鳳鳴石磨腸粉 (觀塘廣場)

營業中

休息中

我最中意嘅就係巢皮腸皮即叫即蒸嘅腸粉🤤動L動L👅食落口十分嫩滑✨今次揀左蝦米腸✨再加+$3菜圃🌟蝦米體型大大粒，十分有咬口！再加埋菜圃卜卜脆嘅口感真係值得俾100分🔥🔥而味道方面都係100分🌟淡淡嘅麻辣香味令腸粉整體生色不少再加埋少許辣椒粉和炸蒜，刺激味蕾令人一試難忘！麻香汁配以腸粉真係十分值得一試🤤私心推薦大家一定要加菜圃咸香嘅味道作為點綴，真係會再加分！而份量嚟講，早餐食一份真係啱啱好推薦指數：🌟🌟🌟🌟🌟

嗌咗個黑米雞蛋腸粉，賣相相當出色，紫紫地色皺皺地，好吸引。食落去其實唔係好食得出黑米同普通白米有咩分別，同埋都唔夠雞蛋味。不過腸粉質地同口感係可以嘅，同埋個醬汁好得，我除左無要辣椒，其他醬汁都有落，非常好味，為左個醬汁我下次會再幫襯~

紅米雞蛋牛肉腸粉（$25）+6粒魚蛋（$12）外賣自取 係office叫完比錢 坐一陣先落去拎食飯時間岩岩好👍🏻第一次食紅米腸 同普通差唔多 夠滑 皮薄通透 🤤雞蛋有啲唔均勻🍳其中2-3條有熟蛋牛肉放係底 有4-5大舊 都算足料醬汁方面比較淡 但我個人OK,👌🏻如果男仔可能要自己要求加汁😂驚唔求飽隨便加$12 六粒魚蛋不過不失 有啲硬🥶 唔洗叫都得

聖誕節去開觀塘諗唔到食咩所以掃街～鳳鳴腸粉一直好出名，終於試到😛食腸粉最鍾意混醬，重口味嘅我覺得啲芫荽好正～出面好少有混合蛋嘅腸粉，味道同口感都豐富啲冇咁寡😙今次仲試咗佢嘅蒜香蒸米粉，我係蒜蓉lover，見到張相咁多蒜即刻嗌咗🤣 蒸米粉感覺健康啲，加埋蘿蔔絲，冬菇同木耳絲，口感豐富～盒米粉打開見到超多蒜蓉，勁濃算香，加埋適量豉油麻油好好味。嗌咗小辣，發現佢哋自家製嘅麻辣醬好好味，所以食食吓叫店員再幫我加多少少辣🤣🤣睇返啲相已經想再食，性價比高！推介！

以前從來都唔寫OpenRice, 今次去食發現員工態度差都算，收銀聽唔明個客要乜，千辛萬苦落完單，check 完張單冇錯啦，出餐嗰個Staff又可以唔睇吓人哋叫咩，比盒嘢佢就照包照出，最後行到返Office先發現俾漏嘢，咁為咗10幾蚊嘢都唔知行唔行去追，最終都係拎返去問，佢地一句唔好意思都冇，只係話少左野咪補俾你，全間舖d 人都係咁，只要有一個人講唔好意思都唔會劣評你。全店4個人又無咩客，都咁多年愈做愈hea, 唔會再幫襯。真心無下次，去幫襯既都睇清楚d 野先好走，佢地覺得漏嘢係好正常，補左俾你一句唔好意思都無。

話明走芝麻走芫荽，乜都有齊整腸粉除左有老闆睇住仲有一個人整兩個人都可以完全唔睇單？瞓醒未？人地收銀都打得好清楚走芝麻，走芫荽，唔明點解可以其他嘢啱但係咩都唔走。專登打電話嚟諗住好好食個早餐，翻到office先發現唔食嘅嘢乜都喺度，真係破壞曬早晨嘅心情🤷都做左咁耐生意，可唔可以小心啲

