湯河$56: 大大碗,雞絲有雞味,雞肉不會死實感,湯底夠清跟小食扎肉蒸粉卷$ 18: 扎肉像在越南食的,很正宗但只有半塊蒸粉卷味道中上,粉卷不會太厚~餐飲轉了越式特飲(加$6),越式三色冰,又係大大杯,濃椰漿底,紅豆加綠豆夠「諗」,珍多珠有珍多香味。2. 豬頸肉馬拉盞通菜配白飯 $70炒得好夠「獲氣」!不過豬頸肉只有兩塊加配小食 $18: 法式牛油翼兩件,非常香脆,牛油味重而香,炸粉不算厚。成餐飯咁多野食又轉特飲,環境,價錢不貴,十分推介! 繼續閱讀
(以上食評乃用戶個人意見 , 並不代表OpenRice之觀點。)
舉頭望鳴越 焦點食評
等級4 2018-04-07
654 瀏覽
是日約了尖子吃飯, 隨意地來到鳴越. 週日晚上八時半到達, 剛好有座位可立即入座. 店內地方頗大, 歐陸式的裝修, 確實有點心思, 也許想表達那種越式的法國風情. 大卡位的設計, 私隱度不錯, 坐得挺舒適.看看menu, 點選了越式海鮮炒金邊粉(HK$78), 熱滴漏咖啡(加HK$20), 越式炸春卷(加HK$18). 尖子則要法式牛粒紅飯(HK$84), 熱青檸薏米水(加HK$8), 越式扎肉片(加HK$18).侍應先送上小食越式炸春卷. 試一口越式炸春卷, 因為即叫即炸, 温度夠熱, 讚! 外層口感帶點鬆脆, 炸得夠乾身, 沒有過分油膩. 內裏也足料, 挺不錯. 尖子的越式扎肉片, 有六片之多, 分量不少. 豬肉味濃郁, 尖子也說ok的. 越式海鮮炒金邊粉, 感覺非常豐富, 有蝦, 青口, 蟹柳條, 帶子粒. 金邊粉炒得挺入味, 輕輕的鹹香, 夠惹味. 尖子的法式牛粒紅飯, 外形討好. 試一口紅飯, 味道帶點鹹甜, 炒得尚算乾身不太油膩, 也ok的. 熱滴漏咖啡, 咖啡味非常香濃, 加入了煉奶也不會過甜, 咖啡味仍然很特出, 而且水温夠熱, 挺有水準. 尖子的熱青檸薏米水, 也感覺養生, 看來也不錯. 吃飽飽, 要去散步. 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-05
384 瀏覽
除夕夜來到中環區,因為之後打算到中環海濱逛逛,再搭小輪到尖沙嘴倒數,所以我和幾個朋友在這一帶找東西吃。呢間餐廳應該是新開的,或者平時已經有了但沒有留意。本著一試的心態試試。店員有禮,招呼算幾周到。加上餐廳整體氣氛唔錯,簡約明亮的怖置,牆璧排了一些畫,感覺寬倘舒適,環境寧靜,適合三五知己傾計。我們本來想點尊享套餐,有分4人份量及2人份量的。尊享套餐有沙律、紙米卷、頭盤、粉飯、蔬菜、飲品,好吸引,計落一人大約150元。不過由於我們唔算太肚餓 ,惟有打消念頭,改點4個一人餐。一人餐包括:一碟主菜及飲品,另外跟餐加18元加小食。我們點了越式火車頭 ($72),有生牛肉、牛腩片、牛丸、牛筋、牛柏葉。味道唔錯,豐富的一碟,但份量不多,如果大食的未必會很飽。另外,點了冬陰功海鮮炒飯($82),平時比較少機會吃。比想像中沒那麼辣,就算平時唔食辣的人應該也接受到。至於越式海鮮炒金邊粉,也是值得推介的。調味唔算太濃,感受到淡淡的越南風味。另外,我們隨餐加了一些越式小食、飲品。小食有越式炸春卷、法式牛油雞翼、扎肉蒸粉卷、香茅豬頸肉米紙卷。身為雞翼迷,最愛的還是法式牛油雞翼。雞翼香脆又重牛油味!豬頸肉米紙卷味道普通。炸春卷亦挺惹味!扎肉煎粉卷夠特別!整體而言,味道不錯,部分菜式亦夠新穎的。在中環地有這價錢亦算合理。 繼續閱讀
