18
6
1
| 餐廳: | 鳳鳴石磨腸粉 (香港工業中心A座) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
營業時間
今日營業
07:30 - 16:30
星期一至六
07:30 - 16:30
星期日
全日休息
公眾假期
全日休息
以上資料只供參考, 請與餐廳確認詳情
招牌菜
好啦，今日就同大家聊吓喺呢家食店試到嘅幾款美味腸粉。第一樣嘢食就係有個勁吸引嘅名叫石磨豬肉腸粉，叫咗套餐，仲有燒賣同凍飲添！腸粉質地軟滑得嚟仲有嗰種微微嘅QQ彈牙感，滑過條舌嗰刻真係話咁滑㗎。👅啲豬肉釀得恰到好處，唔會太鹹又唔會太淡，咬落去咸香肉汁四溢。我揀咗加辣，店家嘅特製辣醬，微微嘅辣挑逗埋啲味蕾，食嗰陣真係令人無法停箸！我都試咗個石磨雞蛋豬肉腸粉，原本以為只係普通嘅組合，但呢度嘅豬肉腸粉真係又雞又豬又咋咋張，滋味十足！加上嗰淡淡嘅芫荽香，唔駛太多花巧字眼，樸實無華，一句「正！」已經包含晒所有讚賞。噉啱晏晝茶時間人流唔係太多，咁我就輕鬆啲試到呢啲美食。燒賣都幾標準，點上店家辣醬就更添風味。至於飲品，本身想點豆漿不過賣晒，最後改咗飲紅棗桂圓茶，清新微甜，算係一個唔錯嘅收尾。店員姐姐服務都幾好，有求必應，仲成日係到笑容滿面。簡簡單單嘅午後，有份味美價廉嘅腸粉，真係幸福好滋味。下次試完再同大家分享啦！🍽️🔥😋
繼續閱讀
真係要多d支持呢係細街鋪，如果唔係，早餐選擇就越來越少。呢間石磨腸粉，垂涎已久，終於食到。我估係夫妻檔，不過就唔肯定。個位女士好好笑容，男人就不斷做個腸粉。牛肉雞蛋腸粉 $30比我想象中分量更大，好有米香，腸衣薄且幼滑。牛肉碎好多，無咩肥嘅，不過有些筋，不太容易咬動，可能下次試下豬肉碎，手撕雞好似都幾好味。建議多少少豉油，可能我比較重口味，食到最後已經覺得味道不夠。一定要試下個辣椒油，好好味，不過好辣咯，用筷子蘸去少少，都覺得好辣。
繼續閱讀
今日去左荔枝角上堂，好小係荔枝角買野食，係google map見到有呢間腸粉又想試下，所以就去買左7號雞蛋肉碎腸粉黎做午餐。淨腸粉價錢真係幾抵，24蚊，加多16蚊多枝羅漢果茶同4粒墨丸都可以啦一打開賣相睇落唔錯，但一食落啲腸粉就淋左啲喇，但味道係不錯既，有麻有辣，差左小小咸甜味姐，可能佢麻辣太出色掛墨丸都幾正，因為我好小食墨丸，所以覺得好味。羅漢果茶無想像中無甜，亦都唔太淡，都ok la雖然食完有啲唔夠飽P.S. 店員都幾有禮貌
繼續閱讀
今日lunch 吾算餓，想食得簡單d，喺openrice 睇下荔枝角有咩選擇，就見到呢間食手拉腸粉的外賣店！套餐有腸粉+魚蛋燒賣+一枝野飲都系$3x~4x, 亦都可以就咁單點腸皮嘅皮竟然有紅米腸粉 /黑米腸粉，好特別～從來都未試過緊系要試下新野！食落去其實同一般腸粉無咩分別，叫做試下新野
繼續閱讀
🥢🥡🥢百吃不厭石磨腸粉店☑️石磨雞蛋豬肉腸 -$24呢個係招牌腸粉，我食左甘多次都未厭🤣腸粉雖然皺皮，但其實好滑，亦都充滿米香同蛋香，做得個皮幾薄，入面有吾少豬肉碎，上面仲可以加吾同配料，我就加晒，包括芫茜，蔥，炸蒜，芝麻，麻油，豉油，麻香汁同辣椒，麻麻辣辣味道好正😆如果轉套餐（+$14左右），包左魚蛋/燒賣/墨魚丸及飲品，魚蛋/燒賣/墨魚丸我都試過，味道正常，冇話特別好食，畢竟吾係主打，只係用黎填肚。☑️竹蔗茅根有自家製嘅樽仔，清清地，飲到竹蔗味道，吾會太甜，我覺得幾好。🔸鳳鳴石磨腸粉🔸地址： 荔枝角青山道489-497號香港工業中心A座地下GA6C號舖其他分店：觀塘/大埔/鰂魚涌/沙田/元朗#小食 #小食店 #腸粉 #石磨腸粉 #早餐 #午餐 #晚餐 #breakfast #lunch #dinner #觀塘美食 #荔枝角美食 #觀廣 #早餐店 #鳳鳴 #鳳鳴石磨腸粉
繼續閱讀
您可能會有興趣的...