今日嘅餐單真係令到我嘅味蕾狂歡🎉！先講下蝦米腸粉嘅演繹，真係滑得嚟滑得去，咬落去嘅豐富蝦米層次感正宗得嚟又唔漏味，加咗芫茜蔥花提提神🌱，簡直係口口香滑，過癮！諗返起之前食腸粉唔知求其揀，今次係咁滿足咁幸福吖。再嚟就係呢個流心朱古力月餅，唔使多講，呢個流心設計真係化咗噴發嘅朱古力熔岩，一切開就有款款細膩嘅朱古力香濃泉流漫出黎，入口即溶🍫；而嗰個蜜橙月，真係又香又清新，食落去唔會膩口，完全打破傳統月餅有時厚重嘅印象。最後一嘢，個套裝蝦子麵加麻香汁，我個人覺得實在係太聰明嘅搭配！麵身Q彈，麻香汁個麻辣味道夠晒kick，食一碗暖笠笠嘅，喺呢個轉涼嘅季節真係好暖心💛。每次食腸粉都加嗰汁，今次自己喺屋企都可以整到。呢個聯乘套餐，無論係飽肚度定係心滿意足度，都係滿分喇！

今日中午去左買豬肉腸套餐 個套餐要$38 我俾咗$40個男收銀員 冇找錢俾我 淨係俾返張收據同印花卡我 我出聲同佢講冇找錢 佢先找返兩蚊俾我 搏懵唔找錢仲要一句唔好意思都冇 返去公司坐低食腸粉 完全食唔到豬肉 我叫嘅係豬肉腸唔係齋腸粉 但係竟然一嚿豬肉都搵唔到 同食齋腸粉冇分別最離譜嘅係 我竟然食到一條好似魚骨定魚絲嘅物體 好彩冇吞到落肚 食物貨不對辦 衛生質素有問題 收銀搏懵不找錢 極差的體驗 永遠不會再光顧

講開腸粉大家應該都係食酒樓果d光滑款腸粉。鳳鳴整既係廣東皺皮腸粉，唔用布拉，而係用抽屜去即蒸。賣相係無咁好，但最少做既人唔洗咁辛苦。而且食落口講真都無乜分別。🍳食物質素：呢間鋪我唔太記得開左幾多間分店，4、5間一定有了吧？疫情期間我記得都仲有開。可想而知口味如何🍴推薦搭配：黑米、紅米腸粉都可以食下。正常黑米係極難食既，因為係粗糧黎，所以就算係養生野都無乜人食，但老闆就用石磨去打爆黑米黎做腸粉，易入口得黎又健康。一定要食佢地自己配既椒麻油，神級好食🪑環境座位：外賣店，有時好生意就要等。太早賣哂會早關門🚗交通：觀塘廣場。此外仲有好幾間分店💰人頭費：50

我最近用OpenRice訂餐平台網上提早10分鐘下了訂單，但到達餐廳時，卻不得不再等待超過30分鐘，這真是讓人感到十分離譜。更糟糕的是，這家餐廳的員工服務品質令人大失所望。他們的態度懶散，完全不願意聽清客人的點單，結果造成了許多錯誤和遺漏。每次詢問時，他們似乎都不耐煩，缺乏基本的禮貌和專業精神。儘管菜單上的選擇很豐富，但是服務品質是我對這家餐廳最大的抱怨。員工需要更加專注和關注客人的需求，提供更好的建議和幫助。禮貌和友好的服務態度是吸引客戶回頭的關鍵，然而，這家餐廳明顯缺乏這樣的素質。總的來說，食物的味道無法彌補令人失望的服務品質。作為消費者，我希望這家餐廳能夠重視顧客的需求，改進他們的服務態度和效率，以提供更好的用餐體驗。我相信，只有通過提供優質的服務，他們才能贏得顧客的信任和回頭率。希望這家餐廳能從這次反饋中吸取教訓，改進他們的營運方式，讓顧客在這裡享受到真正出色的用餐體驗。

🍊 餐廳名稱：鳳鳴🐝 味道：8/10環境：7/10整體分數：9/10/💰人均：$30———————————————————腸粉真係粵式早餐嘅經典之選，柔滑嘅腸粉配上鮮嫩嘅蝦仁同嫩滑嘅豬肉，佢地既辣汁調配得十分好，香辣感十足。而佢地腸粉皮嫩滑脆口，入口即化，同配料完美結合，啖一口真係有種幸福感。最吸引嘅係蒜、芫荽嘅組合，真係無敵搭配，帶出腸粉嘅鮮甜味同層次感。不過如果唔食得辣，記得辣油要講分開裝呀！咁可以自己調配一下辣度。同埋！！佢地有得選擇個粉係黑米或紅米，啱曬瘦身既人❤️。