(以上食評乃用戶個人意見 , 並不代表OpenRice之觀點。)
鳴副其實火車頭 焦點食評
等級6 2017-12-28
2983 瀏覽
睇到食友嘅食評,講到呢間越南菜館幾好咁,又撞正今晚得一支公,屋企無飯開,就收工走過嚟食完先返屋企,近香港站我返歸又方便。況且,越南菜啱我,小弟都幾鍾意食越南河。有時有朋友睇到小弟嘅一支公食評,就話又唔約佢,唓!有啲人約極都約唔到,約親都話有約,我一支公食不知幾自在。由公司行過嚟都喺十來分鍾,晌門口,仲見到個阿姐派優惠單張,惠顧滿$50就減$10,變相八折喎。餐廳位處地庫,但由落梯樓梯嘅通道,至進入餐廳,都掛咗好多富越南特色嘅美食或地道景物照片。加上一室綠色為主調,配以木系枱櫈,唔知點解,好似有種共產色彩。目測所見,全店都喺4人卡位,而且,設計闊落,不過,大棚人嚟就要分枱坐。餐具好似時下茶記咁,放晒晌枱邊櫃桶,但擺放得井井有條。主餐牌好大本,但有啲難影,所以,圖片方面就唔介紹,簡單以文字梳理吓就算,菜式分門別類,部份附有圖片,類別有湯粉類、撈檬類、越式傳統海濱、沙律、飯類、炒粉、地道小食、米紙卷、湯品、主食、燒物、越式煲仔類、田園青菜、特式飲品、港式飲品同埋甜品,數數吓,選擇認真多。散點以外,備有多款精選套餐,有1人、2人、4人嘅套餐,無論揀邊款,選擇有彈性。以小弟所揀嘅1人套餐為例,又有升級優惠,只喺加$18就多一款越式小食,絕對好着數。套餐包一杯港式熱飲,但亦可以加錢改其他嘢,如加$6轉越式特飲,加$18轉滴漏咖啡或椰青。香茅豬頸肉米紙卷 +$18寫到明一客3件,仲以為幾將貨就價得細細件,淨喺睇份量,加18蚊都覺得已經抵呀。每件都塞滿餡料,有豬頸肉、甘筍絲、米粉、青瓜絲、白蘿蔔絲及生菜,口感清爽,食味亦不俗,豬頸肉好重香茅味;雖然啲米紙薄透,但似乎浸得唔夠透,偏韌,要扣分。越式火車頭 $72喺店家嘅推介菜式之一,份量絕對喺名副其實嘅「火車頭」,無改錯名,因為底下藏咗好多越南粉,夠膽講夠兩個人食,早知份量咁足,就唔貪小便宜要埋客米紙卷。啲河粉夠爽滑,配菜又點?有齊生牛肉、牛腩片、牛丸、牛筋、牛栢葉,用料不賴兼份量足,生牛肉入口好嫩滑,牛腩片咬口有肉香,牛丸卻得一粒,算爽口,牛筋炆得腍滑帶點煙韌,牛栢葉就好爽口。至於個牛骨湯底好香,濃而不濁。伴有唔少金不換及青檸,不妨拌入湯中,味道會起出變化。越南滴漏咖啡 +$18茶記首選喺奶茶,食西餐首選喺咖啡,而到越南餐廳基本上都喺滴漏咖啡為首選,再者計過數咁先湊夠過百,可以用兩張優惠券,減足廿蚊,變相杯咖啡其實喺補$8啫。啲咖啡滴吓滴吓好有一滴滴精華嘅感覺,上配煉奶,可能煉奶偏少,咖啡嘅味道有點苦澀。「鳴越」嘅份量的確夠晒大,無論加配嘅小食,抑或碗火車頭,而且,味道又唔錯,可以講得喺抵食挾大件,無加一,又有啲優惠券,服務又比一般茶記好好多,所以,性價比不俗! 繼續閱讀
(以上食評乃用戶個人意見 , 並不代表OpenRice之觀點。)