在觀塘找吃的選擇很多，中西、東南亞、日本，林林總總任君選擇。可惜如病後或牙痛，要找家粥，腸粉等實在太不容易，就算有亦需要千山萬水的去找，地點不方便的話，走半小時是小事。這週牙痛，咬東西困難就想到沒有粥，還可以選擇腸粉。石磨腸粉顧名思義，又滑又嫩的腸粉品質，必須吃。果然十分美味，加上紅腸本身再加入營養，更顯價值。這兒的套餐最為化算，$38有蛋腸粉，魚蛋或燒賣合共6粒，再加飲品。單點反而更貴。噢！下次都點套餐！

一直keep 住食左差唔多半年，上個月開始突然間份量少左勁多多，少左成一半，以前腸粉加底可以做一餐會飽肚，裝到成個盒滿嘅，依家得返半滿，唔加底簡直得返幾啖嘅份量完全唔知點解無啦啦會少成一半咁多，呢個已經係我叫左加底嘅份量另外，豉油都比少左勁多，以前會装滿成個細兜仔，依家得返兜仔嘅4份1豉油，呢個份量食到一半已經冇晒豉油勁無奈，本身間舖嘅員工都俾好多人話態度差，依家啲食物本身都越嚟越差，其實寧願加價都唔想突然之間咁將啲份量減少咁多一直以嚟都懶得寫食評，但突然間份量少咁多真係太誇張，差到我特登上嚟寫食評

今個星期去觀塘上training~梗係唔會放過食鳳鳴石磨腸粉嘅機會啦!!不過我唔記得咗😮‍💨唔好叫佢嘅餐⚠️佢哋嘅魚蛋/燒賣都唔好食!!!浪費quota🌚叫餐係有steps嘅~趕時間嘅朋友可以諗定晒先! 如果唔係有排揀🤭.Step1️⃣選擇白米/紅米/黑米💁🏻‍♀️我就推介紅米腸粉因為佢比傳統石磨白米腸粉滑~重點係佢✅低脂✅高纖⚠️適合瘦身人士⚠️Step2️⃣選擇口味<<雞蛋豬肉腸>>(套餐$36/單點$23)係my favourite🥇🏆因為有雞蛋嘅腸粉多咗份蛋香😋.腸粉口感唔算特別好滑~可能因為多皺紋😂但算係入口即滑🙃.Step3️⃣選擇配料包括：芝麻、炸蒜、麻油、芫茜、辣椒油、麻香油、胡麻醬如果你以上皆OK💁🏻‍♀️高度建議全部都要! 會香好多!!!如果驚辣~ 唔要辣椒油都要番個麻香油呀🦾🦾嗰種麻痺嘅快感會令你一試難忘❤️‍🔥Step4️⃣選擇小食就係燒賣/魚蛋~Ummmm…no comment🤷🏻‍♀️兩樣都唔好食!.Step5️⃣選擇飲品有得揀💁🏻‍♀️竹蓆茅根、自家製豆漿、羅漢果茶👆🏻不過呢啲我都唔飲嘅😂好彩仲有得揀紅棗桂圓茶…不過我嫌佢甜得滯😮‍💨.下次都係就咁單點算喇🤫食

一直久聞大名但未試過嘅石磨腸粉店。食完正餐仲有啲口痕，單點左一份雞蛋豬肉腸 $23落單會咩需唔需要走啲咩配料，我地全部都要～一打開個膠盒，就聞到勁香麻油味。配料仲有芝麻，芫荽，炸蒜..我鍾意食芫荽，但佢啲芫荽都唔多夠靚。之前未食過石磨腸粉，睇佢嘅質地有啲似陳村粉嘅感覺。份量都唔少，食落口感好實在，夾起連住啲雞蛋一齊食，但冇咩蛋味唔夠香，好似所有野都比啲配料遮左啲味，豬肉香味都有啲既。不過如果想健康啲又想食腸粉可以試下，因為平時出去食啲腸粉都吸左幾多油，所以先又滑又香。 如果有下次再食，我可能會走配料只係落豉油，試下原味嘅雞蛋腸粉夠唔夠香。